10 तम्हैं निं डरी आथी, तम्हां संघै आसा हुंह!

हुंह आसा थारअ परमेशर, तम्हां निं कोही का डरने ज़रुरत आथी!

तम्हां लै बल दैणअ मुंह अर थारी मज़त बी करनी मुंह।

तम्हैं नढैऊणैं मुंह हाथै ढाकी संघा डाहणैं बच़ाऊई।✝

13 हुंह आसा थारअ परमेशर बिधाता,

मंऐं किऐ तम्हैं दैहणै हाथै ढाकी खल़ै,

तम्हैं निं डरी आथी, थारी मज़त करनी मुंह आप्पै।"

14 बिधाता बोलअ इहअ, "याकबे आद-लुआद, तम्हैं आसा

होछ़ै ज़िहै किल़ै ज़िहै दुबल़ै!

पर तम्हैं निं डरी आथी।

इज़राईलीओ, तम्हैं आसा धख ज़िहै! पर तम्हैं निं डरी आथी।

थारी मज़त करनीं मुंह आप्पै,

अह बैण डाहअ मंऐं इज़राईले पबित्र बिधाता बोली ज़ुंणीं तम्हैं बच़ाऊऐ दै आसा।

9 एरुशलेम नगरीए लोगो, उझै उखल़ा उछ़टी धारा लै

संघा खोज़ा सोभी का खुशीओ समाद!

सियोन* नगरीए लोगो, ज़ोरै-ज़ोरै लाआ हाक्‍का,

संघा खोज़ा सोभी का खुशीओ समाद!

ज़ोरै-ज़ोरै खोज़ा अर डरी निं आथी!

यहूदा मुल्खे सोभी नगरीए लोगा का खोज़ा कि

थारअ परमेशर आसा एछणैं आल़अ।✝

9 इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।"

6 "तम्हैं निं आपणअ हैअ चोल़ी! नां तम्हैं जरदण पार बस्सै दै तेऊ देशे लोगा का डरी आथी। किल्हैकि बिधाता हणअ सदा तम्हां बाखा आप्पै अर सह निं तम्हां कल्ही छ़ाडदअ"

1 थोल़ै धैल़ै बाद किई बिधाता धैना दी अब्रामा संघै एही गल्‍ला, बिधाता बोलअ इहअ, "अब्राम, तूह निं डरै, तेरी फाज़त करूं हुंह आप्पै अर ताह भेटणअ खास्सअ फल।"

16 सह बगत गअ पुजी ज़ेभै एरुशलेम नगरी लै इहअ समाद एछणअ,

"ऐबै निं डरी आथी! ऐबै निं ज़ोर-ज़ाहण चुटणैं दैई!

17 थारअ परमेशर बिधाता आसा तम्हां संघै।

सह आसा बलबान अर तेऊ हेरनै तम्हैं बच़ाऊई।

तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै।

तेऊ बोल़णीं गिह किल्हैकि सह आसा तम्हां करै खास्सअ खुश।"

16 एलिशा दैनअ ज़बाब, "तूह निं डरदअ लागै, ज़ुंण हाम्हां बाखा आसा, सह आसा तेऊ का बडअ ज़ुंण इना बाखा आसा।" 17 तेखअ किई एलिशा बिधाता सेटा प्राथणां, "बिधाता, तूह कर इहअ कि एऊ का लोल़ी शुझुअ!" बिधाता रहैऊअ तेऊ दासा का इहअ कि एलिशा फेर आसा धारा ज़ल़दी आगीए रथ अर घोल़ै।

21 मेरअ देश! तूह निं डरी आथी, तूह मनाऊं खुशी अर नंद,

ज़ुंण मंऐं बिधाता महान काम किऐ, तेता लै रह तूह निहंचै।

7 पर बिधाता बोलअ मुल्है इहअ, "इहअ निं बोलै कि तूह आसा अज़ी शोहरू, पर ज़िधा लै मुंह तूह छ़ाडणअ, तूह डेऊ तिन्‍नां मणछा सेटा संघा खोज़ै तिन्‍नां का ज़िहअ हुंह हुकम करे तिहअ। 8 तूह निं तिन्‍नां आपणैं लोगा का डरदअ लागी, हुंह हणअ ताह संघै ताह बच़ाऊंदअ आप्पै, अह गल्‍ल डाही मंऐं बिधाता बोली!"✝

9 प्रभू बोलअ राची दर्शण दैई पल़सी लै, "डरै निं आथी, खुशीए समादा खोज़दअ रह लागी, च़ुप्पी निं रही। 10 किल्हैकि हुंह आसा ताह संघा अर कोहै निं ताल्है हान्‍नी करी सकदअ। किल्हैकि ऐहा नगरी आसा मेरै कई भगत।"✝

6 "पर तूह मणछो शोहरू निं तिन्‍नां का डरी आथी च़ाऐ तिंयां ज़िहअ बी बोले। तिन्‍नां समझ़णअ तूह बृथा अर ताल्है सका तिंयां उपद्रभ करी, सह हणअ ताल्है कांडे झ़ाटै अर बिंच़ू जैंदरी रहणैं ज़िहअ! तज़ी बी निं तूह तिन्‍नां द्रोही का डरी आथी। 7 तूह लऐ तिन्‍नां का मेरी गल्‍ला ज़ेही मंऐं बोली तेही ई खोज़ी, च़ाऐ तिंयां शुणें च़ाऐ नां शुणें। तूह डाहै आद कि तिंयां किहै द्रोही आसा।

36 ज़िना गल्‍ला करदै तिंयां थिऐ लागै दै, तिंयां गल्‍ला किई ईशू शूणीं नां शूणीं, अर सभागृहे कारदारा लै ईशू बोलअ, "हैल़अ निं करी, तूह डाह सिधअ विश्वास।"

10 *याक. 1:12ज़ुंण दुख ताह भुगतणै, तेता का निं डरी, किल्हैकि भाल़ै, राख्सा आसा तम्हां मांझ़ै कई लाऐ दै कैद खानै पाई ताकि तम्हां परखी सके, तम्हां लागणअ दसा धैल़ै सांगट ज़िरनअ, प्राण दैणैं तैणीं रहै विश्वासी बणी, तै दैणअ मुंह ताल्है ज़िन्दगीओ मुगट।’

28 "तम्हैं निं तिन्‍नां का डरी आथी ज़ुंण थारी देही च़ाहा मारनअ, तिंयां निं थारी आत्मां मारी सकदै। पर डरनअ सिधअ तेऊ परमेशरा का ज़ुंण देही अर आत्मां दुही सका जम्परी खतम करी।

20 ज़ांऊं युसुफ इना गल्‍ला सोठदअ थिअ लागअ द, परमेशरो एक स्वर्ग दूत शुझुअ तेऊ का सुपनै अर तेऊ स्वर्ग दूतै बोलअ युसुफा लै इहअ, "राज़ै दाबेदे लुआद युसुफा, तूह निं मरिअमा संघै बैहा करनै का निं डरी। किल्हैकि तेसे ओदरै पल़दअ गर्भ आसा पबित्र आत्मां करै।

30 तेखअ बोलअ स्वर्ग दूतै तैहा लै, "हे मरिअम, तूह निं फिकर करी ताल्है किई परमेशरै झींण।

8 एता भाल़ी पल़अ शमौन पतरास ईशूए च़रणैं संघा लागअ इहअ बोल्दअ, "हे प्रभू! हुंह आसा पापी मणछ मुंह सेटा का डेऊ दूर।"