Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Jisas goglkwa
Ana okuo Jisas prukwa i, Erme kogona mudu dudumedi prisre, God kamo bage ta beglkwa i pai inabedi yegl dugwa, Na nigl goluwe dugwa. Ana nigl migi ta magigl yogwa i, wain ku erukwa nigl migi mina atne moglkwa pre yoba ta ere mogl, giagin idre, ede hisop yogagle mina were, wain ku erukwa nuglo moglmara i, si badre, Jisas nenabedi togo, nogwa. Ana Jisas wain nuglo ku erukwa i nedre, yegl dugwa, I pra dudumiwe dugwa. Yegl didre, bre magi didre, goglkwa.
Ana soldia wagle ye Jisas ede prak mina si padiglsre, ye kuguglmo gaglmo tau idre, br 4-pela boglsre, swara swarade igwa. Swara swarade igo, ye gaglmo suna pai moglkwa kanigwa i, lap si beglmere mere yegl ta yeikrukwa ba yene gagl mudu ta yogwa. Yegl kanigwa pre yegl digwa, Nono gagl suna i, ake argla dikramga paugwa ba kas mere yegl sumun, yoba ta win sinabuka i, inabiwe digwa. Yegl dimara i, God kamo okna ta beglkwa i, pai yugwa. Ka i yegl beglkwa, Ye na kuguglna gaglna yubu sidre, ira ta inabedi kas mere yegl simiwe di, yegl beglkwa. Beglkwa pamere soldia wagle kuno yegl erikwa.
Ana Jisas ede prak mina pai moglmara i, abu tau magigl adigl meglkwa. Ye mam yogo, mam abauglo ama yogo, Maria ye Klopa ebie moglkwa i yogo, Maria ta dumo Makdala mam moglkwa i bogl akie adigl meglkwa. Ana Jisas ye mam magigl moglkwa i kandre, ye duglo boglkwa yagl ta wakai kanugwa i ama magigl adigl moglkwa i kandre, ye mam yegl di togwa, Abu yo, kano, yagl i ene wan moglmiwe dugwa. Yegl didre, ye duglo boglkwa yagl i yegl di togwa, Kano, abu i, ene man moglmiwe dugwa. Yegl dugo, mokomugl i, ye duglo boglkwa yagl i, Jisas mam yu ye yugumo mina edidre, suglmo moglkwa.
Ye auro i pi dumo ta Bitno Yobuglo Dumo we dimara i pidre, Jisas ya kunogl gogl yoba suo i, ede prak mina si padiglkwa. Ye Jisas suna si padiglko, kunogl gogl yoba swara ta ye ogo wo kra paugo, swara ta ye ogo koda kra paugwa. Ede prak mina si padiglko, Jisas kamage ere, yegl dugwa, Nina yo, ye tadaglme erikwa i, gugl ede to. I siragl pre ye aglau erikwa i, ta pre kan erekrimiwe dugwa. Te, soldia wagle i, ye Jisas kuguglmo gaglmo yubu si inamnedi kas mere yegl sigwa.
Ana Jisas ede prak mina si padiglmara i, yoba magigl adiglsre, kan meglko, Juda yoba yobano kade meglkwa i, ye Jisas kenaglmo si mogl, yegl digwa, Yagl i, yoba tau ere yume digwa. Yegl pre ye kaima Krais, God Kere Yugwa Yagl ikra moran, ye yene ere yo do! digwa. Yegl digo, te, soldia tau meglkwa i, ama Jisas kenaglmo sinamnedi wain nuglo tau ku erukwa i yu tenamendi ersre, yegl digwa, Ene kaima Juda yoba kingno motn, ene enene ere yo! digwa. Te, ye Jisas ede prak mina sigwa igne, ye pamara bre tebe i, ka yegl bogl padiglkwa, Yagl i, ye Juda yoba kingno moglmiwe di, yegl beglkwa.
