Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
ငါဟှာ ရရာတိုင်း ငတ်နေဇာဘဲ့ ဖြစ်စေ၊ ရရာတိုင်း စားရဟှူဇာဘဲ့ ဖြစ်စေ၊ ချို့ချို့တတ်တတ်ဘဲ့ ဖြစ်စေ၊ ပိုလျှံနေဟှူဇာဘဲ့ ဖြစ်စေ၊ ဖယ်မျိုးခြေနေ၊ ဖယ်မျိုးနေရာမာဘဲ့ ဖြစ်စေ၊ ကျေကျေနပ်နပ်ဟှား နေနိုင်ဟှို့တွပ် သန်ယူဟှားဟှယ်။ ခရစ်တော်နားဟှရဟှူ ခွန်အားကြောန့် ငါဟှာ ဖယ်မျိုးခြေနေမျိုးဘဲ့ ကြောင်ရကြောင်ရ ရင်ဆိုင်နိုင်ဟှယ်။
ယောင်ကြည်ရှင်းန သတ်ရှင်ဟှူကြောန်း
အယ်ကြောန့် နို့လေဟှာ ဖယ်ခါလည်း စိပျစ်ဟှ။ နို့လေရဲ့ ကိုယ်ခန္ဓာဟှာ တဖြေးဖြေးန ပျစ်စီးလာဘေမဲ့ နို့လေရဲ့ ဝိညာဉ်ဟှ နေ့ဘီးနေ့ သစ်ပြုပြင်ဇာဟှို ခံနေရဟှယ်။ နို့လေဟှာ ရှစ်ဟှားခံရဟှူ၊ ရရာတိုင်း ပေါ့ပါးဟှူ ဆင်းရဲဒေါက်ခဟှာ ရရာတိုင်း ကီးမြတ်ဟှူ ထာဝရ ဖောင်းသရေတော်ဟှို နို့လေတွပ် ဖြစ်စေမယ်။ နို့လေဟှာ မျစ်စိန ဗြင်ရဟှူဇာလေဟှို အာရောင်စိုက်ဘဲန မျစ်စိန ဗြင်ရဘဲ့ဟှူ ဇာလေဟှိုဘဲ အာရောင်စိုက်ဂေ့ဟှယ်။ မျစ်စိန ဗြင်ရဟှူဇာလေဟှာ ရှစ်ဟှားဘဲ့တည်ဘီး မျစ်စိန ဗြင်ရဘဲဟှူဇာလေဟှ ထာဝရတည်ဟှယ်။
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
အယ်ကြောန့် ရရာတိုင်း ကီးမားဟှူ ကျိုးနယှဉ်ဟှူ နန်းနို့ရဲ့ ရဲရင့်မှုစိဟှို စွန့်လွှတ်ဂေ့န။
ဖြားဖြစ်ကြောန့်နူးဆိုဟှာ ဂဒိထားတော်မူဟှူ သူဟှာ သစ်စာန ပ္လဲ့ဇောင်တော်မူဟှူကြောန့် ဖော့-က်ပ္လန်ဘီး ယီးယိုင်သွားဘဲ နို့လေဝန်ခံဟှူ မျှော်လင့်ရှင်းဟှို စွဲစွဲမြဲမြဲဆုပ်ကိုင်ဟှားဂေ့ဇို့။ နို့လေဟှာ မြစ်တာထားဟှို့န ကောန်းဟှူကျင့်ဟှို ကျင့်စေဟှို့တွပ် ယော့-က်ဟှိုယော့-က် ဖြားမျိုး တိုက်တွန်း နှိုးဆော်ရမယ် ဆိုဇာဟှို ဆင်ခြင်ဂေ့ဇို့။ လူတချို့ ထောင်းဇံရှိဟှူတိုင်း ရှင်းရှင်းစည်းဝေးရှင်းဟှို ရှောန်လွှဲဘဲနေဟှို့တွပ် ရှင်းရှင်း အားပေးဘီး တိုက်တွန်း နှိုးဆော်ဂေ့ဇို့။ ခီကာလ နီးလာဇာဟှို ထော့-က်ဘီး ပိုဘီး ကြိုးစားဂေ့ဇို့။
