Nascer de novo

3 Jiso bə̀ŋhə tʉ ɔŋ mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bìʼ * bí wo fɛ, ɔ mə nə kie yəŋkə mu Sɔ́ʼ-Nyii fɛ."

3 Jiso bə̀ŋhə tʉ ɔŋ mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bìʼ * bí wo fɛ, ɔ mə nə kie yəŋkə mu Sɔ́ʼ-Nyii fɛ."

4 Nikodemu ghɔ̀ŋ tʉ ɔŋ mbɔ, "Bəkɔ bə bʉ̀nə bìʼ bí wo təka, tʉ ɔ nɔʼ tə́ŋ? Bəkɔ ɔ bʉ̀nə bìʼ ŋíi bətɔ-ŋkwê-i mbɔ b̈ə bʉ̀nə bí ɔ mɛ?"

5 Jiso bə̀ŋhə mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bí wo nə muu leʼnə LyʉʉhəNyiikə fɛ, ɔ mə nə ŋíi mu Sɔ́ʼ-Nyii fɛ. 6 W̃oməsʉʉ nɔ bí haʼ woməsʉʉ ndə ɔ, LyʉʉhəNyiikə bɔŋ-kə́-leʼ bí haʼ lyʉʉhəkə mu mbʉə wo. 7 Kə i mə chàa a, ndə mɔ ghɔ̀ŋ tʉ bii mbɔ, ‘Bə nɔ kie ndə məbʉ̀nə bìʼ bí a’ fɛ. 8 F̃ʉʉkə nɔ fʉ̀ʉ gɛ̀ nə yəŋkə ndə i kʉ̀ʉ, a yʉ́ mədùŋ-iŋ bɔŋ təmə kínə yəŋkə ndə i lɔ̀ hə chɔ, təmə bɔŋleʼ kínə yəŋkə ndə i tʉʼ gɛ̀ chɔ fɛ. Nɔ bɛ haʼ nɔ ndə i bɛ tʉ wotəmiyɔŋ ndə LyʉʉhəNyiikə nɔʼ bí ɔ."

5 Jiso bə̀ŋhə mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bí wo nə muu leʼnə LyʉʉhəNyiikə fɛ, ɔ mə nə ŋíi mu Sɔ́ʼ-Nyii fɛ. 6 W̃oməsʉʉ nɔ bí haʼ woməsʉʉ ndə ɔ, LyʉʉhəNyiikə bɔŋ-kə́-leʼ bí haʼ lyʉʉhəkə mu mbʉə wo. 7 Kə i mə chàa a, ndə mɔ ghɔ̀ŋ tʉ bii mbɔ, ‘Bə nɔ kie ndə məbʉ̀nə bìʼ bí a’ fɛ.

15 Nɔʼ m̈ɔ shyíi bii nə shʉəŋ mbɔ wotəmiyɔŋ ndə ɔ gòʼ təmə kɔ́ ŋwɔŋ-ɛŋ mbɔ Nyii sɔ́ʼ ɔ nə vaambuɔ fɛ, ɔ mə nə ŋíi mu Sɔ́ʼ-Nyii fɛ."

Bɛ nda bɛ fɔŋ wokwɛʼtəŋ mu Sɔ́ʼ Fɔŋ Yuo

1 Nɔ kə bɛ ndʉʉ-ghɔ̄, vâafɔʼɔ Jiso gwè tʉ ɔŋ kə́ bíʼtə mbɔ, "Bɛ nda bɛ fɔŋ wokwɛʼtəŋ mu Sɔ́ʼ Fɔŋ Yuo?"

2 Ndʉʉmɛ, ɔ tíi vaambuɔ tîetîe mbʉə ɔ, tʉ́ʼ ɔ ntəŋntəŋ bɔŋ, 3 ghɔ̀ŋ mbɔ, "Nɔʼ m̈ɔ shyíi bii nə shʉəŋ mbɔ kaʼ bii gòʼ təmə kíahə bɛ nə vâambuɔ fɛ, bii mə nə ŋíi mu Sɔ́ʼ Fɔŋ Yuo fɛ. 4 Wo ndə ɔ lʉ̀ ŋwɔŋ-ɛŋ sê nə vaa-ɔ̄ŋ, ɔ bu bɛ fɔŋ wokwɛʼtəŋ mu Sɔ́ʼ Fɔŋ Yuo.

17 Yɔ̄ŋ-yə nɔ dʉ̀ʼ mbɔ wo ndə ɔ nɔʼ fúu ŋwɔŋ-ɛŋ ghɔŋbə Klai nɔ bɛ wo fefe nduɔ. Nduɔŋ nuʼ nɔʼ tíŋ, nuʼ fefe nɔʼ gwè.

4 Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.

