Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Tina ɛ boo Ndjambe apala ngondo obuke apa Mwana ɔ nde ɔ ikinda bɛngɛ moto na moto omodhimealea atagwa endolo adihe mohelo ma kɔbili.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Obotama ba Yesu Klisto
Hokea moda mabotama Yesu Klisto. Malia, nango, apandamaka na Yosepu boo amoosɛ; endolo boso baodjebana mwali na moomi, Malia alwa deemi na ndjia ɛ Mwembo Mosɛnɔke.
Oko ta ehole ɛdaka yo alɛdja modjɔ mua, obwɛndi ɔ Kumu aenɛmɛ na nde ta ndjɔti ko abala na nde boo: «Yosepu, motitani ɔ Davidi, pɛpɛ oda na bɔɔ ba osɔɔ Malia mwali ɔ wɛ, tina ɛ boo deemi ilidii na nde idongi odii Mwembo Mosɛnɔke. Abotalea mwana moomi ko omobakealea kombe ɛ Yesu, tina ɛ boo edii yo moto oheledjalea bato ba nde ta masumu ma bobo.»
Midjɔ mia misusu makɔɔmɔ tina ɛ okokedja ebaeli ɛbala Kumu na ndjia ɛ motɛli:
«Moseka mwali ɔ pɛpɛ odjeba baami alwalea deemi ko abotalea mwana moomi,
bamobealea Emanuɛlɛ.»
Kombe ena etingodjai boo: «Ndjambe engbanga na su».
Ehole ɛongɔɔ Yosepu ta hiɔ, akɔɔ midjɔ misusu oko moda imabala obwɛndi ɔ Kumu na nde. Atomba mwali ɔ nde Malia ta ndako ɛ nde. Endolo aiputoana na nde mbunoko ehole ɛbota Malia mwana moomi, Yosepu amobakea kombe ɛ Yesu.
Obwɛndi abala na nde boo: «Pɛpɛ obanga, Malia, tina ɛ boo, Ndjambe aoinedjai bwela ba nde. Hokea: olwalea deemi, obotalea mwana moomi ona olalea wɛ kombe ɛ Yesu. Adabi moto monɛnɛ ko abeamabi Mwana ɔ Ndjambe Oonɔi Diko, ko Kumu Ndjambe amopabi ngbɛndɛ ɛ taata nde Davidi, ko ekumu ɛ nde diko la bato ba Isalaele edɛtebi na suka.»
Yosepu koko adonga ta Nasalɛta, ibonga la Galilai, tina ɛ okɛ ta Yuda, ta Bɛtɛlɛmɛ ta esika ɛbotama Davidi; tina ɛ boo Davidi adaka taata nde, bɛngɛ boo asakomedjae engbanga na Malia ona ɔboanedjamaka boo amobale, ona ɔdaka na deemi. Ta ehole ena ɛdaka bo ta Bɛtɛlɛmɛ, iswi la nde la obota lakoka. Ko abota mwana ɔ nde moomi ɔ boso. Amodinga na bisendja ko amosambea ta esika ɛ eyakeli ɛ bingbɛndɛ, tina ɛ bo esika ɛtaka tina ɛ bobo ta ndako ɛ bakɛndɛli.
Endolo Obwɛndi abala na bu boo: «Pɛpɛ obangani, tina ɛ boo, naolwɛini gala epele esepedjalea bato basusu: ta bulu buu ta ibonga la Davidi, tina ɛ boono Moheledja abotami; yo Klisto, Kumu! Ko hokeani embete emodjebalea na nu: otanealeani mwana mopu ahuami na bisendja ko asambi ta eyakeli ɛ tito.»
Babanei ba tito bakɛi ta Bɛtɛlɛmɛ
Ehole ɛsɔmbɔ babwɛndi ta busa, babanei ba tito basabaleana boo: «Na bea lakɛɛ mbunoko ta Bɛtɛlɛmɛ: eboani na su boo laenɛ mua mosakɔɔmɔ oho, imolodjebedjai Kumu.» Bakɛɛ pɛpɛlɛ ko batanea Malia na Yosepu na mwana mopu asambi ta eyeeli ɛ tito. Ɔenɛ bo mwana, badjebedja midjɔ misusu imabala obwɛndi ta tina ɛ nde. Bato basusu ibaoka midjɔ mia ta minɔkɔ ma babanei ba tito bakamoa.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Bea Pilato abala na nde boo: «Bea odii kumu?» Yesu amosɔmbɛdja boo: «Wɛ moto obali boo: nadii kumu. Nabotama ko nadoa ta ngondo bɛngɛ napɛ tati diko la sooti. Moto na moto ona odii ta sooti akaoke bibaeli ba mbai.»
Ngɔngɔ dja ooka bibaeli ba kumu, bakɛɛ. Baenɛ koko mondjɔtɔ ona oɛnɛ bo dɔngɔ ikaimane diso la busa. Mondjɔtɔ ona adalaka boso ba bobo mbunoko ehole ɛema yo diko la esika ɛdaka mwana. Ehole ɛenɛ bo koko mondjɔtɔ ona, baluma na sepi enɛnɛ. Baimea ta ndako ena, baenɛ mwana na nango, Malia. Bakwa magunda tina eokumedja mwana; ngɔngɔ djia badipoa bhodjo dja bobo, bamopa bipeeli bii: ɔɔlɔ, malasi ma otumba, na miile. Ngɔngɔ djia, Ndjambe abakebedja ta tei ɛ ndjɔti boo badae koko pɛpɛ osɔmbɔ odii Elode, batomba ndjia ekina bɛngɛ bayane ta ngando ɛ bobo.