ယောင်ကြည်ရှင်းမှေ့ဟှ ဆိုဟှာ ဘုရားသခင်ရဲ့ စိတော်န တွိနိုင်ဟှ။ ဖြားဖြစ်ကြောန့်နူးဆိုဟှာ ဘုရားသခင်နားဟှို ချဉ်းကပ်ဟှူ သူဟှာ ဘုရားသခင် ရှိဟှယ် ဆိုဇာဟှိုရော၊ ကိုယ်တော့်ဟှို ရှာဟှူသူဟှို ကျိုးပေးတော်မူဟှယ် ဆိုဇာဟှိုရော ယောင်ကြည်ရမယ်။
ဘုရားသခင်ရဲ့ စကားတော်ဟှာ သတ်ရှင်ရှင်း၊ တဂိုးနပြုပြင်ရှင်း၊ သန်လျက်လေထတ် ထတ်ရှင်းမှုန ပ္လဲ့ဇောင်ဟှူကြောန့် သတ်န စိဝိညာဉ်ဟှိုဖြစ်ဖြစ်၊ ရိုးဆစ်န ခြင်ဆီဟှိုဖြစ်ဖြစ် ပိုင်းခြားဘီး ထောက်ချင်းခွမ်းတတ်ဟှယ်။ စိနှလောင်း ကြံစည်လေဟှိုလည်း ထိုးထွမ်းဘီး သိဗြင်နိုင်ဟှယ်။
အယ်မျိုးလောက်မယ် ဆိုဟှာ နို့လေဟှာ အားငယ်စိပျစ်ဘဲ ကောန်းဟှူ လောက်ဆောန်မှုဟှို လောက်ဆောန်မယ် ဆိုဟှာ နို့လေဟှာ သီးနှံရိဟှို့ခီရော့-က်လာခီမာ သီးနှံဟှို ရိသီးရလေ့မယ်။
ငါဟှာ ဗြန်းဗြန်ဟှားလာမယ်။ နန့်ရဲ့ သရဖူဟှို ဖယ်သူလည်း လုယူဘဲဟှို့တွပ် နန့်မာရှိဟှူဇာလေဟှို စွဲကိုင်းဟှားပါ။
အယ်နေရာမာ ဘုရားသခင်ရဲ့ ပညတ်တော်လေဟှိုရော၊ ယေရှုဟှို ယောင်ကြည်ရှင်းဟှိုရော၊ စောန့်ထီးဟှူ သန့်ရှင်းသူလေရဲ့ သီးခံရှင်း ရှိဟှယ်။
စောင်ဇမ်းရှင်းန သွီးဆောန်ရှင်းကြောန်း
စောင်ဇမ်းရှင်းဟှို သည်းခံနိုင်ဟှူလူဟှာ မင်္ဂလာရှိဟှယ်။ ဖြားဖြစ်ကြောန့်နူးဆိုဟှာ အယ်လူဟှာ အယ်မျိုးခံဘီးမှ ဘုရားသခင်ဟှို ရှစ်ဟှူလူဟှို ကိုယ်တော်ဟှ ဒိထားဟှာတိုင်း သတ်သရဖူဟှို ရလေ့မယ်။
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
နန်းနို့ဟှာ ငါ့အားဖြင့် ငြီသတ်မှုရှိဟှို့တွပ် အယ်စကားဟှို ငါပြောပီးဘီ။ နန်းနို့ဟှာ အယ်လောကမာ ဆင်းရဲဒေါက်ခ ခံရဂေ့လေ့မယ်။ အယ်ဘေမဲ့ ကြော့-က်ဂေ့န! ငါဟှာ လောကဟှို အောန်ဟှားပီးဘီ!" ဆိုဘီး မိန့်တော်မူလေဟှယ်။
အယ်ခီဟှစဘီး ယေရှုရဲ့ တဗဲ့တော်လေဘောင်ဂီးဟှာ လှည့်ပ္လန်ဟှားဘီး နော့-က်ထပ် ကိုယ်တော်နတူးဒူ လိုက်ဂေ့ဟှမ်း။ အယ်ကြောန့် ယေရှုဟှ တဗဲ့တော်ဆယ့်နှေ့ပါးဟှို "နန်းနို့လည်း ထွပ်ဟှားရှင်ဂေ့လော" ဆိုဘီး မေးတော်မူလေဟှယ်။