5 Bʉʼka mbɔ kaʼ bʉʼʉ nɔʼ tùo bʉʼʉ bɔŋ ndə ntɛ kwu-i, i nɔ dʉ̀ʼ mbɔ bʉʼʉ bu tùo ndə ntɛ məkoʼ-e ghɔ. 6 Bʉʼʉ nɔ kínə mbɔ bə nɔʼ kə yí nduɔŋ wo ndə bʉʼʉ kə bɛ yɔŋ bʉʼʉbə Klai mɔʼɔ ndəŋ kətyʉntɔɔnə, mbɔ ghʉəʼkə ndə bʉ̂ʼʉ kə kie ndə məchimbi-yʉʼʉ chʉʼ bɛ njʉnjʉ, mbɔ bʉʼʉ mə leʼ bɛ fʉəhə tʉ bʉ̂ʼʉ fɛ. 7 Bʉʼka ndʉʉ ndə wo kwú ghɔŋ Klai mɔʼɔ, təmə bə nɔʼ fyúhə tʉkə-i hə ndəŋ ghʉəʼ-bʉ̂ʼʉ-kə.

4 Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.

11 Nɔ, mbəŋ-yii ghɔ nɔ lʉ̀ ŋwɔŋ-yii mbɔ bii nɔʼ kwú hə ndə ghʉəʼ-bʉ̂ʼʉ-kə, bɔŋ kə́ chí mbi ndə məyúnə biibə Nyii tíŋ hə bɔ̌ŋ Klai Jiso.

20 Bə nɔʼ kə kwɛ̀ŋ baʼa Klai mɔʼɔ yi. Məchimbi-ɔ leʼbie ntɛ ndə i kə bɛ bəshʉ fɛ, mɔ nɔ tʉʼ chí mbi nduɔ bʉʼka Klai nɔ tʉʼ chí mu mɔ. Məchi-ɔ nduɔ ndə woməsʉʉ, mɔ nɔ tʉʼ chí bʉʼka mɔ mɔ̀ʼfyii-ɔ ndəŋ VaaNyii, ndə ɔ kə kʉ̀ʉ mɔ kɔ́ ŋwɔŋ-ɛŋ yie-mɔ.

22 nɔ b̈ii mɛ̀ʼ nduɔŋ nuʼ ndə i kə fəŋ bɛ mu mbʉə-bii, b̈ii kə́ chìi nubə nə yɔŋ, ndə ĩ kə́ bʉ́əhə bii, bʉʼka nu-bʉəbʉə-bə ndə b̈ii kə kʉ̀ʉ ndə məfɔ̀ʼ i fə́ʼhə bii, 23 lʉ̀ fyii fefe ghɔŋbə ndaa fefe. 24 Bii bɔŋ kie ndə məmɔ̀ʼ gwo mbʉə fefe ndə bɛ finə-Nyii, kə́ bɛ ndyʉndyʉ nə shʉəŋ bɔŋleʼ bɛ tʉ́ʉnə.

9 Kə bii mə kə́ chʉ̀ə lɛɛŋkə tʉ ŋwɔŋtə-ii fɛ, bʉʼka bii nɔʼ shùɔ nduɔŋ nuʼ ghɔŋbə nchiinə bənu bʉəbʉə mbʉə bii, 10 nɔʼ mɔ̀ʼ gwo mbʉə fefe ndə bɛ nuʼ fefe mbʉə bii, ndə bɛ mə-kə́-kwɛ́nə ndaahə-ii bəchibəchi ndə a tʉʼ yétə ndə məkínə mbɔŋ-aŋ bɔŋleʼ bɛ ndə ɔ. 11 Mu məchímbi fefe-ɔ̄, nuɔ imɔʼ bɛ ŋkʉ̂ʉ ndəŋ ibɛʼ-yə nuɔ fɛ, bʉə ndə bɔ̂ŋ gòʼ təmə bɛ bʉə-Juu fɛ ghɔŋbə bʉə-Juu, bʉə ndə bə nɔʼ fɔ̀ʼ bɔŋ ghɔŋbə bʉə ndə bə gòʼ təmə nɔʼ fɔ̀ʼ bɔŋ fɛ, bəntoʼŋgwe, bʉə liʼ muŋkɔ, fʉəhə, wo ndə ɔ gòʼ təmə bɛ fʉə fɛ bɔŋ Klai nɔ bɛ nubə inchəŋ bɔŋleʼ kə́ bɛ mu bɔŋ bənchəŋ.

12 Bɔŋ tʉ bʉə bənchəŋ ndə bɔ̂ŋ kə lʉ̀ ɔ mu fyii-bɔŋ, tʉ bʉə ndə bɔ̂ŋ kə bɛ́ŋ ɔŋ, ɔ kɔ́ ghʉəʼkə tʉ bɔŋ ndə məbɛ vâa-Nyii. 13 Təmə bə bí bɔŋ bə ndə məbí kəlɔŋ fɛ, byuunɔ ndə ŋkʉʉnə tʉʉ woməsʉʉ fɛ, byuunɔ ŋkʉʉnə tʉʉ woləŋ fɛ, bɔŋ bɛ nə ŋkʉʉnə-tʉʉ-Nyii.

