Não desista!
'Não desista!' é o grito do céu para a terra. Deus nos encoraja a perseverar na fé, na oração e na esperança, porque a vitória pertence aos que não se rendem.
Força na fraqueza
Os que esperam no Senhor renovam as forças. Deus não se cansa nem se fatiga — Ele dá poder aos fracos e vigor aos cansados.
Na nyh khyh oh tou?
Na thae khyh oh tou?
Bawipaw tuh zungzae tynpaw
Pachia nynh thua,
laephi adianaw cia Raetu nynh thua.
Aning tuh a thawbang khyh zah
a thawzya khyh;
a hawnaw tuh nythya kho thua khyh.
Bawipaw nynh mih thawbangpaw kha
thawzung pya hae zah,
mih thawzyapaw kha thungnaw a pya hae.
Zawthaw hae heize mih thawthang cih zah
a bang cih hae,
ccangvae hae tuh mih thawbang;
thuasalama Bawipaw
a ngaehoikuh hae paw tuh
thawzung thawpaw a hoi cih hae,
mosipi hawte mih sake te
a zouthung cih hae,
a ccue hae ze bang lan khyh hae,
a ccia hae zemah mih thawthang lan khyh.
Thanccingte, pou Jerusalem a um hae paw Zion ccungccaw hae, rawkhuite na um vae lan khyh oh. Na siarua oh paw kha thae zah, nanning kha thaw ae ccih ccaccing cih oh; aning nynh he a thae te, ae leih cih oh.
Pachia nynh A Ccungccaw hae A Poukhae hae
Pou Jakob, pou Israel,
nang ae raetupaw
Bawipaw nynh a hopaw tuh:
Nang kha kae shawkhaw vae keiccuze rih nan;
nang kha na min te kae ko vae,
nang tuh ka kya-e nynh na thua.
Tui alepaw kha he na ke vae ze,
na kya ka um cih;
vawpi hae kha he na ke vae ze,
ae vu lan khyh;
maee lungkhu he na ccia vae ze,
ae u lan khyh,
maeephu nynh nang kha
ae u kho lan khyh.
Pawccecize kae tuh
Bawipaw na Pachia nynh ka thua,
nang ae Khumtu Israel Pachia
Athyaapaw nynh ka thua.
Nang kha shawkhaw khylan
Izip hae kha ka vua hae zah,
Ethiopia te Seba kha mah ka vua hae.
Ryachinaw kya hiinzia ka thya zah hoirumnaw kya hiinzia ka thya; vueso zemah, vuelaw zemah, hoirum zemah, ryachi zemah teitei balyn kya te atyn-are kya umzia byaphi kha ka ccangkuh vae. Thawzung yn pyatupaw Khri liate pawpaw balyn ka cyih kho.
Zynnaw liate Hiinnaw
Tukeiccuze kae lungthang khyh. Atolang e kae pyn tuh roh salamah, alungkhu lang e kae muisaw tuh nin kheit koute nin kheit thawsah athua. Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya. Tukeiccuze muih khopaw uccaw hae kha do leite muih kho leipaw uccaw hae kha nynh kae do; pawccecize muih khopaw uccaw hae tuh sosoh nynh atyn, thuasalama muih kho leipaw uccaw hae tuh zungzae atyn.
Perseverança na fé
Não perca a confiança, pois ela tem grande recompensa. O justo viverá pela fé, e quem perseverar até o fim será salvo.
Tukeiccuze myarya lepaw lasung a thuakhaepaw nae rawhoynaw kha vua nan oh.
Ngaehoinaw kong ccaekia ah khan oh paw kyate voikheit voikheit lang pu leite varyng kyngkuh oh sih, pawccecize bya oun kinpakuhpaw tuh a lungzipaw nynh thua. Sungsaku nawlan te ahoypaw rya kha law khylan lu kheit te lu kheit pawtemou lungthosaku lan cipaw kha tua kalang oh sih. Ccungccaw abang nynh leih a cyimae hae hawte pynkheihlan pumkunaw kha umtaw leite, lu kheit te lu kheit thawzung pyakuh oh sih, Ninsaw tuh houhouh yn naekuh vae cipaw kha na muih oh hawte thawzung houhouh pyakuh oh sih.
Zynnaw leite Pachia lungrytung lanpaw tuh thua kho khyh; pawccecize Pachia kalan yn naekuhpaw ccungccaw nynh tuh Pachia a um cipaw te amaw a ccung hae paw kha amee a pya hae cipaw kha a zyn hahe cih.
Pawccecize Pachia Bya tuh ahiinpaw, athungpaw te kyn ning te ahepaw thaloi laeze ahe huapaw thua zah, hiinnaw te muisaw, kintui te ru atungkunaw hae phianaw cia heize a thuing khopaw nynh thua; thinlung kya-e tuanaw te paccynkunaw kha mah aphiathyapaw nynh thua.
Tukeiccuze ahoypaw ryalawnaw kya thawbang lungthang nan oh sih; pawccecize tuhte ah lungthang khyh zetuh rue ccyh yn zaw te ah rue cih oh.
