Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Ngini ninga 'akala re sinyingara balasu ma tero sa’olo Kristus Yesus 'ai 'akala re sinyingara:
Yesus ma tero ra Ma Jou’ongu Madutu,
mada’a 'Ai ḏe-ḏegoro gena-ge, Yesus 'o matahana ua.
Mada’a Unanga 'a sieanga,
di’a sanga ḏe-ḏegoro sa’olo budaka matengo re
Unanga 'o dadi sa’olo manusia.
re 'Ai rupa wa oḏi’i i’a ma tero sa’olo manusia,
Unanga 'o maholo 'Ai diri, re 'O 'ahu mete’e mode-mode’e ra Ma Jou’ongu Madutu singadolo ngowa’a 'U sisengene:
Unanga 'U sisalib ma tero sa’olo ngowa’a ma jira.
Mada’a wakutu ma 'orasa ri ngadolo, ga’a Ma Jou’ongu Madutu ro sitantukanga pasala ḏua, Unanga 'o siḏingoto 'ai Ngowa’a Nau’u sapolo toma dungia. Re we-were’a matengo mu sibuoro Unanga. Sababu gena-ge sa’olo ngowa’a Yahudi, Unanga balasu 'o ta’aloko ra Musa 'ai hukumu. Unanga 'o sapolo di’a 'O tuusu ngowa-ngowa’a ga’a Musa 'ai hukumu 'i parenta manga 'ahu, la ngene nyengara wo dadi Ma Jou’ongu Madutu 'ai ngowa-ngowa’a nau’u.
Ngowa-ngowa’a ga’a Ma Jou’ongu Madutu 'o si’aro’o 'Ai ngowa-ngowa’a, ananga gena-ge manusia remanga lese. Sababu gena-ge, Yesus 'o dadi ngowa’a manusia matengo ma tero sa’olo ngene, la 'ai se-sengene 'i singi-ngiranga 'Iblisi ma kuasa. 'Iblisi gena-ge 'i sigasa manusia toma sengene. Ma duhu gena-ge, Unanga 'a sibebasa ngene toma basono mojongo sengene ma kuasa, ga’a ri kuasa ngene nanga 'ahu. Ngene wo mojongo maut ma tero sa’olo budaka matengo 'o mojongo 'ai tuanga.
Sababu gena-ge, Yesus balasu 'o dadi manusia matengo ma tero sa’olo ngene, 'Ai ioronongoḏu, kama ma’u rapu ua. Ma duhu gena-ge, Unanga nyengara 'o dadi 'Imam 'Agung ga’a 'o sijumu 'Ai 'akala re sinyingara ma la-la re 'O cufala munara di’a siḏagi Ma Jou’ongu Madutu 'ai munara, la 'O singi-ngiranga ngene tananga ḏosa.
Yesus 'o sapolo di’a sisalamata manusia
Ma Jou’ongu Madutu 'o dadalara manusia toma dungia ma tero so’o ne: Unanga ro 'utusu 'Ai Ngowa’a Nau’u pa’i matengo, la 'a guna ḇato 'o ngaku 'Ai Ngowa’a Nau’u gena-ge, 'o iranga ua kasingado-ngadolo i’a, mada’a 'o sanga 'ahu kasingado-ngadolo i’a.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Sibuoro 'a Yesus
Sibuoro 'a Yesus Kristus ma jarita so’o ne: Yesus 'ai ngina ga’a 'ami lomanga ngo Maria, munanga Yusuf 'ai ga-ganau. Mada’a wakutu ananga 'aḏi ma’u molo’ara nyangu, ngo Maria 'ami po’olo ri tegoro sababu Ma Ngagara 'Ofi-'Ofi ma kuasa.
