Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
जसिन येशू ख्रीष्टके स्वभाव रहिन, ओस्तेहेँ स्वभाव तुहुरिन्केमे रहे परत। ऊ परमेश्वर रहिँत, तभुन फेन ऊ परमेश्वरके बराबरी हुइना बातहे एकथो पकरले रना चिज हस नै सोच्लाँ। पर येशू सक्कु चिज छोरदेलाँ, और नोकरके रुप धारण करलाँ, और ऊ एकथो मनैया बनगिलाँ। और मनैयक रुपमे देखा परके अपनहे नम्र बनैलाँ। और परमेश्वरके आज्ञा मानके ऊ मुअक लग फेन तयार रहिँत। और एकथो अपराधीक हस क्रूसके मृत्यु फेन सहलेलाँ।
पर जब उ समय आइल, जोन समयक योजना परमेश्वर बनैले रहिँत। तब परमेश्वर अपन छावाहे अप्निहीँ यी संसारमे पठैलाँ, और ऊ एकथो मनैयक रुपमे जलम लेलाँ। और ऊ एकथो यहूदिक रुपमे जलम लेलाँ, और मोशक नियम कानुनके पालन करिँत। ताकि ऊ ओइन्हे स्वतन्त्र करे सेकिँत, जेने मोशक नियम कानुनके अधिनमे रहिँत। और परमेश्वर हम्रिहिन्हे अपन सग्गे लरका बनालेलाँ।
काकरेकी परमेश्वर जेनहे छाईछावा कहिके कलाँ, ओइने मनै हुइँत। येशू हरेक मेरसे हमार हस हुइलाँ, और मनैया होके अइलाँ ताकि हुँकार मृत्युक माध्यमसे, मृत्युक उप्पर अधिकार रहल शैतानहे नाश करे सेकिँत। तबेकमारे मुए परी कना डरकमारे जीवनभर गुलाम हस होके जिअल मनैनहे येशू मुक्ति देलाँ।
तबेकमारे हरेक बातमे येशूहे दोसुर मनैनके हस बने पर्लिन। अस्तेहेँके ऊ परमेश्वरके दयालु और विश्वासयोग्य प्रधान पुजारी बन्लाँ। ताकि हुँकार बलिदानसे मनै अपन पापमेसे माफी भेटाई सेकिँत।
काकरेकी परमेश्वर संसारके मनैनहे असिन प्रेम करलाँ कि ऊ अपन थेन रलक एक्केथो किल छावाहे दैदेलाँ, ताकि हुँकारमे विश्वास करुइया केऊ फेन नाश ना होए, पर ऊ सदाकालके जीवन भेटाए।
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
येशू ख्रीष्टके जलमसे आघे असिके हुइल: मरियमके ठकौनी योसेफके संग हुइल रहिस, पर ओइन्के भोज हुइनासे आघे कुँवारीएमे मरियम पवित्र आत्मक शक्तिसे पैनाहाँ हुइलक पता चलल। (कुँवारीएमे पैनाहाँ हुइना मोशक नियम कानुनके विरोधमे रहे।)
पर जब ऊ यी बात विचार करतेहे, तब ओकर सपनामे परमेश्वरके स्वर्गदूत देखा पर्लिस, और उहिहे असिक कलिस, "योसेफ, दाऊदके सन्तान, मरियमहे अपन जन्नीक रुपमे स्वीकार करक लग जिन डराऊ। काकरेकी जे ओकर पेटमे बताँ। ऊ पवित्र आत्मक शक्तिसे हुइताँ। ऊ एकथो छावा लरका पाई, और तुँ हुँकार नाउँ येशू धरहो। काकरेकी ऊ अपन मनैनहे ओइन्के पापमेसे बँचैहीँ।" यी सक्कु यकर लग हुइल ताकि उ पूरा होए, जोन परमेश्वर अपन अगमवक्ता यशैयक माध्यमसे येशूक जलमके बारेमे कहल रहिँत। यशैया असिके लिखल रहे:
"हेरो, एकथो कन्या पैनाहाँ हुई,
और ऊ एकथो लरका पाई,
और हुँकार नाउँ इम्मानुएल धारजाजाई,
जेकर मतलब हो, ‘परमेश्वर हमार संग।’"
योसेफ निंदेमेसे जागगिल और ओस्तेहेँके करल जसिके परमप्रभुक स्वर्गदूत उहिहे अह्राइल रहिस; ऊ मरियमसे भोज करलेहल और उहिहे अपन घरे लयानल। मरियम लरका नै पाइतसम योसेफ ओकर संग शारीरिक सम्बन्ध नै धारल। और योसेफ उ लरकक नाउँ येशू धारल।
