28 ሄዋፐ ጉይያን፥ የሱስ ኡባባይ ሀቅ ፖለቴዳዋ ኤሪደ፥ ጾሳ ማጻፋይ ጌዳዌ ፖለታና ማላ፥ "ታና ሳሜ" ያጌዳ።✝

29 ሄ ሳኣን እት ጹጋ ኩሜዳ ጫላ ዎይንያ ኤሳይ ደኤ። ኡንቱንቱ እስፖንጅያ ሄ ዎይንያ ኤሳን የጊደ፥ ህሶጵያ ጌተትያ ም ጼራን ዎደ፥ የሱሳ ዶናኮ ሺሼድኖ። 30 የሱስ ዎይንያ ኤሳ ጋንጽ በኤዳዋፐ ጉይያን፥ "ፖለቴዳ" ያጌዳ።

ቃይ ሄዋፐ ጉይያን፥ ባረ ሁጲያ ቶቺደ፥ ባረ ሸምፑዋ እሜዳ።

23 ዎታዳራቱ ማስቃልያ ቦላ ምስማርያን ሺደ፥ የሱሳ ካቄዳዋፐ ጉይያን፥ አ ማዩዋ አኪደ፥ ኦይዱ ከስ ሻኬድኖ፤ እት እት ዎታዳራ እት ሻኩ ጋኬዳ። አ አዱሳ ማዩዋካ አኬድኖ፤ አዱሳ ማዩ ሀሽያፐ ዶሚደ፥ ዱገ ጋካናዉ የድ ማየትያዋፐ አትን፥ ቃንጸቲደ ስከትቤና። 24 ዎታዳራቱ እቱ እቱዋ፥ "ኦና ጋካነንቶ፥ ሳማ ዎይ ኤጻ የጋናፐ አትን፥ ማዩዋ ፔኮ" ያጌድኖ። ሄዌ ሀኔዳዌ ጾሳ ማጻፋይ፥ "ታ ማዩዋ ሻክ አኬድኖ፤ ታ አዱሳ ማዩዋን ሳማ የጌድኖ" ግያዌ ፖለታናሳ። ሄዋ ድራዉ፥ ዎታዳራቱ ሄዋ ኦድኖ።✝

25 ሽን የሱሳ ማስቃልያ ማታን አ ዳያ፥ አ አት ምቻታ፥ ቃልዮጳ ማቻታ ማይራማነ ማግዳላ ጌተትያ ካታማፐ ዬዳ ማይራማ ኤቄድኖ። 26 የሱስ ባረ ዳያነ እ ሲቅያ ካልያዌ ሄዋን ኤቄዳዋንታ በኢደ፥ ባረ ዳዮ፥ "ሀ ምሽራቴ፥ ነ ናኣ ሀዋ በአ!" ያጌዳ።

27 ሄዋፐ ጉይያን፥ ሄ ካልያዋ "ነ ዳዮ ሀኖ በአ!" ያጌዳ። ሄ ካልያዌ እዞ ሄ ሳትያፐ ዶሚደ፥ ባረ ሶይ አፌዳ።

33 ቄራነዉ ጌተትያሳ ጋኬዳ ዎድያን፥ የሱሳ ካቄድኖ። ኢታ ኦዋንታካ፥ እቱዋ ኡሸቻና፥ የኩዋ ሀድርሳና ካቄድኖ።

34 የሱስ፥ "ታ አቦ፥ ኡንቱንቱ ባረንቱ ኦያዋ ኤረና ድራዉ፥ ኡንቱንቱ ናጋራ አቶ ጋ" ያጌዳ።

ኡንቱንቱካ አ ማዩዋ ሳማ የገቲደ ግሸት አኬድኖ። 35 አሳይ ኤቂ ጼልሽን፥ ጋድያ ሞድያዋንቱ፥ "ሀራንታ አሼ፤ ጾሳን ዶረቴዳ ክርስቶስ አ ግዶፐ፥ አነ ባረ ሁጲያ አሸኔ?" ያጊደ ቅሊጬድኖ።

36 ቃይ ዎታዳራቱካ ሺቂደ ቅሊጬድኖ፤ ጫሜዳ ዎይንያ ኤሳ አዉ አህ እሚደ፥ 37 "ሀዎ፥ ኔን አይሁዳ ካትያ ግዶፐ፥ ነ ሁጲያ አሻ!" ያጌድኖ።

38 ሁጲሳናካ፥ "ሀዌ አይሁዳ ካትያ" ያግያ ጻፉዋ ጻፌድኖ። 39 ኢታ ኦደ ካቀቴዳዋንቱፐ እቱ፥ ቦሪድነ ቶቺደ፥ "ሀዎ ኔን ክርስቶሳ ግድኪ? አነ አ ግዶፐ፥ ነ ሁጲያነ ኑና አሻ" ያጌዳ።

