Morte
A morte é a realidade que todos enfrentam, mas para o cristão ela não é o fim. A Bíblia ensina que Cristo venceu a morte e nos dá a esperança da ressurreição e da vida eterna.
Cristo venceu a morte
Onde está, ó morte, o teu aguilhão? Cristo destruiu o poder da morte e nos deu a vitória pela ressurreição.
Te, God kamo bage ta ama yegl dugwa,
Geglkwa mem yo, no si atne edinatnga yobugln aglo pame? Doga kade yo, no giugl noratnga aglo pame?
dugwa. Geglkwa mabuno erme yobuglo ersre, nono si atne edugwa i, tadaglme erumga pre geglkwa no si atne edugwa. Te, tadaglme mabuno yobuglo ere norukwa i, God lomo prumga ba duglo boramga kuno erekrukwa pre yobuglo ere norukwa. Yegl paugwa ba nono God di wakai yei tenamga paugwa. I siragl pre nono Yaglno Kade Jisas Krais kogon erumara i mina God ye nono aimadi kamin kor moraiglmedi norsre, geglkwa mabuno nono ta si atne edekrabedi ere noro kodugwa.
Komno kana Krais yene king morabuka paugwa. Ye king mogl, kudamo ikne mudu si atne ede kodidre, kuda ikne swara ta okuo kaima si dudunabuka i, geglkwa mem i, si dudu kodinabuka. Yegl ersre, okuo taragl mudu i pi God Nem tenabuka.
Yagl Adam swara tadaglme ersre, geglkwa mabuno i nogugl edumere mere yegl, Krais swara nono adigl u kor enamga mabuno i, i nogugl edugwa.
Nono yoba mudu Adam gawama munga pre goramga keme paugwa ba nono ta Krais yugobunomo mina suna umga i, okuo adigl u kor enamga.
Na ka ta borarika magigl i, ka kaima paugwa pre nono pre medramga paugwa. Ka i yegl paugwa,
Nono Krais bogl akie gunga pre ye bogl akie ama kor moramga.
Ana yoba komnaye kana adigl u kor enaiglmara i, ye taragl wakai wakai idre, gun podo yebi, te God ye yene pre i pere edenabuka. Yoba i, namba 2 dai ikra ye ta akekrabuka ba ye tawa teigwa yoba mere yegl, God ya Krais kogono ersre, bugla yugu 1,000 Krais bogl akie yoba suglno moraiglkwa.
A esperança da vida eterna
Jesus disse: 'Eu sou a ressurreição e a vida.' Quem crê nele não está morto, mas apenas adormecido — e um dia despertará para a glória.
Yegl dugo, Jisas ye aglke kor yegl di togwa, Yoba na swara mina adigl u kor pidre, kor moraiglkwa. Yoba na ta pre mediglsre, goran, ta goglkrabuka. Kor mogl pai morabuka. Te, yoba ta kor moglsre, na pre medran, ye kaima ta goglkrabuka. Na ene di teiga i, ene pre mediglno? Jisas yegl di prukwa.
Yegl dugo, Jisas ye aglke kor yegl di togwa, Yoba na swara mina adigl u kor pidre, kor moraiglkwa. Yoba na ta pre mediglsre, goran, ta goglkrabuka. Kor mogl pai morabuka. Te, yoba ta kor moglsre, na pre medran, ye kaima ta goglkrabuka. Na ene di teiga i, ene pre mediglno? Jisas yegl di prukwa.
