Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
Ibidiñeti funagia bun? Maganbun bágili funagia?
Aburemei, Bungiu le magumuchaditi, le adügübalin sun ubóu,
mabuchadaditi luagu, magumuchadi ligía lichú lau.
Ruti erei lun le buchaalibei uagu,
ru ligía lanwoun lere le uánimabei.
Gayaraati labuchadun hawagu nibureintiña,
íbini ha héretimabaña ábürühatiña,
gama lumoun ha hemenigibaña luagu Aburemei,
súnwandan hibihuba lan iseri erei,
gayaraabei háhamahan kei ágila;
gayaraabei héibaagun gama lumoun mabuchabei hawagu,
gayaraabei héibugun ani gaguraasunmémebaña.
Lílana Sión, ha aganóubaña Herusalén: Mayahundigiaadün. Gudemehabubei Wabureme hun danme laganbun hagúarahan amuriaha ídemuei, ani keime laganbunün, ítara luba lóunabunün.
Aburemeirügüñein esefuha
Gama lumoun guentó, Ísüraeli, lumutuniña Hakobu,
lariñahare Bungiu le adügübalün hun:
«Manufudeda humá sefu naadün;
wátina hun lau hiri, nani huguya.
Danme básügürün dúnarugugiñe, búmabadina,
danme bánhiñuragun duna éibaaguati, mañaradagunbadibu;
danme básügürün lídangiñe watu gemeti; mágudunbadibu,
megemebei watu buagu.
Ladüga au Baburemebei, au Besefuragülebei,
Bungiu le Sándubei le Lubungiute Ísüraeli.
Agañeiha náadibu;
ru naali Ehiptu, Etiopía, luma Sabá
lebegime nagañeihanibu.
subudi numuti labagaridúniwa lidan gudemei, subudinéi giñe gámawa lan gibe. Furendeihadina lawandúniwa furumiñeguarügü igaburi, ilamaü yebe o kimulei, anihein lan yebe darí lun lígiragún o úa lan ni kata. Sun katei gayara numuti lidan Kristu le íchugubei erei nun.
Ligía mábürühan lubéi warüna. Labu sun agumuchagueina liña lan wágubu murusun murusun; iseridagueina waña múnadagiñe wabiti sagü weyu. Le wasufurirubei lidan ibagari le mahürüti ani fureseti lásügürün, gama lumoun uéiriguni le magumuchaditi lanügübei woun; wéiriti ani gíbetimati. Ladüga meteniruntiwa lun katei le arihúabei, luéidigia luagun le marihínwabei; ladüga sun katei le arihúabei gásügürati gama lumoun le marihínwabei ligía adurarubei lun súnwandan.
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
Guentoti, meferidira huméi lubeiti hemenigi luagu Bungiu, lugundun heresibiruba aban óunwenbu afayeiruahaü sielu.
Ítarameme wamá deregüdagu lidan wafiñen, masansiragunga lidan wemenigin, lugundun lagunfulirubei lan Bungiu le füramase láalibei. Lunti giñe wáfaagun wíderaguniña wíbirigu lun hínsiñehabu hamá, luma lun hadügüni le buídubei. Wagía afiñetiña, moun lumuti wafalaruni hénpulu hani ha héchubaña lun midin hamá lidan wadamuridagun, lubaragiñe lira, ru wamá gurasu houn wíbirigu, guentotima lau ariha wamani luagu yarafaali lan luéyuri Wabureme Hesukrístu.
Ani siñati lagundaarun Bungiu wau anhein mafiñen wabéi luagu, lugundun lun wayarafadun lun, gasu wafiñerun luagu anihein lan ani líchuguba lan hafayeiruáha ha áluahabalin.
Ladüga wínwantu Lererun Bungiu ani gabafu tuguya. Hamanatu sügǘ tau aban eféin to biánguati tamana, belú tuguya chülǘ tumoun wawani luma wani sífiri. Furangugüda tumuti sun waritagun luma sun le wabusenrubei, arufudatéi ka lan tídanbei wanigi.
Moun lumuti lubeiti labuchadun wawagu adügei katei le buídubei, lugundun ánhawa ítarameme, walubahaba buiti danme le lachülürün dan lun weresibiruni.