40 የኩ ቃይ አ፥ "ኔን ሀዋ ማላትያ ፕርዳ ቦላ ደኣደካ ጾሳዉ ያይኪ? 41 ኑን ኪተቴዳ ባላን ሙራ አኪደ ደኤቶ፤ ኑዉ በስያ ሙራ ቦላን ደኤቶ፤ ሽን ሀ ብታኒ እት ኢታባነ ኦቤና" ያግ ዛሬዳ።

42 እ የሱሳ፥ "ኔን ነ ካዉተ ዎልቃን ይያ ዎደ፥ ታና ቆፓ" ያጌዳ። 43 የሱስካ፥ "ታን ነዉ ቱሙዋ ኦዳይ፥ ሀቼ ታናና እትፐ ጋናትያን ደአናሳ" ያጌዳ።

33 ኡሱፑን ሳትያፐ ዶሚደ፥ ኡዱፑ ሳትያ ጋካናዉ፥ ጋድያ ኡባይ ሜዳ። 34 ኡዱፑ ሳትያን የሱስ ባረ ቃላ ቁ ኦደ፥ "ኤሎሄ፥ ኤሎሄ፥ ላማ ሳባቅታኒ?"* ያጌዳ። ሄዋ ግያዌ፥ "ታ ጾሳዉ፥ ታ ጾሳዉ፥ ታና አያዉ አጋዲ?" ግያዋ።✝

51 አኬክተ፤ ጌሻ ጎልያን ካቀቴዳ ጋርዱ ቆሞፐ ዱገ ጋካናዉ፥ ላኡ ከሲደ፥ ፖሸት ዎዳ፤ ሳአይ ቃጼዳ። ቃይ ዛላይካ ጳልቀቴዳ፤✝ 52 ጮራ ዱፉ ዶየቴዳ። ጾሳ አሳፐ ጮራቱ ሀይቄዳዋንቱ፥ ሀይቁዋፐ ደንዴድኖ። 53 ኡንቱንቱ ዱፉዋፐ ከሲደ፥ የሱስ ሀይቁዋፐ ደንዶዋፐ ጉይያን፥ ጌሻ ካታማ ቤድኖ፤ ሄዋን ኡንቱንታ ጮራ አሳይ በኤዳ።

54 ጼቱዋ ካፑነ አናና የሱሳ ናግያ ዎታዳራቱ ሳአይ ቃጽያዋነ ሄዋን ሀኔዳዋ ኡባ በኤዳ ዎደ ዳሮ ያዬድኖ፤ ያሻ ጋሱዋን፥ "ቱሙ ሀዌ ጾሳ ናኣ" ያጌድኖ።

5 ሽን እ ኑ ባይዙዋ ድራዉ፥ ጫደቲደ ማዱንጼዳ፤✝ ኑ ናጋራ ድራዉካ ሾጨቲደ ሊቄዳ። እ ሙረቴዳዋን፥ ኑን ሳሩዋ ደሜዶ፤ አ ማዱን ኑን ፓጼዶ። 6 ኑን ኡባይ ኦግያ ባሌዳ ዶርሳቱዋዳን ዎራ ቤዶ፤✝ ኑን ኡባይካ ኑ ኦግያዉ ኦግያዉ ስሜዳ። መና ጎዳይ ኑ ኡባይ ናቄዳ ናቁዋ አ ቦላ ዎዳ።

7 እ ኡንኤቴዳነ ቆሄቴዳ፤ ሽን ባረ ዶና ፖክቤና።✝✝ ሹካናዉ አፍያ ዶርሳዳን ላገቴዳ፤ ባረ እስክያ ሜድያዋንቱ ስንን ጮኡ ግያ ዶርሳ ማራዳን፥ እካ ባረ ዶና ፖክቤና።

16 ካናቱ ታና ተኤድኖ፤

ኢታ አሳቱ ታ ዩሹዋን ዶዴድኖ።

ታ ኩሸቱዋነ ታ ገደቱዋ ጫዲኖ።

17 ታ መቀቱዋ ኡባ ታን ፓይዳይ።

ታ ሞርከቱ ታና ጼሊኖነ ደረቂኖ።

18 ታ ማዩዋ ሻክ አኪኖ፤✝

ታ አዱሳ ማዩዋን ሳማ የጊኖ።

7 ታና በእያ ኡባቱ ቅኖ፤✝

ኡንቱንቱ ታና ጽት ጼሊኖነ ባረንቱ ሁጲያ ቃኖ።

8 ያቶፐ፥ "እ መና ጎዳን አማነቴዳ፤✝

አያዉ አ አሸኔ?

