Misericórdia
A misericórdia de Deus é eterna e inesgotável. Ele se compadece dos que sofrem, perdoa os arrependidos e derrama graça sobre os que não merecem. Grande é a sua fidelidade.
A misericórdia de Deus
Quem é Deus como tu, que perdoa a iniquidade? Ele se deleita em ter misericórdia e não retém a ira para sempre.
तपाईंजस्तो परमेश्वर को छ र?
जसले उहाँका उत्तराधिकारका बाँकी रहेकाहरूको पाप क्षमा गर्नुहुन्छ,
र अपराधहरू बिर्सिदिनुहुन्छ।
तपाईं सधैँभरि रिसाइरहनुहुन्न,
तर अटुट प्रेम देखाउनमा प्रसन्न हुनुहुन्छ।
हे परमेश्वर, तपाईंको अचुक प्रेमअनुसार
ममाथि दया गर्नुहोस्;
तपाईंको महान् करुणाअनुसार
मेरा अपराधहरू मेटिदिनुहोस्!
मेरा सबै अधर्महरूलाई पखालिदिनुहोस्,
र मेरो पापबाट मलाई शुद्ध पारिदिनुहोस्!
हे याहवेह, तपाईंका महान् करुणा र प्रेमको स्मरण गर्नुहोस्,
किनकि ती प्राचीनकालदेखि नै भएका छन्।
मेरा जवानीका पापहरू
र मेरा अपराधहरू स्मरण नगर्नुहोस्।
हे याहवेह, तपाईंको अचुक प्रेमअनुसार मेरो सम्झना गर्नुहोस्,
किनकि तपाईं भलो हुनुहुन्छ।
हे याहवेह, गहिराइहरूबाट म तपाईंलाई पुकार्छु;
हे प्रभु, मेरो सोर सुन्नुहोस्;
दयाको निम्ति गरिएको मेरो पुकारलाई
तपाईंका कानहरूले ध्यान देऊन्!
हे याहवेह, तपाईंको कृपा मदेखि नरोक्नुहोस्;
तपाईंको अचुक प्रेम र तपाईंको विश्वासयोग्यताले मलाई निरन्तर रक्षा गरून्।
निश्चय नै तपाईंको भलाइ र प्रेम
मेरो जीवनभरि हरेक दिन मेरो पछि लाग्नेछन्,
र म सधैँभरि
याहवेहको भवनमा बास गर्नेछु।
जसरी बुबाले आफ्ना छोराछोरीहरूलाई टिठ्याउँछन्,
त्यसरी नै याहवेहले उहाँको भय मान्नेहरूलाई टिठ्याउनुभएको छ;
Graça e perdão
Onde o pecado abundou, superabundou a graça. Deus convida todos ao arrependimento e promete perdão total aos que confessam.
तर परमेश्वरको वरदान अपराध जस्तो होइन; किनकि यदि एउटै मानिस आदमको अपराधको कारणले धेरै जना मरे भने त्योभन्दा कति धेरै परमेश्वरको अनुग्रह तथा एक जना मानिसको, अर्थात् येशू ख्रीष्टको अनुग्रहको वरदान धेरैका लागि प्रशस्त भयो!
धार्मिकताको सेवक
अब के त? हामी व्यवस्थाको होइन, तर अनुग्रहको अधीनमा छौँ भनेर पाप गरौँ त? आवश्य पनि होइन!
तर कृपाका धनी परमेश्वरले हामीप्रतिको उहाँको महान् प्रेमका कारण, हामी अपराधमा मरेका अवस्थाबाट हामीहरूलाई ख्रीष्टसँग जीवित पार्नुभयो—परमेश्वरको अनुग्रहबाट नै तिमीहरूले मुक्ति पाएका छौ।
तर उहाँले मलाई भन्नुभयो, "मेरो अनुग्रह तेरो लागि प्रशस्त छ; किनकि मेरो शक्ति दुर्बलताहरूमा सिद्ध हुन्छ।" यसकारण ख्रीष्टको शक्ति ममाथि बास गरोस् भनेर म अझ खुशीसाथ मेरा दुर्बलताहरूमा गर्व गर्नेछु।
आफ्ना पापहरू लुकाउनेले उन्नति गर्दैन;
तर जसले ती स्वीकार गर्छ र त्याग्छ, त्यसले कृपा पाउँछ।
दुष्टले आफ्नो चाल,
र अधर्मीले आफ्नो विचार त्यागोस्।
तिनीहरू याहवेहतिर फर्कून्,
र उहाँले तिनीहरूमाथि कृपा देखाउनुहुनेछ;
अनि हाम्रा परमेश्वरतर्फ फर्कून्;
किनकि उहाँले सित्तैँमा क्षमा दिनुहुनेछ।
तरै पनि याहवेह तिमीहरूप्रति अनुग्रहकारी हुने इच्छा राख्नुहुन्छ;
उहाँ तिमीहरूलाई दया देखाउन खडा हुनुहुनेछ।
किनकि याहवेह न्यायको परमेश्वर हुनुहुन्छ।
उहाँको बाटो हेर्नेहरू सबै धन्यका हुन्!
