Mudança

8 यीशु मसीह काल अर आज अर युगानुयुग एक सा सै, वो कदे न्ही बदलता।

6 "क्यूँके मै यहोवा बदलदा न्ही*; इस्से कारण, हे याकूब की औलाद थम नाश न्ही होए।

17 क्यूँके हरेक आच्छा वरदान अर हरेक उत्तम दान परमेसवर की ओड़ तै ए सै, जो सिध्द सै, जिसनै आसमान की ज्योतियाँ बणाई सै, अर वो इनकी छाया की तरियां कदे बदलता कोनी।

31 धरती अर अकास टळ जावैंगे, पर मेरी बात कदे न्ही टळैगी।*

17 जै कोए मसीह म्ह बिश्वास करै सै, तो वो नयी जिन्दगी पा लेवै सै। पुराणा सुभाव चल्या जावै सै, अर नया सुभाव आ जावै सै।

18 हम परमेसवर की महिमा इस तरियां देक्खां सां, जिस तरियां शीशे म्ह अपणा मुँह, उस मुँह के आग्गै पड़दा कोनी, परमेसवर आत्मा सै। अर वो हमनै अपणे तेजस्वी स्वरूप म्ह थोड़ा-थोड़ा करकै बदलता जावां सै।

2 इस दुनिया के माणसां बरगे ना बणो, पर परमेसवर थारी सोच नै बदलै, अर थारा चाल-चलण भी बदलता जावै, जिसतै थम परमेसवर की भली, अर आच्छी लागण आळी, अर सिध्द इच्छा अनुभव तै बेरा पाड़ सको।

2 हे मेरे प्यारे बिश्वासी भाईयो, इब हम परमेसवर की औलाद सां अर इब ताहीं यो तय न्ही होया, के आण आळे बखत म्ह हम के बणागें! इतणा जाणा सां के जिब यीशु मसीह आवैगा तो हम उसकै समान होवांगे, क्यूँके हम मसीह नै उसेए दिक्खांगें जिसा वो सै।

21 वो अपणी शक्ति कै असर कै मुताबिक जिसकै जरिये वो सारी चिज्जां नै अपणे बस म्ह कर सकै सै, म्हारी दीन-हीन देह का रूप बदलकै, अपणी देह कै अनुकूल बणा देगा।

51 देक्खो, मै थारे तै एक भेद की बात बताऊँ सूं, म्हारे म्ह तै कुछ बिश्वासी मरै कोनी, पर उनकी देह बदल जावैगी। 52 अर यो पलभर म्ह, पलक झपकदे ए जिब आखरी तुरही फूक्‍की जावैगी तो मुर्दे सदा रहण खात्तर जिन्दा हो जावैंगे, अर जो जिन्दा सै उनकी देह सुर्गीय देह म्ह बदल जावैंगी।

8 इस खात्तर जै थमनै सच म्ह पाप करणा छोड़ दिया सै तो यो दिखाण खात्तर भले काम तो करो।

3 मै थमनै कहूँ सूं के ना, पर जै थम पाप करणा न्ही छोड़ोगे तो थम भी इस्से तरियां नाश होओगे।

19 इस करकै, पाप करणा छोड़ द्यो अर बोहड़ आओ के थारे पाप मिटाए जावै, जिसतै प्रभु के स्याम्ही तै सुख-चैन के दिन आवै,

हर बात का अपणा बखत

1 हर एक बात का एक मौक्‍का अर हरेक काम का, जो आसमान कै नीच्‍चै होवै सै, एक बखत सै।

4 एक पीढ़ी दुनिया तै जावै सै, अर दुसरी पीढ़ी दुनिया मै आवै सै, पर धरती सदा बणी रहवै सै। 5 सूरज लिकड़कै डुबै भी सै, अर फेर लिकड़ भी जावै सै। 6 हवा दक्षिण की ओड़ बहवै सै, अर उत्तर की ओड़ घुमदी जावै सै; वो घुमदी अर बहन्दी रहवै सै, अर अपणी दिशा म्ह बोहड़ आवै सै। 7 सारी नदी समुन्दर म्ह जा मिलै सै, फेर भी समुन्दर भरदा कोनी, जिस जगहां तै सारी नदी लिकड़ै सै, ओड़ैए वे फेर चली जावै सै।

9 जो किमे होया था, वोए फेर होवैगा, अर जो कुछ बण चुक्या सै वोए फेर बणाया जावैगा, अर सूरज के नीच्‍चै कोए बात नई कोनी। 10 के इसी कोए बात सै जिसके बारे म्ह लोग कह सकै के देख या नई सै? या तो पुराणे जमान्‍नै म्ह भोत पैहले तै थी।

19 देक्खो, मै एक नई बात करुँ सूं; वो इब्बे जाहिर होवैगी, के थम उसतै अनजाण रहोगे? मै जंगळ म्ह एक राह बणाऊँगा अर निर्जल देश म्ह नदियाँ बहाऊँगा।

3 यो जाण ल्यो के आखरी के दिनां म्ह मसीह के आण तै पैहल्या भोत-से इसे माणस होवैंगे जो थारा मजाक उड़ावैंगे, क्यूँके थम बिश्वास करो सों के मसीह बोहड़ के आवैगा, अर वे बुरे तै बुरा काम करैगें जो उन ताहीं खुश करै सै। 4 अर कहवैगें, "उसकै आण का वादा कित्त गया? क्यूँके जिब तै उनके पूर्वज सो ग्ये सै, सारा किमे उस्से तरियां ए सै जिस तरियां सृष्टि की शरुआत तै था?" 5 वो इस करकै कहवैंगें क्यूँके वो भूलणा चाहवै सै, के परमेसवर के वचन कै जरिये अकास पुराणे बखत तै विद्यमान सै। उसनै धरती ताहीं भी पाणी म्ह तै बणाया अर पाणी तै न्यारा करया। 6 यो उनके मजाक का ए नतिज्जा था, के बाद म्ह उसनै एक बड़ी बाढ़ के जरिये इस दुनिया ताहीं पाणी म्ह डूबो कै नाश कर दिया। 7 पर परमेसवर नै इब के बखत का अकास अर धरती उस्से वचन कै जरिये ज्यांतै राख राक्खे सै, के जळाए जावै, अर ये भगतिहीन माणसां के न्याय अर नाश होण कै दिन ताहीं इसेए धरे रहवैंगे।