13 किनकि तपाईंले नै मेरो अन्तस्करण बनाउनुभयो;

तपाईंले मलाई मेरी आमाको गर्भमा बुन्‍नुभयो।

14 म तपाईंलाई प्रशंसा गर्दछु; किनकि म भयानक र अद्‌भुत तरिकाले बनिएको छु;

तपाईंका कार्यहरू अद्‌भुत छन्,

म त्यो राम्ररी जान्दछु।

15 मेरो आकार तपाईंबाट लुकेको थिएन,

जब म पृथ्वीको गहिराइमा रचिँदै थिएँ;

जब म अदृष्यमा बनिँदैथिएँ;

16 तब तपाईंका आँखाले मेरो नबनिएको त्यो शरीरलाई देखे;

मेरा निम्ति तोकिएका दिनहरू तपाईंको पुस्तकमा लेखिएका थिए;

तीमध्ये एउटै कुरा पनि अस्तित्वमा आउनअगि सबै लेखिएका थिए।

5 "मैले तँलाई गर्भमा सृष्‍टि गर्नुभन्दा अगि नै तँलाई चिनिसकेको* थिएँ;

तँ जन्मनुभन्दा अगि नै मैले तँलाई अलग गरेँ;

अनि मैले तँलाई जातिहरूका निम्ति अगमवक्ताको रूपमा नियुक्त गरेँ।"

9 तपाईंले नै मलाई आमाको गर्भबाट निकाल्नुभयो;

म मेरी आमाको कोखमा बालक हुँदा नै

तपाईंले मलाई तपाईंमा भरोसा गर्ने तुल्याउनुभयो।

5 जसरी बतासको बाटो तिमी जान्दैनौ,

अथवा आमाको गर्भमा बच्‍चा कसरी बन्दछ बुझ्दैनौ;

त्यसरी नै तिमीले सबै थोक बनाउनुहुने

परमेश्‍वरका कामहरू बुझ्न सक्दैनौ।

9 के मैले प्रसव वेदनासम्म ल्याएर

पनि जन्मन दिन्‍नँ र?"

याहवेह भन्‍नुहुन्छ।

"के म जन्माउन लाउनेले,

गर्भलाई थुन्छु र?"

तिमीहरूका परमेश्‍वर भन्‍नुहुन्छ।

3 छोराछोरीहरू याहवेहले दिनुभएका उत्तराधिकार हुन्;

गर्भका फलहरू उहाँले दिनुभएका उपहार हुन्।

17 हरेक असल र सिद्ध दान माथिबाट अर्थात् स्वर्गीय ज्योतिका पिताबाट आउँछ, जो बदली रहने छायाजस्तो बदलिनुहुन्‍न।

27 मैले यही बालकका निम्ति प्रार्थना गरेकी थिएँ। अनि याहवेहले मैले उहाँसित मागेको कुरा मलाई दिनुभयो।

21 बालक जन्माउने बेलामा स्त्रीलाई पीडा हुन्छ; किनकि तिनको समय आएको हुन्छ, तर बालक जन्मिएपछि संसारमा एउटा बालकको जन्म भएको छ भन्‍ने कुराको हर्षको कारण तिनले त्यस वेदनालाई बिर्सन्छिन्।

14 येशूले भन्‍नुभयो, "साना बालबालिकाहरूलाई मकहाँ आउन देओ, र तिनीहरूलाई नरोक; किनकि स्वर्गको राज्य यस्तैहरूका लागि हो।"

16 अनि उहाँले बालबालिकाहरूलाई काखमा लिएर आफ्ना हात तिनीहरूमाथि राखेर तिनीहरूलाई आशिष् दिनुभयो।