Na sipsipna ira meglkwa i, na ye pre kan eriko, na nuguna ebrie prisre, na sika sigwa. Na sika sigo, ye aimadi kamin kor moraiglkwa i, teiga. Na teigo, ye idre, ta goglkraiglkwa. Te, na Nina sipsip ogona mina yogwa i, ye yobuglomo pai kawa togwa pre na ogona mina meglkwa i, yoba ta i eglke edekrisre, na Nina ogo mina yogwa i, ama i eglke edenaiglkwa ama kuno erekrukwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Yaglno Kade Jisas ede ikne unabuka
Ana agroma abaroma wagle, pre mediglkwa yoba ta geglkwa i, okuo ye meglmara siragl taragl plau dinabuka i, ene kegen pre dikraiglmedi prumga. Yoba meda meglkwa i, ye yobanoma ta geglkwa igne, yoba geglkwa i okuo ta adiglkraiglmedi prikwa pre ye kide kaima prisre, kai podo erikwa ba no ene yegl ta erekraiglmedi prumga. Nono Jisas goglsre, adigl u kor omiwedi pre medunga pre nono ama pre pogl sinamga i, Jisas ede ikne unabuka igne, yoba okna Jisas pre mediglsre, geglkwa i, ye mudu kiano mina Jisas bogl akie heven ibo kide kodo, ede makandigle unaiglmedi God dedenan, ye mudu Jisas bogl ede ikne unaiglkwa.
I siragl mere plau dinabuka i, yegl mere paugwa, nono Yaglno Kade Jisas yene heven ibo kide kodo, ede atne udre, ka podo kide kaima ta dinabuka. Dinan, angelo swara ta angelo tau bitno moglkwa i ama ka podo dinan, God biugelmo borabuka. Boran, taragl komono kana plau dinabuka i, yoba ta Krais pre mediglsre, geglkwa i, ye ogono nagino mina adigl u kor enaiglkwa. Adigl u kor ebi, nono pre medunga yoba tau goglkre, kor mogl pai moramga i, ye bogl u swara pidre, ede egli ibo pi, kamun kua mina suna pidre, Yaglno Kade kamun mitna unabara i, ye tegigl yenamga. Nono Yaglno Kade Jisas tegigl yedre, ye bogl aimadi kamin akie moramga.
Não temas a morte
Não temas os que matam o corpo. Para o cristão, viver é Cristo e morrer é lucro. O vale da sombra da morte não assusta quem caminha com o Pastor.
Yoba ene ogono nagino keme si goraiglkwa i pre kuduglno goglkraiglkwa. Ye ogono nagino mina si goraiglkwa ba kiano ta ere kide erekraiglkwa. Yoba kuduglno goglkre, God swara kuduglmo goraiglkwa. Ye yoba ogono nagino si goglsre, kiano akie pia si doga kade mina edenabuka yagl moglkwa.
I siragl pre yoba ta na pre gorabuka i pra we dinan, ye kaima kor morabuka. Ba yoba erme keme kor mogl, wakai moragledi pran, ye u kide enabuka.
Suo akie wakai paugwa. I siragl pre na kor moglbo, na Krais kagie kade inabedi swara eraglka. Te, na goglbo, na taragl podo inaglka pre i ama wakai paugwa.
Na suo akie wakai panabedi prika pre kinana podo yogwa. I siragl pre na goglbo, Krais bogl akie morabuglka i, wakai kaima panabedi prika. Yegl prika ba na kor moglsre, ene Filipai yoba ake ple di te pai moglbo, wakai panabedi prika pre kor moglbo, wakai panabuka.
Ana yoba tau yegl erikwa ba nono we, nono heven yoba munga. Nono heven yoba moglsre, te nono ere yugwa yagl, Yaglno Kade Jisas Krais i, heven ibo kide kodo, unabedi kie ere munga. Jisas unabuka igne, nono ogono nagino yobuglomo paikrukwa paugwa i, ere i ye ogo nagie pogl didre, wakai yene yomere yegl edenabuka. Taragl mudu ye kamo praiglmedi yobuglo erumara i mina taragl yegl erabuka.
Nono munga i, Yagl Yade yobama munga. Yegl pre nono kor mogl, wan moramga igne i no nono wakai moramnedi ere wan moglkramga. Yagl Kade kagie kade inabedi ere wan moramga paugwa. Te, Yagl Kade kagie kade inabedi goramga panan, ye pre ama goramga.
