Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
အယ်ဘီးန ယေရှုဟှာ မှုအားလောင်း ပီးဟှားဘီဆိုဇာဟှို သိတော်မူဘီး ကျမ်းစာပ္လဲ့ဇောင်ဟှို့တွပ် "ငါရေငတ်ဟှယ်" ဆိုဘီး မိန့်တော်မူလေဟှယ်။
အယ်နေရာမာ ဝိုင်ရှင်ပ္လဲ့ထဲ့ဟှားဟှူ အိုးတလောင်းရှိဟှယ်။ အယ်ကြောန့် သူးနို့ဟှာ ရေမ္လုတခုဟှို အယ်ဝိုင်ရှင်ထဲမာ နှစ်လိုက်ဘီးဟှာ ဟုဿုပ်ဗန် ခတ်ဖျားမာတပ်ဘီး ကိုယ်တော်ရဲ့ နှော့-က်ခမ်းနားဟှို ကပ်ပေးလေဟှယ်။ ယေရှုဟှာ ဝိုင်ရှင်ဟှို သော့-က်တော်မူဘီးန "မှုပီးဟှားဘီး!" ဆိုဘီး မိန့်တော်မူလေဟှယ်။
အယ်ဘီးန ကိုယ်တော်ဟှာ ဦးခေါန်းတော်ဟှို အော့-က်ဟှိုစိုက်ခ္လဘီး သတ်တော်ဟှို စွန့်တော်မူလေဟှယ်။
စစ်သားလေဟှာ ယေရှုဟှို ကားစင်တန်ဂေ့ဘီးန ကိုယ်တော်ရဲ့ ဝတ်တော်ဟှို လေးပိုင်းပိုင်းဘီး တယော့-က်တပိုင်းစီ ယူဂေ့ဟှယ်။ သူးနို့ဟှာ ထဲခံအန်းဂီဟှိုလည်း ယူဂေ့ဟှယ်။ အယ်အန်းဂီဟှာ ချောက်ကြောန်းမှေ့ဘဲ့ ရစ်လောက်ဟှားဟှူ အန်းဂီးဖြစ်ဟှယ်။ စစ်သားလေဟှာ "အယ်အန်းဂီးဟှို ဆုဖ္လဲဘဲန ဖယ်လူရမယ် ဆိုဇာဟှို မဲနှိုက်ဂေ့ဇို့" ဆိုဘီး သူးနို့ ရှင်းရှင်း ပြောဂေ့ဟှယ်။ အယ်မျိုးဖြစ်လာဇာဟှ
"သူးနို့ဟှာ ငါ့အန်းဂီးဟှို ခွဲဝီယူဂေ့မယ်
အယ်ဘီးဟှာ ငါ့အန်းဂီဟှို မဲနှိုက်ဘီးဟှာ ယူဂေ့ဟှယ်" ဆိုဘီး ကျမ်းစာမာ ရေးဟှားဇာလေ ပ္လဲ့ဇောင်ဟှို့တွပ် ဖြစ်လေဟှယ်။
အယ်ကြောန့် စစ်သားလေဟှာ အယ်မျိုး လောက်ဂေ့ဟှယ်။
ယေရှုရဲ့ လတ်ဝါးကပ်တိုင်နားမာ ကိုယ်တော်ရဲ့မိ၊ ကိုယ်တော့်မိရဲ့ညီမ၊ ကလောဖရဲ့မီးမ မာရိန မာဂဒလဝါသူ မာရိ မတ်တတ်ရပ်နေဂေ့ဟှယ်။ ယေရှုဟှာ နီးမာရပ်နေဟှူ၊ ကိုယ်တော်ရှစ်ဟှူ တဗဲ့တော်န မိဟှို ဗြင်လိုက်ဟှူကြောန့် ကိုယ်တော်ဟှ "နို့မိ၊ နို့မိသားဟှို ကေ့ပါအူး" ဆိုဘီး မိဟှို မိန့်တော်မူဟှယ်။