Kae tuh arangte kae thua vae cih. Hum nynh sanmah na bawilukhung kha ae luade khyh nawlan, na hoi vae paw kha varyng kyngkuh.
Hynh-e kyahin Pachia kawbya zui hae zah Jesu kya zynnaw a hoi hae paw mithyaa hae tuh ngaesangnaw a hoi hae.
Tuhounaw
Tuhounaw kha a ngaesangpaw ccungccaw tuh hythua ccoupaw nynh thua; pawccecize aning tuh syntaw he athua koute Bawipaw nynh amaw a sungsah hae paw elang bya a kinpyaku hae paw hiinnaw bawilukhung kha a mue cih.
Deus é refúgio
O Senhor é nosso refúgio e fortaleza. Ele ouve nossas orações, nos consola nas tribulações e transforma choro em dança.
Pachia Thungkhawnaw
Pachia tuh aening khynnaw te
thawzung nynh thua,
vawsaw ccyh lya zungzae
oun bawmtu nynh thua.
Na phupaw kha
Bawipaw kya nung lah,
nang kha ae bawm cih;
miding kha shungnaw
kharouh pya boi lan khyh.
Bawipaw tuh tuaasahkunaw
a teing hae paw hanlan
rekunaw thua zah,
vawsaw tung lya rekunaw nynh thua.
Te na min a nyh hae paw nynh
nang kha ae doliaku hae,
pawccecize, pou Bawipaw ,
nang ae ccung hae paw kha
na vua boi khyh hae.
Mitphi luate ccacii a vua hae paw tuh
lungtua siaruate looh a rue cih hae.
Vua lanpaw ccacii kha
ccyngkuh hae zah,
mitphi luate a pou hae paw tuh
mih ccatan cce kha puihkute
lungtua siaruate inn lang a ki cih hae.
Bawipaw a ngaehoikuh hae paw
nanning balyn, nae thawsae sah lah,
nae rawthung sah.
Na bya tuh ka ccu hanlan
maeekhua thua zah,
ka laanpi hanlan awnaw nynh thua.
Bawipaw tuh amaw a ko hae paw balyn,
byaccing te a ko hae paw
balyn pe khe a um.
Amaw raw a rih hae paw balyn rynaw kha
a ccingsahpya hae;
mih siaruanaw kha mah
thaepah hae zah a khum hae.
Vitória em Cristo
Jesus venceu o mundo e nos dá vitória. Para Deus nada é impossível, e Ele faz infinitamente mais do que pedimos ou pensamos.
Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.
Tuin ccyh kyate a zuitu hae patae tuh nulang ki hae zah amaw ryte cceihkheih vae khyh hae. Tukeiccuze Jesu nynh zuitu hae lu haw lae ning kha, "Nanning so na cceihbua ry oh tou?" a cipya hae. Simon Peter nynh, "Bawipaw, hum kalan mou kae cceih cih? Nang nynh zungzae hiinnaw bya na hoi. Nang tuh Pachia kyate yn thuapaw Mi Thyaa nynh na thua cipaw kaening nynh kae zyn zah kae ny," a cipya.
"Ngawraw hae hawte kae cciataw lan khyh oh; nae kalan bua kae thua cih.
Ngia, Ccung, Khua
"Ngia oh lah ae pya cih oh; ccung oh lah na muih cih oh; khua oh lah thuakaw kha hungpya na thua cih oh. Pawccecize a ngiapaw miakaw tuh a mue; a ccungpaw miakaw tuh a muih; thuakaw a khuapaw miakaw tuh hungpya athua cih.
"Riathae hae paw te phupaw ri hae paw balyn ka kalan rang oh lah haeungnaw kae pya cih oh. Ka nanrui hynh lawkuh oh lah vawkuh oh; kamaw hynh yn ccangkuh oh; pawccecize kae tuh a lungnepaw te zakawsangsakunaw thinlung a hoipaw nynh ka thua; nae thinlung kya daenaw na mue cih oh. Pawccecize ka nanrui tuh nawre um zah ka phupaw tuh azaw," a ci.
Thuasalama Jesu nynh minmin kha do hae zah, "Ccungccaw hanlan tuh hynh-e hynh thua kho khyh, thuasalama Pachia hanlan tuh pawpaw balyn athua kho," a ci.
Pawccecize Pachia nynh a cyi kho leipaw pawpaw mah um khyh," a cipya.
Esperança e transformação
O Senhor completa a boa obra que começou em nós. Ele faz novas todas as coisas e dá esperança para o futuro.
Nanning kya ahoypaw ryalaw a thotu Pachia nynh Jesu Khri Nin a thua cia tuh-e rya tuh a ccingsah cih cite zynkunaw ka hoi.
Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.