Ana kunogl gogl yagl suo ta Jisas bogl akie ede prak mina sigwa ikra, swarano ta Jisas kenaglmo sidre, yegl dugwa, Ene God Kere Yugwa Yagl motno? Ene kaima yegl motn, ene enene ere idre, no ama ere yo! dugwa. Yegl dugwa ba kunogl gogl yagl ta moglkwa i, ye ka tedre, yegl dugwa, Ene goratnga magigl erukwa ba ene God kuduglmo goglkitno? dugwa. Nono aglauno pamara gorabuglka kuno erukwa ba yagl i aglau swara ta erekrumiwe dugwa. Yegl didre, ama Jisas yegl di togwa, Jisas yo, ene king moratnga igne, ene na pre moratnedi priwe dugwa. Yegl dugo, Jisas di ikne ede, yegl dugwa, Na ene kaima di teiga. Ene erme na bogl akie dumo wakaile morabugle di, yegl dugwa.
Jisas goglkwa
Ana ermine belo mere yegl, dumo magigl i mim mudu ake wai di, pai mogl ogo, ade kwia 3 klok mere yogwa. Ana ade kwia 3 klok yogo, Jisas ka podo di, yegl dugwa, Eloi, Eloi, lama sabaktani dugwa. Ye ka dugwa i mabuno yegl paugwa, Na Godna, na Godna, ene siragl pre na mokon natne? dugwa.
Ana Jisas goglko, lap podo ta tawa teigwa yugu yugugl kra keglkwa i, mitna ibo yei, suna wom si argla di, ede ime u, i koglo koglo edugwa. Yegl eruko, imem udre, kobuglo kade kade si buko dugwa. Yegl eruko, te yoba geglkwa kobuglo mur yeimara i, kobuglo mur tau yauruko, God yobama tau mere okna geglkwa i, ogono nagino mina adiglkwa. Ye adiglsre, kobuglo mur kide kodo wan meglko, Jisas adigl u kor ogwa igne, ye mudu ede God taunmo, Jerusalem suna wigo, yoba tau mere ye kanigwa.
Te, soldia bitno yagl ta soldia tau bogl Jisas sugl kan meglkwa i, ye imem ta ugwa i prisre, taragl kane kane plau dugwa i kandre, kudugl podo gogl, yegl digwa, Yagl i, ye kaima God Wam moglmiwe digwa.
Te, yoba ye ere kide ere tedre, sigo, boglkwa i, nono tadaglmeno pre boglkwa. Te, ye nono kumapno idre, yubun yugwa i pre nono wakai munga. Ye sigo, boglkwa i pre nono u kor omniwa.
*************************
Yoba ye yagl i mabuno kide ere tedre, yubun podo teigwa ba ye ka ta dikrukwa. Yoba sipsip si goramnedi kane kogl i ede eimere ye yegl si kane si i ede eigwa. I ede eigwa ba yoba sipsip nagie yugo baiglkwa igne, sipsip be dikrumere ye yegl mere ka ta dikrukwa.
************************
Yoba mabuno kide beglkwa na winabo di i suna edigwa. Agl are ere mogl, taragl ere sinamnedi winabo dimere, yegl mere na winabo di i suna edigwa. Na ogona kaglna mina sigwa boglka.
Na yobuglna swara swarade kerinaglka kuno erabuka. Yoba na toro kanigwa.
Ye na kuguglna gaglna yubu sidre, ira inabedi satu sigwa.
Yoba na kandre, ye mudu kiam si narsre, ka kide di narikwa. Ye bitno pia sidre, yegl digwa,
Yagl i Yawe na ake ple dinabedi pre gigle dugwa. Ana Yawe ye siragl pre ake ple dikrume? Yawe ka kaima ye wakai kaNuma, ye ake ple dugo we di, yegl digwa.
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Ana yoba kabagle ta ere inagledi goran, ye deno muduno teigwa mabuno i, mudu egre i atne kaima edenabiwe dugwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Ene prio! Nono okna God kudamo ikne munga ba ye Wam goglmara i mina aglke kor nono yu yene moglmara magigl edugo, nono ye bogl deno muduno swara yei, akie munga. Jisas goglmara i mina God nono yu yene moglmara magigl edugwa pre Jisas erme adigl u kor pidre, kor moglmara i mina nono aimadi kamun wakai kaima moramga keme paugwa. God okuo nono ka tage norabuka i ta kuno erekrabuka.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa.