Misericórdia e compaixão
Misericórdia quero e não sacrifício. Deus nos chama a ser misericordiosos como Ele é, perdoando e acolhendo o próximo.
अब जाऊ, र यसको अर्थ के रहेछ, सिक: ‘म बलिदान होइन, तर दया चाहन्छु।’ किनकि म धर्मीहरूलाई होइन; तर पापीहरूलाई बोलाउन आएको हुँ।"
निर्दयी सेवकको दृष्टान्त
तब पत्रुसले येशूकहाँ आएर सोधे, "प्रभु, मेरो भाइले मेरो विरुद्धमा पाप गर्दा मैले उसलाई कति पटक क्षमा गरूँ? के सातपल्ट?"
येशूले जवाफ दिनुभयो, "म तिमीलाई भन्दछु, सातपल्ट होइन, तर सात गुणा सत्तरी पल्ट।
किनकि तिमीहरूको विरुद्धमा पाप गर्नेहरूलाई तिमीहरूले क्षमा दियौ भने तिमीहरूका स्वर्गीय पिताले पनि तिमीहरूका पापहरू क्षमा गरिदिनुहुनेछ।
तर तपाईंको महान् कृपामा तपाईंले तिनीहरूलाई नाश गर्नुभएन, अथवा त्याग्नुभएन; किनकि तपाईं अनुग्रही र कृपालु परमेश्वर हुनुहुन्छ।
उदार चित्तले ऋण दिनेहरू,
र इमानदारीतासाथ आफ्नो कारोबार चलाउने मानिसहरूको भलो हुन्छ।
प्रभु हाम्रा परमेश्वरको निगाह हामीमाथि रहोस्;
हाम्रा हातका काम हाम्रा निम्ति सुदृढ पारिऊन्—
हो, हाम्रा हातका कामहरू सुदृढ पारिऊन्!
Acessar a misericórdia
Cheguemos com confiança ao trono da graça. Ali encontramos misericórdia e graça para socorro no tempo oportuno.
यसकारण हामी आत्मविश्वासका साथ अनुग्रहको सिंहासनको नजिक जाऔँ, ताकि हाम्रा खाँचोहरूका समयमा हामीलाई दया र अनुग्रह प्राप्त होस्।
जिउँदो बलिदान
यसकारण दाजुभाइ-दिदीबहिनीहरू हो, परमेश्वरको कृपाद्वारा म बिन्ती गर्दछु, तिमीहरूले आफ्ना शरीरलाई पवित्र र परमेश्वरलाई मनपर्दो जिउँदो बलिदानको रूपमा अर्पण गर; यही तिम्रो साँचो र व्यवस्थित आराधना हो।
किनकि परमेश्वरले संसारलाई यस्तो प्रेम गर्नुभयो, कि उहाँले आफ्ना अद्वितीय पुत्रलाई बलिदानका लागि दिनुभयो, ताकि उहाँमाथि विश्वास गर्ने कोही पनि नाश नहोस्, तर त्यसले अनन्त जीवन पाओस्।
किनकि ख्रीष्टको निम्ति तिमीहरूलाई यो दिइएको छ, कि उहाँमाथि विश्वास गर्ने मात्र होइन, तर उहाँको निम्ति कष्ट पनि भोग्नुपर्छ।
हिजकियाले निस्तार चाड मनाएका
