Morte de Jesus

A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.

O sacrifício na cruz

Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.

Nkweel a Yɛsu

28 Ungö a ndaa ayi, nde kàyöb naa indiir byanswà byakyàkwo itaan, ntɔn Ndaa Aŋàsɔn ikwe, Yɛsu kàtɛn naa: « Mfwää yàman’kaar. » 29 Paa làkäl anà làbuuŋ aŋàyɔl a vin a nyän, ba bàbäm ikaam a ipfɛy aŋànwɛmà unsà vin a nyän alan u nswɛŋ a kɔkà a kite bàfàbel naa isɔp, waa bun’bämà kya u mun. 30 Pa kànü nde vin a nyän alà, nde kàtɛn naa: « Yanswà yan’kwo! » Abun, nde kàtsülà un’tswe, waa kàfuur mɔ̈ɔ̈.

João 19:28-30

23 Mpal ban’may aŋità mun’bɛɛrà Yɛsu u kulunsi, ba bàwɛl ipfɛy ande, bàsi bya an’kab an’nà, mbuur mbuur kàwɛl kab làmwɛy. Làsàsal nà kàzak ande. La làkäl anki làŋàtsum: ipfɛy mwɛy fà du tii u ngyɛl. 24 Aŋità bàtɛɛnà ba a ba naa: « Wɛy bi ikɔ̈ɔ̈n akaam kya, wɛɛ bi itɔɔm löb, ntɔn muyöb naa nà awal kya. » Ntɔn naa Ndaa Aŋàsɔn ikwe:

« Ba bàsi ipfɛy amɛ an’kab

anà ba bàtɔɔm löb ntɔn kàzak amɛ. »

Byabi indiir bàkyer aŋità.

25 Baar bàkäl tsütsü a kulunsi anà Yɛsu babà: ngwän, mpääŋ a ngwän, Màlye un’kyay a Kɔlɔpasi, anà Màlye un’nsi Makdalà. 26 Yɛsu kàmɛn nde ngwän anà un’lɔŋki kàfakweenà nde ukɔl a nde, nde kàtɛn a ngwän naa: « Un’kaar, le mwan angye wàbaal. » 27 Ungö waa kàtɛn a un’lɔŋki naa: « Le ngwa. » Fà apan, un’lɔŋki kun’wɛl u ndwà ande.

João 19:23-27

33 Mpal bàtöl ba kà ikal mwɛy ikɔb akya « Bɔl a un’tswe », ba bàbɛɛrà Yɛsu u kulunsi anà baar bööl abà, umwɛy u kɔɔ ande là ibaal, wumwɛy u kɔɔ ande là ikaar. 34 Waa Yɛsu kàtɛn naa: « Taa, adwääl nkul, ntɔn ba bàyöb anki ndaa bàkyerà ba. » Ba bàkäb ipfɛy ande mutà löb. 35 Un’sɛŋ kàkäl paa muleerà. Wɛɛ abyääl bàkäl musɛɛ nde, waa bàtɛɛnà naa: « Nde kàtsü baar asin mɔ̈ɔ̈, wɛy nde utsü mɔ̈ɔ̈ nde ŋakwo isàkal naa nde wà Klistɔ, mbuur kàsɔ̈ɔ̈l Nzam. » 36 Aŋità sye bàkäl mukun’sɛɛ. Ba bàsin tsütsü apà nde, waa bun’pɛɛ man a nkyään, 37 waa bàtɛɛnà naa: « Isàkal naa ngye awà mfum a Ayudà, tswà mɔ̈ɔ̈ ngye ŋakwo. » 38 Udu a nde yàkäl anà ndaa aŋàsɔn abà: « Mbuur wà, wà mfum a Ayudà. » 39 Umwɛy uboo a baar abe bàkäl u kulunsi waa kun’töö, waa kàtɛn a nde naa: « Nkye ngye kà Klistɔ anki? Tswà mɔ̈ɔ̈ ngye ŋakwo anà bi mwo sye. » 40 Wɛɛ wumwɛy waa kun’pɛl, kàtɛn a nde naa: « Ngye Nzam bɔɔmà un’tiin anki, ngye mbuur an’wal ntaaŋàmbar nsil ya? 41 Akà bi, bi ube abi kan’fur, wɛ nde undiir ube ukyer nde watɛy. » 42 Waa kàkwɛy naa: « Yɛsu, ngyɔbà mpal asàyà ngye kà imwol angye. » 43 Yɛsu waa kun’fuur naa: « Mɛ ndandaa akyään, ŋabawà ngye akal u du anà mɛ. »

Lucas 23:33-43

Nkweel a Yɛsu

33 U midi làpib làkyer abwà u mɛɛn manswà tii u taaŋ làtär ungö a midi. 34 Apan, u taaŋ làtär, Yɛsu kàsi un’kwɛŋ a ngwal: « Ɛlɔyi, Ɛlɔyi, lɛma sabaktani? » Ikaswaŋà naa: « Nzam a mɛ, Nzam a mɛ, ntɔn nkye aman’wɛy ngye? » -

