Nascer de novo
Nascer de novo é a porta de entrada para a vida em Deus. Jesus ensinou que sem o novo nascimento espiritual, ninguém pode ver nem entrar no Reino de Deus.
A necessidade do novo nascimento
Jesus declarou a Nicodemos: 'Aquele que não nascer de novo não pode ver o Reino de Deus.' O novo nascimento é pelo Espírito.
Jezu pâ əpʉ kə ətshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu kwatəndje ne, tshə lï lï ndə kə wu Əgɔngerə nə̂ Ndjapä ne.»
Jezu pâ əpʉ kə ətshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu kwatəndje ne, tshə lï lï ndə kə wu Əgɔngerə nə̂ Ndjapä ne.» Nikɔdamə nə yû ətshə ə pa: «Alɔ ə̂në əzü gbɔ̂ gâ ye, əndje lï ndə kə zu ətshə kwatəndje atâ? Tshə lï ndə kə li gâ lə əyï nə tə bishi nə ndə kə pa tshə zu ətshə a?» Jezu kîrə əpʉ kə tshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu tə̂ äwä ə̂ngû də Âgbɔ̂ Yîrə̂ ne, tshə lï lï ndə kə li gâ lə Əgɔngerə nə̂ Ndjapä ne. Ərə ə̂në əzü kə zû kɔ sə tə əzü, â ərə ə̂në Âgbɔ̂ Yîrə̂ kə zû kɔ sə tə yîrə̂. Kumu zə kpe kpe pâ əndu zə ne mbrə ə̂në mə pa kə əbə ə pa: "Ə lï ndə kə pa əndje zu e kwatəndje kane kɔ." Əyi yi tə̂ ətshe ə̂në tshelə ye yində nə kɔ, â bə sə kə dji əsərɨ nə, bale bə sə sə kə wusə̂ ətshe ə̂në ə afɔ tə̂ nə wala ətshe ə̂në ə sə kə na tə̂ nə kɔ ne. Ə sə ndje kʉ rə mbrə azü nɔ̂ ə̂në Âgbɔ̂ Yîrə̂ kə zû əndje kɔ.»
Jezu kîrə əpʉ kə tshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu tə̂ äwä ə̂ngû də Âgbɔ̂ Yîrə̂ ne, tshə lï lï ndə kə li gâ lə Əgɔngerə nə̂ Ndjapä ne. Ərə ə̂në əzü kə zû kɔ sə tə əzü, â ərə ə̂në Âgbɔ̂ Yîrə̂ kə zû kɔ sə tə yîrə̂. Kumu zə kpe kpe pâ əndu zə ne mbrə ə̂në mə pa kə əbə ə pa: "Ə lï ndə kə pa əndje zu e kwatəndje kane kɔ."
Djatra əpʉ, mə pa kə e, əzü ə̂në tshə yində Əgɔngerə nə̂ Ndjapä nə yi mata aya əgblə ne, tshə sə sə kə li gâ lə nə bale ne.»
Əde kə ro angâ nə lə Əgɔngerə tshelafɔ?
Tə̂ alɔ nə səkɔ, atrawaya nə nâ gâ ngotə̂ Jezu ə yû ətshə ə pa: «Əde kə sə tə âgbɔ̂ əzü ə rô angâ nə lə Əgɔngerə tshelafɔ?» Bale, Jezu ê ə̈bə̈ aya əgblə ə zâ ətshə tɔ gâ lə ə̂grû tə̂ əndje ə pâ: «Djatra əpʉ, mə pa kə e: kədə e tshi äwä angbrɔ kə ma tə̂ e tshi tʉ â sə sə mata aaya aneshe ne, e sə sə kə li gâ lə Əgɔngerə tshelafɔ bale ne. Âdârə ə̂në əzü â ma tə̂ ye tə əngʉ əzü mata aya əgblə səye, tshə sə kə sə tə âgbɔ̂ əzü ə rô azü nɔ̂ lə Əgɔngerə tshelafɔ.
Nova criação em Cristo
Quem está em Cristo é nova criação. Morremos e ressuscitamos com Ele para viver em novidade de vida, livres do velho homem.
