Nascimento de bebê

13 काबरकि तेंह मोर भीतरी भाग ला बनाय हस;

तेंह मोर दाई के गरभ म मोला एक संग जोड़े हस।

14 मेंह तोर परसंसा करथंव काबरकि मेंह भयानक अऊ अद्भूत रीति से बनाय गे हवंव;

तोर काममन अद्भूत अंय,

मेंह ओला बने करके जानथंव।

15 जब मोला गुपत जगह म बनाय गीस,

जब मोला धरती के गहरई म एक संग बुने गीस,

त मोर ढांचा ह तोर ले छुपे नइं रिहिस।

16 तोर आंखी ह मोर बिगर आकार के देहें ला देखिस;

मोर देहें के अंग, जऊन मन बनत जावत रिहिन,

ओमन रचे जाय के पहिले तोर किताब म लिखाय रिहिन।

5 "गरभ म रचे के पहिले ही मेंह तोला जानत रहेंव*,

तोर जनम के पहिले ही मेंह तोला अलग करे हंव;

मेंह तोला देस-देसमन बर अगमजानी ठहिराय हंव।"

9 तभो ले तेंह मोला गरभ ले बाहिर लानय,

जब मेंह दूध पीयत लइका रहेंव, तब ले तेंह मोला तोर ऊपर भरोसा करे बर सिखोय हस।

5 जइसे कि तुमन हवा के रसता ला नइं जानव,

या ये नइं जानव कि दाई के गरभ म लइका के देहें ह कइसे बनथे,*

ओही किसम ले तुमन परमेसर के काम ला नइं समझ सकव,

जऊन ह कि जम्मो चीज के बनानेवाला ए।

9 का में लइका जनमाय के समय ला लाथंव

अऊ लइका ला पईदा होवन नइं दंव?"

यहोवा ह कहत हे।

"जब में लइका जनमाय के समय ला लाथंव

त का में कोख ला बंद कर देथंव?"

तुम्हर परमेसर ह कहत हे।

3 लइकामन यहोवा के दुवारा दिये गय भाग होथें,

लइका ह ओकर कोति ले दिये गय एक ईनाम ए।

17 काबरकि हर एक बने अऊ उत्तम बरदान स्वरग ले आथे अऊ परमेसर ददा, जऊन ह अंजोर ला बनाईस, ओकर कोति ले, ये बरदान ह मिलथे, अऊ ओह बदलत छइहां सहीं नइं बदलय।

27 येह ओ लइका ए, जेकर बर मेंह पराथना करे रहेंव, अऊ यहोवा ह मोला मोर मुहूं मांगा बर दे हवय।

21 जब एक माईलोगन ह लइका जनथे, त ओला पीरा होथे काबरकि ओकर बेरा ह आ गे हवय; पर जब ओला लइका हो जाथे, त आनंद के मारे कि एक लइका ह संसार म पईदा होईस, ओह पीरा ला भुला जाथे।

14 यीसू ह कहिस, "छोटे लइकामन ला मोर करा आवन दव, अऊ ओमन ला झन रोकव काबरकि स्वरग के राज ह अइसने मन बर अय।"

16 अऊ ओह लइकामन ला अपन कोरा म पाईस अऊ ओमन ऊपर अपन हांथ रखके ओमन ला आसीस दीस।