हिजकियाले सारा इस्राएल र यहूदामा खबर पठाए; अनि एफ्राइम र मनश्शेलाई पनि पत्रहरू लेखे। तिनीहरूलाई याहवेह इस्राएलका परमेश्वरका निम्ति यरूशलेममा याहवेहको मन्दिरमा निस्तार चाड मनाउन आऊन् भनी निम्तो पठाए। राजा, तिनका अधिकृतहरू र यरूशलेममा भएका सम्पूर्ण समुदायले दोस्रो महिनामा निस्तार चाड मनाउने निर्णय गरे। पर्याप्त मात्रामा पुजारीहरूले आफूलाई शुद्ध नपारेका र मानिसहरू यरूशलेममा भेला नभएका हुनाले तिनीहरूले त्यस चाडलाई नियमित समयमा मनाउन सकेका थिएनन्। यो योजना राजालाई र सम्पूर्ण समुदायलाई उचित लाग्यो। तिनीहरूले इस्राएलभरि, बेर्शेबादेखि दानसम्मैका मानिसहरूलाई याहवेह, इस्राएलका परमेश्वरका निम्ति निस्तार चाड मनाउन यरूशलेममा आउने उर्दी घोषणा गर्न पठाउने निश्चय गरे। लेखिएअनुसार यसलाई ठूलो संख्यामा मनाइएको थिएन।
राजाको हुकुमअनुसार राजा र तिनका अधिकृतहरूबाट पत्रहरू लिएर सन्देश वाहकहरू इस्राएल र यहूदाभरि पठाइए। ती पत्रहरूमा यस्तो लेखिएको थियो:
"इस्राएलका मानिस हो, अब्राहाम, इसहाक र याकोबका परमेश्वर याहवेहकहाँ फर्केर आओ। तिमीहरू छोडिएकाहरू र अश्शूरका राजाहरूका हातबाट उम्केकाहरूकहाँ उहाँ पनि फर्किआऊन्। तिमीहरूका पुर्खा र सङ्गी इस्राएलीहरूझैँ नहोओ, जो याहवेह तिनीहरूका पुर्खाहरूका परमेश्वरप्रति विश्वासघाती थिए; तिमीहरूले देखेकै छौ, उहाँले तिनीहरूलाई आतङ्कको पात्र बनाउनुभयो। तिमीहरूका पुर्खाहरूझैँ याहवेहप्रति हठी नभई उहाँमा समर्पित होओ। उहाँले सधैँका लागि पवित्र पार्नुभएको पवित्रस्थानमा आओ। याहवेह, आफ्ना परमेश्वरको सेवा गर; ताकि उहाँको भयानक क्रोध तिमीहरूबाट हटोस्। यदि तिमीहरू याहवेहतिर फर्कियौ भने तिमीहरूका दाजुभाइहरू र तिमीहरूका बालबच्चाहरूले तिनीहरूलाई पक्रनेहरूबाट दया पाउनेछन्, र तिनीहरू यस देशमा फर्केर आउनेछन्; किनकि याहवेह तिमीहरूका परमेश्वर अनुग्रही र दयालु हुनुहुन्छ। तिमीहरू उहाँकहाँ फर्कियौ भने उहाँले तिमीहरूदेखि आफ्नो अनुहार फर्काउनुहुनेछैन।"
ती सन्देश वाहकहरू एफ्राइम र मनश्शेमा जबूलूनसम्मै एक सहरदेखि अर्को सहरमा गए; तर मानिसहरूले तिनीहरूको अनादर गरे र ठट्टा गरे। तरै पनि आशेर, मनश्शे र जबूलूनका कतिपय मानिसहरूले आफूलाई विनम्र तुल्याए, र यरूशलेममा गए। यहूदामा पनि याहवेहको वचनअनुसार राजा र तिनका अधिकृतहरूले दिएका हुकुम पालन गर्नलाई एकै मनका हुनको निम्ति परमेश्वरका हात मानिसहरूमाथि थियो।
दोस्रो महिनामा अखमिरी रोटीको चाड मनाउनलाई मानिसहरूको एउटा ठूलो भीड यरूशलेममा भेला भयो। तिनीहरूले यरूशलेममा भएका वेदीहरू हटाइदिए र धूप-वेदीहरू निकालिदिए; र किद्रोनको खोल्सामा फ्याँकिदिए।