A eternidade nos aguarda
Deus enxugará toda lágrima. A morte será o último inimigo destruído. Para os salvos, a morte é a porta de entrada na presença eterna de Deus.
Ede atne edugo, yoba ta sia king yomara mogl, ka podo ta dugo, na prika. Ye yegl dugwa, Ene kanio! God sel yugumo erme yoba meglmara suna yenan, God ye yoba meglmara suna kipai moran, yoba i ye yobama moraiglkwa. God ye meglmara suna moglsre, kaino nuglo ta yage sinabuka i koko ede tenabuka. Te, yoba okuo ta goglkribi, yoba kai ersre, kai giglage sigwa ya giugl prikwa i, okuo ama ta manabuka. I siragl pre taragl kane kane okna pamere yegl ta paikrabuka. Dudumiwe di, yegl dugwa.
kaino nuglo ta yage sinabuka i koko ede tenabuka. Te, yoba okuo ta goglkribi, yoba kai ersre, kai giglage sigwa ya giugl prikwa i, okuo ama ta manabuka. I siragl pre taragl kane kane okna pamere yegl ta paikrabuka. Dudumiwe di, yegl dugwa.
God di paduglkwa i, yoba ege swara keme goglsre, okuo ye kotmo mina adraiglmedi di paduglkwa.
Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Nono yoba mabunono siragl mere paugwa i, kamga. Yoba ta yoba du morabuka ba yoba pere ta ye ake ple di tenagledi gorabo mo goglkrabe? Ta goglkrabuka. Ana yoba swara ta wakai kaima moran, yoba pere ta ye ake ple di tenagledi gorabo mo goglkrabo mo i na ta prikrika. Yoba suom ta yegl eraiglkwa ba mere yegl ta erekraiglmedi prika. Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.
Yagl swara ta God lomo si biglke dumara i, geglkwa mabuno ede suna u yoba mudu bi didre, nono bitno mere yegl moglkwa. Ba Jisas Krais kogon podo kide ere, Adam erukwa i egre atne ede togwa. Yegl pre Jisas kogon erumara i, God yoba yoko kaima ere wakai ere tedre, yoba ta ye du meglmedi kanugwa yoba i, ye aimadi kamun kor mogl, Jisas king mogl, taragl mudu sugl morabara i, ye akie sugl moraiglkwa.
Nono tadaglme ere kodumga pre topomo geglkwa keme inamga paugwa. Topo yegl inamga paugwa ba ta ikunga. I siragl pre God ere mogl, nono Yaglno Kade Jisas Krais kogon erumara i mina, aimadi kamin kor moramga i, yoko kaima noro kodugwa.
A morte na perspectiva bíblica
Há tempo de nascer e tempo de morrer. A morte é realidade humana, mas Deus é Senhor tanto dos vivos quanto dos mortos.
Uro nenatnga ba ede swara ta paugwa, yoba mogomo uro nebi, mabuno wakai ya mabuno kide pre pogl sinaiglkwa i, ede i keme mogomo uro nekro! Ene ta uro nen, ege i ene kaima goratniwe di, yegl dugwa.
Ana taragl yegl plau dugo, Jisas ka podo yegl dugwa, Nina yo, na kiana ene ogon mina yeiwe dugwa. Ye yegl didre, goglkwa.
Ye maugl sigo, ye ede dumo kidile pi giugl podo prisre, kan eglke iro ede, Abraham ya Lasarus akie miurko, kanugwa. Ye kandre, agle di, yegl dugwa, Nina Abraham yo, ene na mitna goglo! dugwa. Na doga domara mogl, giugl podo kide prika. Ene Lasarus di ten, ye ogo mogo nigl kor mina edidre, yu na drabna mina si banan, kuri ta bi yenabiwe di, yegl agle dume dugwa.
Ana yoba mabuno kide gun yei teigwa igne, ye pre moglsre, okuo tadaglme erikwa. Te, tadaglme ere ede eigwa igne, geglkwa mabuno ama ede nogugl ugwa.