Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
ତାନେୱେନ୍କା ଜିସୁ ଦାର୍ମୁସାସ୍ତ୍ରଦି ବାକ୍ୟ ଏଣ୍ତେସ୍ ପୁରା ଆନାତ୍, ଇୟାଉଣ୍ତିଙ୍ଗ୍ ୱିଜୁ ବିସୟ୍ ଇଲେଇ ୱିଜିତାମାନାତ୍ ଇଜି ନେସ୍ସି ଇର୍ହାନ୍, "ନାଙ୍ଗିଁ ଏର୍କିକାଟ୍ସିନାତ୍ ।"
ଆବେନୁ ସୟ୍ନିରସ୍ ପୁରାପୁରିମାନି ଉନ୍ଡ୍ରି ସାଟି ମାର୍ହାତ୍; ୱାର୍ ସୟ୍ନିରସ୍ ପୁରାମାନି ଉନ୍ଡ୍ରି ତୁଲାଦୁ କାଣ୍ତେକ୍ ବାଡିଗାଦିଟିପୁଦୁ ଲାଗିସ୍କିଜି ୱାନି ୱେୟୁ ଲାକ୍ତୁ ସିତାର୍ । ଆବେଟ୍ ଜିସୁ ଆୟା ସୟ୍ନିରସ୍ ଉଟାନ୍ନୋ ଇର୍ହାନ୍, "ୱିଜିତାତ୍" ମାରି ୱାନ୍ ତାଲା ଆଡ୍ଗି କିଜି ସାତାନ୍ ।
ସନ୍ୟର୍ ଜିସୁଙ୍ଗୁଁ କ୍ରୁସ୍କାଟ୍ତୁ ଏକିସ୍କିତି ୱେନ୍କା ନାଲ୍ଏର୍ ସନ୍ୟର୍ ୱାନି ଆଙ୍ଗିଁ ନାଲ୍ଗି ବାଗ୍କୁ କିଜି ୱିଜେରେ ଉଣ୍ତିଙ୍ଗ୍ ଉନ୍ଡ୍ରି ଉନ୍ଡ୍ରି ବାଗ୍, ମାରି ୱାର୍ ୱାନି ଆଙ୍ଗିଁ ବା ଅତାର୍ । ଆୟା ଆଙ୍ଗିଁ ସିଲାଇ କିଏଣ୍ଗା ମୁସ୍କୁରାନ୍ ଆଡ୍ଗି ସାନ୍ଦି ୱିଜୁ ଗୁତ୍ତା ମାର୍ହାର୍ । ଆଦେଙ୍ଗ୍ ସନ୍ୟର୍ ଲୋଇ ଲୋଇ ଇର୍ହାର୍, ତେନେଙ୍ଗ୍ କିସ୍ତେଙ୍ଗ୍ କେଏଟ୍, ମାତର୍ ଇକା ଏନ୍ଦି ଆନାତ୍, ଆୟାଉଣ୍ତିଙ୍ଗ୍ କୁଡ଼ୁକୁଡ଼ି କିନାଟ୍, ଏଣ୍ତେସ୍ ଦାର୍ମୁସାସ୍ତ୍ରଦୁ ଇୟା ବାକ୍ୟ ପୁରା ଆନାତ୍,
ୱାର୍ ନିଜେ ନିଜେଦି ମାନୁ ନା ଆଙ୍ଗିଁଦିଙ୍ଗ୍ ବାଗ୍ କିତାର୍,
ମାରି ନା ଆରାନି ଆଙ୍ଗିଁ ଉଣ୍ତିଙ୍ଗ୍ କୁଡ଼ୁକୁଡ଼ି କିତାର୍ ।
ଆଦେଙ୍ଗ୍ ସନ୍ୟର୍ ଇୟାୱିଜୁ କିତାର୍ ।
ମାତର୍ ଜିସୁଦି କ୍ରୁସ୍କାଟ୍ତି ଲାକ୍ତୁ ୱାନି ଆଇସି ମରିୟମ୍, ୱାନି ଆଇସିକା ତାଙ୍ଗିଁସି, କ୍ଳୋପାଦି ଆଡ଼୍ସି, ମରିୟମ୍ ମାରି ମଗ୍ଦଲିନି ମରିୟମ୍ ନିର୍ଏ ମାର୍ଏ । ଜିସୁ ନିଜେଦି ଆଇସିଙ୍ଗ୍ ମାରି ଏମେ ସିସୁଙ୍ଗୁଁ ଜିବନ୍ନୋଜି ମାର୍ହାନ୍, ତାନିଙ୍ଗ୍ ଲାକ୍ତୁ ନିର୍ଇମାରିକା ସୁଡ଼ୁତାନ୍ନୋ ଆଇସିଙ୍ଗ୍ ଇର୍ହାନ୍, "ସୁଡ଼ୁଆ, ନି ମାରିନ୍ତିଙ୍ଗ୍ !"