መና ጎዳይ አ ዶሶፐ፥

አነ አ አሾ" ያጊኖ።

13 ባረ ሸምፑዋ ባረ ላገዉ አደ እምያዋፐ አያ ሲቁ ኦስነካ ባዋ።

16 "ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ።

10 አያዉ ጎፐ፥ ኑን ጾሳና ካሰ ሞርከ፤ ሽን አ ናኣ ሀይቁዋን አናና ስገቴዶ። ሄዋፐ አደ፥ ሀእ ኑን ጾሳና ስገቴዳዋፐ ጉይያን፥ እ ፓጻ ግድያ ድራዉ ኑና አሻና።

16 ክርስቶስ ባረ ሸምፑዋ ኑ ድራዉ አደ እሜዳዋን ሲቁ አየንቶ ኑን ኤሬዶ፤ ኑንካ አማንያዋንቱ ድራዉ፥ ኑ ሸምፑዋ አደ እማናዉ በሴ።

2 ቃይ ኑን ኑ ናጋራ አቶ ጌተቱሳ ክርስቶሳ ባጋና ደሜቶ፤ ክርስቶስ ያርሸቴዳዌ አሳ ኡባ ናጋራ ድጋናሳፐ አትን፥ ኑ ናጋራ ጻላላ ድጋናሳ ግደና።

8 እ ባረና ካዉሼዳ፤

ሀይቆ፥ ኡባ ሀራይ አቶ፥

ማስቃልያ ቦላ ሀይቃናዉካ አዛዘቴዳ።

9 አያዉ ጎፐ፥ ክርስቶስ ሀይቁዋፐ ደንዴዳዋ፥ ቃይ ላኤንዋ እ ሀይቀናዋነ ሀይቁ ስንፐ አ ሞደናዋ ኑን ኤሬቶ። 10 እ እት ካላካ ሀይቄዳ፤ ናጋራዉ አ ቦላ ዎልቃይ ባዋ፤ ሽን እ ሀ ደእያ ደኡዋ ጾሳዉ ደኤ።

3 ዎይ ኑን ኡባቱ ክርስቶሳ የሱሳና እትፐ ግዳናዉ፥ ጻማቀቴዳ ዎደ፥ አ ሀይቁዋንካ አናና እትፐ ግዳናዉ ጻማቀቴዳዋ ኤርክቴ? 4 ሄዋ ድራዉ፥ ክርስቶስ ባረ አዉዋ ቦንቾ ዎልቃን ሀይቁዋፐ ደንዶዋዳን፥ ኑንካ ኦራ ደኡዋ ደአናዉ፥ አ ሀይቁዋ አናና ሻካናዉ ጽንቃታን አናና እትፐ ሞገቴዶ።

27 አሳይ ኡባይ እት ገደ ሀይቃናዉ በሴ፤ ሄዋፐ ጉይያን ጾሳይ አሳ ፕርዳና። 28 ሄዋዳንካ፥ ቃይ ክርስቶስ ዳሮ አሳ ናጋራ ይሳናዉ እት ገደ ያርሸቴዳ፤ ቃይ እ ባረና ሎይ ናግያዋንታ አሻናዉ ቤታናፐ አትን፥ ላኤን ናጋራ ቶካናዉ ቤተና።✝

22 "እስራኤልያ አሳቶ፥ ሀ ቃላ ስስተ፤ ናዝሬትያ የሱስ ህንተንቱ ግዶን ጾሳይ ባረናን ኦዳ ዎልቃማ ኦሱዋን፥ ኦራባንነ ማላታን ህንተንቶ ሽሴዳ አሳ፤ ሄዋ ህንተንቱካ ኤሪታ። 23 የሱስ ህንተንቶ እመታና ማላ፥ ጾሳይ ካሰ ባረ ሸንያንነ ባረ ኤራን ባረ ቆፋ ቃች ዎዳ፤ ያትና፥ አ ህንተንቱ ናጋራንቻቱዋ ኩሽያን ማስቃልያ ቦላ ምስማርያን ሽሲደ፥ ካቅስ ዎሴድታ። 24 ሽን ሀይቁ የሱሳ ኦይቃናዉ ዳንዳይቤና ድራዉ፥ ጾሳይ ሀይቁዋ ሴላ አፐ ይሲደ፥ አ ደንዳ።

11 "ታን ዶርሳ ሎይ ሄምያዋ፤ ዶርሳ ሎይ ሄምያዌ ሄ ዶርሳቱዋ ድራዉ ሀይቄ።

26 አያዉ ጎፐ፥ ህንተ ሀ ዳቡዋ ሜዳ ዎደ ኡባንነ ሀ ጹኣፐ ኡሼዳ ዎደ ኡባን ጎዳይ ያና ጋካናዉካ፥ አ ሀይቁዋ ኦዲታ።