အယ်ဘီးန ကိုယ်တော်ဟှာ "သူဟှာ နန့်ရဲ့ မိဖြစ်ဟှယ်" ဆိုဘီး အယ်တဗဲ့တော်ဟှို မိန့်တော်မူလေဟှယ်။ အယ်ခီဟှနေစဘီး အယ်တဗဲ့တော်ဟှာ မိဟှို သူ့ရဲ့ အီမာ ခေါ်ဟှားလေဟှယ်။
"ဦးခေါန်းခွံနေရာ" ဟှို ရော့-က်ဟှူ ခီမာ သူးနို့ဟှာ ယေရှုဟှို ကားစင်တန်လေဟှယ်။ အယ်ဘီးဟှာ ရာဇဝတ်သား နှေ့ယော့-က်ဟှိုလည်း ကိုယ်တော်ရဲ့ ညာဖတ်မာ တယော့-က်၊ ဘယ်ဖတ်မာ တယော့-က် ထားဘီးဟှာ ကားစင်တန်ဂေ့ဟှယ်။ ယေရှုဟှ "ဖ! သူးနို့လေဟှာ သူးနို့ ဖြားလောက်ဟှယ် ဆိုဇာဟှို သိဂေ့ဘဲဟှူကြောန့် သူးနို့လေဟှို ခွမ့်လွှတ်တော်မူပါ" ဆိုဘီး ပြောလေဟှယ်။
သူးနို့လေဟှာ ကိုယ်တော်ရဲ့ ဝတ်စားလေဟှို မဲနှိုက်ဘီး ခွဲဝီယူဂေ့ဟှယ်။ လူလေဟှာ ရပ်ဘီး ကေ့နေဂေ့ဟှယ်။ ယုဒခေါန်းဆောန်လေဟှ ကိုယ်တော့်ဟှို "အယ်လူဟှာ ဘုရားသခင် ဝီးကော့-က်ဟှားဟှူ မေရှိယဖြစ်ဟှယ် ဆိုဟှာ တခြားလူလေဟှို ကယ်တန်မျိုး သူ့ကိုယ်သူ ကယ်တန်ပါစေ!" ဆိုဘီး လှောန်ပြောန်ဂေ့ဟှယ်။
စစ်သားလေဟှလည်း ကိုယ်တော်နားဟှို တိုးဝမ်လာဘီး ဝိုင်ရှင်ဟှို တိုက်ဘီး "နန်ဟှာ ယုဒမန်းဂီးဖြစ်ဟှယ် ဆိုဟှာ နန့်ကိုယ်နန် ကယ်တန်ပါ!" ဆိုဘီး လှောန်ပြောန်ဂေ့ဟှယ်။
ကိုယ်တော်ရဲ့ ထတ်ဖတ်မာလည်း "အယ်သူဟှာ ယုဒမန်းဂီး ဖြစ်ဟှယ်" ဆိုဘီး ရေးဟှားဟှယ်။
လတ်ဝါးကပ်တိုင်မာ ခိဆွဲဟှားဟှူ ရာဇဝတ်သား နှေ့ယော့-က်ထဲဟှ တယော့-က်ဟှာ "နန်ဟှာ မေရှိယ မှုဟှလော။ နန့်ကိုယ်နန် ကယ်တန်ဘီး နို့လေဟှိုလည်း ကယ်တန်ပါ!" ဆိုဘီး ကိုယ်တော့်ဟှို ကဲ့ရဲ့ဟှယ်။
