13 किजोकि तीं मेरे एंत्रीं अंग बनेवरेन*;

तीं अवं अम्मरे पेटे मां बनाव।

14 अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,

तेरां कम्मां त हैरान केरनेबालन,

ते अवं एन रोड़ेच़ारे ज़ानताईं।

15 मेरो ढांचो तीं करां छ़पोरो न थियो,*

ज़ैखन अवं खुफिया ठैरी बनेवरो थियो,

तैखन मेरी हेड्डी तीं करां छ़ेपोरी न थी।

16 तेरी एछ़्छ़ेईं अवं तैखने लाहोरो थियो,

ते मेरे सब अंग ज़ैना रोज़ बनते गाते थिये तैना बन्ने करां पेइले

तेरी किताबी मां लिखोरे थिये।

5 "गर्भे मां रच़ने करां पेइले अवं तीं ज़ानताईं, ते पैदा भोने करां पेइले मीं तू च़ुनो; मीं तू कौमां केरो नबी ठहराव।"✝

9 पन तींए अवं गर्भे मरां कढोरोईं;

ज़ैखन अवं दुद्ध पीतो बच्‍चो थियो,

तैखने करां तीं मीं भरोसो रखनो शिखालो।

5 ज़ेन्च़रे तू हवारी *बत न ज़ानस ते एन न ज़ानस कि अम्मरे पेटे मां बच्‍चो केन्च़रे बेडोते*, तेन्च़रे तू सेभी चीज़ां केरे बनानेबाले परमेशरेरे कम्मन भी न ज़ैनी सकस।

9 यहोवा ज़ोते, कुन अवं ज़रमानेरे वक्ते तगर पुज़तां न ज़र्मेईं? तेरो परमेशर ज़ोते, अवं ज़ै गर्भ देताईं कुन अवं कोख बन्द केरि?

3 हेरा, बच्‍चे यहोवारे तरफां दित्तोरो हिस्सोए,

गर्भेरो फल तैसेरे तरफां फले।

17 किजोकि हर रोड़ू वरदान, ते हर रोड़ू दान इश्शे बाजी परमेशरेरे तरफांए, ज़ैनी सैरी लौआं (यानी दिहाड़ी चाँदनी, तारे) बनेइं। परमेशर हमेशा अक्‍कां ज़ेरोए, तै छावरो ज़ेरो न बेदलो।

27 ऐन तैन्ने मट्ठूए ज़ेसेरे लेई मीं प्राथना कियोरी थी; ते यहोवाए मेरे ज़ोनेरे मुताबिक मेरे लेई कियोरूए।

21 ज़ैखन कुआन्श बच्‍चो ज़ातीए त तैस बड़ी तकलीफ भोतीए, किजोकि तैसेरे दुखेरी घड़ी नेड़े पुज़ोरीए, पन ज़ैखन बच्‍चो ज़र्मते त एस खुशी मां कि दुनियाई मां अक मैन्हु पैदा भोवरोए अपनि तकलीफ बिस्सरी गाचे।

14 यीशुए ज़ोवं, "बच्‍चे मीं कां एजने देथ, तैन न ठाका, किजोकि सुर्गेरू राज़ एरां केरूए।"

16 तैखन यीशुए तैना बच्‍चे कुम्मे मां रेखां, तैन पुड़ हथ रेखतां तैन्न आशिर्वाद दित्तो।