9 ह़ु मे तने हुकम नी आप्‌यो? हीम्‌मत राखीन टणको हय जा; बीहे ना, अने तारु मन काचु ना करे; काहाके जां-जां तु जही तां-तां तारो भगवान यहोवा तारी ह़ाते रेहे।"

1 आहयी वातु नी अळतेण यहोवा नो आहयो बोल दर्‌सन मे अब्‌राम नी पांह पुग्‌यो "ए अब्‌राम, ना बीहे; मे तारी ढाळ अने तारु घणु मोटु फोळ से।"

9 मालीक ईसु तीहयीत राते ह़पना मे पोलुस ने आहयु केदो, "बीहे ना, पण भगवान नी वात केतो रे, अने होगो ना रेय। 10 काहाके मे तारी ह़ाते से। अने कोय बी तारु नुकसान नी करे; काहाके आहया ह़ेर मे मारा घणा माणहु से।"

6 "ए माणेह नी अवल्‌यात, तु तीमनी सी नी बीहजे; भले तने काटा, कटाळस्‌या अने वीसा नी वच मे बी रेवा पड़े, ते बी तीमना बोलु सी नी बीहजे; तीहया धोको देण्‌या घोराणा ना से, ते बी नी ते तीमना बोलु सी बीहजे, अने नी तीमनु मोडु देखीन तारु मन काचु हये। 7 करीन तीहया ह़मळे के नी ह़मळे; ते बी तु मारा बोलु तीमने केजे, तीहया ते घणा धोको देण्‌या से।

36 ईसु तीमनी वात ह़मळ्‌यो पण ध्‌यान नी देदो, ते बी आयर ने केदो, "बीहे ना, पण नीस्‌तो मारी पोर भरहो राख।"

10 जे दुख तने झेलवा पड़हे, तीनी सी ना बीहे। काहाके देखो, भुतड़ो तमारी माय्‌न थोड़ाक ने जेल मे कुंडवा वाळो से के तमने पारखे; अने तमने दह दाड़ा लग दुख झेलवा पड़हे। जीव आपते लग भरहो करन्‌यो रे, ता मे तने तारा जीक नु ईलाम जीवाय आपही।"

28 तीमनी सी ना बीहो जे डील ने मार नाखहे पण जीव ने नी मार सके; बाखीन तीनी सी बीहो, जे डील अने जीव बेम ने नरक मे कर सके।

20 युसुफ आसम वीच्‌यार करीन ह़ुय ज्‌यो, तत्‌यारुत तीने ह़पना मे भगवान नो ह़रगदुत देखाव पड़ीन केदो, "ए युसुफ दावुद नी अवल्‌यात, मरीयम ने तारी लाडी बणावीन लाव्‌वा सी ना बीहे। काहाके तीहयी चोखली आत्‌मा नी लारे भारेपोगे हयली से।

30 ह़रगदुत तीने केदो, "ए मरीयम; भंगलाये ना, काहाके भगवान नी संयबरकत तार पोर आवली से।

8 आसम देखीन सीमोन पतरस ईसु ना पोगु मे पड़्‌यो अने केदो, "ए मालीक! मारीन्‌तां गेथो तु जत रे, काहाके मे ते पापी माणेह से।"