အယ်ဘေမဲ့ တခြား ရာဇဝတ်သားဟှ အယ်သူဟှို ပြစ်တန်ဘီး "နန်ဟှာ အယ်သူမျိုးဘဲ့ ဒန်စီရင်ရှင်းဟှို ခံနေရတောန်မှ ဘုရားသခင်ဟှို ကြော့-က်ဟှလော။ နို့လေဟှ နို့လေလောက်ဟှားဟှူ ပြစ်လေန ထိုက်တန်ဟှူ ဒန်ဟှို ခံရဇာဟှာ တရားပါဟှယ်။ အယ်ဘေမဲ့ အယ်သူဟှာ ဖြားပြစ်ဟှိုမျှ လောက်ဟှားဇာ မှုဟှ" ဆိုဘီး ပြောလေဟှယ်။ အယ်ဘီးန သူဟှ "ယေရှု၊ ကိုယ်တော်ရဲ့ နိုင်ငံတော်ဟှို ကြွလာဟှူ ခီမာ ကျွန်တော့်ဟှို အော့-က်မေ့တော်မူပါ!" ဆိုဘီး ယေရှုဟှို လျှော့-က်လေဟှယ်။
ယေရှုဟှာ "နန့်ဟှို ငါ မှန်တိုင်းပြောမယ်၊ အယ်နေ့ဘဲ့ နန်ဟှာ ငါ့နတူးဒူ ပရဒိသုဘောင်မာ ရှိမယ်" ဆိုဘီး မိန့်တော်မူလေဟှယ်။
မွန်းဒဲ့ခီမာ တနိုင်ငံလောင်းဟှာ မှောန်က္လဟှားဘီး၊ အယ်ဇာဟှာ သောင်းနာရီကြာလေဟှယ်။ နေဒန်သောင်းနာရီမာ ယေရှုဟှာ "ဧလိ၊ ဧလိ၊ လာမ ရှာဗခသနိ" ဆိုဘီး သံက္လယ်ဂီးန အော်လိုက်ဟှယ်။ အယ်ဓိပါယ်ဟှ "ကျွန်တော့် ဘုရားသခင်၊ ကျွန်တော့် ဘုရားသခင် ဖြားဖြစ်ကြောန့် ကျွန်တော့်ဟှို စွန့်ပစ်နူး" ဆိုဘီး ဖြစ်လေဟှယ်။
အယ်မူခီမာဘဲ့ ဗိမာန်တော်ရဲ့ လိုက်ကာဟှာ ထတ်ဟှနေ အော့-က်ဟှို နှေ့ခြမ်းကွဲဟှားလေဟှယ်။ မ္လေဂီးဟှာ လှောက်ဘီး က္လော့-က်လေဟှာ အတ်ကွဲဟှားဘီး၊ သန်းခ္လိုင်းဂူလေလည်း ပွမ့်ထွပ်ဟှားလေဟှယ်။ ဘုရားသခင်ရဲ့ သန့်ရှင်းသူလေရဲ့ ကိုယ်ခန္ဓာလေဟှာ ထမြော့-က်ဂေ့လေဟှယ်။ ယေရှု ရှင်ပ္လန်ထမြော့-က်တော်မူဘီးန သူးနို့လေဟှာ သန်းခ္လိုင်းဂူထဲဟှ ထွပ်လာဘီးဟှာ သန့်ရှင်းဟှူ ဗြို့တော်ထဲဟှို ဝမ်ဟှားဘီး လူလေဟှို ကိုယ်ထန်ရှားပြလေဟှယ်။
တပ်မှူးနတူးဒူ ယေရှုဟှို စောန့်ကေ့နေဂေ့ဟှူ စစ်သားလေဟှာ မ္လေဂီးလှောက်ဟှူ ဇာလေန ဖြစ်ပျစ်ဟှားဟှူ ဇာလေ ဂူလောင်းဟှို တွိဗြင်ရဟှူ ခီမာ သူးနို့ဟှာ ရရာတိုင်း ကြော့-က်လန့်ဟှားဂေ့ဘီး "အယ်သူဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!" ဆိုဘီး ပြောဂေ့လေဟှယ်။
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
