Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
Ene okna na ake ple di narekrikwa igne, taragl tau na moglmara ta yeikrukwa pre na kide pre teiga pra ta dikrika. Ta manugwa. I siragl pre mige moni mo makandigle taragl mere yogwa mo yeikrukwa igne i ya te, kaya mokna mere yogwa igne mo kidan paiga igne i na pra iedi prisre, gun yei pai moraglka mabuno i, beke i kodiga. Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.
No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa. No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka. Yegl pre no taragl erme gumuglno mina kan munga i, pre i mitna edekrumga ba no taragl tau gumuglno mina kankrumga i, pre i mitna edumga. I siragl pre taragl tau erme gumuglno mina kanumga i, ege sugunagle keme yenabuka ba taragl tau gumuglno mina kankrumga i, aimadi kamin yenabuka.
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
Ana okna ene mabuno yegl ersre, adigl gigledi meglkwa pre erme yoba ene ere kide ta ere tebi, ene pre mediglkwa i kide kodokre, God no ere wakai ere norabukra we di pre pai molo. I siragl pre ene yegl pre pai meglbi, ene topo podo okuo inaiglkwa.
Nono God ka kaima taragl wakai wakai noragle dume dumga i, nono ka i kide kodokre, ake gi di moramga paugwa. I siragl pre God promis ta erabuka i, ye erabuka keme paugwa.
Te, nono siragl mere agrama abarama wagle wakai kandre, mabuno wakai boramga i, nono wakai ere kinano gudu prisre, ka di pre eramga paugwa.
Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.
Ana yoba ta God pre mediglkran, God ye wakai ta kankrabuka. I siragl pre yoba ta God moglmara mogl magigl edenagledi prabuka i, ye taragl suo erabuka. Ye God moglmedi pre mediglsre, te, ka kaima God dokumun, God topo wakai norabukra we di, ama pre medrabuka paugwa.
Ana God kamo yogwa i, kor moglsre, kogon yobuglo ere moglkwa. Te, bainet ta dra aket aket nogwa i, podo nogwa ba God kamo bainet i egre tedre, nogwa. Ana yoba bugla togidre, dem muduo i nogugl edimere mere yegl, God kamo i, nono nomano, kwiano ya, deno muduno siragl mere paugwa i, togo i nogugl edugwa. Nono nomano mina siragl mere prumga ya kide wakai deno muduno mina prumga i, ere i nogugl edugwa.
Yegl pre nono mabuno wakai oglka erekre, ere pai moramga paugwa. Mabuno wakai ere pai mun, kaya mokna borabuka igne, mogo wakai koran, si yunamga.
Na ede ikne unaglka i, magigl erukwa pre ene na mabunona erikwa i, ake gi di molo. Ake gi di meglbi, yoba swara ta ene praisno i eglke edenaiglkwa i, kuno erekrabuka.
Taragl yegl okuo plau dinabuka pre God yobama ye yegl erabedi sugl moraiglkwa paugwa. God yobama i, ye God kamo duglo boglsre, Jisas pre medigl pai meglkwa yoba i pre diga.
God yoba tadaglme eraiglmedi ake nu sikrukwa
Yoba ta yubun mina adigl gigledi morabuka i, ye gun yenabuka paugwa. I siragl pre ye wakai erukwa pre God ye wakai erumedi kandre, topo wakai tenabuka. Topo i, king bitno gagl mere yegl yogwa, kagie kor kaima meglkwa bitno gagl we digwa. Yoba ta deno muduno God teigwa i, God ye topo yegl tenagledi promis ere kodugwa.
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Ana Jisas ye ogo nagie ya bormaimo i, yoba nenaiglme dugwa igne i ye duglo beglkwa yoba tau mere ye omara sika sikre, ye kide kodigwa. Yegl erikwa pre Jisas ye duglo beglkwa yagl 12-pela ama di pre, yegl dugwa, Ene ama na kide kodinamnedi primo? dugwa.
