Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
ज़ैखन यीशुए ज़ांनू कि हुनी सैरी गल्लां पूरी भोइजेइ, एल्हेरेलेइ ज़ेन्च़रे पवित्रशास्त्रेरे मां लिखोरू थियूं तैन पूरू भोवं त तैनी ज़ोवं, "मीं ट्लिश लग्गोरीए।" तैड़ी अक भांड सिरके सेइं भेरतां रखोरू थियूं, केन्चे जूफारी डालड़ी तैस मां डोबतां यीशुएरे ऐशी सेइं हुराई। ज़ैखन यीशुए च़ख्खू त तैनी ज़ोवं, "पूरू भोवं" ते क्रोड़ी ट्लोड़तां अपने प्राण दित्ते।
ज़ैखन सिपेहियेई यीशु क्रूसे पुड़ च़ाढ़ो त तैनेईं यीशुएरे लिगड़ां बंटां ते तैन केरे च़ेवरे हिस्से किये, ताके सेब्भन अक-अक हिस्सो मैल्हे सिर्फ तैसेरू कोट बाकी रावं, ज़ैन बा ते बुना तगर अक्के थियूं। तैना एप्पू मांमेइं ज़ोने लगे, "एसेरे टोटे केरनेरे बजाए ज़ेसेरे नंव्वे पुड़ परची निसेली लिगड़ां तैसेरां भोल्हां।" एन एल्हेरेलेइ भोवं कि ज़ैन पवित्रशास्त्रे मां लिखोरू थियूं तैन पूरू भोए कि, "तैनेईं मेरां लिगड़ां बन्टा ते मेरे कोटेरे लेई चिट्ठी छ़डी ते सिपैहीयेइं एन कियूं।"
यीशुएरे क्रूसे कां तैसेरी अम्मा ते तैसेरी अम्मरी बेइन मरियम ज़ै क्लोपासेरी कुआन्श थी, मरियम मगदलीनी खड़खड़ी थी। यीशुए अपनि अम्मा ते अक अपनो चेलो ज़ैस सेइं तै प्यार केरतो थियो, तैस कां नेड़े खड़खड़ो लाव त तैनी अपने अम्मा सेइं ज़ोवं, "हे कुआन्श, हेर, तेरू मट्ठूए।" ते चेले जो ज़ोवं, "अज़्ज़ेरां बाद, ई तेरी अम्मा आहे, तैनी चेले तैखने तै अपने घरे नेइ।"
ज़ैखन तैना तैस ठैरी पुज़्ज़े ज़ैस जो "खोपड़ी" ज़ोतन त तैड़ी यीशु क्रूसे पुड़ च़ाढ़ो, ते तैना दूई मुर्ज़मन भी एक्की यीशुएरे देइने पासे ते होरि बांए पासे क्रूसे पुड़ च़ाढ़े। यीशु ज़ोवं, "हे बाजी एन माफ़ करां एन न ज़ानन कि एना कुन लगोरेम केरने।" ते तैनेईं तैसेरे लिगड़ां केरे लेई पेरची छ़ेडतां शर्त रख्खू ते एप्पू मांमेइं बंटां। लोक खड़खड़े एन सब किछ हेरने लगोरे थिये ते सरदार ज़ोरे-ज़ोरे सेइं ज़ोते थिये, "एनी होरे त बच़ाए ते अगर ऐह मसीहे ते परमेशरेरो च़ुनोरे त अपने आपे किजो न बच़ाए।" सिपाही भी तैस कां एइतां तैसेरी हासी बनाने लगे (किजोकि तै अपनो आप राज़ो बनातो थियो), ते घटिया दाछ़रो रस पीनेरे लेई तैस देने लगे। "ते ज़ोते थिये तू अगर यहूदी केरो राज़ोस त अपनो आप बच़ा!" ते तैस क्रूसे पुड़ यानी यीशुएरे क्रोड़ी करां बहा अक पखड़ी लिखतां लेवरी थी, ते तैस पुड़ एन लिखोरू थियूं, "ऐह यहूदी केरो राज़ आहे।"
तैन दूई डैकू ज़ैना मारे जे तैन मरां एक्के यीशु जो तुहीन केरतां ज़ोवं, "अगर तू मसीह आस त एप्पू भी बच़ ते असन भी बच़ा।" पन होरे दूइयोवं डैके तैस जो झ़िड़कतां ज़ोवं, "तीं परमेशरेरो भी डर नईं? ज़ै सज़ाह तैस मैल्हने लावरी तीं भी त तैए सज़ाह मैल्हने लावरीए। असन त न्यायेरे मुताबिक अपने बुरे कम्मां केरि सज़ाह मैल्हने लावरी पन एनी त कोई गलत कम नईं कियेरू।" तैखन तैनी ज़ोवं, "हे यीशु ज़ैखन तू अपने राज़्ज़े मां एज्जेलो त मीं भी याद केरां।" यीशुए तैस जो ज़ोवं, "अवं तीं सेइं सच़ ज़ोताईं कि तू अज़्ज़े मीं सेइं साथी सुर्गे मां भोल्हो।"
दीसरे बारे बज़ेई सारे मुल्खे मां आंधरू भोवं, ते ट्लेइ बज़न तगर रावं। ट्लेइ बज़ेई यीशुए बड़ी ज़ोरे सेइं अपनि बोली मां ज़ोवं कि, "इलोई, इलोई, लमा शबक्तनी!" ज़ेसेरू मतलब, "हे मेरे परमेशर, हे मेरे परमेशर, तीं किजो अवं छ़ेड्डी दित्तो!"
