Namoro e sexo

Kushika̱ ku unushi n kucinukpa ku unushi.

1 Vuza vu ma̱za̱nga̱ ɗa,

vuza na a cinukpai unushi u ni,

vuza na a takpai unushi u ni.✝

2 Vuza vu ma̱za̱nga̱ ɗa,

vuza na Vuzavaguɗu wi a ku ula yi n unushi ba,

kpamu a̱ ciya̱ ka gbani-gbani wa̱ a̱ ni ba.

3 Ana n shika̱i unushi u va̱ ba,

Mo oꞋusoi ka̱ci ka̱ va̱ kanna dem a̱ ma̱shi.

4 Vuzavaguɗu, vu takacika mu ta̱ kanna n kayin,

utsura u va̱ u kotsoi ra̱ka̱,

tsu na mita̱ me ci ɗekpe,

adama a usuɗukpi u kanna ka ayin a kpandari. Kuvuka

5 Ɗa n shika̱i unushi u va̱ wa̱ a̱ nu,

n sokongu unushi u va̱ ba.

N danai, <<Mi ta̱ a̱ kushika̱ unushi u va̱ u Vuzavaguɗu.>>

Ɗa tana vu cinukpakai mu unushi u va̱. Kuvuka

6 Adama a nannai yaba dem na wi o kutono wu,

wi ta̱ a kuvasa wa̱ a̱ nu, a makyan ma atakaci,

a makyan ma na kawuya ka̱ ta̱wa̱i le tsu mini ma na ma ayai,

mi a kuyawa wu e le ba.

2 Vu SaꞋa ka gbani-gbani ka̱ va̱ ra̱ka̱,

vu bonoko mu ciɗa

3 Adama a na n yeve ta̱ unushi u va̱,

makyan dem unushi u va̱ wi ta̱ e kelime ka̱ va̱.

4 Avu ɗa koci n nusakai,

n yaꞋan ta̱ ka gbani-gbani a̱ a̱shi a̱ nu,

derere ɗa afada a na vu kiɗakai mu.

derere ɗa vu takacika mu.

7 Vu za̱Ꞌa̱ ta̱ unushi u va̱ n hisop*, mi ta̱ o kokpo ciɗa,

vu za̱Ꞌa̱ mu, mi ta̱ a ku laꞋa tsukongoi wa̱ri.

8 Ka̱ta̱ m pana uyoꞋo n ma̱za̱nga̱,

yaꞋan etele a na vu yokumoi a yaꞋan ma̱za̱nga̱.

9 Takpa unushi u va̱,

ka̱ta̱ vu pura̱ngu ka gbani-gbani ka̱ va̱ ra̱ka̱.

10 Ka̱shile, zuwaka mu ka̱ɗu ka ciɗa,

vu sabaꞋaka mu ayinviki a savu o kutoni.

11 Ka̱ta̱ vu loko mu kelime ka̱ nu ba,

ka̱ta̱ vu takpa ayinviki a ciɗa a̱ nu wa̱ va̱ ba.

12 Zuwa mu ma̱za̱nga̱ tsu na vu yaꞋin ana vu wawai mu,

ka̱ ta̱ vu neke mu kadanshi n ka̱ɗu ka na n kutono wu.