Kədə ə̈bə̈ əzü kə tɔ̂ popo Kristə nə gâ ye, tshə sə tə tafa əzü. Aangbrɔ aərə rô gâ ye, aərə nɔ̂ dô tə̂ əndje tə tafa nə gâ ye.
Tə̂ äwä batamo kuzu səkɔ, əndje shî əzə̂ də a-Jezu gâ ye ndə kə pa, mata ə̂në Kristə nə shê lə takpa tə̂ akuzu, tə̂ äwä ə̂yî Abä gâ ye kɔ, əzə̂ ndje a sə lə tafa kə sə əzə̂.
Mbrə ə̂në kədə a sə äwä bale mata ətshə tə̂ äwä kuzu ə̂në tshə tshû gâ ye kɔ, a she äwä bale mata ə̂në tshə shê gâ ye kɔ je. A wusə̂ nə ə pa əndje kû angbrɔ əzü ə̂në a sə̂ leme-e tə̂ äwä nə kɔ gâ ala masheyɔ də Kristə nə gâ ye, ndə kə pa kushu nyaka nə lə əzə̂ nə tshu gâ ye kanika a da daka pə tə akanga nə̂ nyaka nə ne. Mbrə ə̂në əzü ə̂në tshə tshû gâ ye kɔ, nyaka da daka pə lə kumu ye ne.
Tə̂ äwä batamo kuzu səkɔ, əndje shî əzə̂ də a-Jezu gâ ye ndə kə pa, mata ə̂në Kristə nə shê lə takpa tə̂ akuzu, tə̂ äwä ə̂yî Abä gâ ye kɔ, əzə̂ ndje a sə lə tafa kə sə əzə̂.
Rəkɔ e-e ndje, e wü tə̂ e tə azü ə̂në e tshû mbrə nyaka gâ ye â sə də sorô mbrə Ndjapä, lə Jezu Kristə nə kɔ.
Ə də̂ əmə də̂ kə sə tə sorô kɔ ne, Kristə nə kə sə tə sorô nə lə əmə kɔ. Sorô ə̂në mə sə də nə kpəsəye tə əzü kɔ, mə sə də nə tə̂ äwä lɔsu əmə ə̂në mə zâ kə Ɨrɨ Ndjapä, ə̂në tshə yîndə əmə, ə̂në ə kâ tə̂ ye də ə̂tə̂ ye mbrə əmə kɔ.
Rəkɔ, e lï ndə kə pa e wəra tə̂ e tə̂ kə mbrə tə̂ e leme-e ətshinə kɔ ə verə angbrɔ kə sə e mata agba ləba gâ tʉ, ə̂në aəgo nə sə kə frɔ əzü ndə kə na də ətshə gâ tə̂ kuzu kɔ. E kätə̂ äwä kə Âgbɔ̂ Yîrə̂ tshə do kə wusə̂ ərə nə̂ e tə tafa nə. E yï tafa kə sə əzü gâ tə̂ e mata tafa ləba, ə̂në Ndjapä nə mbrə̂ gâ ye ə ko ətshə kɔ â ə̂në ə sə tə̂ äwä kə mbrə ərə də äwänə də kə sə kpî mbrə Ndjapä nə kɔ, Lïndə̂ djatra əpʉ.
E pä əpʉ əterə pä lə takpa tə̂ e ne, mbrə ə̂në e djɔ̂ tə̂ e lə angbrɔ kə sə e nə̂ əzü gâ ye də äwä kə mbrə tə̂ e gâ ye, â bale, e yî tafa kə sə əzü gâ tə̂ e gâ ye. Tafa kə sə e tə əzü nə sə kə do tə̂ ye alɔnɔ̂ tə tafa nə ndə kə pa ə ko Ndjapä, tə Awombrə əzü nə, kanika e wusə̂ Ndjapä nə tə ə̂rɔ̂nə. Ə̂në a lə ye, əpʉ Juwufu wala əzü ə̂në tshə sə sə tə Juwufu ne kɔ sə sə je kwatə̂ye ne, wala əzü ə̂në tshə wâ gandja gâ ye wala əzü ə̂në tshə wâ gandja wâ ne kɔ sə sə je kwatə̂ye ne, əpʉ atshângâ wala azü tshelə kpɔkɔ sə sə je kwatə̂ye ne, əpʉ akanga wala aamba azü sə sə je kwatə̂ye ne. Bale, kʉtə̂ əpʉ Kristə kə sə je, ə̂në tshə sə gâ pâ ərə nɔ̂ â sə tə̂ lɔsu azü nɔ̂ kɔ.