ရှိမုန်ပေတရုဟှာ ကိုယ်တော့်ဟှို "သခင်၊ ကျွန်တော့်ဟှားလေဟှ ဖယ်လူနားဟှို သွားရဂေ့ဟှို့နူး။ ထာဝရသတ်နဆိုင်ဟှူ စကားတော်လေဟှ ကိုယ်တော်မာဘဲ့ရှိဟှယ်။ အယ်ဘီးဟှာ ကိုယ်တော်ဟှာ ဘုရားသခင်နားဟှနေ ကြွလာဟှူ သန့်ရှင်းသူဖြစ်ဟှယ် ဆိုဇာဟှို ခု ကျွန်တော့်ဟှားလေ ယောင်ကြည်ဘီး သိဂေ့ဟှယ်" ဆိုဘီး ဖြေတော်မူလေဟှယ်။
"ငါဟှာ နန်းနို့ဂူလောင်းဟှို ခိုကိုးရာမဲ့ ထားရစ်ဇာ မှုဟှ။ ငါဟှာ နန်းနို့နားဟှို ပ္လန်လာရအူးမယ်။
တောန်းဟှူဇာ၊ ရှာဟှူဇာန ခွဗော့-က်ဟှို ခေါ့-က်ဟှူကြောန်း
"တောန်းဂေ့။ တောန်းမယ် ဆိုဟှာ ရဂေ့လေ့မယ်။ ရှာဂေ့။ ရှာမယ် ဆိုဟှာ တွိဂေ့လေ့မယ်။ ခွဗော့-က်ဟှို ခေါ့-က်ဂေ့။ ခေါ့-က်မယ် ဆိုဟှာ ဖွမ့်ပေးလေ့မယ်။ တောန်းဟှူသူဟှာ ရလေဟှယ်။ ရှာဟှူသူဟှာ တွိလေဟှယ်။ ခွဗော့-က်ဟှို ခေါ့-က်ဟှူသူဟှာ ခွဗော့-က်ဟှို ဖွမ့်ပေးလေ့မယ်။
"ဝန်လေးဘီး ပန်ဘန်းနေဟှူ သူလေ ဂူလောင်း ငါ့နားဟှို လာဂေ့ပါ။ ငါနန်းနို့ဟှို နားပေးမယ်။ ငါ့ထမ်းဘိုးဟှို ယူဘီးထမ်းဂေ့ပါ။ ငါ့နားမာ သန်ယူဂေ့ပါ။ ငါဟှာ နူးညံ့သိမ်မွေ့ဘီး နှိခ္လဟှူ စိသဘောရှိကြောန့် နန်းနို့ဟှာ သတ်သာမှုဟှို တွိဂေ့လေ့မယ်။ ဖြားဖြစ်ကြောန့်နူးဆိုဟှာ ငါ့ထမ်းဘိုးဟှာ ထမ်းရလွယ်ဘီး ဝန်လည်းပေါ့ဟှယ်" ဆိုဘီး မိန့်တော်မူလေဟှယ်။
ယေရှုဟှ သူးနို့လေဟှို ကေ့ဘီးဟှာ "အယ်မှုဟှို လူတတ်နိုင်ဟှ။ အယ်ဘေမဲ့ ဘုရားသခင်ဟှာ ဂူလောင်းဟှို တတ်နိုင်တော်မူလေဟှယ်" ဆိုဘီး မိန့်တော်မူလေဟှယ်။
အယ်ကြောန့် ဘုရားသခင်မာ လောက်နိုင်ဘဲဇာ ဖြားလည်းမှေ့ဟှ" ဆိုဘီး မိန့်တော်မူလိုက်ဟှယ်။
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
နန်းနို့မာ အယ်မျိုးကောန်းမြတ်ဟှူမှုဟှို စဘီးလောက်ဟှူ ဘုရားသခင်ဟှာ ယေရှုခရစ်တော်ရဲ့ နေ့ရစ် ရော့-က်လာခီထိ အယ်မှုဟှို ပီးအောန်လောက်မယ်ဆိုဇာဟှို ငါဟှာ ယောင်ကြည်စိခ္လဟှယ်။
ခရစ်တော်နှိုက် တလောင်းတဝဒဲ ရှိဟှူလူဟှာ သတ္တဝါသစ် ဖြစ်ဟှယ်။ သူဟှာ ဘဝဟောန်းဟှို စွန့်ဘီးဟှာ ဘဝသစ်ဟှို ဝမ်စားဟှယ်။
ကောန်းဂန်သစ်န မ္လေဂီးသစ်