तिनीहरूले दोस्रो महिनाको चौथो दिन निस्तारको थुमा मारे। पुजारीहरू र लेवीहरू लज्जित भए; अनि तिनीहरूले आफूलाई पवित्र बनाएर याहवेहको मन्दिरमा होमबलि ल्याए। तब तिनीहरूले परमेश्वरका जन मोशाको व्यवस्थामा तोकिएअनुसार आफ्ना नियमित स्थान लिए। अनि लेवीहरूले तिनीहरूलाई सुम्पेको रगत पुजारीहरूले वेदीमा छर्के। त्यस भीडमा भएका धेरैले आफूलाई शुद्ध नतुल्याएका कारण, लेवीहरूले विधिअनुसार शुद्ध नभएका र आफ्ना थुमाहरूलाई याहवेहकहाँ अर्पण गर्न नसकेकाहरूका निम्ति निस्तारका थुमाहरू मार्नुपर्यो। एफ्राइम, मनश्शे, इस्साखार र जबूलूनबाट आएका धेरैजसो मानिसहरूले आफूलाई शुद्ध नतुल्याएका भए तापनि तिनीहरूले लेखिएका कुराको विपरीत निस्तारको भोजन खाए। तर हिजकियाले तिनीहरूका निम्ति यसो भनेर प्रार्थना गरे, "असल याहवेहले ती हरेकलाई क्षमा गरून्, जो पवित्रस्थानका नियमहरूअनुसार शुद्ध नभए तापनि तिनीहरूले याहवेह, तिनीहरूका पुर्खाहरूका परमेश्वरलाई खोज्नमा आफ्ना हृदय लगाउँछन्।" याहवेहले हिजकियाका कुरा सुनेर मानिसहरूलाई निको पार्नुभयो।
यरूशलेममा उपस्थित रहेका इस्राएलीहरूले ठूलो रमाहटसित सात दिनसम्म अखमिरी रोटीको चाड मनाए। लेवीहरू र पुजारीहरूले प्रत्येक दिन याहवेहको प्रशंसाका बाजाहरूसित याहवेहको निम्ति गाए।
हिजकियाले याहवेहको सेवाको असल समझशक्ति देखाउने लेवीहरूसित उत्साहपूर्वक कुराकानी गरे। सात दिनसम्म तिनीहरूले आफ्ना छुट्याइएका भोज खाइरहे। याहवेह तिनीहरूका पुर्खाहरूका परमेश्वरकहाँ मेलबलि चढाए, र उहाँको प्रशंसा गरे।
त्यसपछि सारा समुदाय अरू सात दिनसम्म चाड मनाउन सहमत भए। यसकारण तिनीहरूले अरू सात दिन आनन्दसाथ उत्सव मनाए। यहूदाका राजा हिजकियाले समुदायको निम्ति एक हजार वटा गोरु र सात हजार भेडाबाख्रा दिए। अधिकृतहरूले एक हजार गोरु र दश हजार भेडाबाख्रा बन्दोबस्त गरिदिए। पुजारीहरूको एउटा ठूलो संख्याले आफूलाई पवित्र तुल्याए। पुजारीहरू, लेवीहरू र इस्राएलबाट भेला भएका सबैसित यहूदाको सारा समुदायले आनन्द मनाए। त्यसमा इस्राएलबाट आएका र यहूदामा बस्ने परदेशीहरू पनि सामेल थिए। इस्राएलका राजा दावीदका छोरा सोलोमनको समयपछि यो बेलासम्म यरूशलेममा यस्तो उत्सव नभएको कारण यरूशलेममा ठूलो रमाहट भयो। पुजारीहरू र लेवीहरू मानिसहरूलाई आशीर्वाद दिनलाई खडा भए, र परमेश्वरले तिनीहरूको कुरा सुन्नुभयो; किनकि प्रार्थना उहाँको पवित्र वासस्थान स्वर्गसम्म पुग्यो।
"यदि कुनै मानिसले आफ्नी पत्नीसँग सम्बन्ध-विच्छेद गर्यो
र स्त्रीले त्यसलाई छोडेर अर्को मानिससित विवाह गरी भने,
के त्यो पतिले त्यस स्त्रीलाई फेरि फर्काएर ल्याउँछ र?
यसो गर्दा के देश पूर्ण रूपले अशुद्ध हुँदैन र?
