Motivação
Motivação verdadeira vem de Deus. A Bíblia nos inspira a correr a carreira da fé com perseverança, sabendo que o Senhor fortalece, guia e recompensa os fiéis.
Força do alto
Tudo posso naquele que me fortalece. Deus dá poder aos fracos e renova a força dos cansados — Ele é a fonte de toda motivação.
Mabatug ku ya kadakulaꞌ magi sa tabang ni Kristu kay yan ya magpakabagseg kanakeꞌ.
Kay ya Tyumanem, yan ya nyeyaꞌ adti ginawa mayu, aw gayed nan pig-uman ya kamayu anenganeng pada madalug mayu ya kanan pagkaliman.
Correr para o alvo
Prossigo para o alvo, para o prêmio da soberana vocação de Deus em Cristo Jesus. A corrida da fé exige disciplina e foco.
Kay manga inulug ku, walaꞌ aku pag-anenganeng na pigdatengan da ku ya kadég yeiy. Manang pigkalingawan da ku ya manga kya-agiyan ku idtu muna aw pigtibulluk da ku ya kanak anenganeng adti datenganan. Yanagaw to-o ku pigbetang adti kanak ginawa na tagtunun ya manga pigpakang da kanak na Tyumanem idtu na pagtawag nan kanak aw pagpakasambuk da ku kan Kristu Jisus. Bekeꞌ oloꞌ na adun manang adtu pa uman kagaya ni tas na langit.
Na, dun ni pagdalug tadun sa Tyumanem, kasiling kitadun na mig-abay nyalaguy. Dun ni pag-abay madég ya utaw na nyalaguy, manang sambuk da oloꞌ ya makadawat sa tandan. Yanagaw dun ni kanaten pag-abay, tibagsegi mayu ya pagpalaguy pada makamang mayu ya tandan. Ya tagsambuksambuk na utaw na mag-abay, matadeng sakanan magtagen sa pagka-utawun nan aw pagpakabagsegen nan ya kanan lawas pada makamang nan ya tandan. Pigtibagsegan nilan yeiy pangkay maksay magkalat ya palangad tandan. Aw kitadun na manga mangintu-uway, tibagsegan tadun uman ya pagdalug sa Tyumanem, pada madawat tadun ya tandan na diliꞌ magkalat. Sa pagdalug ku uman kan Kristu, kasiling aku na mig-abay nyalaguy na walaꞌ ya lingi-lingiꞌ pasinan adti sangku-anan. Aw kasiling aku uman na utaw na migbaksing, diliꞌ aku sumumbag na diliꞌ aku kumeleg. Yanagaw pigtagilan da ku ya kanak lawas adti pangkay unu, kay pagaw matigkas da ku ya pag-ubat-ubat adti madég na utaw, aku baling ya diliꞌ makadawat sa tandan na lekat adti Tyumanem.
Ya pundinganan ni Jisus na madyaw tadun dalugun
Yanagaw, asuntu na pigpalibedan kitadun na madég to-o na utaw na nyuna kanaten nyangintu-u sa Tyumanem, botonan tadun ya manga salaꞌ aw ya kadég na nyakatagen kanaten. Aw padelegen tadun ya pagpangintu-u kasiling na utaw na mig-abay nyalaguy na migpadeleg mendaꞌ na dyumateng adti datenganan. Tibullukun tadun ya kanaten anenganeng adti kan Jisus. Kay yan ya lyekatan sa kanaten pagpangintu-u sa Tyumanem, aw yan uman ya maglingeb sa pagpangintu-u tadun. Aw asuntu sa pagleya na madawat nan kagaya, pigti-isan nan ya kanan pagkamatay adti krus aw walaꞌ nan pagbetangan sa ginawa ya pagmulamula kanan. Aw adun, adtu la sakanan nyingkud apit adti kalintu na trunu na Tyumanem. Yanagaw anenganenga mayu si Jisus na nyati-is nan ya pagdumut kanan na manga makasasalaꞌ mendaꞌ na pigpatay nilan sakanan, pada diliꞌ mayu ka-ayawan ya kamayu pagpangintu-u sa Tyumanem aw diliꞌ uman magkalumay ya ginawa mayu.
Yanagaw pangkay unu ya kamayu imo-un, to-o mayu tibagsegi kay kya-ede-an mayu na si Kristu ya tengteng na amu mayu aw bekeꞌ na utaw.
Propósito e missão
Deus tem planos de esperança para nós. Cada dia é oportunidade de fazer a sua vontade e avançar com confiança na missão.
Aw pangkay unu ya sekaten mayu magi sa kanak ngalan, imo-un ku pada madeyen ya Ama magi dun ni kanan Iseꞌ. Salutun ku ya paglong: Kun magsekat kamu sa pangkay unu magi sa kanak ngalan, imo-un ku saba.
Yanagaw kadtuwi mayu ya kadég na manga banwa aw imo-a mayu ya manga utaw na kanak manga umagakan, aw ba͡utismuwi mayu silan dun ni ngalan na Ama, aw Iseꞌ, aw Ispiritu Santo. Aw palna-uwi mayu silan na imo-un nilan ya kadég na pigsuguꞌ ku kamayu. Aw diliꞌ mayu pagkalingawan na gayed ta kamu agad-agadan kada allaw mendaꞌ na malingeb da ya kadég adti kamoliyan na allaw."
Yanagaw diliꞌ gayed magkakamang ya ginawa mayu kun unu ya un mayu kanen aw inemen. Ya kadég yeiy, gayed pigtibagsegan na matagtun na manga utaw na walaꞌ pangintu-u sa Tyumanem. Manang kamu, walaꞌ ya du-an na makamang ya ginawa mayu, kay kya-ede-an da saba na Ama mayu na awun ni tas na langit kun unu ya kamayu kapelekan.
Kay talana nami adti sayid mayu, maynini ya pigsuguꞌ nami kamayu: Pangkay singalan ya diliꞌ magtalabahu, diliꞌ sakanan pakanen.
Pigpa-anenganeng nami yeiy kamayu kay pigdengeg nami na awun kunu manga utaw dun ni kamayu na diliꞌ magtalabahu. Kaliman nilan oloꞌ ya mangilabet adti manga imo-unun na eped na manga utaw. Yanagaw, asuntu na awun katundanan nami lekat adti kanaten Matas na Pangulu na si Jisu-Kristu, sumuguꞌ kami sa manga utaw yan na magtibulluk silan magtalabahu pada awun kakamangan nilan sa kanilan kapelekan.
Manang kamu, kay manga inulug, diliꞌ kamu magkalumay dun ni imo-unun mayu na madyaw.