Filhos de Deus
Nascemos de novo pela Palavra viva de Deus. Quem crê em Jesus recebe o direito de se tornar filho de Deus, nascido do Espírito.
Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä. Əndje zû əndje zû tə̂ äwä ə̈ndjï, wala tə̂ äwä əgo əndu əzü wala tə̂ äwä ərə ə̂në tshelə əzü kə yində nə kɔ ne, bale əndje zû əndje tə̂ äwä Ndjapä.
A tɔ̈lɔ Ndjapä ə̂në tshə shê əzə̂ lə kuzu kɔ
A tɔ̈lɔ Ndjapä, Abä Âgbɔ̂ Əyïngerə nə̂ əzə̂ də Jezu Kristə! Tshə wû əyo əzə̂ ro pâ nə, â zû əndʉ əzə̂ tə̂ äwä kə she Jezu Kristə lə takpa tə̂ akuzu, ndə kə pa a za lɔsu əzə̂ gâ pâ ə̈bə̈ ərə ə̂në ə sə kə za sorô kə əzü kɔ. A sə kə ka mbrə aə̂rɔ̂ aərə ə̂në tshə gâmba gâ ye kɔ ə̂në ə ndɨ ndɨ tə̂ ərə ne wala ə̈bə̈ sə sə kə dja tshekotə̂ nə ne wala ə ro ro tə̂ ərə ne kɔ, ə̂në tshə bâta mâ lafɔ mbrə e kɔ,
Mbrə ə̂në əndje zû e kwatəndje gâ ye, ə də̂ lə angwa ə̂në ə tshu ə tshu kɔ də̂ ne, bale lə angwa ə̂në ə tshu tshu tə̂ ərə ne kɔ, tə̂ äwä Əpʉ Ndjapä ə̂në ə sə tə sorô ə daka pə piii kɔ.
Mata aə̂ngê aneshe, e mä əgo Əpʉ Ndjapä a pa də əgo djatra kʉtə̂ ə̂ngû angɔ, kanika, tə̂ äwä nə, e gerə ndə kə pa Ndjapä she e lə kuzu. Mbrə ə̂në, «e djî atshɔ ə̂rɔ̂tə̂ Âgbɔ̂ Əyïngerə gâ ye», mata ə̂në Fraka nə̂ Ndjapä pâ gâ ye kɔ.
E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne. Alaye ə̂në mə yində e ngbatshe kɔ, mandânə səye a sə tə aneshe nə̂ Ndjapä, â marä tə̂ kə sə əzə̂ nə te te pa ə wutu gashu ne. Bale, a wusə̂ nə ə pa, tə̂ alɔ kə gu Kristə nə, a sə kə sə a pa də ətshə, mbrə ə̂në a sə kə wu ətshə mata ə̂në tshə sə kɔ.
Bale, ə̂në alɔ nə lî gâ ye kɔ, Ndjapä nə wlâ Ɨrɨ nə, ə̂në yashe kə zû ətshə, tshekudu âgbɔ̂ əpʉ nə̂ Mayïzə kɔ, ndə kə pa tshə tshɔ azü ə̂në əndje sə tshekudu âgbɔ̂ əpʉ nə kɔ, kanika əzə̂ do tə̂ əzə̂ tə aləvu Ndjapä.
Bale, Ndjapä nə sə kə wu əyo azü ngbatshe â sə kə yində əzə̂ tə bandanə. Âdârə ə̂në, əzə̂ ə̂në a tshû mbrə aəmbrʉ aərə nə̂ əzə̂ nə gâ ye kɔ, tshə mbrə̂ əzə̂ də a-Kristə tə asorô gâ ye. Tə̂ äwä ə̂rɔ̂tə̂ Ndjapä də̂ e shê lə kuzu gâ ye kɔ.