Moglsre, ye God dem muduo aragan erabedi nono tadaglmeno kumap tedre, te yoba mudu uglo koglo koglo meglkwa i, ama kumapno te kodugwa moglkwa.
Nono ogono nagino pamere kuno yegl ye yoba ogo nagie idre, God kamo duglo bogl pi goglkwa. Te, ye goglkwa i, ye mogl atne edidre, ede prak mina goglkwa.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
I siragl pre Krais goglsre, adigl u kor ogwa i, ye aglke kor ta goglkrabuka, aimadi kamun kor morabuka. I siragl pre geglkwa yobuglomo i ye si dudu kodugwa pre ye aglke kor geglkwa mabuno i mina atne moglkrukwa. Jisas goglkwa i, ye ege swara keme goglsre, tadaglme yobuglomo si dudu kodugwa. Te, ye adigl u kor pidre, erme kor moglkwa i, ye God bogl akie miurka.
Nono Jisas bogl gune diga i, ene pre pogl sinaiglmedi prika. Yoba nigl atne eigo, nigl mogl winabo dumere mere yegl, God nono Jisas Krais moglmara i atne kra ede kodugo, atne mogl kodumga pre Jisas goglmara i, nono ye bogl akie gunga mere yegl paugwa. God ye nono Jisas bogl i swara edugwa i, nono Jisas goglmara i ye bogl akie goglsre, akie kobuglo mur mina atne pai, ama Jisas bogl akie adigl u kor enaiglmedi erukwa. Krais goglko, God nem ye yobuglomo pai kawa togwa i, i nogugl ede, ye ere i kor edumere yegl, nono ama kiano mina ere i kor edugwa pre nono kor moglsre, mabuno kor eramga kuno erukwa.
God di paduglkwa i, yoba ege swara keme goglsre, okuo ye kotmo mina adraiglmedi di paduglkwa. Kuno yegl mere, Krais ege swara keme yoba mere kide tadaglmeno idre, tawano tenagledi ye yene togwa. Te, ye okuo ege namba 2 unabuka i, yoba tadaglmeno gugl edenagledi pre ukrabuka ba yoba ye unabedi kie ere meglkwa i, ere inan, wakai kaima moraiglkwa i pre unabuka.
Ana Pita ka yegl didre, ye ka ta ama yegl dugwa, Ene Israel yoba meglkwa i, na ka ta dinaglka i, ene prio! dugwa. Na Jisas, ye dumo Nasaret nem moglkwa i pre dinaglka. God ye Jisas yobuglo togo, Jisas okna ene meglmara suna kimagl ya diu kane kane eruko, enene pre kan erikwa. Ye kimagl ya diu kane kane erukwa i, ene God ye dedugo, umedi kan pogl sinaiglkwa pre kimagl yegl erume dugwa.
Ana Jisas goglkwa i, God yene oknayene ibo pre kan ersre, siragl eragledi di paduglmere i, ye ersre, Jisas ene ogono mina yogwa. Ene ogono mina yogo, ene Jisas si goraiglmedi ye i pi Rom yoba, ye God lomo pre kan erekrikwa meglmara teigo, ye ogo kagle ede prak mina padigl, nil sidre, si geglmiwe dugwa. Ye Jisas si geglkwa i, ye giugl podo kide prisre, goglkwa ba ye aimadi gorabuka ka kaima ta kuno erekrukwa. Yegl pre God ye ere i kor edugo, adigl u kor omiwe di, Pita yegl dugwa.
Na sipsip sugl wakai moglkwa yagl ta moglka. Yagl ta sipsip sugl wakai morabuka i, ye ama sipsip ere inagledi gorabuka.
Ana ene akie bret ake buko di nedre, wain nuglo nedre, erikwa i, ene nono Yaglno Kade nono pre goglmiwe di, i nogugl edigwa. Ene aimadi yegl ere meglbi, Jisas okuo ede ikne unabuka.