A mulher sábia

1 દરેક સમજુ સ્ત્રી પોતાના ઘરની આબાદી વધારે છે,

પણ મૂર્ખ સ્ત્રી પોતાને જ હાથે તેનો નાશ કરે છે.

10 યહોવાહનો ભય એ ડહાપણનો આરંભ છે,

પવિત્ર ઈશ્વરની ઓળખાણ એ જ બુદ્ધિની શરૂઆત છે.

33 યહોવાહનો ભય ડહાપણનું શિક્ષણ છે,

પહેલા દીનતા છે અને પછી માન છે.

5 તમારામાંનો જો કોઈ જ્ઞાનમાં અપૂર્ણ હોય, તો ઈશ્વર જે સર્વને ઉદારતાથી આપે છે અને ઠપકો આપતા નથી, તેમની પાસેથી તે માગે; એટલે તેને તે આપવામાં આવશે.

11 યહોવાહને તથા તેમના સામર્થ્યને તમે શોધો;

સદાસર્વદા તેમના મુખને શોધો.

આદર્શ પત્નીની ગુણગાથા

10 સદગુણી પત્ની કોને મળે?

કેમ કે તેનું મૂલ્ય તો રત્નો કરતાં વધારે છે.

25 શક્તિ અને સન્માન તેનો પોશાક છે.

અને તે ભવિષ્ય વિષેની ચિંતાને હસી કાઢે છે.

26 તેના મોંમાંથી ડહાપણની વાતો નીકળે છે,

તેના જીભનો નિયમ માયાળુપણું છે.

28 તે પોતાના ઘરના માણસોની વર્તનની બરાબર તપાસ રાખે છે;

અને તેના પતિ તેના વખાણ કરે છે અને પ્રશંસા કરતાં કહે છે કે,

29 "જગતમાં ઘણી સદાચારી સ્ત્રીઓ છે,

પણ તું તે સર્વ કરતાં ઉત્તમ છે."

30 લાવણ્ય ઠગારું છે અને સૌંદર્ય વ્યર્થ છે,

પરંતુ યહોવાહનો ડર રાખનાર સ્ત્રીની પ્રંશસા થશે.

4 સદગુણી સ્ત્રી તેના પતિને મુગટરૂપ છે,

પણ નિર્લજ્જ સ્ત્રી તેનાં હાડકાને સડારૂપ છે.

16 સુશીલ સ્ત્રી સન્માન પ્રાપ્ત કરે છે;

અને જુલમી માણસો દ્રવ્ય સાચવી રાખે છે.

14 ઘર અને ધન તો પિતા તરફથી વારસામાં મળે છે,

પણ ડાહી પત્ની યહોવાહ તરફથી મળે છે.

3 એ જ રીતે વૃદ્ધ સ્ત્રીઓને કહેવું કે તેમણે આદરયુક્ત આચરણ કરનારી, કૂથલી નહિ કરનારી, વધારે પડતો દ્રાક્ષારસ નહિ પીનારી, પણ સારી શિખામણ આપનારી થવું જોઈએ; 4 એ માટે કે તેઓ જુવાન સ્ત્રીઓને તેમના પતિઓ તથા બાળકો પર પ્રેમ રાખવાને, 5 આત્મસંયમી, પવિત્ર, ઘરનાં કામકાજ કરનાર, માયાળુ તથા પોતાના પતિને આધીન રહેવાનું શીખવવે, જેથી ઈશ્વરનાં વચનનો તિરસ્કાર ન થાય.

11 એ જ પ્રમાણે સેવિકાઓ પ્રતિષ્ઠિત, નિંદાખોર નહિ, સ્પષ્ટ વિચારનાર, સર્વ બાબતે વિશ્વાસુ હોવી જોઈએ.

દસ કુમારીકાઓનું દ્રષ્ટાંત

1 તો સ્વર્ગનું રાજ્ય દસ કુમારિકાઓ જેવું છે, જેઓ પોતાની મશાલો લઈને વરરાજાને મળવા સારુ બહાર ગઈ. 2 તેઓમાંની પાંચ મૂર્ખ હતી અને પાંચ બુદ્ધિમાન હતી. 3 મૂર્ખ કુમારિકાઓએ પોતાની મશાલો લીધી ખરી, પણ તેઓએ સાથે તેલ લીધું નહિ; 4 પણ બુદ્ધિવંતીઓએ પોતાની મશાલો સાથે કુપ્પીમાં તેલ લીધું.

5 વરરાજાને આવતાં વાર લાગી એટલામાં તેઓ સર્વ ઝોકાં ખાઈને નિદ્રાવશ થઈ. 6 મધરાતે જાહેરાત થઈ કે, ‘જુઓ, વરરાજા આવ્યો છે! તેને મળવાને નીકળો.’"

7 ત્યારે તે સર્વ કુમારિકાઓએ ઊઠીને પોતાની મશાલો તૈયાર કરી. 8 મૂર્ખીઓએ બુદ્ધિવંતીઓને કહ્યું કે, ‘તમારા તેલમાંથી અમને આપો, કેમ કે અમારી મશાલો હોલવાઈ જાય છે.’ 9 પણ બુદ્ધિવંતીઓએ ઉત્તર આપતાં કહ્યું કે, ‘કદાચ અમને તથા તમને પૂરું નહિ પડે, માટે તમે વેચનારાઓની પાસે જઈને પોતાને સારુ તેલ વેચાતું લો.’"

10 તેઓ તેલ ખરીદવા ગઈ એટલામાં વરરાજા આવી પહોંચ્યા, જેઓ તૈયાર હતી તેઓ તેમની સાથે લગ્નજમણમાં ગઈ અને બારણું બંધ કરવામાં આવ્યું. 11 પછી મૂર્ખ કુમારિકાઓએ આવીને કહ્યું કે, ‘ઓ સ્વામી, સ્વામી, અમારે સારુ ઉઘાડો.’ 12 પણ તેણે ઉત્તર દેતાં કહ્યું, ‘હું તમને નિશ્ચે કહું છું કે હું તમને ઓળખતો નથી.’ 13 માટે તમે જાગતા રહો, કેમ કે તે દિવસ અથવા તે ઘડી તમે જાણતા નથી.