ତାନେୱେନ୍କା ଜିସୁ ଆୟା ସିସୁଙ୍ଗୁଁ ଇର୍ହାନ୍, "ସୁଡ଼ୁଆ, ମି ୟାୟା !" ମାରି ଆୟା ସମୟ୍ତାନ୍ ଆୟା ସିସୁ ତାନିଙ୍ଗ୍ ନିଜେଦି ଇଲୁତୁ ଅତାନ୍ ।
ମାରି, ୱାର୍ କାପାଲ୍ ନାନି ଦର୍ତି ବାଡିଦୁ ଇତାର୍ରୋ ଆବେନୁ ସୈନ୍ୟର୍ ଜିସୁଙ୍ଗୁଁ କ୍ରୁସକାଟ୍ତୁ ଏକିସ୍କିତାର୍, ମାରି ଡଙ୍ଗାଁରିଙ୍ଗ୍ ରିଏରି ମାଣ୍କୁ ଅରେନ୍ ୱାନିଙ୍ଗ୍ ଉଣିକିୟୁ ତରିନ୍ ମାରି ଆଇୱାନିଙ୍ଗ୍ ଡେବିରି କିୟୁ ତରିନ୍ କ୍ରୁସକାଟ୍ତୁ ଏକିସ୍କିତାର୍ । ନାସ୍ତିୱାଲେ ଜିସୁ ଇର୍ହାନ୍, "ଏ ବୁବା, ୱେରିଙ୍ଗ୍ କେମା କିଆ, ଇରିଙ୍ଗ୍ ଇକାର୍ ଇନିକା କିଜିନାର୍, ଆକା ୱାର୍ ନେସ୍ଏର୍ ।" ମାରି, ୱାର୍ ୱାନି ଆଙ୍ଗିଁୱିଜୁ ବାଗ୍ କିନି ଉଣ୍ତିଙ୍ଗ୍ କୁଡ଼ୁକୁଡି କିତାର୍ । ମାରି, ଲୋକୁ ନିର୍ଆର୍ରୋ ଜିସୁଙ୍ଗୁଁ ସୁଡ଼୍ଜି ମାର୍ହାର୍ । ମାରି, ଜିହୁଦି ନେତାର୍ ବା ୱାନିଙ୍ଗ୍ ସେମାର୍ କିଜି ଇଣ୍ତ୍ରେଙ୍ଗ୍ ଆସ୍ତାର୍, ୱାନ୍ ଆଇୱାରିଙ୍ଗ୍ ରକିୟା କିତାନ୍, ୱାନ୍ ଜଦି ମାପୁରୁଙ୍ଗୁଁ ବାସେକିତି କ୍ରିସ୍ତ, ସିଲିତିଙ୍ଗ୍ ନିଜେଦିଙ୍ଗ୍ ରକିୟା କିପିନ୍ ।
ମାରି, ସୈନ୍ୟର୍ ବା ଜିସୁ ଲାକ୍ତୁ ୱାଜି ସୋଇନିରସ ଜାସେ କିଜି ୱାନିଙ୍ଗ୍ ସେମାର୍ କିଜି ଇର୍ହାର୍, ନିନ୍ ଜଦି ଜିହୁଦିର୍ ରାଜା, "ଆଦେଙ୍ଗ୍ ନିଜେଦିଙ୍ଗ୍ ରକିୟା କିଆ ।"
