Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Ɛsyee ɛ Yezu
Bhii etɛp binek, dáa Yezu nadi egu náá, etɛp djas nabɛ ɛ́, ye naazesael ɛ, nyɛ ɛ́ boozɛke náá: «Mɛ ɛ́ nɛ gwyes mɛdii.» Nyɛ nake deenek ɛ etɛɛ náá, etɛp djas nadi tɔ Ekwyala ɛ, neebela ɛsuk. É di tak, ye nabɛ ɛ́ nɛ bhe mɛnyok mɛ na bwaaz-bwaaz tɔɔɔ. Tin, wɔ gwaa esodja zokaduu pes mɛnyuku tɔ mɛnyok mɛ tak, bɛ eezɛkɔl é lɛɛ mɔɔ le. Bhii tak, bɛ eezɛsɛɛb yɛ pɛ pak nuub ɛ Yezu. Yezu eezɛdɛ mɛnyok mɛ na bwaaz-bwaaz menek, bhii tak, nyɛ zɛke náá: «Djas eedjala!» É di’enek, nyɛ eezɛsil lo si, bhii tak, nyɛ eezɛsil eswos.
Dáa esodja nasilal ɛbem Yezu é mɛlaaba ɛ, bɛ eezɛnɔɔ ekaad bɛ, wɔ gwaa, bɛ zɛkaa yɛ mɛkɛɛ mɛná, mot nɛ mot nɛ yɛ ɛkɛɛ. Bɛ zokabaazɛnɔɔ lɔbɔ yɛ nadi lata nɛ kel wat kana pɛ si kɛkum pɛ ɛko ɛ. Tin, esodja moo tin eke pak’ɔɔ náá: «Sa mena àànyaaka lɔbɔ yak. Deenek djhoosaka ɛgwyeeg, étɛp mena neeguka mot aanɔɔ yɛ ɔ.» Yɛ ɛ́ deenek ɛ́, mɛkana ɛ Zɛɛb di elɛɛ náá:
«Bɛ naakaa ekaad bam.
Bɛ naasa ɛgwyeeg étɛp ɛnɔŋ ɛ́ kaad’am.»
nabela ɛsuk. Beeka, dáa esodja nasa ɛ́, yɛ ɛ́ yenek.
Nyɛɛg ɛ Yezu nabɛ ɛ́ tin tetel, é ngwoob mɛlaaba, bɛ nɛ mɔn-nyɛɛg, zɛnɔɔ Maali mwaa Keleopas, dɔɔ nɛ Maali, moma dɛl ɛ Makdala. Yezu eezɛbee nyɛɛg, tin, djekel nyɛ nadyeebakwyɛl ɔ é ngwoob’ɛ. Nyɛ ɛ́ boozɛke nɛ nyɛɛg náá: «Nyaagam, beea mɔn’ɔ.» Bhii tak, nyɛ eezɛke nɛ djekel tak náá: «Beea nyoog é». Tin, kana ɛwala ɛlenek, djekel yenɔk eezɛnɔɔ nyɛ, tɔ́, kɛdi é di wat bɛ nɛ nɛ tɔ ndjaŋ’ɛ.
É ghɛŋ bɛ nakum é di bɛ di edjóo, «Bhoobo Lo» ɛ, esodja zokazɛbem Yezu é mɛlaaba, nɛ bɛmbee ɛ bot ɛbá, nwyak pɛ mbɔ eghɛŋ, nwyak dhiiti pɛ mbɔ ɛmyɛl.
Tin, Yezu eezɛke: «Saagam, pela bɛ, etɛɛ náá, bɛ ààgu sa bɛ di esa ɛ.» É di’enek, esodja eezɛkaa ekaad bɛ, bhii bɛ nazesa ɛgwyeeg ɛ. Mɛdhuu mɛ bot nadi ɛ́ tin ebee. Wɔ gwaa, ekukuma eYuda moo tin, eduk Yezu. Bɔɔ náá: «Nyɛ naatsik bot ɛ sis, nyɛ katsik nyel’ɛ met, yɛ bɛ náá, nyɛ ɛ́ Mɛsia Zɛɛb natɔ ɔɔ!» Dɔɔ nɛ esodja pe nadi eduk nyɛ. Bɛ zokazɛtiila, wɔ gwaa, bɛ djɛ nyɛ mɛnyok mɛ na bwaaz-bwaaz. Bɔɔ nɛ nɛ náá: «Yɛ bɛ náá, wɔ ɛ́ mɛkoozi mɛ eYuda ɔɔ, tsika nyel’ɔ wɔy wɔ ɛmet!» Pɛ ɛko ɛ mɛlaaba ɛ Yezu, ye nabɛ ɛ́, bɛ naabɛk mɔɔ pes le kwyala kɔ tak náá: «Nwyak ɛ́ Mɛkoozi mɛ eYuda.»
