8 Iesus Christus heri et hodie ipse et in saecula

6 ego enim Dominus et non mutor et vos filii Iacob non estis consumpti

17 omne datum optimum et omne donum perfectum desursum est descendens a Patre luminum apud quem non est transmutatio nec vicissitudinis obumbratio

31 caelum et terra transibunt verba autem mea non transibunt

17 si qua ergo in Christo nova creatura vetera transierunt ecce facta sunt nova

18 nos vero omnes revelata facie gloriam Domini speculantes in eandem imaginem transformamur a claritate in claritatem tamquam a Domini Spiritu

2 et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta

2 carissimi nunc filii Dei sumus et nondum apparuit quid erimus scimus quoniam cum apparuerit similes ei erimus quoniam videbimus eum sicuti est

21 qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia

51 ecce mysterium vobis dico omnes quidem resurgemus sed non omnes inmutabimur52 in momento in ictu oculi in novissima tuba canet enim et mortui resurgent incorrupti et nos inmutabimur

8 facite ergo fructum dignum paenitentiae

3 non dico vobis sed nisi paenitentiam habueritis omnes similiter peribitis

19 paenitemini igitur et convertimini ut deleantur vestra peccata

1 omnia tempus habent et suis spatiis transeunt universa sub caelo

4 generatio praeterit et generatio advenit terra vero in aeternum stat5 oritur sol et occidit et ad locum suum revertitur ibique renascens6 gyrat per meridiem et flectitur ad aquilonem lustrans universa circuitu pergit spiritus et in circulos suos regreditur7 omnia flumina intrant mare et mare non redundat ad locum unde exeunt flumina revertuntur ut iterum fluant

9 quid est quod fuit ipsum quod futurum est quid est quod factum est ipsum quod fiendum est10 nihil sub sole novum nec valet quisquam dicere ecce hoc recens est iam enim praecessit in saeculis quae fuerunt ante nos

19 ecce ego facio nova et nunc orientur utique cognoscetis ea ponam in deserto viam et in invio flumina

3 hoc primum scientes quod venient in novissimis diebus in deceptione inlusores iuxta proprias concupiscentias ambulantes4 dicentes ubi est promissio aut adventus eius ex quo enim patres dormierunt omnia sic perseverant ab initio creaturae5 latet enim eos hoc volentes quod caeli erant prius et terra de aqua et per aquam consistens Dei verbo6 per quae ille tunc mundus aqua inundatus periit7 caeli autem qui nunc sunt et terra eodem verbo repositi sunt igni servati in diem iudicii et perditionis impiorum hominum