8 Masansiragunti ligaburi Hesukrístu; ligiaméme gúñaarü, uguñe, luma súnwandan.

6 —Au Aburemeibei. Masansiragungidina. Ligía lébubei magumuchagungidün lubéi huguya ladügawagun Hakobu.

17 Sun buiti le ichugúbei woun, le úabei mégeiti luagu siélugiñe liabin, lúmagiñe Bungiu le adügübalin burí lilanpuna sielu. Bungiu le ligiamémebei súnwandan; úati sánsiguaü lidan, mamuñoungadun ligía.

31 Lásügürüba sielu luma ubóu, anhein nererun, meredebei magunfulirunga.

17 Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.

18 Ligía sun lubéi wagía, gidawaaru belu luéi wagibu arufudeinei luéirigun Bungiu ítara, kei hamuga tidan aban isubusei; asansiragueina wagíati lun lenegebadiwa lan, ladüga aganwoundeina liña luéirigun Bungiu wadan. Lasuseredunbei ítara ladüga ladügüni Wabureme lau lani Sífiri.

2 Hebé habagaridun keisi lirahüñü ubóu le; lubaragiñe lira, sansi huméi ligaburi hisaminan, sansi láamuga giñe ligaburi habagaridun. Ítara luba hiabin lun hasubudiruni le lugundanbei Bungiu hun—le buídubei, le úaraguabei.

2 Niduheñu hínsiñetiña nun, lirahüñühadiwa Bungiu guentó, ani lau sun marufudungili lan woun kátabadiwa lan lídanme lagumuhóun; subudirügü wamuti luagu danme lan le lagiribudun Kristu, ítara waba lan kei ligía, lugundun warihubei ítara kei lubéi.

21 Lídanme weyu ligía, lasansirubei wágubu le góunwedadibei lun ítara lan kei lúgubu le wéirigubei. Ani ladügübei laumeme ubafu le luágubei lun líchuguni sun katei lábugiñe lagumadihan.

51 Busentina lun hasubudiruni katei le meha aramudaguabei: Mama sun lánigu Kristu lun hóunweguba lan; hasansirawagúba súngubei, 52 lidan murusun oura, lidan aban léfegechun luma lámurudun aguu, danme le laganbúniwa tumalali fidu. Tínwinruba fidu, ábame hásaarun lánigu Kristu ha hilaañabaña lun móunwendügüyaaña lan; ábame hasansirawagún ha móunwengiñabaña lídanmeme oura ligía.

8 Óusera humá buidu, arihúa láamuga furangu luagu asakürihaadün lan.

3 Uá mama luéigiñe lira; lau sun lira, nariñahare hun luagu anhaün lan masakürihan, hóunweguba giñe sun huguya.

19 Ligía lubeiti, asaküriha humá; giribu huguyame lun Bungiu, chibawa láamuga hifigoun.

1 Gadaaniti sun katei ya ligibuagu ubóu le; chülüti lidaani sun le asuseredubei:

4 Híbiri águrahoua, híbiri óunwegua,

gama lumoun masansiragunti ubóu.

5 Furiti weyu, dubú ligía,

ábaya lagiribudun lidoun lubara lunya láfuridun.

6 Futi garabali luagun suru,

lárigiñe aba lagararaagun luagun nórute.

Agararahati garabali!

Gararaguati ani gararaguaya ligía!

7 Sun duna baranahoun léibaagua

gama lumoun mabuinchunti barana;

sun duna giribuyati lárigoun lidoun fulasu le ñéingiñe lubéi láhücha

lunya léibaaguni ümaméme ligía.

9 Úabei ni kata lun úagili lan meha;

madügǘnwabei ni kata le madügǘnwañahagili.

Úati ni kata iseri ligibuagu ubóu le!

10 Súnwandan ñeinbei lan ariñaguti:

«Anati le, iseri!»

Gama lumoun aniheinhali meha saragu dan wabaragiñe.

19 Nadüga aban katei iseri,

ani hariha luagu lasusereda lan reiti guentó.

Nadaara aban üma lidan fulasu mageirawati,

luma duna éibaaguati lidan múa marandarunti.

3 Lídangiñe sun burí katei le wariñagubei, rútima huméi le haritagunrugun: Luagu lídounme lan lagumuhóun dan, añaheinbaña gürigia adaagutiña bula hau; habagariduba keisi lariñaguni luriban haritagun houn, 4 ábame hariñagun: «Ka san mégeibei lau füramasei luagu lagiribuduba lan Kristu? Hilagua wagübürigu ani ítaramemegili sun katei kei meha lúmagiñe dan le ladügǘnbei ubóu». 5 Mabusenrúntiña hasubudiruni luagu ladügüni lan Bungiu sun katei lidan lidaani lun ladügǘniwa. Adüga lumuti meha sielu luma ubóu lúmagiñe binarü lau lugumadin; adügaléi múa lídangiñe duna ani lau duna. 6 Aba lachülürün dan lun lagünrinchaguni Bungiu ubóu meha ligira lau lidunarina guran. 7 Ánheinti sielu luma múa le guentobei, lareiduñein Bungiu lubame weyu lagünrinchawagun lau watu gemeti. Lareidahouña lubá luéyuri guséi luma hagünrinchawagun wuribatiña.