မိမိရဲ့ မိဆွေလေတွပ် နန်းနို့ရဲ့ သတ်ဟှို ပေးလိုက်ဇာဟှာ ကီးမားဆောင်းဟှူ မြစ်တာဖြစ်ဟှယ်။
ဘုရားသခင်ဟှာ လောကသားလေဟှို ရရာတိုင်း ရှစ်ဟှူကြောန့် သူ့ရဲ့ တပါးဒဲရှိဟှူ သားတော်ဟှို ပေးလေဟှယ်။ အယ်ကြောန့် သားတော်ဟှို ယောင်ကြည်ဟှူ လူတိုင်းဟှာ ပျစ်စီးဘဲ့န ထာဝရသတ်ဟှို ရမယ်။
ဖြားဖြစ်ကြောန့်နူးဆိုဟှာ နို့လေဟှာ ဘုရားသခင်ရဲ့ ရန်သူလေ ဖြစ်ဂေ့ဟှူလည်းဘဲ့ ကိုယ်တော်ဟှာ သားတော်ဟှို သေခံစေရှင်းအားဖြင့် နို့လေဟှို သူ့ရဲ့မိဆွေလေ ဖြစ်စေတော်မူဟှယ်။ ခု နို့လေဟှာ ဘုရားသခင်ရဲ့ မိဆွေလေဖြစ်ဂေ့ဟှူကြောန့် ခရစ်တော်ရဲ့ သတ်တော်အားဖြင့် ကယ်တန်ရှင်းကျေးဇူးဟှို ပိုဘီး ဟှာ ခံရဂေ့လေ့မယ်!
ခရစ်တော်ဟှာ နို့လေတွပ် သတ်စွန့်ဟှူ မြစ်တာကြောန်းဟှို နို့လေဟှာ သိဂေ့ဟှယ်။ နို့လေဟှလည်း ကိုယ့်ရဲ့ ညီကို မောန်နှမလေတွပ် သတ်ဟှို စွန့်ရဂေ့ဟှယ်။
ကိုယ်တော်ဟှာ နို့လေပြစ်မျှ မကဘဲန ကမ္ဘာသူ ကမ္ဘာသား ဂူလောင်းရဲ့ ပြစ်ဖြေဇာကြောန်း ပူဇော်ဆစ်ကပ်ဟှားဟှူ သခင်ဖြစ်တော်မူဟှယ်။
သူ့ကိုယ်သူ နှိခ္လဘီးဟှာ လတ်ဝါးကပ်တိုင်ထတ်မာ
သေခံဟှားဟှူထိ နာခံမှုလမ်းစဉ်ဟှို လိုက်လျှော့-က်ဟှားဟှယ်။
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
သေရှင်းဟှနေ ရှင်ပ္လန်ထမြော့-က်ဟှူ ခရစ်တော်ဟှာ နော့-က်ထပ် လောင်းဝမသေဘီ ဆိုဇာဟှို နို့လေသိဂေ့လေဟှယ်။ သေရှင်းတရားဟှ ကိုယ်တော့်ဟှို နော့-က်ထပ် အောက်စိုးဟှို့ မရဟန်း။ ဖြားဖြစ်ကြောန့်နူးဆိုဟှာ ခရစ်တော် သေခံဟှူဇာဟှ ပြစ်တရားတွပ်ကြောန့် တခါဘဲ့ သေခံတော်မူဟှယ်။ ခုသတ်ရှင်ရှင်းဟှာ ဘုရားသခင်နှိုက် သတ်ရှင်တော်မူဟှယ်။