ମାରି, ୱାନି ମୁସ୍କୁ ଇୟାୱାଜା ରାସ୍ତିକା ବା ମାର୍ହାତ୍, "ଇକାନ୍ ଜିହୁଦିର୍ ରାଜା ।"
ମାରି, କ୍ରୁସକାଟ୍ତୁ ଏକିସ୍କିତିମାନି ଡଙ୍ଗାଁରି ମାଣ୍କୁ ଅରେନ୍ ଜିସୁଙ୍ଗୁଁ ନିଦା କିଜି ଇଣ୍ତ୍ରେଙ୍ଗ୍ ଆସ୍ତାନ୍, "ନିନ୍ ଇନିକା କ୍ରିସ୍ତ ଆଇନୋ ? ନିଜେଦିଙ୍ଗ୍ ନି ମାଙ୍ଗିଁ ରକିୟା କିଆ ।"
ମାତର୍ ମାରି ଅରେନ୍ ୱାନିଙ୍ଗ୍ ଆଦ୍ରିସ୍ କିଜି ଇର୍ହାନ୍, "ନିନ୍ ସାମାନ୍ ଦଣ୍ତ୍ ତୋ ପଇଜିନି, ନିନ୍ ମାପୁରୁଙ୍ଗୁଁ ଇନିକା ତିଲାଇଜିନି ନୋ ? ମାରି, ମାଡ୍ ଗିଦେ ନିୟ୍ୟାଇସାବତାନ୍ ଦଣ୍ଡ୍ ବୋଗାଜିନିକା, ଇରିଙ୍ଗ୍ ମାଡ୍ ନିଜେ ନିଜେଦି କାର୍ମୁଦି ଦସ୍ ପଲ୍ ପୋଇଜିନିକା, ମାତର୍ ଇୟା ଲୋକୁ ଇନି ଦୋସ୍ବା କିଏନ୍ ।" ତାନେୱେନ୍କା ଆୟା ଡଙ୍ଗାଁରେଏନ୍ ଜିସୁଙ୍ଗୁଁ ଇର୍ହାନ୍, "ଏ ଜିସୁ ନିନ୍ ନିଜେଦି ରାଜିଦୁ ସୋର୍ରିଙ୍ଗ୍ ନାଙ୍ଗିଁ ଏତ୍ କିଆ ।"
ଆବେଟ୍ ଜିସୁ ୱାନିଙ୍ଗ୍ ଇର୍ହାନ୍, "ନାନ୍ ନିଙ୍ଗିଁ ସତ୍ ୱେର୍ସିନା, ନେରୁ ନିନ୍ ନା ୱାଲେ ମୁସ୍କୁପୁର୍ ସନି ।"
ଆୟା ନାଣ୍ଡିଙ୍ଗ୍ ବାର ଗନ୍ଟା ସମୟ୍ତୁ ପୃତିବି ୱିଜୁ ସିକାଟି ଆଜି ମୁଣ୍ତ୍ରି ଗନ୍ଟା ସାନ୍ଦି ତେବାତାତ୍ । ମୁଣ୍ତ୍ରିଗନ୍ଟା ସମୟ୍ତୁ ଜିସୁ ନାଣ୍ତ ଆଉଲି ଆଜି କୁକ୍ସି ଇର୍ଆନ୍, "ଏଲି, ଏଲି, ଲାମା ସାବକ୍ଥାନୀ ?" ଅର୍ତାତ୍, "ଏ ନା ମାପୁରୁ, ଏ ନା ମାପୁରୁ, ନିନୁ ନାଙ୍ଗିଁ ଏନ୍ଦା ଡ଼ିସ୍ତି ?"
