A mulher virtuosa
A mulher virtuosa de Provérbios 31 é um retrato de excelência. Seu valor excede o de rubis — ela é sábia, trabalhadora, generosa e teme ao Senhor acima de tudo.
Uma joia rara
Mulher virtuosa, quem a achará? Seu valor excede o de rubis. Ela é o coração da família e a força do lar.
Ipinga iyanoghile, yuhi yodaha kumwona? Samani yake ng’ulu kubita libwe lya lubi.
Ipinga iyanoghile, yuhi yodaha kumwona? Samani yake ng’ulu kubita libwe lya lubi. Mlume wake komtoghola kwa ghumoyo ghwake ghose, na ng’ohungikighwa na chinu chochose baye. Komtendela mlume wake ighanoghile na si ghehile baye, mna ghamatsuwa ghose gha ugima wake. Kobama isufu na maghwanda matselu, kuya kofuma ghamagwanda kwa ghamoko ghake. Yeye keghala na imeli ya uchulutsi, koghala ichijo chake kulawa kutali. Kolamka lupfili pfili kakwambika ichijo cha ikaye yake, kowagholela iwatumwa wake mapinga tsisang’ano tsa ukutenda. Kokaghula ghumghunda na koghughula, na kohanda nzabibu kwa tobole lyake. Yeye kosang’ana kwa ngupfu tsake tsose, na ghamoko ghake ghana ingupfu kwa kusang’ana ng’onde tsake. Komanya ghendo litobole lyayopata mna chila chinu chayotenda, kosang’ana mbaka nechilo. Kofoghosa tsinyutsi kwa ghamoko ghake imwenyegho, na kofuma ghamagwanda kwa pfidole pfake. Kogholosa ghumoko ghwake koweng’a iwahingwa, na awala iwoghaya.
Pinga yanoghile ka taji kwa imlume wake, lekeni ipinga iyoghuma chinyala keghala na chinu cholile mna imipate ya imlume wake.
Lelo uleke kupfuka Ruti, nitsokutendela ghose ghaubama kwaapfila iwanu wose iwali mna ghumji ghuno wokumanya ka ghweghwe kwa ipinga yunoghile.
Caráter acima da aparência
Enganosa é a graça e vã é a formosura, mas a mulher que teme ao Senhor será louvada. A verdadeira beleza é interior.
Ukusangalamka kwa ipinga kodaha kubugha, na ukunogha kwake ipinga kumalagha, lekeni ipinga iyompfuka IMNDEWA katsotunyighwa.
Pfipfila nobama iwapinga wapfale kwa mahala, na pfinoghile, na si kwa kusuka tsimvili tsa ukugholija wala kwa nzahabu na lulu, wala kwa ghamaghwanda gha bei ng’ulu, ila wawe na ghamatendo ghanoghile ka pfaibamighwa kwa iwapinga iwolonga wompfuka Imulungu.
Ipinga yana ihekima koitsenga ing’anda yake, lekeni ipinga mbotsi koimwagha ing’anda yake kwa ghamoko ghake imwenyegho.
Tsing’anda na tsimali imunu kolekelighwa kulawa kwa aba wake, lekeni ipinga iyakengele kolawa kwa IMNDEWA.
Pfipfila uwalongele wapinga wanzehe wampfuke Imulungu, waleke kuwa waghutsu, waleke kunwa ng’ani mbwali, walangulitse aghala ighanoghile, ili wawafunde wapinga wadowado kuwanoghela iwamale tsawo ne iwana wawo, wadahe kwilongotsa wenyegho na wadeghete, walolese ghoya kaye tsawo, wanoghe na wawahulikitse wamale wawo, ili usenga we Imulungu uleke kulongighwa pfihile.