Tɔ bɛmbee ɛ bot ɛbá nabemaa é mɛlaaba ɔ, ngɔt naabyasal Yezu. Nyɛy nɛ nɛ náá: «Wɔ paalɛɛ ɛ́ náá, wɔ ɛ́ Mɛsia. Deenek, tsika nyel’ɔ tɔ ɛsyee, da wɔ ɛ́ baatsik bisɔ.» Tinaak, wɔ gwaa nwyak dhiiti mbee mot zɛdjɛ sɔ mɛbɛ. Nyɛy nɛ nɛ náá: «Wɔ ààkaab Zɛɛb é, wɔy mot di ebee mezuk mɛ wat dáa nyɛy’aak? Yenabɛl mezuk eegoka nɛ nena, etɛɛ náá, mena gwyɛ ɛ́, étɛp embee esesɛɛ bina. Bela náá, mot’ak ààpasa dhiiti sa ɛbiyo.» Bhii tak, nyɛ eebaazeke náá: «Yezu, sa wɔ ààdjisa mɛ, dwoo wɔ aaboozyɛ dáa mɛkoozi tɔ Ɛyoŋ ɛ lɔ ɛ.» Yezu eezɛbɔɔza nɛ nɛ náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá: Mos, wɔ aadi ɛ́ nɛ nam sama tɔ paladi.»
Ɛsyee ɛ Yezu
Dáa ye nadhaa mɛwala mɛlɛl bhii kuku mwos ɛ, wɔ gwaa, ɛgwyitok zɛgwyiidela kɔ ɛko ɛ bɔs djas, ɛgwyitok ɛlenek naabɔya, kɛkum ɛwala elɛl yii bikoko. Tin, é ɛwala ɛ tak wat, wɔ gwaa Yezu zɛbo tsim: Eloyi, Eloyi, Lama sabatani? Ye kwyɛl ɛlɛɛ tɔ lii eBhele ɛ́ náá: «Zɛɛb Saagam, Zɛɛb Saagam! Étɛp yé wɔ bet mɛ mam mɛ ɛmet deenek?»
É di’enek wat, wɔ gwaa boo lɛmbɛ na pip-pip nadi tɔ Di na Dɛɛ, di ebɛk dhɛŋ nɛ koo tɔ Ndjaa-ebuwa ɔ, zokanyɛɛ kuku tak, kan pɛ ɛko, kɛkum pɛ si.
Bɔs dheegel, mɛkok bel, mɛvit diiel. Wɔ gwaa, bot ɛbuɛpe nagwyɛ bɔɔ edum koŋ nɛ Zɛɛb ɔ zokagom. Bɔɔ zokawyis tɔ mɛvit, bhis ɛgom ɛ Yezu, bɔɔ zokani tɔ Yeluzalɛm, dɛl ɛ na dɛɛ ɛ, ye nabɛ ɛ́ bot ɛbuɛpe nabee bɛ.
Kukuma lɔɔg esodja nɛ esodja ee nadi tin ebaal Yezu ɔ naabee dáa bɔs nadheegel ɛ, dɔɔ nɛ edjema djas nasael tin ɛ. Boo bwoo naazɛsa bɛ ɛlyelɛpe, bɛ ɛ́ boozɛke náá: «Tsɛɛtsɛ, mot’ak nabɛ ɛ́ Mɔn ɛ Zɛɛb.»
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Boo mɛkwyɛla mɛ mot di egoka nɛ ɛlyaal ɛ, yɛ ɛ́ ɛdjɛ nyel’ɛ ɛmet étɛp bɛsɔ.
Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn’ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm.
É ghɛŋ mena nadika mena dinaaka bot ɛ mɛbhuka ɛ Zɛɛb ɛ, nyɛ naabulal ɛgwakel nɛ nena dum nɛ ɛsyee ɛ Mɔn’ɛ. Nenak, dáa ye di náá, Mɔn’ɛ ɛ́ nɛ tsik ɛ, nɛ dáa di náá, nyɛ eebulal ɛgwakel nɛ nena ɛ, yɛ ɛ́ tsɛɛtsɛ náá, nyɛ waatsik mena.