Marcos 15:33,34

51 Taaŋ nsil alan, u ndwà a Nzam, rido a idwà làkyer akaamà uboboo fà du tii ngyɛl. Mɛɛn màkyer atɛɛr, nkɔŋ yàkyer abàbaarà, 52 an’dii màkyer adubà, ndür a baar inkyɛɛl mbɔɔn bàkü yàkyer awiyà: 53 bàtoo ba kan’dii, ungö a uwiyà, waa bàbilà uboo a bul in’kyɛɛl, waa bàmɛnà akà baar mbɔɔn. 54 Mpal bàmɛn ba ntɛɛr a mɛɛn anà ndaa yàbü, kaptɛn anà aŋità bàkäl anà nde museyà Yɛsu, bàmɛn bɔɔmà a kölàköl, waa bàtɛn naa: « Ndandaa, mbuur awà kàkäl Mwan a Nzam! »

Mateus 27:51-54

O amor que se entrega

Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.

13 Kà we anà mbuur mwɛy anki awe anà ukwen a kölàköl isàkɔɔn akal asànaa mukɔɔb mɔ̈ɔ̈ ande ntɔn asam ande.

João 15:13

16 Abun Nzam kàkwen mɛɛn mbɔɔn, lalan kàpɛ nde Mwan baal ande mwɛy mpɛl, ntɔn mbuur wanswà asà làkwikilà amu nde ukɔ̈ɔ̈n akyà bwà, wɛɛ nde ukäl anà mɔ̈ɔ̈ a mbul a in’tye.

João 3:16

10 Kyakin, isàkal naa bi bàkäl ayiiŋ a Nzam, bi bàkyàbulà un’tüüb anà nde u mbwo a nkweel a Mwan ande, awà bi unsà un’tüüb, bi ikyer asàwà mɔ̈ɔ̈ u mbwo a mɔ̈ɔ̈ ande.

Romanos 5:10

16 Le, apanà bi ban’yöb ukwen: Yɛsu Klistɔ kàpɛ mɔ̈ɔ̈ ande ntɔn bi. Bi sye ikyer asànaa nde, bi ipà mɔ̈ɔ̈ abi ntɔn atɔŋ.

1 João 3:16

2 Ntɔn nde wà mbuur kàkyey mukal ibɔɔn ntɔn man’be abi, kà ntɔn bi mpɛl anki, wɛɛ sye ntɔn baar a mɛɛn manswà.

1 João 2:2

8 nde kàtyeey nde ŋakwo anà kàswɛŋ unkyeey

tii kà ukwà, itàkal ukwà a kulunsi.

Filipenses 2:8

Morte e ressurreição

Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.

9 Ntɔn bi ikyàyöb naa Klistɔ awà kàwiyà uboo a akü, ufàsàkwà anki: ukwà bàfàkal anki anà ikɔ̈b udu a Nde. 10 Nde kàkü ntɔn man’be, mbalà mwɛy ipepey. Wɛɛ apanà, nde we anà mɔ̈ɔ̈, mɔ̈ɔ̈ ande wà ntɔn Nzam.

Romanos 6:9,10

3 Aben, bɛ lan’diimà naa bi banswà kàwɛl ndüümà amu Klistɔ Yɛsu, nkye unsà nkweel ande ayi, waa bi kàwɛl ndüümà? 4 Unsà ndüümà, bi bidyee u mbwo a nkweel ande mbwo mwɛy anà nde, ntɔn yà asànaa Klistɔ kàwiyà nde uboo a akü u mbwo a làkoo a Taa, bi sye iwal mɔ̈ɔ̈ akün.

Romanos 6:3,4

27 Mbuur wanswà akyer akwà mbalà mwɛy mpɛl, waa ungö nsaŋ iyà. 28 Abun sye, Klistɔ kàpɛ nde ŋakwo mbalà mwɛy mpɛl ntɔn mubiiŋ man’be a un’kàbɔ a baar. Nde asàmɛnà mbalà yàyweel, kà ntɔn mulwom man’be anki, wɛɛ ntɔn mutwaal ngweel a mɔ̈ɔ̈ akà baar bun’dilà.

Hebreus 9:27,28

22 Baar a Isàlɛl, làwem ndaa yi: Yɛsu un’nsi Nasàlɛr wà mbuur kàtöm Nzam ntɔn bɛ. Nde kàkyer isal a ngwal, indiir a ubem anà idiim uboo a bɛ asànaa làyöb bɛ ŋakwo, 23 mbuur awà bàkyer un’yälà kà an’kɔɔ a baar abɛ asànaa kàbön Nzam itaan unsà an’kyän ande. Wɛɛ bɛ, bɛ làkyer un’dwa, lun’bɛɛrà u kulunsi u kɔɔ a baar abɛ. 24 Wɛɛ Nzam kun’fuur u mɔ̈ɔ̈, kun’tsuuŋ unsà usaay a nkweel, ntɔn yàlàkwo anki naa an’lɔŋ mun’käär uboo a ikɔ̈b a ma.