Madisebei niabin; ágüdaha huméi le húmabei, ua láamuga abayuruti hiridin huéi.
Ñeinba larihíwa haderebugu lánigu Bungiu, ha ñǘdünbaña lau lugumadin, ani gúnfuli hagía luma Hesusu.
Óuchawaguni luma adundeihóuni lun wuribani
Fuleseiwati gürigia le awandubalin óuchawaguni lau gurasu, lugundun danme le láfuridun lau buidu, libihubei ibagari magumuchaditi keisi aban afayeiruahaü le füramase lubéi Bungiu houn ha hínsiñehabubaña lun.
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Anihein Aburemei wama
Bungiu waramudaguagülebei, ligía giñe wérebei;
ligía íderagubaliwa lidan nidiheri wamá.
Ígirabei bidiheri lun Aburemei,
ábame líderagunibu;
mígirunbei lun héiguadun gürigia
ha gaganbadibaña lun.
Góunigi lumutiña Aburemei ha gudemebaña;
góunigi lumutiña lidan lidere dan.
Aburemei,
ha subudihabúbaña bun, hemenigitiña buagu,
ladüga mágurun bumutiña ha áluahabalibu.
Ha ábunagubaña lau águiraü,
halubahaba lau ugundani.
Íbini hayahun dan houdin tau sagü lautu ilaü,
hagiribuduba eremuheina lau ugundani,
lau burí güraguati türigu harünarugu.
Sun huguya ha hemenigibaña luagu Aburemei
here humá gaguraasun huguyame.
Igemeri bererun lun nugudi,
larugounga ligía lun némeri.
Yarafati Aburemei houn ha agúahabaña luagu,
houn ha agúahatiña luagu lau hanarün.
Gúnfuli lumuti hayumahan ha inebehabubaña lun;
dan hamuriahan luma lun líderaguniña,
aganba lumutiña, sefuláña.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
Nariñagunbalin sun le hun, lun hadarirun darangilaü lidan hafiñerun nuagu. Hasufuriruba ubouagu, gama lumoun ganigi humá, gañei naali ubóu!
Lúmagiñe dan ligía, saragu haña hádangiñe ha afalarubalin Hesusu, aba hígiruni, aba méibugunhaña lan luma. Ábati lariñagun Hesusu houn duusu disipulugu:
—Angia huguya, busentün giñe hidin nuéi?
Aba lóunabun Simón, lariñaga:
—Kábagia umoun woudin? Dimurei burí le bariñagubei, lánina ibagari magumuchaditi. Wagía afiñeediwa, ani subudi wamuti luagu buguya lan Krístubei le Liráü Bungiu wínwanti.
«Mígirun nubadün hábugua; nagiribudayaba lun huma nan.
Aganba lumuti Bungiu wamuriahan luma
«Hamuriaha, ábame lichugún hun; háluaha, ábame hadarirun, daün humá luagu bena, ábame ladaarúniwa hubá. Ladüga le amuriahati, ibihati; le áluahati, dariti; le adaünhati luagu bena, darawati lubá.
Higougu numoun, sun huguya ha buchaañabaña uagu lárigi huádigimari luma lihürü hanügün, emeraaguagüda náamugaün. Resibi huméi narufudahan, furendei huguyame númagiñe; lau gaguraasun nan, ñulú tuguya nanigi, ábame hadarirun emeraaguni tun huani. Ménrengunti lun heseriwidun nun, huáliti giñe anügüni le níchugubei hun lun hanügüni».
Aba laríaguniña Hesusu, aba lariñagun houn:
—Siñati hasalbaragun gürigia houngua; anhein Bungiu, gayara lumuti sun katei adüga.
Ladüga úati ni kata lásiñarun Bungiu.
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
Chouru numuti luagu Bungiu lan le agumeserubei adügei lubuidun luadigimari hidan, lasigiramémeba lan adügei darime weyu le liábingüle Hesukrístu.
Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.
Iseri sielu luma iseri ubóu
Lárigiñe, aba narihin aban iseri sielu luma aban iseri ubóu; gumugua buga furumiñeti sielu luma furumiñeti ubóu ani úaali buga barana.