Beeka dáa mena di egu tyee mena di egoka nɛ ɛkwyɛl bɔɔ bɛsɔ bina ɛ: Yezu Klisto naadjɛ tsik’ɛ kɔ ɛsu ɛ lena. Deenek, ye goka ɛ́ náá, menabɛlka pe baadjɛ tsik’enaka étɛp bɔn-nyɛɛg bina.
Nyɛy ɛ naka nyel’ɛ buwa étɛp ɛpelak ɛ mesyem mena. Ye tok étɛp mesyem nɛ mesyem mena met, yɛ ɛ́ dɔɔ nɛ mesyem mɛ bot ɛ bɔs djas.
Nyɛ naamyaal ɛdi tɔ mɛsila.
Nyɛ naalyaal ɛlooba ɛ lɛ kɛkum dwoo ɛsyee,
ɛsyee ɛ nyɛ nagwyɛ mbema kɔ mɛlaaba ɛ.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Mena nɛ guka ɛnyɔɛpe náá, Klisto naazegomelaa pak myoŋ, nyɛ tok nɛ ghwyil ɛbaagwyɛ. Tin, ɛsyee tokapɛ nɛ ghwyil kɔ lɛ. Klisto nagwyɛ ɛ́ ngwyɛa sok wat, étɛp ɛsaab ghwyil mɛbwala mɛ mesyem mɛ bot ɛ bɔs. Tin, nenak yak, nyɛ moo ɛ́ nɛ tsik kɔ ɛsu ɛ Zɛɛb.
Bi ààgu náá, é ghɛŋ mena naduwaka Zɛɛb ɛ, menabɛlka djas nabɛ ɛ́, mena mooka mot ngɔt nɛ Yezu Klisto? Ye kwyɛl ɛlɛɛ ɛ́ náá, mena naazegwyɛka sama nɛ nɛ. Dum nɛ ɛduwa Zɛɛb’enek, mena naagwyɛ, delaa sama nɛ Klisto, etɛɛ náá, tyee wat nɛ dáa duma Sɛɛg nasa náá, Klisto gom pak myoŋ ɛ, yɛ ɛ́ deenek ɛ́ menabɛlka pe aabaakɛ tɔ tsik na bes.
Bot djas kɔ ɛko ɛ bɔs goka ɛ́ nɛ ɛgwyɛ sok wat, bhii tak, Zɛɛb ɛpɛ́ɛ bɛ. Yɛ ɛ́ tyee wat dáa Klisto naka nyel’ɛ buwa étɛp ɛpel mbula mesyem mɛ bot ɛ bɔs ɛ. Tin, nyɛ waabaatuula-tuula sis, é sok yenek yɛ aanàkabaadi étɛp ɛpel ɛ́ mesyem. Deenek, yɛ aakadi ɛ́ étɛp ɛdjɛ tsik nɛ bot ɛ di egwaal ɛtuula ɛ lɛ ɔ.
Bot ɛ mbyak Yisalaɛl, gwakeka sa mɛ di elii’aak: Zɛɛb naalyaal bin kɔkɔ mbi mot Yezu mot Nazalɛt nadi ɛ́. Etɛɛ náá, pak’en, Zɛɛb naasa eboo endem e mɛbwala membi nɛ membi é ze ɛ Yezu. Biyɔ bɛmet nɛ gu yɛ ɛnyɔɛpe. Bi nabɛ ɛ́ bi eeka mot tak é mɛmbɔ mɛ bot ɛ di ààgu Zɛɛb ɔ. Bɛ naagó nyɛ, bem nyɛ é mɛlaaba, etɛp binek djas nasael ɛ́ dáa Zɛɛb naloozekɛk, nɛ ɛlɛɛ náá, nyɛ waasa ɛ. Tin, Zɛɛb naagomal nyɛ bhis ɛsyee, nyɛ naapɛk nyɛ tɔ mezuk mɛ ɛsyee, etɛɛ náá, ye nabɛ ɛ́ ààdjala náá, ɛsyee di nɛ eghɛŋ kɔ lɛ.
Yɛ ɛ́ mam ɛ di mbɛɛ mbaalel ebhata, mbɛɛ mbaalel ka tsik’ɛ gha ɛ́ kɔ ɛsu ɛ ebhata bɛ.
Etɛɛ náá, é esok djas bi di edɛ mapa nɛ mɛnyok menek ɛ, bi goola ɛ́ bhaadal ɛsyee ɛ Ghɛŋ, deenek kɛkum ɛwala nyɛ aabula ɛ.