Motivação

13 मसीह रे जरिए जो माखे सामर्थ देओआ तिदे आऊँ सब कुछ करी सकूँआ।

29 से थके रेया खे तागत देयोआ ओर कमजोरा खे शक्ति देयोआ। 30 जवान थकी जाओए ओर तिना खे राम करने री जरूरत पड़ी जाओई ओर जवान ठोकर खाई की रूड़ी जाओए, 31 पर जो यहोवे खे मतादा रिया उम्मीदा ते न्याल़ोए, तिना खे नवीं तागत मिलदी रणी, सेयो उकाबो जेड़े उडदे रणे, सेयो दौड़ने ओर बेओश नि ऊणे ओर चलणे पर थकणे नि।

10 आऊँ यहोवे रिया बजा ते बऊत खुश ऊणा, मेरे प्राण परमेशरो रिया बजा ते खुश रणे; कऊँकि यहोवे माखे उद्धारो रे टाल्ले पन्याए ओर तर्मो री चाद्दर एड़ी टखाई ती जेड़ा लाड़ा फूला री माल़ा साथे आपू खे सजाओआ ओर लाड़ी आपणे गईणेया साथे आपणा श्रृंगार करोई।*

13 कऊँकि ये परमेशर ईए, जो आपणी पवित्र आत्मा रे जरिए तुसा रे मनो रे तेसरी खरी इच्छा और खरे काम करने री ईम्मत देओआ।

13 ओ साथी विश्वासियो! मेरा मानणा ये निए कि आऊँ तिजी खे पायी चूकी रा। पर बस ये एक काम करूँआ कि जो गल्ला बीती चूकी रिया, तिना खे पूली की आगे री तरफा खे बढ़दा जाऊँआ। 14 आँऊ नशाणे री तरफा खे दौड़दा जाऊँआ, ताकि आँऊ स्वर्गो रे बुलाए जाणे रा ईनाम पाई सकूँ। जेतेरी खातर परमेशरे आऊँ यीशु मसीह रे जरिए स्वर्गो दे बुलाई राखेया।

मसीही दौड़

24 क्या तुसे नि जाणदे कि दौड़ा रे तो सब दौड़ोए, पर ईनाम एक ई लयी जाओआ? तुसे तेड़े ई दौड़ो, ताकि जीती जाओ। 25 हर एक पईलवाण सबी किजी रा संयम करोआ, सेयो तो एक मुरजाणे वाल़े मुकुटो खे पाणे री खातर इतणा सब करोए, पर आसे तो तेस मुकुटो खे करूँए, जो मुरजाणा नि। 26 इजी री खातर आऊँ तेस माणूंए जेड़ा दौड़ुंआ, जेसरे सामणे एक लक्ष्य ए, आऊँ अवा रे मुक्के नि बाँदा। 27 आऊँ आपणे शरीरो खे बाऊँआ और कुटुँआं और वशो रे ल्याऊँआ, एड़ा नि ओ कि ओरी खे प्रचार करी की आऊँ आपू ई केसी रीतिया ते नकम्मा ठईरूँ।

परमेशर आसा रा पिता

1 आसा रे चऊँ कनारे बऊत सारे लोका री जिन्दगिया रे एड़े उदारण ए जो आसा खे बताओ कि विश्वास क्या ए। इजी खे आओ, हर एक रोकणे वाल़ी चीज और उल़जाणे वाल़े पापो खे दूर करी की से दौड़ जो आसा खे दौड़नी, सब्रो साथे दौड़ो। 2 आसे विश्वासो रे कर्ता और सिद्ध करने वाल़े प्रभु यीशुए री तरफा खे ताकदे रईए। यीशुए तेसा खुशिया खे जो तेसते आगे थी राखी री, शर्मा री कुछ चिन्ता ना करी की, क्रूसो रा दु:ख सईन कित्तेया और स्वर्गो रे परमेशरो रे दाँणे कनारे बैठेया।

3 यीशुए रे उदारणो पाँदे सोचो, जिने पापिया रे जरिए दित्ते रे डराऊणे कष्ट इजी खे सईन कित्ते कि तुसे दुःखी ऊई की ईम्मत नि छाडी देओ।

23 और जो कुछ तुसे करोए, तनो-मनो ते करो, ये सोची की कि माणूंआ खे नि पर प्रभुए खे करने लगी रे।

11 कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।

13 और जो कुछ तुसे मेरे नाओं ते मांगोगे, सेई मां करना ताकि पाऊए री बजअ ते पिते री महिमा ओ। 14 जे तुसे मांते, मेरे नाओं ते कुछ बी मांगोगे, तो मां से करना।

19 तो, तुसे जाओ और सब जातिया रे लोका खे चेला बणाओ, और तिना खे पिता, पुत्र और पवित्र आत्मा रे नाओं ते बपतिस्मा देओ 20 और तिना खे सब गल्ला, जो मैं तुसा खे आज्ञा देई राखिया, मानणा सिखाओ; और देखो, आऊँ दुनिया रे आखरी तक सदा तुसा साथे ए।"

6 तूँ ईम्मत राख ओर मजबूत ओ, तिना ते नि डर, कऊँकि तां साथे चलणे वाल़ा तेरा परमेशर यहोवा ए; तेस ताखे आसरा देणा ओर तूँ छाडणा नि।*

10 इजी री खातर जो कुछ तुसे करी सकोए से पूरिया शक्तिया ते करो, कऊँकि मरने ते बाद तुसे कुछ पनि करी सकदे जेड़ा कि सोचोए, केसी चीजा खे टोल़ना या समजदार ऊणा।

7 तेरे नेड़े ह्जार लोक ओर तेरे दाँणे कनारे दस ह्जार लोक रूड़ी की मरने;

पर महामारी तां नेड़े नि आऊणी।

29 और तुसे एसा गल्ला री टोल़ा रे नि रओ कि आसे क्या खाऊँगे, क्या पिऊँगे और ना शक करो। 30 कऊँकि दुनिया री जातिया इना सबी चीजा री टोल़ा रे रओईया और तुसा रा पिता जाणोआ कि तुसा खे इना सबी चीजा री जरूरत ए।

10 एथो तक कि जेबे आसे तुसा बीचे थे, आसे तुसा खे ये आज्ञा देऊँ थे, "जे कोई काम नि करना चाओ तो तेसखे रोटी पनि देओ।"

11 आसे सुणूँए कि बऊत लोक तुसा बीचे आल़सी बणी की रओए और कुछ काम नि करदे, पर ओरी रे कामो रे रुकावट पाओए। 12 एड़ेया माणूंआ खे आसे प्रभु यीशु मसीह रे आज्ञा देऊँए और बिनती करूँए कि सेयो लगना साथे आपणे कामा पाँदे लगी जाओ और सेयो आपणी ई मईणती ते कमाई की रोटी खाया करो। 13 और तुसे, ओ साथी विश्वासियो, पलाई करने रे ईम्मत नि छाडो।