ଆୟା ବେଡ଼ାଦୁ ମନ୍ଦିର୍ତୁ ଦୁଙ୍ଗୁଁଜିମାନି ପାର୍ଦା ମୁସ୍କୁରାନ୍ ଆଡ୍ଗି ସାନ୍ଦି ରୁଣ୍ତି ମକେଙ୍ଗ୍ ଆଜି କିଜିତାତ୍ । ବୁମିକମ୍ପ ଆତାତ୍, ପିଡ଼ିପିଙ୍ଗ୍ୱିଜୁ ପାଡିତେସର୍ଏ ମାରି ଏସ ମୁସ୍ତିଗୁଟେଙ୍ଗ୍ ରେଆୟ୍ଆତେ, ମାରି ଗାଦି ମାପୁରୁଦି ସାତି ଲୋକୁ ମେନ୍ଧଲ୍ତାନ୍ ମାରିଡ଼େସିଜିବନ୍ ଆତାର୍ । ଇୟାକାର୍ ମୁସ୍ତିଗୁଟେଣ୍କୁ ନିଙ୍ଗିଁଜି ୱାତାର୍ ମାରି ଜିସୁଦି ମାରିଡ଼େସିନିଙ୍ଗିଁନି ୱେନ୍କା ଇୟାୱାରିଙ୍ଗ୍ ପବିତ୍ର ଗାଡ଼୍ ଜିରୁସାଲମ୍ତୁ ସନିକା ଗାଦିଲୋକ୍ ସୁଡ଼ୁତାର୍ ।
ଜିସୁଙ୍ଗୁଁ କାପ୍କିଦେଙ୍ଗ୍ ତେବାତିମାନି ସେନାପତି ମାରି ସନ୍ୟର୍ ବୁମିକମ୍ପ ନି ଆଇଆଇ ଗଟ୍ନେଙ୍ଗ୍ ସୁଡ଼ୁଜି ତିଲାତା ସର୍ର୍ହାର୍, ୱାର୍ ଇର୍ହାର୍, "ସତ୍ନେ, ଇୟାକାନ୍ ମାପୁରୁଦି ମାରିନ୍ ମାର୍ହାନ୍ ।"
ମାତର୍ ୱାନ୍ ମା ଅଦାର୍ମୁ ଉଣ୍ତିଙ୍ଗ୍ କାଣ୍ତିଆକାବ୍ରା ଆତାନ୍ ମାରି ମା ଦସ୍ ଉଣ୍ତିଙ୍ଗ୍ ଗୁଣ୍ଡ୍ଗୁଣ୍ଡା ଆତାନ୍; ମା ସାନ୍ତିଦି ସାସ୍ତି ୱାନି ମୁସୁକୁ ୱାତାତ୍ ମାରି ୱାନି ମାଡ୍ଡାକ୍ତି ମାଣାନ୍ ମାଡ୍ ନେଗେଣ୍ଡ୍ ଆତାପ୍ । ମାଡ୍ ୱିଜେରେ ମେଣ୍ଡେଙ୍ଗା ୱାଜା ଆଇ ସାରିଦୁ ସର୍ହିମାନିକା; ମାପୁ ୱିଜେରେ ନିଜେ ନିଜେଦି ସାରିଦୁ ଡ଼େସିୱାତାପ୍; ମାରି, ପ୍ରବୁ ମା ୱିଜେରି ଦସ୍ ୱାନି ମୁସୁକୁ ଅତାମାନାନ୍ । ୱାନ୍ ନାଣ୍ଡ କାସ୍ଟୁ ପୟ୍ତାନ୍, ମାରିବା ୱାନ୍ ନିଜେଦିଙ୍ଗ୍ ସାନ୍ତି କିଜି ନିଜେଦି ମାଟା ଇନ୍ଏତାନ୍; କାତ୍ତେଙ୍ଗ୍ ଅନି ମେଣ୍ଡାଦି ୱାଜା, ତାଲା କୋୟ୍ନି ଲୋକା ଆଗ୍ଡ଼ି ସାନ୍ତିଦି ମେଣ୍ଡା ୱାଜା ଆଜି ୱାନ୍ ନିଜେଦି ମାଟା ଇନ୍ଏତାନ୍ ।
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
ନିଜେଦି ସଙ୍ଗ୍ତିଲୋକା ଉଣ୍ତିଙ୍ଗ୍ ନିଜେଦି ଜିବନ୍ ସିନି ବାଦୁଲୁ ଏନ୍ ମାରି ନାଣ୍ତ ପେରି ଜିବନ୍ନୋନିକା ସିଲେତ୍ ।
ଇରିଙ୍ଗ୍ ମାପୁରୁ ଇୟା ଜଗତ୍ତିଙ୍ଗ୍ ନିସା ଜିବନ୍ ନତାନ୍ ଜେ, ୱାନ୍ ନିଜେଦି ଅରେନ୍ ମାରିନ୍ତିଙ୍ଗ୍ ସିତାନ୍, ଏଣ୍ତେସ୍ ଏନ୍ଆପିନ୍ ୱାନିମାନୁ ବିସ୍ବାସ୍ କିନାନ୍, ୱାନ୍ ନାସ୍ଟୁ ଆଏଣ୍ତା ଏସ୍କାଙ୍ଗ୍ୱିଜ୍ଇ ଜିବନ୍ ପଇନାନ୍ ।
ମାଡ୍ ମାପୁରୁଦି ସାତ୍ରୁ ମାରି ୱାଲେ ୱାନି ମାରିସି ମା ଉଣ୍ତିଙ୍ଗ୍ ଜିବନ୍ ସିତାନ୍, ତାନି ମାଣାନ୍ ମାପୁରୁଦି ୱାଲେ ମା ମିସାନିକା ଆତାତ୍ । ମାପୁରୁଦି ୱାଲେ ମିସାତି ୱେନ୍କା ଇଲେଇ କ୍ରିସ୍ତଦି ଜିବନ୍ତାନ୍ ରକିୟା ପୟ୍ଦେଙ୍ଗ୍ଁ ଇଜି ମାଡ୍ ଏସା ନାଣ୍ତ ସୁଜୋଗ ପୟ୍ଇକା ?