तैखन मन्दरेरो पड़दो बां देंता बुन तगर फेटतां दूई टुक्ड़े भोइ जे, ते पहाड़ां ते सारी ज़मीन हिलने लग्गी। कब्रां खुल्ली जेई, ते बड़े पवित्र लोक ज़ैना मौतरी निड्ला मां झ़ुलोरे थिये, ज़ींते भोइ जे। ते कब्रन मरां निस्तां ज़ींते भोनेरां पत्ती पवित्र नगरे मां दाखल भोए, ते तैड़ी बड़े होरि लोकेईं भी लाए। तैखन तैनी सूबेदारे ते तैसेरे सैथेईं ज़ैन यीशुएरी निगरानी केरने लेवरे थिये, भुंज़ल गांतो हेरो, त तैना डेरि जे, ते ज़ोने लग्गे, "सच़्च़े एन परमेशरेरू मट्ठू थियूं!"
पन तै इश्शे पापां केरे वजाई सेइं ज़खमी कियो जेव, ते इश्शे अधर्मेरे कम्मां केरे वजाई सेइं ढ्लन्च़ो जेव; इश्शे शैन्तरे लेई तैस सज़ाह मैल्ही कि तैसेरे कोड़े खाने सेइं अस लोक बेझ़ोए। असां त सब भैड्डां केरे ज़ेरे टेपलोरे थिये; असन मरां सेभेइं अपनि-अपनि बत ट्लाती; ते यहोवा इश्शे सेभी केरे अधर्मेरो बोझ तैस पुड़ लेद्दी छ़डो।
तै सताव जेव पन फिर भी तै झ़ैलतो राव ते तैनी अपने ज़बना किछ न ज़ोवं; ज़ेन्च़रे सेइं भैड मारनेरे मौके ते बरधानेरे मौके च़ुपच़ारे बिशतीए, तेन्च़रे तैनी भी अपनु आशी न खोल्लू।
किजोकि कुतरेईं अवं घेरतां रखोरोइं;
कुकर्मी मैन्हु केरि मेण्डलां अवं च़ेवरे पासना घेरतां रखोरोइं,
तैना मेरे हथ पव कोशतन।
अवं एपनी सब हेड्डी गेनि सकताईं;
तैना मीं तकतन ते मेरे पासे घूरतन।
तैना एप्पु मांमेइं मेरां लिगड़ां बंटतन,
ते मेरे लिगड़न पुड़ चिट्ठी छ़डतन।
तैना सब ज़ैना मीं हेरतन मेरो मज़ाक उड़ातन,
तैना अपनि ज़िभ केढतां
ते इन ज़ोइतां क्रोड़ी हिलातन,
तैना ज़ोतन, "तै यहोवा पुड़ भरोसो केरते,
यहोवा तैस छुटाए,
तै तैस बच़ाए किजोकि तै तैस सेइं खुशे।"
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
एस करां जादे प्यार केन्चे नईं कियोरो, कि कोई अपने दोस्तां केरे लेई अपनि जान दे।
"किजोकि परमेशरे दुनियारे लोकन सेइं एत्रो प्यार कियो कि तैनी अपनु एकलौतू मट्ठू दित्तू, ताके ज़ै कोई तैस पुड़ विश्वास केरे, तै नाश न भोए, बल्के हमेशारी ज़िन्दगी हासिल केरे।
किजोकि ज़ैखन अस परमेशरेरे दुश्मन थिये त तैसेरे मट्ठेरे मौती सेइं इश्शो मेल तैस सेइं भोव, ते फिरी मेल मलाप भोवरोए त तैसेरे ज़िन्दगी सेइं असन पक्की मुक्ति मैल्हेली।