အယ်ဘီးန ကောန်းဂန်သစ်န မ္လေဂီးသစ်ဟှို ငါဗြင်ရဟှယ်။ ဖြားဖြစ်ကြောန့်နူးဆိုဟှာ ရင်ဟှ ကောန်းဂန်န မ္လေဂီးဟှာ ပျော့-က်ဟှားဘီး ပန်လယ်လေလည်း မှေ့ဟှမ်း။ အယ်ဘီးဟှာ သန့်ရှင်းဟှူ ယေရုရှလင်ဗြို့သစ်ဟှာ ဒို့သားတွပ် တန်ဆာဆင်ဟှားဟှူ ဒို့သမီးမျိုး ပြင်ဆင်ဘီး ဘုရားသခင်နားဟှ ကောန်းဂန်ဘောင်ဟှ ဆင်းလာဇာဟှို ငါဗြင်ရဟှယ်။ အယ်ဘီးန ပလ္လင်ထဲဟှ ရရာတိုင်း က္လယ်ဟှူသံဟှ "ကေ့ကေ့ပါ။ ဘုရားသခင်နေဟှူ တဲတော်ဟှာ လူလေထဲမာရှိဘီး ကိုယ်တော်ဟှာ သူးနို့နတူးဒူ စံမြန်းမယ်။ သူးနို့ဟှလည်း ကိုယ်တော်ရဲ့ လူမျိုးတော်ဖြစ်ဂေ့ဘီး၊ ဘုရားသခင်ကိုယ်တိုင် သူးနို့လေနရှိဘီး သူးနို့လေရဲ့ ဘုရားသခင် ဖြစ်တော်မူမယ်။ ကိုယ်တော်ဟှာ သူးနို့လေရဲ့ မျစ်စိဟှ မျစ်ရယ်ရှိမျှဟှို သုပေးလေ့မယ်။ သေရှင်းလည်း ရှိဟှို့မှုဘီ။ ဝန်းနဲကြွေကွဲဇာ၊ ငိုဇာန နာကျင်ဟှူ ဝေဒနာလေလည်း ရှိဟှို့မှုဘီ။ ဖြားဖြစ်ကြောန့်နူးဆိုဟှာ ရင်းရင်ဒူးဟှ ဖြစ်ဟှားဟှူ ဇာလေဟှာ ပျော့-က်ဟှားဘီ" ဆိုဘီး ပြောဇာဟှို ငါကြားရဟှယ်။
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
အားထုရဟှို့နေရာမာ ပျင်းကိုးဘဲန၊ စိအားထတ်သန်ဘီး ဘုရားသခင်ရဲ့ မှုတော်ဟှို ဆောန်ရွပ်ဂေ့ပါ။ မျှော်လင့်ရှင်းနှိုက် ဝန်းသာဘီး၊ ဆင်းရဲဒေါက်ခခံရဟှူ ခီမာ သီးခံဂေ့ပါ။ ဆုတောန်းရှင်းမှုဟှို မြဲဒမ်းပြုဂေ့ပါ။
မျှော်လင့်ရှင်းနှိုက် ဝန်းသာဘီး၊ ဆင်းရဲဒေါက်ခခံရဟှူ ခီမာ သီးခံဂေ့ပါ။ ဆုတောန်းရှင်းမှုဟှို မြဲဒမ်းပြုဂေ့ပါ။
ရှစ်ရဟှူသူလေ၊ သူများလေ နန်းနို့ဟှို ပြစ်မှားဟှာ ကိုယ်တိုင် ပ္လန်ဘီးရန်တုံ့ပ္လန်ဂေ့န၊ ဘုရားသခင်ဟှဘဲ့ စီရင်တော်မူပါစေ။ ဘုရားသခင် မိန့်တော်မူဇာဟှ "ငါဟှာ ပြစ်တရားဟှို စီရင်ပိုင်ဟှယ်။ ပြစ်ရှိဟှူတိုင်း ငါဆပ်ပေးမယ်" ဆိုဘီး ကျမ်းစာလာလေဟှယ်။
အယ်မျိုးဖြစ်ကြောန့် ယောင်ကြည်ရှင်းဟှာ ဒန်းကောန်းဟှို ကြားနာရှင်းအားဖြင့်ဖြစ်ဘီး ကြားနာရှင်းဟှာလည်း ခရစ်တော်ရဲ့ စကားတော် ဟောပြောရှင်းအားဖြင့် ဖြစ်လေဟှယ်။
ဘုရားသခင်ဟှို ရှစ်ဟှူသူ၊ ကြံစည်တော်တိုင်း ခေါ်တော်မူရှင်းခံရဟှူ သူလေရဲ့ ကောန်းဟှူ ကျိုးလေတွပ် ရှိမျှဂူလောင်းဟှာ တညီတညွတ်ဒဲ ပြုစုဂေ့ဟှယ် ဆိုဇာဟှို နို့လေ သိဂေ့ဟှယ်။