Au Huan, ariha numuti uburugu sánduti le iseri Herusalén, lararirun siélugiñe lúmagiñe Bungiu. Aranseñu liña kei aban adari dáüguañu lubá tadari. Aba naganbun lariñagun aban umalali héreti siélugiñe:
—Arihabá, aganawati Bungiu hadan gürigia guentó. Laganóuba hama ani hagíaba lumutuniña; Búngiumemeba hama lun ligía lan Habungiute. Laragahabei sun háguira; úaalime óunweni ni ayahuni ni íruni ni igarigu, ladüga sügüha furumiñeti burí katei.
Buiti Wabureme;
aramudaguagülei ligía lidan lidaani idiheri,
góunigi lumutiña ha afiñebaña luagu.
Subudi numuti naransehan hubá, aransehani lun buiti mama lun wuribati hun, lun gayaraabei lan níchuguni dan le lunbei liabin buin lau emenigini hun. Au, le Aburemei ariñagubalin.
Gama lumoun huguya ganigi humá, mábürühala harüna, lugundun gafayeiruahabei huádigimari.
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
Mamagualigu humá lidan luadigimari Wabureme; seriwi huméi tau sun hanigi.
Abagarida humá gúndaañu lau emenigini le huágubei; gaguraasun humá dan le hasufurirun; furíei humá, eteingirei Bungiu, súnwandan.
Abagarida humá gúndaañu lau emenigini le huágubei; gaguraasun humá dan le hasufurirun; furíei humá, eteingirei Bungiu, súnwandan.
Niduheñu hínsiñetiña nun, máguyugüda huméi wuribani, ígira huméi lun Bungiu lan afayeigüda luagu. Tariñahare Lererun Bungiu: «Au lunbei nafayeiragüdüniña gürigia luagu hariban, liña Aburemei».
Ítara liña lubeiti, lídangiñe haganbuni gürigia uganu hafiñera, ani Lererun Kristu uganu ligía.
Agañeiruni lidan sun luwuyeri lénrengunga
Subudi wamuti luagu aranse lani Bungiu sun katei lun lanügüba lan buiti houn ha hínsiñehabubaña lun, houn ha únbaña lagúara lun lánigu hamá keisi laritaguni.
Sun le bürüwañubei tidan Lererun Bungiu, Bungiu guánarügü íchugubalin haritagunrugun wügüriña lun habürüdüni, ani huutu lun tarufudahan, lun tadeinhan, adügatu lun hígiruni gürigia katei le mabuidunbei ani arufudahatu houn gürigia lidan richaguaü. Lun aranseñu hamá lubúeingu Bungiu lun hadügün sun luwuyeri wadagimanu buiti.
Mígirabei luwuyeri arufudahani harumati le níchugubei bun, abagaridabá lau bafiñen luagu Kristu, arufudeina ínsiñeni le wibihibei lúmagiñe Hesukrístu. Lau lubafu Sífiri Sandu le wádanbei, góunigibei arufudahani le líchugubei Bungiu labun baríaahan.
Wabureme guánarügü Hesukrístu luma Wáguchi Bungiu, le arufuda láalibei línsiñehabu woun lau lareini, ru ligía ámalihouni le magumuchaditi woun luma aban emenigini buiti, rula dǘgüdaguaü tun hanigi, derebugugüda laünme lun hariñaguni luma lun hadügüni sun le buídubei.
gama lumoun anhein wagufesera wafigoun, gayaraabei wemenigidun luagu Bungiu luagu ladügübei lan le richaguabei—feruduna lubéi wafigoun, harumagüda láwame lídangiñe sun wuribani.
Hemenigitiwa luagu Bungiu, lugundun subudi wamuti luagu ánhawa lan amuriaha furumiñeguarügü katei keisi lugundan, laganbubadiwa lan. Ani ítara kei wasubudiruni luagu aganba lani Bungiu wafurieidún, subudi wamuti giñe luagu lóunabubadiwa lan.
Súfuri lumuti le hínsiñehabubei sun katei; afiñe lumuti sun katei; aguraba lumuti sun katei; ani awanda lumuti giñe sun katei.