8 यीशु मसीह कल अरु आज अरु पिडमपिडि एक जसो हइ.

17 क्युकी हर एक अच्छो वरदान अरु हर एक अच्छो परिपुर्ण उपहार स्वर्ग से आस हइ, अरु उ परमेश्वर का वजेसे जेने स्वर्गीय उजाला के बनायो हइ, नीचे लास हइ, उ हमेसा बदलस ऱ्हेन वाली छाय का जसो नी बदले हुनु.

31 बद्दल अरु पृथ्वी खतम हुइ जास पन मरो वचन कभी नी टलस.

17 येकालिये अगर कोय मसीह मे हइ ते उ नइ दुन्या हइ पुरानी बातहोन बीती गइ हइ. देखनु कि वे सब नवी हुइ गइ.

18 पर जब हम सब खे उघडा चेहरा से प्रभु को प्रताप यो रंग प्रगट होस हइ, जो रंग को दिखाना मे, ते प्रभु का वजेसे जो आत्मा हइ, हम उय तेजस्वी रुप मे थोडा थोडा करी खे बदलता जास हइ.

2 यो जगत को सदृश नी बन्यो. पन तुमारो मन, नी हो जान से तुमारो चाल-चलन भी बदली जाए जेका से तुम परमेश्वर कि भली, अरु भाती अरु साधी इच्छा अनुभव से समज्हे करस ऱ्हेस.

2 हे मरा मसीह भैइ अब हम परमेश्वर की सन्तान हइ, अरु अभी तक यो प्रगट नी हुयो कि हम खे कुछ हुये इत्तो जानस हइ कि जब उ प्रगट हुये ते हम ओका जसा हुये क्युकि ओका ओसो ही देख्ये जसो उ हइ.

21 उ अपनी‍ शक्ति का प्रभाव का जसो जेका वजेसे उ सब चीजहोन खे अपना कब्जा मे करी सकस हइ, हमारी दीन-हीन आंग को रुप बदली, अपनी महिमा की आंग को अनुकूल बन्यी दिये.

51 देखनु, मी तुम से भेद की बात बोलुस हइ कि हम सब तो नी सोये, पर सब बदली जाये.

52 अरु यो जरा भर मे, पलक मारते ही आखरी तुतारी फूकते ही हुये क्युकि पिपडी फुकी जाये अरु मुर्दा अविनाशी दशा मे जिन्दो उठाये जाह्ये अरु हम बदली जाये.

8 अपना पाप से मन फिराव खे परमेश्वर तरप चली गयो असो जिवन खुद जिखे बता.

3 मी तुम से बोल्हु . कि नी पन अगर तुम मन नी फिराह्ये ते तुम सब भी या रिती से नास हुये.

19 येका लियेका मन फिरानु अरु लौट आनू कि जोकासे का सामने से अराम का दिन आये.

1 हर एक बात को एक अवसर अरु प्रत्येक काम को, जो धरती पर होस हइ, एक टेम हइ.

4 एक पिडी जास हइ, अरु दुसरो पिडी आस हइ, पन पृथ्वी जसी की तसी हमेशा ऱ्हेस हइ. 5 सुरज निकलीखे डुबी भी जास हइ, अरु उ झलदी वा जगा खे वापस जास हइ जहा से उ निकल्यो थो. 6 हवा दक्षिण का तरप चलस हइ, अरु उत्तर का तरप घुमती जास हइ; वा घुमती अरु बोहाती ऱ्हेस हइ, अरु अपनी जगा मे वापस आस हइ. 7 सब नद्दीहोन एक ही जगा का तरप बार बार बोहाया करस हइ, वे सब समुद्र मे जयखे मिलस हइ, पन फिर भी समुद्र कभी नी भर्ये.

9 जो कुछ हुयो थो, उ फिर हुये, अरु जो कुछ बन्यो चुक्यो हइ उ फिर से बनायो जाये; अरु धरती पर कुछ भी नवो नी हइ. 10 का असी कोय बात हइ जेका बारे मे दुनिया बोली सखे कि देख यो नवो हइ? यो तो हम से भोत पहले का जमानाहोन से होतो अय रोस हइ.

3 सब से पैयले यो समजी ले कि आखरी दिन मे हसी उडान आलो आयोस जो अपनी या अभिलाषाहोन का जसो चल्यो 4 अरु बोल्यो, "वोने आन कि प्रतीज्ञा करी थी, बोल्यो हइ वु? हमारो बापदादा से पैयले से मरी चुक्यो हइ, पर जबसे सृष्टि बनय हइ सब बात वसी की वसी चली अय रही हइ." 5 वे तो जानी बुजी खे यो भुली गयो कि परमेश्वर का वचन का वजेसे बद्दल पैयले काल से बनय गयो हइ अरु पृथ्वी भी पाणी मे से बनी अरु पाणी मे रुखोस हइ, 6 यो कारण वु युग को जगत पाणी मे डुबी खे खत्म हुय गा. 7 पन बद्दल अरु पृथ्वी जो आज अस्तित्व मे हइ वोका आदेश का वजेसे अंगार का वजेसे खतम होन का लिये सुरक्षित हइ येखे वु दिन का लिये रख्यो जय रो हइ जब अन्यायी दुन्या को न्याय हुये अरु वे खतम करी दियो जाह्ये.