အယ်မူကျမ်းစာထဲမာ ရှိဟှူဇာလေ ဂူလောင်းဟှာ ဘုရားသခင် မှုသွမ်းတော်မူရှင်းအားဖြင့် ဖြစ်ဘီး သြဝါဒပေးဟှို့တွပ်ရော၊ ပြစ်ဟှို ဖော်ပြဟှို့တွပ်ရော၊ မှားပြုပြင်ဟှို့တွပ်ရော၊ ဖြောန့်မတ်ရှင်းနှိုက် ဆောင်းမပဲ့ပြင်ဟှို့တွပ်ရော ကျိုးကျေးဇူးရှိလေဟှယ်။ အယ်ဇာဟှ ဘုရားသခင်ရဲ့လူဟှာ ကောန်းဟှူမှုလေ ဘောန်းဇောင်တွပ် ပြင်ဆင်ရှင်းဟှို ခံရဘီး ပ္လဲ့ဝစောင်လင်ဟှူသူ ဖြစ်ဟှို့တွပ်ဖြစ်ဟှယ်။
နန်ဟှာ ယေရှုခရစ်တော် ထတ်မာရှိဟှူ ယောင်ကြည်မှုန ရှစ်ရှင်းမြစ်တာလေအားဖြင့် ငါ့နားဟှ ကြားနာရဟှူ မှန်ကန်ပ္လဲ့ဇောင်ဟှူ တရားစကားလေဟှို စံနမူနာဖြစ် ကိုင်ဆွဲဟှားပါ။ နန့်မာအပ်ဟှားဟှူ ကောန်းမြတ်ဟှူ ဇာလေဟှို နို့လေထဲမာ ကိန်းဝပ်တော်မူဟှူ သန့်ရှင်းဟှူဝိညာဉ်တော် တဂိုးအားဖြင့် စောန့်ရှော့-က်ပါ။
နို့လေရဲ့ ယေရှုခရစ်တော်ကိုယ်တိုင် နို့လေဟှို ရှစ်ဘီး ကျေးဇူးတော်အားဖြင့် ထာဝရနှစ်သိမ့်ရှင်းန ကောန်းမြတ်ဟှူ မျှော်လင့်ရှင်းဟှို ပေးသနားဟှူ နို့လေရဲ့ဖ ဘုရားသခင်ဟှာ၊ နန်းနို့ရဲ့ စိနှလောင်းဟှို သတ်သာစေဘီး ကောန်းမြတ်ဟှူစကားန၊ ကောန်းမြတ်ဟှူ မှုမျိုးမျိုးဟှို မြဲဒမ်းအားပေး ပြောဆိုဘီး ပြုမူနိုင်ဟှို့တွပ် နန်းနို့ဟှို ခိုင်ခံ့မြဲမြံပါစေ။
ကိုယ်ပြစ်လေဟှို ဝန်ခ္လ တောန်းဗန်မယ် ဆိုဟှာ ဘုရားသခင်ဟှာ ဒိသစ်စာတည်ဘီး ဖြောန့်မတ်ဟှူရှင် ဖြစ်ဟှူကြောန့် နို့လေရဲ့ ပြစ်လေဟှို လွှတ်ပေးဘီး နို့လေဟှို ဒုစရိုက်ညစ်ကြေး ဂူလောင်းဟှနေ စင်ကြယ်စေဟှယ်။
ဘုရားသခင်မာ နို့လေထားဟှားဟှူ ယောင်ကြည်စိခ္လမှုဟှာ နို့လေဟှာ လိုတော်နညီဟှူဇာ တခုခုဟှို တောန်းမယ် ဆိုဟှာ ဘုရားသခင်ဟှာ နားထောန်လေ့မယ်။ နို့လေ ဆုတောန်းဇာမှန်မျှဟှို နားထောန်ဟှယ် ဆိုဘီး နို့လေသိဟှယ် ဆိုဟှာ ဘုရားသခင်နားဟှ တောန်းလျှော့-က်ဇာလေဟှို နို့လေရပီးဘီ ဆိုဇာဟှို နို့လေ သိဂေ့ဟှယ်။
ရှိမျှဂူလောင်းဟှို ဖောင်းအောက်ပေးတတ်ဟှယ်။ ရှိမျှဂူလောင်းဟှို ယောင်ကြည်တတ်ဟှယ်။ ရှိမျှဂူလောင်းဟှို မျှော်လင့်တတ်ဟှယ်။ ရှိမျှဂူလောင်းဟှို သီးခံတတ်ဟှယ်။