Vaaw Thawpaw te Laephi Thawpaw
Tukoute vaaw thawpaw te laephi thawpaw kha ka muih; pawccecize masaty vaaw te masaty laephi tuh zo hae zah rili mah um vae khyh. Athyaapaw khuapi athuapaw Jerusalem Thawpaw tuh a vawpaw hanlan a ccaankuhpaw akaepaw liaccanung hawte paccynkuh zah Pachia kyate vaawlang te yn rungbungpaw kha ka muih. Vaawlang te roi accaepaw nynh,
"Dotua oh, Pachia nynh
a umnawpaw bu tuh
ccungccaw hae kya um zah,
Pachia tuh minmin ryte a um vae cih;
minmin tuh a ccungccaw hae
athua vae cih hae.
Pachia tuh minmin ryte a um cih zah
mih Pachia athua vae cih.
Pachia nynh mih mit kyate
mitphi balyn kha a hupah cih hae.
Chinaw um vae lan khyh.
Ngaethyanaw, rawnaw te ccinaw
um vae lan khyh;
pawccecize langmawlya e
uccaw hae tuh pong azo vae hae,"
cite a hopaw kha ka thae.
Bawipaw tuh ahoy,
vawsaw tung ccyh lya
khynnaw hmin nynh thua;
amaw kya a rekuh hae paw kha
thungkhaw hae zah,
Bawipaw nynh a hopaw tuh: Nanning hanlan ka hoipaw paccynnaw hynh ccaerarih lan ka ny, tuh-e paccynnaw tuh nanning hanlan vawsawnaw thua leite hoynaw thua zah, ngaehoinaw a umpaw malang ccyh kha pya khylan nynh thua.
Thuasalama nanning tuh nae rawthungsakuh oh! Nae kuih kha a thawzyasah nan oh, pawccecize nae ryalaw mee na mue cih oh," a cipya.
Permanecendo firme
Persevere na oração, firme-se na Palavra e fortaleça-se na graça de Cristo. A fé vem pelo ouvir, e o ouvir pela Palavra de Deus.
Thawzung thuanaw kya thawnaw leite thinlung ccaccingte Bawipaw rya kha lah oh. Ngaehoinaw kya nae lungpaw sah; vawsawnaw kya nae lungsae sah, sawsangnaw kya tyty tyn oh.
Ngaehoinaw kya nae lungpaw sah; vawsawnaw kya nae lungsae sah, sawsangnaw kya tyty tyn oh.
Sungsah hae paw, naemaw nynh kharouh liaru nan oh, Pachia thinrianaw kalan pya oh, pawccecize Ccathyaa kyaze, "Liarunaw tuh kamaw kya-e nynh thua, kamaw nynh ka liaru cih, cite Bawipaw nynh a ci," cite azeikuh.
Tukeiccuze zynnaw tuh thaenaw kyate nynh yn thua, thaenaw tuh Khri kong honaw kyate nynh yn thua.
Pachia kha sungsah hae zah amaw a eenaw thyhte ko athua hae paw hanlan tuh Pachia nynh pawpaw balyn kha ahoy lante cci nynh pynkheihlan rya a law cipaw ah ny oh.
Ccathyaa balyn tuh Pachia hysawnuapaw thua zah, ccangpyakunaw hanlan, seinaw langsaku nawlan, raethuinaw hanlan, dingnaw kya thuiheikunaw hanlan athanepaw nynh thua. Tuhcite Pachia ccungccaw tuh accingpaw athua nawlan te ahoypaw ryalaw miakaw hanlan paccynpaw athua nawlan nynh thua.
Khri Jesu kya a umpaw zynnaw te sungsakunaw te asekuhpaw, kamaw kyate na thae vae paw dosuinku lan umpaw ahmepaw bya kha varyng la kyngkuh. Nang na kya pya athuapaw, ahoypaw uccaw kha aening kya a umpaw Thyaa Muisaw liate la khynsah.
Aening kha oun sungsah zah thawccinaw liate zungzae ngaengannaw te ahoypaw ngaehoinaw oun pyatupaw, ah Paaw Pachia te ah Bawipaw Jesu Khri amaw ccaccei nynh, nae thinlung kya ngaengannaw ae la pya oh sah lah, ahoypaw ryalaw te bya miakaw kya thawzung ae la pya vae oh sah.
Aening nynh ah seinaw kha ah phyku oh ze, Pachia tuh a lungzipaw te a dingpaw athua keiccuze ah seinaw kha oun ngaethya cih zah dingleinaw balyn kyate oun thyaasah cih.
Pachia kya aening rawhoynaw ah hoi oh paw tuh e hynh nynh thua: Aening nynh amaw rynaw thyhte ccangkhakheit kha ah ngiaku oh ze, Pachia nynh oun thaepya. Aening nynh ah ngiaku oh paw miakaw kha aning nynh oun thaepya cipaw ah ny oh ze, amaw kalan ah ngiaku oh paw kha ah mue oh cipaw ah ny oh.
sungsakunaw tuh pawpaw balyn kha a ngaesang kho, pawpaw balyn kha a zyn, pawpaw balyn kha a ngaehoi, pawpaw balyn kha phang a ngaesang.