Morte

55 Fri’zamoka ina hanaveka’a me’ne? Fri’zamoka atama neminazanka’a ina me’ne?

(Hos 13:14) 56 Kumi’mo fri’zamofo atazana eri fore nehigeno, kumi’mo’a hanave’a kasegefinti e’nerie. 57 Hu’neanagi Anumzamofo muse huntesune, Rantimofo Jisasimpi Kraisimpi taza higeta hara agatenerone.

26 Henkarafama, azeri fanene haniana fri’zamo ha’ma renerantea zana, ahe fanane hugahie.

21 Na’ankure magoke ne’pinti fri’zana egeno, anahukna huno friteno oti’zana magoke nepinti e’ne.

22 Anahukna hu’za Adamu fri’neaza hu’za maka naga’amo’za frisnageno, anahukna hu’za Kraisi’ma kasefa huno asimu’ma eri’neaza hu’za, naga’amo’za zmasimura erigahaze.

11 Ama’i tamage naneke, Jisasi’ene fri’nomota, agrane kasefa huta manigahune.

6 Ese knama fripinti oti’namo’za ruotge hu’nazanki muse hiho. Henka fri’zamofo hanavemo’a zamahe ofrigahie. Hianagi zamagra Kraisi’ne, Anumzamofo pristi vahe 1 tauseni’a zagekafu Kraisi’ene manigahaze.

25 Jisasi’a amanage huno Matana asmi’ne, Fripinti otino asimu erino mani’zamofo agafa’a Nagra mani’noe, iza’o Nagrite’ma amentinti hanimo’a, frigahianagi asimu erino manigahie. 26 Maka vahe’mo’za mani’neza Nagrite zamentinti hanazana, ofri’tfa hugahaze. Amama nehua kegura kagra kamentintia nehampi?

25 Jisasi’a amanage huno Matana asmi’ne, Fripinti otino asimu erino mani’zamofo agafa’a Nagra mani’noe, iza’o Nagrite’ma amentinti hanimo’a, frigahianagi asimu erino manigahie. 26 Maka vahe’mo’za mani’neza Nagrite zamentinti hanazana, ofri’tfa hugahaze. Amama nehua kegura kagra kamentintia nehampi?

27 Nagri sipisipimo’za nagerura nentahize, hige’na Nagra zmagena antahina hu’noge’za, zamagra Nagrira namage neaze. 28 Nagra manivava zamasimura nezmue. Hagi zamagra fanene osugahaze. Mago ne’mo’a nazampintira eri hanareno ozmavregahie.

16 Anumzamo tusiza huno mopafi vaheku avesi nezmanteno, magoke ante’nea Ne’mofavre’a zami’ne. Agrite zamentinti hanamo’za fanane osu’za manivava zamasimu erigahaze.

Fri’naza vahe’mo’za otisaza naneke

13 Hagi nafuhegta, mono nerafuza koma fri’namo’za nankna hugahazafi, tamagra ketma antahitama nehutma, Jisasi’ma esigu amuhama nosaza vahe’mo’za zavimanetaza zana osugahaze. 14 Na’ankure tagrama tamentintima hunana Jisasi’a friteno oti’neankino, anahukna huno Anumzamo’a zmentintine vahe’ma fri’naza vahera zamazeri otisige’za, Jisasi’ma esiankna zupa magoka egahaze.

16 Ramo’a Agra’a monafinti eneramino, hanavege huno kezanke nehanigeno, ugota ankeromo’a ageru nerinkeno, Anumzamofo ufemo krafa nehanigeno, vahe’mo’za Kraisinte zamentinti hute’za frinesaza vahe’mo’za kote’za kerifintira otigahaze. 17 Anantera tagrama ofritama maninesuna vahe’mota, tavresigeta mrerita hampompi omeri mago huteta, magoka anagamu Ramofona ome tutagiha hunenteta, maka kna Agrane manivava hugahune.

