Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Yesu bu kazaba ti mimvimba milungidi, mwanki Masonama menda detila, wuta ti: «Nsatu mamba yi nani.» Huma behoho ha ba na kisiku kiba kiteboka mu vinu dinsa. Zimbulu-mbulu zibonga musakasaka, zikanga wo ha nsongi yi kintala ki muti wu isopi, zivwanga wo mu vinu dinsa, mboki zituula wo ha munwa wu Yesu. Yesu bu kamana nwa vinu dinsa, wuta ti: «Mimvimba milungidi.» Bu kayinika mutu, ni kafwa.
Zimbulu-mbulu bu zimana koma Yesu ha kulunsi, zibonga binkutu byandi, ni zikabana byo mu ndambu ziya, kadi mbulu-mbulu na ndambu andi. Zibonga mpe zwele dyandi, diba mu mulele wumosi wulembolo tungu, kutonina ku yulu natee ku nsi. Zimbulu-mbulu ziteelasana yawu na yawu ti: «Tukakunandi kinkutu bekiki ko, kansi tubudileeno kyo hwadi mu zaba nani waabaka kyo.» Mwanki Masonama menda detila:
«Zikabani binkutu byani
na zibudidi zwele dyani hwadi.»
Bwabobo bu sa zimbulu-mbulu.
Ngudi andi, mpangi yi ngudi andi yi mukento, Maliya mukento wu Kolopase na Maliya mwisi-Mangadala baba batelama ha kulunsi di Yesu. Yesu bu kayena ngudi andi ha ntendo mulongoki wu kedi toma tyanga, wuteela ngudi andi ti: «Mama, ewu ni mwana aku.» Mboki wuta ku mulongoki bewowo ti: «Ewu ni ngudi aku.» Tuka kilokola bekyokyo, mulongoki wumutambula ku nzo andi.
Bu batula ha kifulu ki nkumbu «Kikonzongolo ki mutu», zimbulu-mbulu zikoma Yesu na bimpumbulu bya bibyole, wumosi ku lubakala na wuhiika ku lumoso. [Buna Yesu wuta ti: «Tata, wubayambudila, kabazebi ma banahidika ko.»] Zimbulu-mbulu zita hwadi mu kabana binkutu byandi. Mukangu wuba wutelama hoho na wedi talanga. Bamfumu ba Bayudayo bedi museha muta ti: «Wuvuukisa bahiika, bwabu ka kivuukisa yandi bende, tala ti yandi ni Klisto, Nzambi wukasoodidi!» Mbulu-mbulu mpe zedi mu seha, na ziyiza ha ntadisi andi mu muhaana vinu dinsa, ni zita ti: «Tala ti ngeye ni ntinu yi Bayudayo, wukivuukisa ngebende!» Ha yulu kulunsi dyandi, basonika ti: «Yundu bewuwu ni ntinu yi Bayudayo.»
Wumosi mu bimpumbulu bi bakoma ha kulunsi wedi mulehola, ebu: «Kambi ngeye ni Klisto e? Wukivuukisa ngebende na yeto mpe!» Kansi munandi wumusemba mu muteela ti: «Ngeye beki kitumbu kimosi nandi, wuna bunkuta bu Nzambi ko e?» Mu yeto kitumbu bekiki kifwana kidi, mu dyambu ti yeto tubeki musendo wu mavanga meto, kadi yandi kasiidi kani musamu wumbi ko. Na wuteela Yesu ti: «Yesu, mbambukila moyo bu waakota mu kimfumu kyaku.» Yesu wumuvutudila ti: «Kedika nina kuteela: bubedidi, waaba nani mu paladiso.»
Mu ntangu ambata, tombe kiyiza bwa mu nsi yimvimba natee mu kilokola kitatu ki manima ma ntangu ambata. Mu kilokola kitatu ku manima ma ntangu ambata, Yesu wulooka mu ngolo ti: «Eloyi, Eloyi, lema sabakatani e?» Mpila mosi ti: «Nzambi ani, Nzambi ani, bila nki wunsisidi e?»