असेईं प्यार इस्से सेइं ज़ानो, कि यीशु मसीहे इश्शे लेई अपने प्राण दित्ते, एल्हेरेलेइ इश्शो भी ढ्लां केरे लेई प्राण देने फर्ज़े।
तै इश्शे पापां केरे छुटकारेरे लेई बलिदान भोव, ते सिर्फ इश्शे लेई नईं, बल्के सैरी दुनियारे पापां केरे लेई भी।
ते मैन्हेरे रूपे मां बांदो केरतां दीन केरो, ते इड़ी तगर हुक्म मन्ने बालो राव, कि मौत, हाँ, क्रूसेरे मौत भी झ़ेल्ली।
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
किजोकि अस एन ज़ानतम, कि मसीह मुड़दन मरां ज़ींतो भोवरोए ते तै फिरी न मरेलो, ते तैस पुड़ फिरी मौतरू राज़ नईं भोनू। ज़ैखन मसीह मरो त तै एक्की बार सेब्भी केरे पापेरे लेई मरो; पन हुनी तै ज़ींतोए, ते सिर्फ परमेशरेरे लेई ज़ींतोए।
तुस ज़ानतम कि ज़ैखन असेईं सेब्भी लोकेईं यीशु मसीहे सेइं साथी अक भोनेरे लेई बपतिस्मो नीयोरो थियो, तैखन अस तैस सेइं साथी मर्रे थिये। ज़ैखन असेईं बपतिस्मो नीयोरो थियो तैखन अस मसीह सेइं साथी मरे ते दब्बे जे, ताके अस भी नव्वीं ज़िन्दगी ज़ींम, ज़ेन्च़रे मसीह बाजी परमेशरेरी महिमा सेइं मुड़दन मरां ज़ींतो कियो।
ते ज़ेन्च़रे सेइं मैन्हेरू मरनू ते एक्की बार न्यायेरू भोनू पक्कुए। तेन्च़रे सेइं मसीहे भी बड़े लोकां केरे पाप सैल्तां गानेरे लेई एक्की बार बलिदान भोव, ते दुबारां पापां केरू बलिदान देनेरे लेई नईं, बल्के तैन मुक्ति देनेरे लेई एज्जेलो, ज़ैना तैसेरे इंतज़ारे मां आन।
"हे इस्राएलेरे लोकव, इना गल्लां शुना, यीशु नासरत नगरेरो अक मैन्हु थियो, ज़ै परमेशर तुश्शे लेई भेज़ोरो थियो, ते एस गल्लरी तसदीक तैसेरे खास चमत्कारां केरे सबूतेईं सेइं भोचे, ज़ैना परमेशरे तैसेरे ज़िरिये सेइं इश्शे सामने हिरां, ज़ेन्च़रे कि तुस एप्पू भी ज़ानतथ। ज़ैखन तै परमेशरेरे इंतज़ामेरे पूरे मौके पुड़ ज्ञानेरे हिसाबे सेइं ट्लुवाव, ते तुसेईं तै अधर्मी लोकां केरे हथ्थे क्रूसे पुड़ टंगेइतां माराव। पन परमेशरे तै मौतरे सकेंजे मरां छुटेइतां ज़ींतो कियो, किजोकि एन भोइ न थियूं सकतु, कि तै मौतरे कब्ज़े मां राए।
रोड़ो पुहाल अव्वें आईं, रोड़ो पुहाल भैड्डां केरे लेई अपनि जान देते।
किजोकि ज़ैखन ई रोट्टी खाथ, ते इस कटोरे मरां पीथ, त प्रभुएरे मौती ज़ांतगर तै न एज्जे, इस बारे मां ज़ोते राथ।