Jisas yegl di pruko, Saimon Pita di ikne ede, yegl dugwa, Yagl Kade yo, no ene kide kodidre, yoba ira moglmara enamne? Yoba aimadi kamin kor moraiglkwa ka i, ene swara no di notnga. Te, God ye ene swara i pere edugo, uniwedi no yegl pre mediglsre, pre pogl sumniwe di, Pita yegl dugwa.
Jisas ka ta ama yegl dugwa, Na ene kide kodibo, ene gak mua mere yegl mogl dinaiglmedi na ene meglmara ede ikne unaglka.
Yoba kamage eribi, God ye kamageno prabuka pre dugwa
Yegl pre na ene di teiga, Ene taragl tau pre God agle di pribi, ene tenabuka. Ene taragl ta dokibi, ene kanaiglkwa. Te, ene dua mina sibi, God dua yauro tenabuka. I siragl pre yoba mudu God agle di prikwa i, ye dimere igwa. Te, yoba taragl ta doko meglkwa i, ye taragl i kanigwa. Te, yoba dua mina sigwa i, God ye dua yauro tomiwe dugwa.
Ene yoba ta kogon podo ere moglsre, yubun kake meglkwa i, na moglmara wio. Ene na moglmara wibi, na ene ir si praiglmedi ere tenaglka. Na mogl mitna edekre, yoba ere wakai ere teiga yoba moglka pre ene na mabunona bekio. I siragl pre ene na mabunona beke moglsre, duglo beglbi, ene kaima ir si prisre, deno muduno wida di inaiglkwa. I siragl pre na ene na duglo boraiglmara i, na ene yubun podo kake tenaiglmedi tekraglka. Taragl tau u dinabuka i keme ene kakenaiglmedi tenaluwe dugwa.
Yegl digo, Jisas ye toro kandre, ye yegl di togwa, Yoba ta ye yene ere inaiglkwa i, kuno ta erekrabuka ba God taragl mudu erabuka keme paugwa pre ye ere inabuka i, waragne ta paikrumiwe dugwa.
I siragl pre God ye siragl ta eragledi prukwa i, erabuka keme yomiwe di, angelo i yegl dugwa.
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
Te, na pre kan erika i, God, ye ene deno muduno mina kogon wakai mabuno bogl erukwa i, ere kodinabedi prika. Ye ene deno muduno mina kogon ere pai mogl enan, Krais Jisas ede ikne unabiwe di, na yegl pre kan ersre, ene pre gun keme yeiga.
No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
God dumo makan ya kamun mitna ibo kor ere yogwa
Ana okuo na kaniga i, dumo makan ya kamun mitna ibo erme paigwa i, imim daiglko, God dumo makan kor ya kamun mitna ibo kor ere yogwa. Te, dumo makan kor i, mudi nigl ama moglkrukwa. Te, na ama kaniga, God sitimo, dumo Jerusalem kor i, God moglmara heven ibo yei, ede atne ugo, na kaniga. Abu ta ede yagl enabedi pre yoba ekin wakai gagl teimere mere yegl, God ye dumo Jerusalem kor i, ere wakai ere yei kodidre, ede atne edugwa. Ede atne edugo, yoba ta sia king yomara mogl, ka podo ta dugo, na prika. Ye yegl dugwa, Ene kanio! God sel yugumo erme yoba meglmara suna yenan, God ye yoba meglmara suna kipai moran, yoba i ye yobama moraiglkwa. God ye meglmara suna moglsre, kaino nuglo ta yage sinabuka i koko ede tenabuka. Te, yoba okuo ta goglkribi, yoba kai ersre, kai giglage sigwa ya giugl prikwa i, okuo ama ta manabuka. I siragl pre taragl kane kane okna pamere yegl ta paikrabuka. Dudumiwe di, yegl dugwa.
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
Te, ene Yagl Kade kogonmo erikwa i, ene nomano mina ka kaima eramnedi prisre, oglka erekre, kogon podo ere pai molo.