ခရစ်တော်ယေရှုန တလောင်းတဝဒဲ ဖြစ်ဟှို့တွပ် ဗတ္တိဇံခံဟှူ နို့လေဟှာ တခီဒဲမာဘဲ့ ကိုယ်တော်နတူးဒူ သေခံဟှို့တွပ် ဗတ္တိဇံဟှို ခံဂေ့ဟှယ်။ အယ်မျိုး နို့လေရဲ့ ဗတ္တိဇံခံရှင်းဟှာ သေခံဟှူဇာအားဖြင့် ခရစ်တော်နတူးဒူ သင်္ဂြိုဟ်ရှင်းဟှို ခံလေဟှယ်။ ဖြားဖြစ်ကြောန့်နူးဆိုဟှာ ခရစ်တော်ဟှာ ဖရဲ့ ဖောင်းတဂိုးတော်အားဖြင့် သေရှင်းဟှနေ ရှင်ပ္လန်ထမြော့-က်လာဟှူတိုင်းဘဲ့ နို့လေလည်း သတ်တာသစ်န ကျင်လည်ရဂေ့ဟှို့တွပ် ဖြစ်ပါဟှယ်။
လူဟှာ တခါဘဲ့ သေရဘီး အယ်ဘီးန တရားစီရင်ဇာဟှို ခံရဟှူမျိုး၊ ခရစ်တော်ဟှာ လူလေပြစ်ဟှို ဖြေလွှတ်ဟှို့တွပ် ကိုယ်ဟှို တခါဒဲပူဇော်ဘီးမှ နော့-က်တခါ အယ်သခင်ဟှို မျှော်လင့်ဘီး နေဟှူသူလေဟှို ကယ်တန်ဟှို့တွပ် ပြစ်နဆိုင်ဘဲန ပေါ်ထွပ်တော်မူလေ့မယ်။
"ဣသရေလမျိုးသားလေ၊ အယ်စကားလေဟှို နားထောန်ဂေ့! ဘုရားသခင်ဟှာ နာဇရက်ဗြို့သား ယေရှုအားဖြင့် အံ့ဩဘွယ်လေန နိမိတ်လတ်ခဏာလေဟှို ပြတော်မူဟှယ်။ ကိုယ်တော်ဟှာ ဘုရားသခင်ရဲ့ ခွမ့်အာဏာန ပ္လဲ့ဝဟှူလူဖြစ်ဟှယ် ဆိုဇာဟှို ထန်းထန်ရှားရှားဟှာ သတ်သေပြဟှားဟှယ်။ အယ်မူဇာဟှာ နန်းနို့ရှေ့မာ ဖြစ်ဟှားဟှူကြောန့် နန်းနို့ ကိုယ်တိုင် သိရဂေ့ဟှယ်။ ဘုရားသခင်ဟှာ သူ့ရဲ့ကြံစည်တော်တိုင်း ယေရှုဟှို နန်းနို့ လတ်ထဲဟှို အပ်လိုက်ဟှယ်။ နန်းနို့ဟှ ကိုယ်တော့်ဟှို အဓမ္မလူလေလတ်န ကားစင်တန်ဘီး သတ်ဂေ့ဟှယ်။ အယ်ဘေမဲ့ ဘုရားသခင်ဟှ ကိုယ်တော့်ဟှို သေရှင်းတဂိုးဟှနေ လွတ်မြော့-က်စေဘီး ထမြော့-က်စေလေဟှယ်။ ဖြားဖြစ်ကြောန့်နူးဆိုဟှာ သေမန်းဟှာ ကိုယ်တော့်ဟှို မြဲဒမ်း ခယ်နှောန်ဟှားဟှို့ ဖြစ်နိုင်ဟှ။
"ငါဟှာ ကောန်းဟှူ သိုးထီးမား ဖြစ်ဟှယ်။ ကောန်းဟှူ သိုးထီးမားဟှာ သိုးလေတွပ် သူ့သတ်ဟှို စွန့်တတ်ဟှယ်။
အယ်ကြောန့် နန်းနို့လေဟှာ အယ်မုဟှို စားဘီး အယ်ခွပ်ဟှိုသော့-က်ဟှူခီတိုင်းမာ သခင်ဘုရားရဲ့ သေခံတော်မူဟှူကြောန်းဟှို ကြွလာဟှူခီထိ ကြေညာဟှူဇာဖြစ်ဟှယ်။