Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Yesu yi a kolon fa fala feen birin bata yelin ligɛ, a naxa, "N kɔɛ yinla bata raxara." A na fala nɛn alogo naxan sɛbɛxi Kitabuni na xa kamali. Ige sasena nde yi dɔxi na, na yi rafexi manpa muluxunxin na. E dugi dungina nde ragodo manpa muluxunxini, e yi a filin wudin ma naxan xili hisopi wudina. E yi a lan Yesu dɛɛn ma a gbangban wudin kɔɛ ra. Yesu to manpa muluxunna min, a yi a fala, a naxa, "A birin bata kamali."
Na danguxina, a yi a xun sin, a niin yi ba.
Sofane to yelin Yesu gbangbanɲɛ wudin ma, e yi a dugine tongo, e yi a yitaxun dɔxɔde naanin sofa keden dɔxɔde keden. A doma bun biran naxan mi yi dɛgɛxi bayo dugi kedenna nan yi a ra, na yi lu. Sofane yi a fala e bode xa, e naxa, "En nama a yibɔ, en masɛnsɛnna ti, a na naxan suxu, na yi a sɔtɔ." Ito ligaxi nɛn alogo Kitabuna falan xa kamali, a naxa,
"E bata masɛnsɛnna ti
n ma dugine fe ra,
e xa e yitaxun e bode tagi."
Nayi, sofane yi na liga.
Yesu nga yi tixi a faxa wudin fɛma nun, e nun a ngaxakeden ɲaxalanmana, Mariyama, Kilofasi a ɲaxanla, e nun Mariyama Magadala kaana. Yesu yi a nga tixin to na yi e nun a xarandiina, a yi naxan maxanuxi han! A yi a fala a nga xa, a naxa, "Nga, i ya dii xɛmɛn nan ito ra." A yi a fala na xarandiin xa, a naxa, "I nga ni ito ra." Na waxatin yɛtɛni, na xarandiin yi a nga tongo, a siga a ra a konni.
E na yiren li waxatin naxan yi naxan xili "xun xɔri yirena," e Yesu gbangban wudin ma na yi e nun fe ɲaxi raba firinne, keden a yiifanna ma, bodena a kɔmɛnna ma. Yesu naxa, "N Fafe, e mafelu, amasɔtɔ e naxan ligama e mi na kolon."
Awa, e yi masɛnsɛnna ti lan a dugine yitaxun feen ma. Yamaan yi ti na yi, e lu Yesu matoɛ. Yamaan kuntigine yi a magele, e naxa, "A bata bodene rakisi, xa Alaa Muxu Sugandixin nan a tan na, a xa a yɛtɛ rakisi!"
Sofane fan yi a magele, e fa a fɛma, e yi minse muluxunxin ti a xa. E yi a fala, e naxa, "Xa Yahudiyane mangan nan i tan na, i yɛtɛ rakisi."
E falani itoe sɛbɛ a xun ma, e naxa, "Yahudiyane Mangan ni ito ra."
Fe ɲaxi rabaan naxanye yi gbangbanxi a fɛma, na nde keden yi a rayelefu, a naxa, "Alaa Muxu Sugandixin xa mi i tan na ba? I yɛtɛ rakisi e nun nxu tan fan!"
Koni bonna yi a maxadi, a naxa, "I mi gaxuɛ Ala yɛɛ ra ba? En tan fan yalagin nan bun ma be yi. Koni en gbeen lanxi, amasɔtɔ en na en ma fe ɲaxin saranna nan sɔtɔma ito ra. Koni a tan mi fe ɲaxi yo ligaxi." A yi a fala Yesu xa, a naxa, "Yesu, i na fa i ya Mangayani waxatin naxan yi, i xa i xaxili lu n xɔn ma!"
Yesu yi a fala a xa, a naxa, "N xa ɲɔndin fala i xa, i luma n fɛma nɛn ariyanna yi to."
Dimin yi so yiren birin xun na yanyi tagini han se din waxatin yi maso. Na waxatini, Yesu yi gbelegbele a kon xuini lengben, a naxa, "Eli, Eli, lama sabakitani?" Na bunna nɛɛn fa fala, "N ma Ala, n ma Ala, i n nabeɲinxi nanfera?"
Dugin naxan yi singanxi Ala Batu Banxin tagi, na yi bɔ firinna ra, fɔlɔ a xunna ra han a sanbun na. Bɔxɔn yi xuruxurun, fanyene yi bɔ. Gaburune yi rabi, faxa muxu sariɲanxina ndee yi keli. E keli gaburune kui. Yesu keli xanbini sayani, e yi siga Taa Sariɲanxini, e mini kɛnɛnni muxu wuyaxi xa.
Sofa kɛmɛn kuntigin nun a sofaan naxanye yi Yesu kantanma, ne to bɔxɔn to xuruxurunɲɛ, e nun feen naxanye birin bata liga, e yi gaxu kati! E yi a fala, e naxa, "Alaa Dii Xɛmɛn nan yi a ra yati!"