28 Tamufama tamahe fri vahekura korera osiho. Hianagi tamagu’a ahe ofrigahie. Anazanku kore’ma huntesnazana, tamagu’ane tamavufanema teve tirupima kre fanane hanimofo Anumzamofonku korera hunteho.

25 Na’ankure asimu’a aguvaziku hanimo’a, asimu’a atregahie. Hianagi iza’o Nagriku huno asimu’a atresimo’a asimu’a erigahie.

21 Na’ankure nagrama kasefa’ma manisnuana Kraisinte manigahue. Hagi frisnuana knare’zantfa erigahue.

23 Hianagi tarega kazigati e’nea zamo navazu huno rentrako hu’nenante, na’ankure fri’nama Kraisi’ene umani’snua zamo’a knare zantfa hugahie. 24 Hianagi mopa navufane mani’nua zamo’a mago’ene tamagri tamaza hugahie.

20 Tagri kumara monare me’negeta, Tazahu ne’ma eramisigu negeta tagesa are’are nehuta, Ranti Jisas Kraisi’ma esigu avega ante’none. 21 Agra hanave omne fri tavufa eri rukrahe huranteno, hankave avufa kna huno eri tro huneranteno, ana hankave’anu hakare zana kegava hugahie.

4 Ana nehu’na knazamo’ma rehanima hige’na, hanimpi neviankna hugahuanagi, anankna zamo’ma eme nazeri havizama hu’zankura korora osugahue. Na’ankure Ra Anumzamoka sipisipi kva vahe’mo’zama e’nerizankna azompaka’ane, sipisipima runeharizankna knonka’a eri’nenka nagrane mani’nanke’na ana zama negogeno’a, narimpamo’a fru nehie.

4 Ana nehu’na knazamo’ma rehanima hige’na, hanimpi neviankna hugahuanagi, anankna zamo’ma eme nazeri havizama hu’zankura korora osugahue. Na’ankure Ra Anumzamoka sipisipi kva vahe’mo’zama e’nerizankna azompaka’ane, sipisipima runeharizankna knonka’a eri’nenka nagrane mani’nanke’na ana zama negogeno’a, narimpamo’a fru nehie.

8 Na’ankure tasimuma eritama mani’nonana, Ramofonte nemanune. Hagi frunana Ramofonte nefrune. E’ina hu’negu frisuno, tasimu erita manisunana Rantimofo’za me’ne.

3 Anantera antahugeno kini tratetira, ranke huno anage hu’ne, Keho! Anumzamofo mono nomo’a vahe’ene nemanianki’za, Agra zamagrane nemanisigeno, Agri vea zamagra nemanisageno, Anumzamo Agra’a zamagri amu’nompina manigahie. 4 Ana nehuno maka zamavunura eri homu huzmante vagaresigeno, mago’ene fri’zana omnenkeno, zamasunku hu’za zavi’ma ate’zana omnena, zamatama krizana omnenigeno, ese’ma me’nea zantamina omnegahie.

4 Ana nehuno maka zamavunura eri homu huzmante vagaresigeno, mago’ene fri’zana omnenkeno, zamasunku hu’za zavi’ma ate’zana omnena, zamatama krizana omnenigeno, ese’ma me’nea zantamina omnegahie.

27 Hu’negu vahe’mofonku’ma hunteneana, magoke zupa fritesuno’a kegagarera otigahie huno huntene.

38 Nagrama hankave antahintahima nentahuana, fri’zamo’o, asimu erino mani’zamo’o, ankeromo’zo, havi avamumozo, meni fore nehaza zamozo, henka’a fore hanaza zamozo, mago’a hihamu hankvemozo, 39 amunagamu me’nesaza zamo’zo, fenkagamu me’nesaza zamo’zo, makaza Anumzamo tro huzmante’nea zampinti mago' zamo’e huno Anumzamofo avesizama, Jisas Kraisi Rantmofompi me’nea avesi zampintira tazeri otregahie.