Ene okuo God bogl akie wakai kaima moraiglkwa i, ege ege poglo di prisre, gun yei, ama kamage ege ege erio. Te, yubun ta ene meglmara unan, adigl giglede molo.
Ene okuo God bogl akie wakai kaima moraiglkwa i, ege ege poglo di prisre, gun yei, ama kamage ege ege erio. Te, yubun ta ene meglmara unan, adigl giglede molo.
Na agrama abarama dena muduna suna meglkwa i, na ka mitna di kodiga, yoba ta ene ere kide ere tebi, ene ere ikne ede tekrio diga. I siragl pre ene God agai tebi, ye yene yoba mabuno kide eraiglkwa i dem kubro tedre, ere te ikne edenabuka. God kamo mina okna ibo yegl beglkwa, Yoba mabuno kide beglbi, nana ere ikne ede tenaglka. I na nana kogona pamiwe di, yegl dugwa.
Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
Ana God yene prumere nono agle dugo, nono erme ye yobama moglsre, deno muduno God tomga yoba munga. Ye yobama munga i, taragl kane kane kide ya wakai akie nono munara plau dugwa ba taragl kane kane plau dumara i, God ege ege nono ere wakai keme ere norukwa.
God kamo ta bogl atne edigwa paugwa i, God yene yoba nomane togo, ye ka mudu i bogl atne edigwa. Te, God kamo mudu i, nono ka beke norabuka kuno kaima erukwa. God kamo i, nono ka beke norsre, aglau ta erumga i di pogl norsre, te, mabunono kugl dugwa i ake du ede norsre, nono mabuno du eraiglmedi di norukwa pre wakai kaima paugwa. Te, God kogonmo yoba nomane wakai idre, kogon wakai mudu eramnedi ake kun eraiglkwa i, God kamo i mina eraiglkwa kuno erukwa.
Na okna God kamo pamere ene beke teiga i, ene pre moglsre, na ene beke teimere kuno yegl, ene yoba beke tenatnga paugwa. Te, ene yoba ka beke tenatnga igne, ene den mudn Krais Jisas tedre, ye pre medigl moglsre, ye kamo yoba beke tenatnedi prika. God kamo wakai kaima yogwa i, ene sugl wakai moratnedi togwa pre Mudu Murubuglo ene yobuglo bogl tenan, ene sugl wakai moglo.
Nono Neno Kade God i, ye dem muduo norsre, yoko kaima ere wakai ere noro, nono deno muduno mina aimadi kamin wakai praiglmedi ere noruko, nono taragl wakai okuo plau dinabedi prisre, sugl munga. Yegl pre no erme ene pre kamage erumga i, Neno Kade God ya nono Yaglno Kade Jisas Krais yene ene deno muduno si gigle di tedre, ene ake ple di tebr, ene ka dinaiglmara ya mabuno eraiglmara i mina ene wakai ersre, adigl gigledi moraiglmedi, no kamage erumga.
Ba nono tadaglmeno God di pogl tomun, God ye ere noragle dumere yegl ere, tadaglmeno koko ede norsre, mabuno kide siragl mere erumga i, kide kodo norabuka. I siragl pre God ege ege ka dumara adigl moglsre, mabuno du keme ere norukwa.
Te, nono kudugl goglkre, God agle di prumga. I siragl pre God yene taragl tau eragledi prumere mere nono ye erabedi agle di prumun, ye nono kano prabuka. Te, siragl taragl agle di pramga i, God pre kodumiwa. Kaima norabukra we di pramga.
Nono yoba deno muduno tomga yoba i ta yubun noribi, nono yage sikre, deno muduno te pai moramga. Yegl ersre, te, God ye nono agroma abaroma i nomano mina kogon erabedi pre pai moglsre, nomane wakai inaiglmedi sugl mogl, agroma abaroma i ta kide kodokramga.