तर तँ धेरै प्रेमीहरूसित एक वेश्याझैँ बसेकी छेस्,
अर्थात् के अब तँ मकहाँ फर्केर आउन सक्छेस्?"
याहवेह घोषणा गर्नुहुन्छ।
"बाँझो पहाडहरूतिर आँखा उठाएर हेर्।
के तैँले कुकर्म नगरेको कुनै ठाउँ छ?
मरुभूमिमा डुलुवा बसेझैँ,
तँ बाटोको छेउतिर प्रेमिकाहरूको प्रतीक्षामा बसिस्।
तैँले देशलाई तेरो व्यभिचार र दुष्टताले भ्रष्ट पारेकी छेस्।
यसकारण झरी रोकिएको छ;
अनि वसन्त ऋतुको वर्षा आएकै छैन।
तापनि तँ लाज नभएकी वेश्याजस्तै देखिन्छेस्;
तँ लाजले भुतुक्क हुँदिनस्।
के तैँले मलाई भर्खरै यसरी पुकारिनस्,
‘मेरा पिता, मेरा युवावस्थादेखिको साथी,
के तपाईं सधैँ रिसाइरहनुहुनेछ?
के तपाईंको क्रोध सदासर्वदा रहिरहनेछ?’
तैँले यसरी कुरा गर्छेस्,
तर तैँले सक्ने सबै दुष्ट्याइँ गर्छेस्।"
विश्वासघाती इस्राएल
राजा योशियाहको शासनकालमा याहवेहले मलाई भन्नुभयो, "इस्राएलले कस्तो विश्वासघाती काम गरेको छ, के तैँले देखेको छस्? इस्राएल प्रत्येक अग्लो डाँडा र हरेक झ्याम्म परेको रूखमुनि गएर त्यसले त्यहाँ व्यभिचार गरेकी छे। इस्राएलले यी सबै कुरा गरेपछि मतिर फर्किन्छे होला भन्ने मैले सोचेको थिएँ, तर त्यो फर्किन। अनि त्यसकी अविश्वासी बहिनी यहूदाले यो कुरा देखी। मैले अविश्वासी इस्राएललाई त्यसको सम्बन्ध-विच्छेदको त्यागपत्र दिएँ र त्यसको व्यभिचारको कारण त्यसलाई टाढा पठाइदिएँ। तापनि त्यसकी अविश्वासी बहिनी यहूदा डराइन; त्यो पनि गई र व्यभिचार गरी। किनकि इस्राएलको अनैतिक चरित्र त्यसको निम्ति केहीजस्तो लागेन, त्यसले ढुङ्गा र काठसित व्यभिचार गरेर देशलाई बिटुलो पारेकी छे। यी सबै कुरा भएर पनि त्यसकी विश्वासघाती बहिनी यहूदा मतिर सम्पूर्ण हृदयले होइन, तर त्यसले फर्केको बहाना मात्र गरेकी छे," याहवेह घोषणा गर्नुहुन्छ।
याहवेहले मलाई भन्नुभयो, "अविश्वासी इस्राएल अविश्वासी यहूदाभन्दा बढी धर्मी छ। जा, उत्तरतिर यो सन्देश घोषणा गर्:
"याहवेह भन्नुहुन्छ: ‘अविश्वासी इस्राएल फर्की,
म तँलाई फेरि रिसाएको आँखाले हेर्नेछैनँ;
किनकि म विश्वासयोग्य छु,’ याहवेह घोषणा गर्नुहुन्छ,
‘म सधैँभरि रिसाउनेछैनँ।
तैँले आफ्नो दोष मात्र स्वीकार गर्,
तँ याहवेह तेरा परमेश्वरको विरुद्धमा विरोधी भएकी छेस्;
अनि तैँले आफ्नो प्रेम हरेक झ्याम्म परेको रूखमुनि
विदेशी देवी-देवताहरूलाई बाँडिदिएकी छेस्;
अनि मेरा आज्ञापालन गरेकी छैनस्,’
याहवेह घोषणा गर्नुहुन्छ।"