स्वर्गदूत उहिहे कलिस्, "जिन डराऊ मरियम! काकरेकी परमेश्वरके दया तोहाँरमे बा। आब हेरो तुँ पैनाहाँ हुइबो, और एकथो छावा लरका पैबो, और तुँ हुँकार नाउँ ‘येशू’ धरहो। ऊ महान हुइहीँ और परमप्रधानके छावा कहलाजिहीँ, और परमप्रभु परमेश्वर हुँकिन्हे हुँकार पुर्खा दाऊद रज्वक हस रज्वा बनैहीँ। ऊ याकूबके सन्तानके उप्पर सदादिन रज्वा बनके राज करहीँ, और हुँकार राजके कबु अन्त्य नै हुई।"
योसेफ फेन गालील प्रदेशके नासरत गाउँ ओहोँरसे यहूदिया प्रदेशके बेथलेहेम कना दाऊदके गाउँमे गैल। काकरेकी ऊ दाऊदके परिवार और वंशक रहे। ऊ अपन संग ठकौनी हुइल लौँदी पैनाहाँ मरियमहे लेके जनगणनक लग गैलस। जब ओइने बेथलेहेम गाउँमे रहल समयमे ओइन्के लग वहाँ रहक लग पाटीपौवामे कौनो ठाउँ नै रहिन। तबेकमारे ओइने घारीमे रलाँ। जब मरियमके लरका पैना समय आइल। तब ऊ अपन बरका छावाहे पाइल। ऊ अपन लरकाहे लुग्गक झेन्द्रामे सेहँरल, और उहिन्हे डोँरवामे सुतादेहल, जेम्ने मनै गोरुनहे सानि दरथाँ।
पर स्वर्गदूत ओइन्हे कहल, "ना डराऊ, काकरेकी हेरो मै तुहुरिन्हे महा आनन्दके खुशीक खबर सुनैम, जोन सक्कु मनैनके लग हुई। आज दाऊद रज्वक गाउँ बेथलेहेम गाउँमे तुहुरिन्के लग एकथो मुक्तिदातक जलम हुइल बा, जे ख्रीष्ट प्रभु हुइताँ। तुहुरे एकथो लरकाहे लुग्गामे सेहँरल, और डोँरवामे सुताइल भेटैबो। यी चिन्हासे तुहुरे जानजिबो कि ऊ लरका के हो।"
जब स्वर्गदूतनके ओइन्से विदा होके स्वर्गमे गैलाँ, तब भेँरी चह्रुइया भेँरहुवन आपसमे कलाँ, "आऊ, हम्रे बेथलेहेममे जाई, और यहाँ हुइल बात और हम्रिहिन्हे प्रभुक बतैलक बात जाके हेरी।" ओइने जुरतेहेँ गैलाँ, और मरियम, योसेफ और लरकाहे भर डोँरवामे सुतल भेटैलाँ। जब भेँरी चह्रुइया भेँरहुवन यनहे देख्लाँ, तब ओइने जहाँ-जहाँ गैलाँ, वहाँ उ सक्कुहुनहे उ बात बतादेलाँ, जोन बात स्वर्गदूतनके उ लरकक बारेमे ओइन्हे कले रहिन। भेँरी चह्रुइया भेँरहुवनके कहल बात सुनुइया सक्कु जहनहे अचम्म लग्लिन।
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
राजपाल पिलातस येशूहे कहल, "का तुँ रज्वै हुइतो ते?" येशू जवाफ देलाँ, "अप्नि कहती कि मै रज्वा: मोरिक जल्मना कारण और संसारमे अइना कारण यहे हो कि मै सच्चाइक बारेम गवाही देहे सेकुँ। सच्चाइहे मनुइयन मोरिक कलक बात मन्थाँ।"
तब् रज्वक बात सुनके ओइने अपन देश घुमगिलाँ। डगरमे ओइने वहे तोरैयाँ देख्लाँ, जोन तोरैयाँहे ओइने पूरुव ओहोँर अपन देशमे देखल रहिँत। जब ओइने उहिहे देख्लाँ ते ओइने गजब खुशी होगिलाँ। उ तोरैयाँ ओइन्के आघे-आघे गैल, और लरका रहल घरक सोझे जाके उ तोरैयाँ रुकगिल। तब् घरक भित्तर जाके ओइने लरकाहे हुँकार दाई मरियमके संग देख्लाँ ते ओइने घोपत्या होके हुँकार आराधना करलाँ। तब् अपन सुरकैना ठैली खोलके हुँकिन्हे सोन, सुगन्धित धूप और मूर्र तेलके दान चह्रैलाँ। तब् हेरोद रज्वक थेन फिर्ता ना जाँइत कना सपनामे चेतावनी पाके ओइने हेरोद रज्वाहे बिना बतैले दोसुर डगर ओहोँरसे अपन देशमे घुमगिलाँ।