Mudança de vida

17 ते अगर कोई मसीह मां आहे त तै नव्वीं सृष्टि आहे, पुरैनी गल्‍लां बीती जेई; हेरा, तैना सब नेव्वीं भोइजेइ।

10 हे परमेशर, मेरे अन्तर पवित्र दिल पैदा केर

मेरे अन्तर कायम रानेबाली आत्मा नंव्वे तरीके सेइं पैदा केर।

11 मीं अपने सामनेरां दूर न केर,

ते न अपनि पवित्र आत्मा मीं करां अलग केर।

12 मीं दुबारां एपनी मुक्तरी खुशी दे,

मीं इच्छारी आत्मा देइतां सम्भाल।

परमेशरेरे सेवारी ज़िन्दगी

1 एल्हेरेलेइ हे ढ्लाव ते बेइनव, अवं तुसन कां परमेशरेरी दया याद केरताईं बिनती केरतां ज़ोताईं, कि अपनि ज़िन्दगी पवित्र, ते ज़ेरू परमेशरे पसंद एइते, बलिदान केरतां च़ाढ़ा; ईए परमेशरेरी आराधना केरनेरो सही तरीकोए। 2 ते इस दुनियारे तरीके पुड़ न च़ला, पन परमेशर तुश्शी सोच बदलेरे ज़िरिये सेइं तुश्शो चाल चलन भी बेदलोए, ताके तुस ज़ानथ कि परमेशर तुसन करां कुन चाते, या ज़ै रोड़ू ते ज़ैन तैस पसंद एइते, ते सिद्ध आहे।

20 अवं मसीह सेइं साथी क्रूसे पुड़ च़ढ़ोरोईं, ते हुनी ज़ींतो न राव, पन मसीह मीं मां ज़ींतोए, ते अवं जिसमे मां हुनी ज़ींतोईं, त सिर्फ तैस विश्वासे सेइं ज़ींतोईं, ज़ै परमेशरेरे मट्ठे पुड़े, ज़ैने मीं सेइं प्यार कियो, ते मेरे लेई अपनि जान दित्ती।

9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।

11 किजोकि यहोवा एन ज़ोते, कि ज़ैन-ज़ैन अवं तुश्शे लेई सोचताईं तैन अवं ज़ानताईं, तैन नुक्सानेरे लेई नईं, बल्के सुखेरू आहे ते आखरी मां तुश्शी उमीद पूरी केरेलो।

6 कोन्ची भी गल्‍लरी फिक्र न केरा, पन हर एक्‍की गल्‍ली मां तुश्शी दरखुवास, प्राथना बिनती सेइं शुक्रे साथी परमेशरे कां हाज़र भोन। 7 तैखन परमेशरेरी शान्ति, ज़ै समझ़ी करां बिलकुल बेइरे, तुश्शे दिलन ते तुश्शे खियालन मसीह यीशु मां बिलकुल मैफूज़ रखेली।

15 बड़ी मेहनत केर ताके तू परमेशरेरे सामने कबूल भोनेरे काबल भोस, तू एरे मैन्हेरो ज़ेरो भोनेरी कोशिश केर ज़ै अपने कम्मेरे वजाई सेइं शरमिन्दा न भोए, ते ज़ै सच़्च़ो सन्देश ठीक तरीके सेइं शिखालतो भोए।

6 तू हिम्मत केर ते मज़बूत भो, तैन करां न डर ते न घबरा; किजोकि तीं साथी च़लनेबालो तेरो परमेशर यहोवा आहे; तै तीं धोखो न देलो ते न शारेलो।"

यीशुएरे चेले लौ ते लूनेरे ज़ेरेन।

13 "तुस इस दुनियारे लोकां केरे लेई लूनेरे ज़ेरे आथ, पन अगर लूनेरो सुवाद च़ेलि गाए, त फिरी दुबारां केन्च़रे तैसेरो सुवाद वापस आनेले? फिरी तैन कोन्ची कम्मेरू न राए, सुवाए बेइरोवं शारनेरां ते लोकां केरे पांवेइं सेइं ढ्लेन्च़ोनेरां।"

29 कोई गन्दी गल तुश्शे ज़बाना न निस्से, पन ज़रूरतरे मुताबिक तैन्ने ज़ोथ, ज़ैन होरि केरे लेई विश्वासे मां मज़बूती सेइं बद्धनेरी वजा भोए। तैखन ज़ैन तुसेईं ज़ोवं तैन लोकां केरे लेई रोड़ू भोल्हु ज़ैना तुश्शी शुन्तन।

16 एल्हेरेलेइ अस दिलेरी न शारम; अगर इश्शी बेइरीं इन्सानयत नाश भी भोए, त फिरी भी इश्शी एंत्रीं इन्सानयत रोज़ नव्वीं भोती रहतीए। 17 किजोकि इश्शो एक्‍की पलेरो थोड़ो ज़ेरो दुख बड़ी ते हमेशारी महिमा पैदा केरते, ज़ेसेरी तुलना केन्ची सेइं न केरोए। 18 ते अस त लाहोरी चीज़न नईं पन अलैई चीज़न लहते रहतम, किजोकि लाहोरी चीज़ां थोड़े दिहाड़ां केरे लेई आन, पन अलैई चीज़ां हमेशारे लेई आन।