Məyʉ́əʼnə ndəŋ məchímbi ndə liʼ-i bɛ ghɔ fɛ

3 B̈ʉʼʉ kɔ́ ndɔ tʉ Nyii, mbʉ Tie Tiekətʉ-yʉʼʉ Jiso Klai! Bʉʼka fɔŋ kətʉvyiinə-i, ɔ nɔʼ chìi bə bʉ̀nə bí bʉʼʉ ndʉʉ ndə ɔ kə bʉ̀nə kóʼhə Jiso Klai ndəŋ kwú. Yɔ̄ŋ-yə nɔʼ kɔ́ yəŋ-yʉ́əʼnə-kə tʉ bʉʼʉ ndə ĩ gwè nə məchímbi. 4 Nɔ, bʉʼʉ nɔ tʉʼ lɛ́nə shʉbə ndə məlʉ̀ yʉʉ ndə fɔbə ndə Nyii nɔʼ kə shʉ̀tə tʉ́ʼtə tʉ bʉʼʉ yuo təmə i mə nə byʉ́ʼ fɛ, təmə bə nɔʼ bʉ́əhə fɛ, təmə shʉ-i mə nə kwú fɛ.

23 Bʉʼka bə nɔʼ bʉ̀nə bìʼ bí bii təmə bɛ ndəŋ ŋgwie ndə ĩ kwú fɛ, bɔŋ bɛ ndəŋ ŋgwie ndə i mə nə kwú fɛ, tíŋ hə bɔ̌ŋ ŋgieNyiikə ndə i kie məchímbi təmə liʼ-i ghɔ fɛ.

2 Ndə vâa fefe ndə bə bíe bí bɔŋ bí, b̈ii kə́ kʉ́ʉ ndə mənyúu ŋkɛŋ ŋwɔ̂ŋ ndə bɛ ŋgieNyiikə, i chʉʼ chìi bii kə́ kʉ̀ʼ mu ŋkwaaNyii, 3 kaʼ bɛ mbɔ bii nɔʼ leʼ yúotə nyíɛ shʉəŋ mbɔ Tiekətʉ nɔ bʉ̀ʉ.

1 B̈ii nyíɛ ntɛ ŋkʉ̂ʉ ndə mbʉ Tie kʉ̀ʉ bʉʼʉ nə yɔŋ! Ŋkʉ̂ʉ-i tʉ bʉʼʉ nɔ yɔ́ŋ daa tə bə kə́ tíi bʉʼʉ nə vâa-Nyii, bɔŋ ndə ŋgie-shʉəŋ-kə, bʉʼʉ nɔ leʼ bɛ vâa-bi. Nukə ndə i chìi təmə bʉə-kəwʉʉnəmbi kínə bʉʼʉ fɛ, nɔ bɛ mbɔ bɔ̂ŋ kə kínə ɔŋ fɛ. 2 Mbʉətə bətieŋkɔŋ-bɔ̄ŋ, bʉʼʉ nɔ bɛ vâa-Nyii nduɔ, bɔŋ nukə ndə bʉʼʉ bu nə sɛŋ bɛ yɔŋ chʉʼ kɛ̀ʼnə fɛ. Bɔŋ nukə ndə bʉʼʉ kínə nɔ bɛ mbɔ ndʉʉ ndə ɔ bu yi gwè nɔ, bʉʼʉ bɛ ndə ɔ, bʉʼka bʉʼʉ bu yi nyíɛ ɔŋ kɛŋ ndə ntɛhə ndə ɔ bɛ yɔŋ.

4 Bɔŋ ndʉʉ ndə mbʉ ŋgwɔʼmbi kə kʉ̀ʼnə, Nyii tə́ŋ vaa-ɛ, woke bí ɔ, vɛʼ ndə bə nə kə́ bíe tʉ́ʼ nuʼ-Mushi, 5 mbɔ ɔ chʉʼ chʉ̀ʼ tʉ-bʉə-kə hə ndəŋ nuʼ ndə i tʉʼ yá bɔŋ, mbɔ Nyii chʉʼ lʉ̀ bʉʼʉ ndə vâanchinə-bi.

4 Bɔŋ bʉʼka Nyii kie tʉvyiikə daa, bʉʼka ŋkʉ̂ʉ yɔ́ŋyɔ́ŋ ndə ɔ kʉ̀ʉ bʉʼʉ chɔ, 5 buŋ ndʉʉ ndə bʉʼʉ nɔʼ kə kwú mu bʉ̂ʼtə-ʉʼʉ, ɔ chìi bʉʼʉ bʉ̀nə kie məchímbi bʉʼʉbə Klai, bʉʼka buuŋjyu bə nɔʼ kwáa bii.