याहवेह घोषणा गर्नुहुन्छ, "हे अविश्वासी मानिसहरू हो, फर्क! किनकि म तिमीहरूको पति हुँ। म तिमीहरूलाई एउटा सहरबाट एक जनालाई र एउटा वंशबाट दुई जना गरेर छान्नेछु—अनि म तिमीहरूलाई सियोनमा ल्याउनेछु। त्यसपछि म तिमीहरूलाई मेरो हृदयअनुसारको गोठालाहरू दिनेछु, जसले तिमीहरूलाई ज्ञान र समझकासाथ डोर्याउनेछन्। ती दिनहरूमा, जब देशमा तिमीहरूको संख्या धेरै बढ्नेछ," तब याहवेह घोषणा गर्नुहुन्छ, "मानिसहरूले ‘याहवेहको करारको सन्दुक’ भनेर फेरि कहिल्यै भन्नेछैनन्, न त फेरि कहिल्यै याद गर्नेछन्; त्यो तिनीहरूका मनमा सम्झनास्वरूप कहिल्यै आउनेछैन, न त त्योजस्तै फेरि अर्को कहिल्यै बनाइनेछ। त्यस बेला मानिसहरूले यरूशलेमलाई याहवेहको सिंहासन भन्नेछन्; अनि सबै जातिका मानिसहरू याहवेहको नामलाई आदर गर्न यरूशलेममा भेला हुनेछन्। तिनीहरू फेरि आफ्ना दुष्ट हृदयको हठीपनाको पछि लाग्नेछैनन्। ती दिनहरूमा यहूदाका घराना, इस्राएलको घरानासित मिल्नेछ; अनि तिनीहरू एकसाथ उत्तरी देशबाट मैले उत्तराधिकारको रूपमा तिमीहरूका पितापुर्खाहरूलाई दिएको देशमा आउनेछन्।
"म याहवेह आफैँले भनेको हुँ,
" ‘म कति खुशीसाथ तिमीहरूलाई मेरो छोराछोरीहरूजस्तै व्यवहार गर्नेथिएँ;
अनि तिमीहरूलाई अति असल देश,
मेरो राष्ट्रमा सबैभन्दा सुन्दर उत्तराधिकार दिनेथिएँ।’
तिमीहरूले मलाई ‘पिता’ भनी बोलाउनेछौ,
र मलाई पछ्याउन छोड्नेछैनौ भनी सोचेको थिएँ।
तर आफ्नो पतिप्रति अविश्वासी रहेकी पत्नीझैँ,
हे इस्राएलका घराना हो, तिमीहरू मप्रति अविश्वासी भएका छौ,"
याहवेह घोषणा गर्नुहुन्छ।
नाङ्गा डाँडाहरूमा एउटा रोदन सुनिन्छ;
इस्राएलका मानिसहरूका रुवाइ र दयाका निम्ति पुकाराको सोर,
किनकि तिनीहरू कुबाटोतिर लागेका छन्;
अनि याहवेह तिनीहरूका परमेश्वरलाई बिर्सेका छन्।
"हे अविश्वासी मानिसहरू हो, फर्क!
म तिमीहरूका विश्वासघाती हृदयलाई निको पार्नेछु।"
"हजुर, हामी तपाईंकहाँ फर्केर आउनेछौँ;
किनकि तपाईं नै याहवेह हाम्रा परमेश्वर हुनुहुन्छ।"
"निश्चय नै डाँडाहरूमा मूर्तिपूजाको होहल्ला छ,
र पर्वत एउटा छल हो;
निश्चय नै याहवेह हाम्रा परमेश्वरमा
इस्राएलको निम्ति उद्धार छ।
हाम्रो जवान अवस्थाबाट नै लाजमर्दो देवी-देवताहरूले
हाम्रा पितापुर्खाहरूका परिश्रमका फलहरू—
अर्थात्, भेडाबाख्राका बगालहरू र गाईबस्तुका बथानहरू;
अनि तिनीहरूका छोराछोरीहरू सबै कुरा निलिदिएको छ।
हामी आफ्नो लाजमा घोप्टो परौँ;
अनि हाम्रा अपमानले हामीलाई ढाकोस्।
हामीले याहवेह हाम्रा परमेश्वरको विरुद्धमा
हामी र हाम्रा पितापुर्खाहरू दुवैले पाप गरेका छौँ;
हाम्रो जवानी अवस्थादेखि आजको दिनसम्म
हामीले याहवेह हाम्रा परमेश्वरको आज्ञापालन गरेका छैनौँ।"
Este artigo te tocou? Faça uma oração!
+581 estão orando agora.
Junte-se à corrente de oração.