ଜିସୁ କ୍ରିସ୍ତ ମା ଉଣ୍ତିଙ୍ଗ୍ ନିଜେଦି ଜିବନ୍ ସିତି ମାଣୁକୁ ମାଡୁ ଜିବନ୍ନୋନି ସିକ୍ୟା ପୟ୍ତାମାନାପ୍; ମାରି ତଡ଼ାନ୍କା ଉଣ୍ତିଙ୍ଗ୍ ମା ଜିବନ୍ ବା ସିନିକା ମାନାତ୍ ।
ମାରି ଆୟା କ୍ରିସ୍ତ ନିଜେ ମା ପାପ୍ ଉଣ୍ତିଙ୍ଗ୍, କେବଲ୍ ମା ପାପ୍ ଉଣ୍ତିଙ୍ଗ୍ ସିଲେ, ମାତର୍ ସାରାଦୁନିଆଦି ପାପ୍ ଉଣ୍ତିଙ୍ଗ୍ ବା ଜିବନ୍ ସିତାମାନାନ୍ ।
ମାରି, ୱାନ୍ ସାନ୍ତି ମାରି ସାନ୍ତିଦିକାନ୍ ଆଜି ସାନି ସାନ୍ଦି,
କ୍ରୁସଦୁ ସାନି ସାନ୍ଦି ମାନାତାନ୍ ।
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
ମାଡ୍ ନେସ୍ନିକା, କ୍ରିସ୍ତ ସାତିମାଣାନ୍ ନିଙ୍ଗିଁତାମାନାନ୍ ଆକା, ୱାନ୍ ମାରି ଏସାଙ୍ଗ୍ଁ ସାଏନ୍ । ୱାନି ମୁସ୍କୁ ସାନିକା ମାରି ସାସନ୍ କିଏତ୍ । ୱାନ୍ ଏମେନୁ ସାତାନ୍ ଆବେଣାନ୍ ପାପ୍ତି ସାକ୍ତିଦାନ୍ ଜିଣାତାମାନାନ୍ । ୱାନ୍ ଇଲେଇ ଆମା ଜିଜି ମାଡ଼ିଜିନାନ୍, ଆକା ମାପୁରୁଦି ୱାଲେ ମିସାତି ଜିବନ୍ ।
ମିର୍ ନେସ୍ନିଦେର୍, ଡୁବନ୍ ଅନି ମାଣାନ୍ କ୍ରିସ୍ତ ଜିସୁଦି ୱାଲେ ମିସାଜି ମାଡ୍ ୱାନି ସାତି ମାନୁ ବା ମିସାତି ମାନିକା । ଡୁବନ୍ ଅନି ମାଣାନ୍ ମାଡ୍ ୱାନି ସାତି ମାନୁ ମିସାଜି ୱାନି ୱାଲେ ମୁସାତି ମାନିକା । କ୍ରିସ୍ତ ଏଣ୍ତେସ୍ ବୁବାଦି ଗୌରବ୍ଦି ସାକ୍ତି ଦାନ୍ ମାରିଡ଼େସିଜିବନ୍ ଆଜି ନିଙ୍ଗିଁତାନ୍, ମାଡ୍ ବା ୱାନି ଉଣ୍ତିଙ୍ଗ୍ ପୁନିୱାଜା ଜିଦେଙ୍ଗ୍ ଆଟ୍ନିକା ।