Mu ntangu beyoyo kwandi, mulele wu bamanika ha nkotolo yi kihinga kilongo wukakuka ha kati-kati kutonina ku yulu natee ku banda. Butoto bunikuka, na matadi mabudika, Ndyamu zi zibuka na bantu balongo babingi bamana fwa bafuluka. Batotoka mu zindyamu kumanima ma mfulukulu yi Yesu, bakota mu Yelusalemi, mbanza yilongo, na bayenika ku bantu babingi. Mfumu yi zimbulu-mbulu nkama, na zimbulu-mbulu ziba nandi mu kenga Yesu, bu bayena butoto bu bunikuka na misamu mimvimba mihyoka, bayena bunkuta bubwingi, na bata ti: «Kedika, muntu bewuwu Mwana Nzambi wubedi!»
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Kunani luzolo luhyokidi bunene tala ti ka mu hombisa luzingu lwandi mu dyambu di bakundi bandi ko.
Kadi bonso bwabu Nzambi wutoma zola nza, ni kahaana mwana andi wakwa wumosi kaka, mwanki wonso wuna musila kiminu, kaabungu ko, kansi waabaka luzingu lu mimvu ka mimvu.
Bu tuba mitantu mi Nzambi, wutuwawisa nandi mu lufwa lu Mwana andi. Bwabu butuwawasani nandi, Nzambi waatuvuukisa mu nzila yi luzingu lu Mwana andi.
Taleeno bwedi tuzabila luzolo: Klisto wuhaana luzingu lwandi mu dyambu dyeto. Yeto mpe, tufweti haana luzingu lweto mu dyambu di zimpangi zeto.
Yandi bende wukihaana bonso munkayulu, mwanki tutambula mulemvo wu masumu meto, na ka mameto kaka ko, kansi na ma nza yimvimba.
wukikulula yandi bende
na wutumama natee ku lufwa,
lufwa ha yulu kulunsi.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Tuzebi ti Klisto, bu kafuluka mu bafwa, kalendi bwesa fwa ko: lufwa lusidi dyaka na lulendo mu yandi ko. Bu kafwa, wufwa nkumbu yimosi kaka ki mankululu mu dyambu di masumu ma bantu. Kansi bwabu bu kadi wumoyo, wuna zinga mu dyambu di Nzambi.
Luzebi ko ti yeto bamvimba tubotoko mu Yesu-Klisto, mu lufwa lwandi tutambudila mbotokolo e? Buna, mu mbotokolo batuziika ha kimosi nandi mu ba kintwadi mu lufwa lwandi, mwanki, bonso bufuluka Klisto mu bafwa mu lulendo lu nkembo lu Tata, yeto bumosi mpe tudyata mu luzingu lumona.
Bantu bakwe fwanga nkumbu yimosi kaka. Ku manima, bafundusu ku Nzambi. Bumosi mpe Klisto bamuhaana bonso munkayulu nkumbu yimosi mu katula masumu ma bantu babingi. Waayenika nkumbu yinzole, ka mu katula masumu ko, kansi mu haana mpulusu ku bantu bana mukingila.
Bisi-Isaeli, yuweeno misamu mi nina luteela: Yesu mwisi-Nazaleti wuba muntu Nzambi wukasadila mu lulonka lulendo mu bidimbu na bimangu bi kasa ha kati dyeno, bonso bu luzabidi wo. Muntu bewowo, bamuyekola bonso bu ba nzengolo yi Nzambi na bu kakubikila wo tuka ntama. Mboki, yeno lumuhonda bu lumukomisa ha kulunsi mu moko ma minsumuki. Kansi Nzambi wumufulukisa, mu mukuula mu mpasi zi lufwa, mu dyambu ti lufwa lulendi musimbidila ku nsye lulendo lwandi ko.
Meno nii mumvungi wumbote. Mumvungi wumbote kwe hombisanga luzingu lwandi mu dyambu di mameme mandi.
Mu dyambu ti, ntangu zimvimba zi luna dya dimpa bedidi na zi luna nwa mbungu beyiyi, luna samuna lufwa lu Mfumu natee bu kana kwiza.