Mudança

8 Jiso Klai nɔ káa haʼ wo ndə ɔ kə bɛ yɔ̄ŋ-yə, yɔ̂ŋ, bu bɛ haʼ yɔ̄ŋ-yə laa kə́ bɛ haʼ nɔ təmə liʼ-i ghɔ fɛ.

17 kɔ-jyujyu-kə təmiyɔŋ ghɔŋ ŋkɛŋ kəkɔ təmiyɔŋ nɔ lɔ̀ hə kweghɔʼ, shíʼ gwè hə kəghɔ-Tie bəfɔ ndə i tʉʼ báa yuo inchəŋ təmə kyinə kíahə ndə mbi kíahə ŋwɔŋ-ɛŋ kɔ́ njəŋkə nɔ fɛ.

31 Yuo ghɔŋbə chisêkə bu mì təmə ŋgiekə-ɔŋ bɔŋ bu nə mì fɛ.

17 Yɔ̄ŋ-yə nɔ dʉ̀ʼ mbɔ wo ndə ɔ nɔʼ fúu ŋwɔŋ-ɛŋ ghɔŋbə Klai nɔ bɛ wo fefe nduɔ. Nduɔŋ nuʼ nɔʼ tíŋ, nuʼ fefe nɔʼ gwè.

18 Bɔŋ bʉʼʉ bənchəŋ ndə bə nɔʼ chóʼ mbʉ bɔŋ hə shʉ-bʉʼʉ, bʉʼʉ nɔ tʉʼ nyíɛ mbʉ məgʉə-Tiekətʉ, bə kíahə bʉʼʉ ndə finə-i, bʉʼʉ kə́ lɔ̀ hə ndə ntɛ məgʉ́ə imɔʼ, gɛ̀ dàa ndəŋ ibɛʼ-yə ndə i gʉ́ə. Bʉʼka yɔ̄ŋ-yə nɔ gwè hə kəghɔ-Tiekətʉ ndə ɔ bɛ Lyʉʉhəkə.

2 Kə bii məkɔ́ ŋwɔŋ-yii ndə nubə ndə bʉə-kəwʉʉnəmbi-bɔ̄ŋ tʉʼ fɔ̀ʼ fɛ, b̈ii bɔŋ mɛ̀ʼtə Nyii kwɛ́nə bii ndə məbɛ bʉə fefe ndə i gwè hə ndəŋ məkwɛ́nə ŋkwɔʼtə-yii, mbɔ bii chʉʼ kie ghʉəʼkə ndə məkínə nubə ndə Nyii kʉ̀ʉ, nubə ndə i bɛ jyujyu, bʉ̀ʉ tʉ ɔŋ bɔŋleʼ kʉ̀ʼnə tʉ ɔŋ gɛ̀ kùu.

2 Mbʉətə bətieŋkɔŋ-bɔ̄ŋ, bʉʼʉ nɔ bɛ vâa-Nyii nduɔ, bɔŋ nukə ndə bʉʼʉ bu nə sɛŋ bɛ yɔŋ chʉʼ kɛ̀ʼnə fɛ. Bɔŋ nukə ndə bʉʼʉ kínə nɔ bɛ mbɔ ndʉʉ ndə ɔ bu yi gwè nɔ, bʉʼʉ bɛ ndə ɔ, bʉʼka bʉʼʉ bu yi nyíɛ ɔŋ kɛŋ ndə ntɛhə ndə ɔ bɛ yɔŋ.

21 Ɔ bu chìi ntɛ mbʉə-lʉ́ʉtə-ɔ̄ŋ ndə bʉʼʉ kie nɔ bə̀ŋ, mbɔ bʉʼʉ chʉʼ kie yi-yə ntɛ mbʉə ndə bɛ mbʉə məgʉ́ə, kə́ fɔ̀ʼ nə ntɛ-kəghʉəʼ ndə ɔ kie ndə məshúʼhə fɔbə chɔ sê inchəŋ kə́ gìe kətʉ-bɔŋ.

