Nascimento de Jesus

O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.

O Verbo se fez carne

Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.

O anúncio e o nascimento

O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.

Giidä yen Yeecüwa Macii

18 Aŋ giidä yen Yeecüwa Macii näŋŋä ḍoŋe kä waan yaanni ogo aŋŋi. Wääna meen Märïyam wuuke daa Yuucip ye, i mor iken yoken batta coorgu, kañi me cääyge Minneni kä Wääktäŋ Laṇṇä yen Jooŋ.

Mateus 1:18

20 Aŋ wääna ike paydee kä aŋan ye, i malak yen Pïṭo üükïn woo ike ti kä lääggï, aŋ ike kiini ogo, "Yuucip, minneni Daawüüt, ŋana ïkï booju kä koownu Märïyam ogo ïïŋü, a Wääktäŋ Laṇṇä ken ina laaccee kä yaanna. 21 Aŋ ike bi giit Minneni, aŋ bi äkkä yäṇtäŋ ogo Yeecüwa a yaana bi määkee kä woo mä yeeke kä nääŋken yaacken ye."

22 Aŋ yaakki muure näŋŋä ḍuuggen ḍääkit jiik’a jaayi Pïṭo kä bäṭo ye ogo,

23 "Yoore, ṭuul yaana kücï oon ye, bi laacï

aŋ bi giit Minneni,

aŋ bi battä me ogo Ïmaanuwel,"

aŋ naana aŋan ye, i ogo, "Jooŋ ke ïkïïn."

24 Aŋ wääna Yuucip cuuyenee kä nïïnkä ti ye, ike näŋjin bata yaana daa kiinene daa malak yen Pïṭo ye, aŋ iiŋe koowne, 25 aŋ yoken batta agene kä coorgin ke iiŋe giide Minneni. Aŋ äkki Yuucip ogo Yeecüwa.

Mateus 1:20-25

30 Aŋ kiini malak ogo, "Märïyam, ŋana ïkï booju, ïkï käññi ŋerrä Jooŋ ti. 31 Aŋ ïkï bi laacci aŋ ïkï bi giidä Minneni, aŋ bi äkkä ogo Yeecüwa. 32 Aŋ bi yäwaŋ aŋ bi battä me ogo Minneni Jooŋ yaana Küülaŋ kä Yaac ye, aŋ bi mükkünü Pïṭo Jooŋ nook mügdïn yen daan wäyen Daawüüt, 33 aŋ kaaynä Yaagüüp bi müge ke cüle, aŋ Yätkïtïn yeene batta bi düñü!"

Lucas 1:30-33

4 Aŋ Yuucip üŋü Jalïïl baan mä Naacira atï Yühüdïya baan mooye yätkä Daawüüt nänṭ’a battä me ogo Beetlaam ye, kä yaana ike agee kä kaaynä Daawüüt aŋ a mä yeeke ye. 5 Ike atï yoken pergä ke ṭuul Märïyam yaana yüṇṇe i laajï ye. 6 Aŋ wääna cääyene Beetlaam ye, nïïnkä yeeke yek giidä päjjin. 7 Aŋ giiṇṇä kaygon yeene a oon aŋ käṇṇe yok kä burŋu aŋ maaṭṭe kuun yaana äämene me ḍiik ye jï, nääŋka iken batta agene kä käñin kä än yaana kaacene kä jï ye.

Lucas 2:4-7

10 Aŋ kiini malak ogo, "Ŋana ikee booje! Ikee päkkede Jiik Ŋerkä yaaka me muure juuggen bi ñabene ñap kä yaac ye. 11 Wïïrïn jïñe yaanni ti tiññaŋ ikee gitkene me Minneni yaana mäkï me ye baan mooye yätkä Daawüüt ti, aŋ Ike a Pïṭo Macii. 12 Aŋ gin’a bi nüütï ŋïje daa kä ye inni, Minneni bi miike a käton yok kä burŋu aŋ a maaṭon kuun yaana äämene me ḍiik ye jï."

Lucas 2:10-12

15 Aŋ wääna mañjene daa ïñï malaŋŋi aŋ ḍukcene polloŋ jï ye, i kaaydoni luugjin pääken ogo, "Ääte atïn Beetlaam jiik yaaka näŋŋä ḍuuggen nüütkïnïn kä Pïṭo ye, ookïn."

16 Aŋ attä kä bïraŋ, aŋ Yuucip ke Märïyam wääti i Minneni a maaṭon kuun yaana äämene me ḍiik ye jï. 17 Aŋ wääna Minneni yoorene daa ye, me päkki jiik’a nüütkene daa malak ogo Minneni ye. 18 Aŋ me muure yaaka tiiŋŋä ye, witken ḍiiktin kä jiik kaaydoni.

Lucas 2:15-18

O Rei que veio servir

Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.

9 Aŋ wääna tiiŋŋene jiik yätkä ye, i iken ättä kä päy yeenen. Aŋ kiṭṭä yaana yoori ina üükïn woo, aŋ iken wooyi ke yuutee ïñï nänṭä Minneni. 10 Aŋ wääna kiṭṭä yooṭene daa ye, iken juuggen ñappä kä jon ñammä mooye! 11 Aŋ iken kaaccä äräk aŋ Minneni yoori ke meen Märïyam, aŋ ḍüŋgï ïñï aŋ maaŋi. Aŋ iken kücümgü yeeken kupki aŋ ääcin woo iccinni a tiilgä ke ḍukpïlkä ke panḍeyni. 12 Aŋ iken koli Jooŋ kä lääggï ogo ŋana ḍukcodo Ïïrüüdüc ti. Aŋ iken ḍukcin baannen kä päy yaŋkalaŋ.