ୱିଜେରେ ଉନ୍ଣ୍ତ୍ରେଦେବା ସାନାର୍ ମାରି ତାନିୱେନ୍କା ମାପୁରୁଦି ବିଚାର୍ଦି ଆଗ୍ଡ଼ି ନିନାର୍ । ଆୟାୱାଜା ୱିଜୁଲୋକା ଉଣ୍ତିଙ୍ଗ୍ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍ ଆତାନ୍ । ୱାନ୍ ମାରିଉଣ୍ଡ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍ତି ଜୁଦ୍ କିନି ଉଣ୍ତିଙ୍ଗ୍ ୱାନ୍ ରେଏନ୍ । ୱାନ୍ ୱାନାନ୍, ୱାନି ଉଣ୍ତିଙ୍ଗ୍ କାପ୍କିଜିମାନି ଲୋକାଙ୍ଗ୍ ରକିୟା କିନି ଉଣ୍ତିଙ୍ଗ୍ ୱାନାନ୍ ।
ଏ ଇସ୍ରାଏଲ୍ତି ଲୋକୁ, ଇୟାୱିଜୁ ମାଟା ୱେନ୍ଡ୍ରୁ ! ନାଣ୍ତ ସାକ୍ତିଦି ପାଣି ମାରି କାବାନି ସିନା ଦାନ୍ ନାଜରିୟତିୟ ଜିସୁ ଜେ ମାପୁରୁ ପକ୍ତିକାନ୍ ଇଜି ପାର୍ମାଣ୍ କିଆୟ୍ ଆତାମାନାନ୍ ମାରି ମାପୁରୁ ସାକ୍ତି ପୁରାକିତିକାନ୍, ଇକା ମି ଲାକ୍ତୁ ସତ୍ ଆତାମାନାତ୍ । ମି ଲୋଇ ଇୟା ଇୟାୱିଜୁ ଗଟନା ଗଟାତାତ୍, ଆଦେଙ୍ଗ୍ ଇୟା ବିସୟ୍ତାନ୍ ମିର୍ ନେଗେନ୍କିଜି ନେସ୍ତିମାନିଦେର୍ । ମାପୁରୁ ୱାନି ଉପାୟ୍ ଇସାବ୍ତାନ୍ ଜିସୁଙ୍ଗୁଁ ମି କିୟୁଦୁ ସର୍ପେ କିଦେଙ୍ଗ୍ ତିର୍ କିତାମାର୍ହାନ୍ । ମାରି ମିର୍ ୱାନିଙ୍ଗ୍ ପାପିଲୋକା ମାଣାନ୍ କ୍ରୁସଦୁ ଏକିସ୍କିଜି ଡାକ୍ତି ମାର୍ଇଦେର୍ । ମାତର୍ ମାପୁରୁ ୱାନିଙ୍ଗ୍ ସାନି ମାଣ୍କୁ ଡ଼ିସିସ୍କିଜି ମାରିଡ଼େସି ନିକ୍ତାନ୍, ଇରିଙ୍ଗ୍ ୱାନ୍ ସାତି ମାନୁ ତରାୟ୍ଆଜି ତେବାନିକା ଅସମ୍ଭବ ।
ନାନ୍ ନେଗେନ୍ ମେଣ୍ଡେଙ୍ଗ୍ ସାରାକିନିକିଦା; ନେଗେନ୍ ମେଣ୍ତେଙ୍ଗ୍ସାରାକିନିକାନ୍ ମେଣ୍ତେଆଙ୍ଗ୍ ଉଣ୍ତିଙ୍ଗ୍ ନିଜେଦି ଜିବନ୍ ସିନାନ୍ ।
ଇରିଙ୍ଗ୍ ଏସ ଦେବେଙ୍ଗ୍ ମିର୍ ଇୟା ରୁଟି ତିନିଦେର୍ ମାରି ଇୟା ଅଙ୍ଗୁର୍ରସତିଙ୍ଗ୍ ଉଣିଦେର୍, ନାସ ଦେବେଙ୍ଗ୍ ମିର୍ ପ୍ରବୁଦି ୱାନିଦିନ୍ ସାନ୍ଦି ୱାନି ସାତି ମାଟା ୱେର୍ସି ମାନିଦେର୍ ।