51 B̈ii yʉ́, m̈ɔ shyíi bii nə ŋguu. Bʉʼʉ kʉʉ kwútə bənchəŋ fɛ, bʉʼʉ bənchəŋ bɔŋ bu kwɛ́nə, 52 ndə vaa kəkʉʉ məniʼ, kɛŋ ndə shʉ bètə nɔ, ndə ndyiʼtə-gyʉəʼə-kə tʉʉ. Bʉʼka bə bu tʉ́ʉ gyʉəʼə, bʉə ndə bɔ̂ŋ nɔʼ kə kwútə bʉ̀nə kóʼ təmə leʼnə fɛ̀ fɛ, bʉʼʉ bɔŋleʼ kwɛ́nə.

8 B̈ii kʉ́ʉnə ntɔŋmə ndə mədʉ̀ʼ mbɔ bii nɔʼ shìe liɛŋtə-ii hə ndəŋ bʉ̂ʼtə-ii.

3 Mbee, nukə ndə bii tʉʼ kwɔ̀ʼtə kʉ̀ʼnə fɛ, kaʼ bii gòʼ təmə shìe liɛŋtə-ii ndəŋ bʉ̂ʼʉ fɛ, bii bənchəŋ kwú bɛ́.

19 B̈ii shìe liɛŋtə-ii hə ndəŋ bʉ̂ʼtə-ii, bʉ̀nə gwè tʉ Nyii, ɔ chʉʼ sʉ̀fyii hə ndəŋ bʉ̂ʼtə-ii, Tiekətʉ chʉʼ chìi b̈ii kie ŋgwɔʼmbi ndə fyiihə-ii bu ghʉ́ə bʉʼka bii bɔŋ bɛ mɔʼɔ,

3 Bii nɔ kie ndə mə-fəŋ-kínə mbɔ kʉ̂ʉ bɛ ndə ndyiʼtə-bəchî-bə nɔ, bʉə bu fyú ndə bɛ bʉə dʉ̀ʉhə bənu, kə́ dʉ̀ʉhə bii, bʉə ndə məchimbi-yʉə bu kə́ tòʼ bə ndə mbʉəhə-ʉə tʉʼ gìe tʉ bɔŋ. 4 Bɔ̂ŋ bu kə́ ghɔ̀ŋ mbɔ, "Jiso ba ndə ɔ kə kɔ̀ʼnə ndə məgwè le? Bətie-bʉʼʉ* nɔʼ kə kwútə, nubə-ɔ̄ŋ kə́ bɛ haʼ ndə i nə bɛ lʉ̀ hə ndəŋ ŋgwunə-mbi." 5 Bɔ̂ŋ shʉəŋshʉəŋ lèʼnə mu fyii-bɔŋ mbɔ lʉ̀ hə ŋgʉʼʉ Nyii nɔ nə kàhə nə ŋgie-chu-kə-i, yuo bɛ ghɔ. Bə nɔ nə kóʼhə chisêkə hə mu muu, bə bɔŋleʼ chìi nə muu, 6 bɔŋleʼ bɛ haʼ nɔ ndə Nyii nə lìihə wʉʉnəmbi-bəshʉ-kə ghɔ nə muu-yɔ́ŋyɔ́ŋ-mə, i byʉ́ʼ bɛ́. 7 Bɔŋ yá haʼ mbʉ kəŋgieNyii yá yuo ghɔŋbə chisêkə tʉ́ʼ ndə i bɛ nduɔ tʉ viʼi. Bə nɔ tʉ́ʼ bɔŋ, kə́ chyìi chî-kwɛ̀-fɛʼɛ-kə ndə bə bu bʉ́əhə bʉə ndə məchimbi-yʉə gòʼ təmə kə́ kɔ́ kuŋhə tʉ Nyii fɛ.