Morte de Jesus

Yesu kanguhwegha

28 Mbole ya agho, Yesu pakimanya kukita kayomola milando yake hyoha, ili Matyeko ghabheghe gha hoto, kakilongela, "Nyumilwa nyota."

29 Apo pakibhegha kimbundi kiimemite difwai yiichakamukite, kya habhu bhakichwika libhoya mu kimbundi akyo, bhakibhika munndenge bhakinnyinulila mu nnomo ghwa Yesu. 30 Mbole ya kupaha ayo siki, Yesu kakilongela, "Ghapela!"

Mbole kakihokamiha mutwe ghwake na kayomoka.

23 Machonda paammambite kala Yesu mulupingika, bhakighatola mapinda ghake na bhakighaghabha mafungu ncheche, kila machonda na kifungu kyake. Ngati bhakiyitikilana bhakotoke kulikachula lila lijoho lyake kiyaha likitalaswa ng’obhe ngati likikwatalilwa kutandila kunani mbaka pahi. 24 Machonda bhakighombelana bhene, "Tukotoke kulikachula ngati tulitendele usimbi ili kulamula ghani kalitole." Nnando aghu ghukitendekwa habhu ili ghatwihilike Matyeko ghaalongela.

"Bbhombe bhakighabhana mapinda ghangu

na lijoho lyangu bhakilitendela usimbi."

Habhu ndo bhakitenda machonda.

25 Ugheghela na lupingika lwa Yesu bhakiyima Malia mama ywake Yesu, na nnung’una ywa mama ywa Yesu na Malia nhumbu ywa Kilopa na Malia ywa kuhuma ku Magidala. 26 Yesu pakammonite mama ywake na nhundwa ywake ywakanpalite muno bhayima pala, kakinng’ombela mama ywake, "Nhumbu, ayu apa ndo mwana ghwako."

27 Mbole kakinng’ombela yula nhundwa ywake, "Ghulole, ayu ndo mama ywako." Kutandila lisaa lila yula nhundwa kakintola mama ywake Yesu na kutama naywo ukaya kwake.

33 Paahikite pala apakemite Lihuhu lya Mutwe, apa ndo bhakinmangalila Yesu mulupingika, na bhala ahakata abhili bhakiabhamba kila yumo mulupingika lwake yumo mu mbande hyaki ya nnilo ya Yesu na yumo mumbande hyaki ya kungiya. 34 Yesu kakilongela, "Tate ghubhalekekehe kiyaha bhangumanya ng’obhe kila kyabhaatenda!"

Mbole bhakigabhana mapinda ghake kwa kutenda simbi. 35 Bhandu bhakiyima apwo pa akinlolekeha, na hilongohi ghwa Akaayahudi bhakinbhicha Yesu pa akilongela. "Kakialopoha bhangi! Hinu kalilopohe mwene, handa mwene ndo Kilisito ywakahaghulitwe na Chapanga!"

36 Amachonda nabho bhakihika, na bhakintendela ubhichi na kunkinila, bhakinyeghela kilobhi ili kakanyweghe. 37 Nabho bhakinng’ombela, "Handa ghwenga ndo Mutwa ghwa Akaayahudi, ghulilopohe ghumwene."

38 Hilahila unani mwa lupingika lwake bhakilubhika lupapi luutyekitwe Matyeko agha, "AYU NDO MUTWA GHWA AKAAYAHUDI."

39 Yumoo ghwa bhala ahokelo bhaamangalilitwe papamu naywo kakintendela ufyangu pakalongele, "Ghwenga ndo Kilisito ng’obhe? Ghulilopohe ghumwene na ghutulopohe na twenga."

40 Yula nhokelo yungi kakinlakalila nnyake, pakilongela, "Ghwenga, bhuli ghungunnyoghopa ng’obhe Chapanga na ghubhegha mutoso ahyo ahyo? 41 Twenga tutoswa kwa shaliya kiyaha tungunoghwa toso ya ndendelo yetu. Peni mundu ayu kakitenda ng’obhe kyohele kihakata." 42 Mbole kakilongela, "Bambo Yesu, ghuhwachile nenga paghuyingila mu Ubhutwa ghwako."

43 Yesu kakinnyanga, "Kulyaghila, nungughughombela hoto, lelo ghwabhegha papamu na nenga ku Paladiso."

Yesu kangughwegha palupingika.

33 Paihikite saa nhano na yimu mbaka saa nhano na nchehe pamuhi kukibhegha na lubhindu lukulu lukighubika nnima ghoha. 34 Mulisaa lya nhano na ncheche makimuhi Yesu kakilila kwa lilobhe likulu pakilongela "Eloi, Eloi, lama sabakitani?" Mana hyaki, "Eeeh Chapanga, Chapanga ghwangu bhuli ghunguneka?"