7 Tamage mago’mo’a fatgo vahekura frisnue huno osugahie. Hagi mago’mo knare’ma hanuno’a, amne knare vahekura frigahie. 8 Hianagi Anumzamo’a tusiza huno avesirantenea zama eriama hu’neana, kumi vahe mani’nonkeno Kraisina huntegeno, tagri kumiku huno efri’ne.

17 Na’ankure magoke ne’mo Adamu kumi higeno, agri kumite fri zamo’a vahera kva’gri zamanteno e’neanagi Anumzamofo asuntgi’zane fatgo musezama’afi manisamo’za fri zamofone kumimofo hanavea magoke Ne' Krais Jisasimpi azeri ageteregahaze.

23 Na’ankure kumi’mofo mizana fri’zane. Hu’neanagi Anumzamofo muse’zana, Krais Jisasi Rantimofompi mago’za hunterompge, amne manivava asimura tami’ne.

Knare antahi’zane havi antahizamofo refko huno kezamofo naneke

1 Knare avu’ava’ma hu zamofo zago’amo’a, marerirfa mnanentake masavena agatere’ne. Vahe’ma fri knamo’a, vahe’ma kasente kna agatere’ne.

2 Fatgo zamavu zamava’ma nehaza vahe’ma nefrizana, matipi umase’za mani fru nehaze.

2 Hagi hanimpima nemaniza vahe’mo’za tusi’a masa kegahaze. Tusi’a hani zamo’ma refitege’zama nemaniza mopafi vahe’mokizmia, masazamo remsa huzmantegahie.

17 Hianagi knare’zanki havi’zanki huno antahino keno’ma hu zafa raga onetfa huo. Hanki kagrama ana zafa ragama nesnanana, tamage hunka anazupa frigahane.

48 Mago’mo’e huno mani vava huno ovugahianki, maka frisuna vaheke mani’none. Mago’mo’e huno fri’zana agatereno fregara osu’ne.

7 Nagra Kagri Avamura atre’na iga vugahue? Nagra Kagri kvatetira atre’na korora fre’na, iga ome frakigahue? 8 Hagi nagrama monafima marerisuana, Kagra ko monafina mani’nane. Nagrama fri’na fri vahe kumapima vanuana, Kagra ko anampina mani’nane.

6 Taferomofo avaza’a erigiankna hunka, tumoka’amofo agofetu navrenentenka asama nehiaza hunka kazampasanafina nagrike navrento. Na’ankure navesizamofo hankanavemo’a frizamofo hankavemo’ma hiaza huno tusi hankanaveti’ne. Navesizamo’a tusi hankanavetino matipima vahe’ma asenenteankna hu’ne. Navesizamo’a teve anefamo’ma hagana hagana’ma hiaza huno hagana hagana huno marenerie.

14 Hanki nagra kofta huna fri’nugu, tamagra tamagu’areti huta hago antahi’naze, Ra Anumzana tagri Anumzamo’ma tamigahue huno huvempama hu’nea zantamina ana maka tamivagare’ne. Hagi magore huno huvempa hu’nea kemo’a hantaga osutfa hu’ne.

32 Na’ankure vahe’ma nefrizage’na Nagra musena nosuanki, tamagu’a rukrahe huta ofri amne maniho hu’na Miko’zama Kegava Hu’noa Anumzamo’na nehue.

46 Jisasi’a ranke huno, Nafa’nimoka kagri kazampi avamuni’a antoe nehuno vagare asimu atreno frine. (Sam-Zga 31:5)

23 hagi tevefi manineno tusiza huno ata negrigeno kenagamuteno Abrahamuke Lasarusikea, afete magopi mani’nakeno zanage’ne. 24 Neznageno kezatino, Abrahamuga nafa’nimoka teve nenrege’na natagu nehuanki kasuntagi nantenka, Lasarusina huntegeno timpi azanko agona’a reteno nagefu’nare eme rentenkeno fru hunanteno hu’ne.

15 Hagi havi avu’avazahu avesi’zamo, a’nemo amu’ene hiankna higeno, kumi erifore higeno, kumi’mo hagerama nehuno’a, fri’za eri fore nehie.