33 Anɛ ekitaki ibɔ nde ndye ɛnɛ etaka ibɔ Lɔbɛkɛ, bahola babakɛ Yesu nde ekulusu la nsɛtɛ nde nɔnge ɛkɔ, bɔlɔngɔ la banto bape ba boyongo, ɔmɔɔ nde lɔbɔ lo loome, ɔmɔɔ nde lɔbɔ lo lwali. 34 Yesu ahangɛ: «Papa, obasabinye, itina bapwebe mbo ikela ibɔ.» Mpe babɛtɛ bɛbɛlɛ kela bakape bihenda bikinde. 35 Banto ba ehe bayalaki aiko, balenda inkuma ikelama; baome ba bihe, ibɔ, babɔɔlɛ nko ntɔɔlɔ, bahangɛ: «Nde abikyɛ banto buuke, ayabikyake nde kiika kaki ayali mpendja Masiya, bonto ɔnɛ ɔhɔlɔki Ndjakomba.» 36 Bahola mpe babɔɔlɛ nko ntɔɔlɔ; batutamɛ la nde kela babopaa baana ba bokai mpe babobelɛ: 37 «Kaki wɛ oyali nkumu eeki Bayuda, yabikyaka wɛ kiika.» 38 Nde liko i bɔtɛ booki Yesu, bakɔtɛ: «Bonto ɔnɛ ayali Nkumu eeki Bayuda.» 39 Bonto ɔmɔɔ nde baiko bape ba boyongo babakemaki la Yesu nde bikulusu, abotolɛ: «Wɛ toyali Masiya? Yabikyaka wɛ kiika mpe otobikye la nso.» 40 Yaa ɔnɛ ɔmɔɔ apɔndɔlɛ boninga mpe abobelɛ: «Wɛ opomange la Ndjakomba, nkya bonga wɛ obatɛ etumbo ndenge ɛmɔɔ la nde! 41 Ekinso etumbo eyali nde ndjela: ɛɛli la besala be bobe beekinso; yaa nde apa la la lobo lɔmɔɔ lo bobe lokelɛ nde.» 42 La lombuha luuko ahangɛ: «Yesu, onkanenaka elaka engokita wɛ nde Bonkumu bokiɛ.» 43 Yesu abounoyelɛ: «Nhɔhɔlɔ nkobela, lɔlɔkɔ, okoyala la emi nde Paladisu.»

33 Ima midi tii ngonga e ehato e ikɔ, buulima bɔɔtwɛ nde bokili bonkuma. 34 Mpe la ngonga ɛkɔ e ehato e ikɔlɔ, Yesu abobɛ la nguya: «Eloi, Eloi, lama sabatani?» – elimbola wambɔ «Ndjakomba eeki emi, Ndjakomba eeki emi, itina iinga wɛ onhenɛ nɔ?» –