51 Lisaa alyo alyo, lipasia lya Nyumba ya Chapanga likibaluka hipalamande hibhili, kutandila kunani mbaka pahi. Nnima ghukilendema na matalabha ghakibaluka. 52 Mandogholo ghakigubutuka na mibhili ya bhandu bha maha yikihyuka. 53 Mbole ya Yesu kuhyuka bhakubhuka mumandogholo na bhakiyingila ku kitami king’anyimo na kubhegha bhandu bha atangalo.

54 Ndo yula machonda kilongohi na bhala bhaabheghite papamu naywo paakinkingikiha Yesu, paabhonite nnima ghungulendema na ghoha ghaabwitukilite, bhakiyoghopa na bhakilongela, "Kulyaghila ayu kakibhegha Mwana ghwa Chapanga."

13 Njila ngulu ndo ya kuabhoneha upalo ndo kubhegha kala kuhwegha kwakya bhombe.

16 "Kiyaha Chapanga kakighupala nnima mbaka kakimmuha Mwana ghwake ghwa kighweka, ngati kila mundu ywakanhyubhalila kakotoke kuhobha, ngati kabheghe na ubhumi ghwa manjubha ghoha ghanga pela!"

10 Patubheghite tukali amyanja bhake, Chapanga kakitulinganiha malobhe naywo kwa kiho kya Mwana ghwake. Na kwa bhula hinu tubhegha aghanja bha Chapanga, ndo kulyaghila Kilisito katatulopoha kiyaha ywene kabhegha na ubhumi mu manjubha ghoha.

16 Kya habhu, twahotola kughumanya upalo ghwa Chapanga, kiyaha Yesu Kilisto kakighubhuha ubhumi ghwake kwakya twenga. Na twenga tungunoghwa kughubhuha ubhumi ghwetu kwakya abho alongo bhetu ahyubhalila.

2 Ywombe Kilisto ndo nyambi ywkabhuha ulemwa ghwetu, chepa ulemwa ghwetu ghweka, ngati ndo ulemwa ghwa bhandu bhoha.

8 Kakilihuluha na kakiyitikila mbaka kuhwegha,

hata kuhwegha mu lupingika.

9 Tungumanya kukita Kilisito kahyuka kala na kaahwegha kangi ndwee, kahone kyakuntenda kahweghe kangi. 10 Kiho kyakahweghite, kakihwegha mala yimu ghweka, ulemwa ghubhegha ng’obhe na makakala kangi, peni ulami ghwakabheghite naghwo kangutama muughumu na Chapanga.

3 Mana mungumanya kukita twenga twabhoha bhatubatisitwe tulihanga na Kilisito Yesu, tukibatiswa na kulungana kwa kiho kyake. 4 Patubatisitwe tukililunga naywo mu kiho kyake, tukikulilwa papamu naywo, ngati handa bhula Kilisito pakahyukite kwa ukulu ghwa Tate, twenga bhubho tuhotole kulama mu ubhumi ghwa hyono.

27 Hino, handa bhula kila mundu kaahwegha mala yimo ghweka, mbole kaayima mu ulongolo ghwa Chapanga ngati katoswe. 28 Ubhwabhu abhu, Kilisito naywo pakabhuhitwe nyambi mala yimu ngati kaghutole ulemwa ghwa bhandu atangalo. Paabwituka kya ubhili, ndo chepa kya kulimbana na ulemwa, ngati ndo kwa kubhalopola bhala bha annindila.

22 Petili kakighendelela kulongela, "Mwenga ma bhandu bha ku Isilaeli nnyihwe malagho agha mahamaha! Chapanga kakibhalangiha mwega kukita kangutenda lihengo maha kwa kukindila Yesu ghwa ku Nasaleti. Mabhene mungumanya kukita kwa kukindila Yesu kakitenda naho ndangalo kwa mwenga. 23 Kubhukana na unyakatiho ghwake mwene Chapanga kakilamula kwa kumanya kukita Yesu kangapukilitwe mumabhoko ghenu, mwenga mukinkoma kwa kualekela bhandu ahakata bhankome bhammambe. 24 Peni Chapanga kakinhyuha Yesu kuhuma kwa bhaahweghite kakimmuha mu ubhabho ghwa ntumba, kiyaha yingahotolitwi ng’obhe kukamulighwe na makakala gha kiho.

11 "Nenga ndo nhakila ywa maha, Nhakila ywa maha kabhegha kala kuhwegha kwakya mene bhake.

26 Mana kila panlyegha lingate ali na kunyweghela nnobho aghu, mungulandamiha kiho kya Bambo, mbaka pakapala kuhika kangi.