Anu, muxune a sɔxɔn en yulubine nan ma fe ra,
a yi rahalagi en hakɛne fe ra.
Maratɔrɔnna naxan bɔɲɛ xunbenla fiyɛ en ma,
na yi sa a fari,
en kɛndɛyaan sɔtɔxi a maxɔlɔne nan xɔn.
En birin bata yi lɔ ayi,
alo xuruseene,
birin yi sigama a gbee kira nan xɔn,
koni Alatala yi en birin hakɛn goronna dɔxɔ a tan xun ma.
E a ɲaxankata nɛn,
e a rayarabi, a mi sese fala.
A yi lu alo yɛxɛɛ diin naxan xalima a faxadeni,
alo yɛxɛɛn naxan a dunduma
e nɛma a fati ma xabene maxabɛ,
a mi sese fala.
N fangan bata ɲan feu!
N lɛnna xaraxin bata kankan n dɛ.
I bata n sa faxa bɛndɛni.
Muxu ɲaxi ganla bata n nabilin
alo barene.
E bata n yiine nun n sanne mabɔ.
N xɔnne birin kɛnɛnni.
E yɛɛne kankanxi n na.
Koni daɲɔxɔ mi fa n tan na sɔnɔn.
N ligaxi nɛn alo kunla
adamadiin naxan naɲaxuxi
yamaan naxan bɔtɛ raba.
Naxanye na n to,
e yo n ma.
E yi e dɛɛn bɛtɛxun,
e e xunne yimaxa.
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Xanuntenyaan mi muxu yo yi dangu ito ra fa fala a xa faxa a xɔyine fe ra.
Amasɔtɔ Ala bata dunuɲa xanu han a bata a Dii Xɛmɛ keden peen fi en ma, alogo muxu yo na dɛnkɛlɛya a ma, na nama halagi fɔ a habadan nii rakisin sɔtɔ.
Bayo xa Ala yaxun yi en na waxatin naxan yi, en nun Ala tagin yi yitɔn a Dii Xɛmɛna sayaan xɔn, xa en tagin bata yitɔn nayi, a tagan xun mi na nayi en nakisɛ Yesu a nii rakisin barakani.
En xanuntenyaan kolonma ito nan xɔn ma fa fala Yesu bata a niin fi en ma fe ra. En fan daxa en yi en niin fi en ngaxakedenne fe ra.
Amasɔtɔ Yesu bata findi en yulubine xafari saraxan na. En tan gbansanna mi a ra, koni en nun dunuɲa muxune birin.
a yi xuru Alaa falan bun
han a tin sayaan ma a faxa wudin ma.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Amasɔtɔ en na a kolon fa fala Alaa Muxu Sugandixin bata keli sayani, a mi fa faxama sɔnɔn, sɛnbɛ mi fa sayaan na a fari sɔnɔn. Amasɔtɔ a faxa nɛn, a faxa yulubin nan ma fe ra sanɲa ma keden han habadan. Iki a a nii ra, a siimayani Ala nan xa.
Ɛ mi a kolon ba, a en tan naxanye bata rafu igeni Alaa Muxu Sugandixin Yesu xinli, a en bata rafu a xɔn ma a sayani? Nayi, en nun Yesu bata maluxun en bode xɔn ma a sayani en nafuxi igeni waxatin naxan yi, alogo Alaa Muxu Sugandixin kelixi sayani kii naxan yi a fafe a binyeni, en fan xa sigan ti dunuɲa yi gidi nɛnɛni na kiini.
Adamadiine birin faxan nɛn sanɲa ma keden pe, na xanbi ra kitin yi a li. Alaa Muxu Sugandixin fan findixi saraxan na na kii nin sanɲa ma keden pe, a muxu wuyaxi yulubin ɲan. A mɔn fama nɛn, koni a mi fama yulubi xafari feen na. A fama a legeden muxune nan nakisideyi.
"Isirayila xɛmɛne, ɛ tuli mati falani ito ra. Ala nan Yesu Nasarɛti kaan xɛxi. Ala bata na yita ɛ ra kabanako feene nun fe magaxuxine nun taxamasenne xɔn a naxanye liga ɛ tagi alo ɛ tan yɛtɛna a kolon kii naxan yi. Ala bata yi a ragidi alo a yi a kolon kii naxan yi, a Yesu xa so ɛ yii. Ɛ yi kafu gbalotɔne ma, ɛ yi a gbangban wudin ma, ɛ yi a faxa. Koni Ala mɔn yi a rakeli, a yi a ba sayaan xɔlɛni amasɔtɔ sayaan mi yi nɔɛ a ramarɛ.
"N tan nan xuruse raba faɲin na. Xuru se raba faɲin tinɲɛ nɛn, a faxa yɛxɛɛne fe ra.
Amasɔtɔ ɛ nɛma buruni ito donɲɛ waxatin naxan yi, ɛ yi ɛ min igelengenni ito ra, ɛ Marigina saya feen nan nalima han a fa.