Wakutu 'a Yusuf 'o matakasiri hali gena-ge, unanga 'o nanele. Tai nanele ma dara, unanga 'o oḏi’i Ma Jou’ongu Madutu 'ai mala’ekata matengo ga’a 'o kanau ra unanga ma betongo so’o ne: <<Yusuf, 'Olana Daud 'ai ju’uda, mojongo awa molo’ara ngo Maria, sababu 'ami la’ekata tami po’olo gena-ge ma dara 'i dadi mete’e Ma Ngagara 'Ofi-'Ofi ma kuasa. Maria ḏuanga i’a mo sibuoro ngowa nau’u matengo. Ngowa kiau gena-ge ngana balasu no silomanga 'a Yesus, sababu Unanga nena-ne ḏuanga i’a 'O sisalamata 'Ai ngowa-ngowa’a tamanga ḏosa.>>
Mo-moini gena-ge 'i dadi so’o gena di’a sitotomo 'oru ga’a Ma Jou’ongu Madutu 'ai nabi-nabi raḏi kanau pasala ḏua so’o ne: "We-were’a matengo mo waro nau’u nyangu, ḏuanga i’a 'ami po’olo tegoro, re mo sibuoro ngowa nau’u matengo. Ngowa kiau gena-ge ḏuanga i’a silomanga Imanuel" -- ga’a ma ngale: Ma Jou’ongu Madutu mamete’e ra ngene.
Wakutu 'a Yusuf 'o momi’i, unanga 'a si’a’a mete’e sa’olo mala’ekata 'o kanau ra unanga. Dadi unanga 'o molo’ara ngo Maria. Mada’a ngo Maria mo sibuoro 'ami ngowa nau’u gena-ge nyangu, 'a Yusuf so’o mi dongotu i’a ua. Re wakutu munanga mo sibuoro ngowa nau’u gena-ge, Yusuf 'o silomanga Unanga Yesus.
Ḏua mala’ekata matengo gena-ge 'o kanau i’a ra munanga, "Maria, mojongo awa! Sababu Ma Jou’ongu Madutu 'o sanangi ra ngana singadolo 'o sitantukanga ḏua pula’a 'Ai cocatu ra ngana. Ngana ḏuanga i’a rani lese re no maḏe-ḏegoro i’a ngowa’a nau’u matengo re ngana balasu nu silomanga unanga Yesus. Unanga ḏuanga i’a 'o dadi lamo’o re ngowa-ngowa’a ḏuanga i’a 'aḏi si’aro’o Unanga Ma Jou’ongu Madutu toma Gau’u 'ai Ngowa’a Nau’u. Ma Jou ga’a Ma Jou’ongu Madutu ḏuanga i’a 'o sidadi Unanga sa’olo 'Olana, ma tero sa’olo 'Olana Daud, Unanga 'ai ete re dotumu 'ua re 'au wali. Re Unanga ḏuanga i’a 'o parenta sa’olo 'olana nena re si’a toma ngowa-ngowa’a manga ju’uda ra Yakub ino. 'Ai pareta kama ḏo-ḏogumu ua."
'A Yusuf 'o sisoi’i tala limau Nazaret toma daeraha Galilea re ngo Maria unanga 'ai ga-ganau mo mete’e, toma 'orasa gena-ge munanga rami lese ḏua. Ananga 'aḏi tagi toma daeraha Yudea toma limau Betlehem, 'Olana Daud 'ai dola’a ututu ma ngi’i. Yusuf balasu 'a silefo 'ai lomanga toma limau Betlehem sababu unanga 'ai 'asala ra 'Olana Daud ino. Wakutu ananga toma limau Betlehem moju ngo Maria mi 'orasa maḏe-ḏegoro i’a ri ngadolo. Munanga mo sibuoro ngowa’a nau’u matengo ngowa ma jomolo, 'u sao reo ḇa’a kara 'u sigare toma haiwani ma ngo-ngoromo ma ngi’i, sababu 'aḏi sanga ngi’i riwara di’a 'aḏi masiḏingoto.
Mada’a mala’ekata gena-ge 'o kanau, "Mojongo awa! Sababu ngoi to sapolo to singadolo habari la-la ra ngini. Habari nena-ne ḏuanga i’a 'i gasa roanga masala toma ngowa’a mo-moini: Wangere nange-ne toma limau ga’a 'Olana Daud 'ai dola’a ututu ma ngi’i, sibuoro ḏua ninga Salamata ma Cimi, Unanga gena-ge 'O Kristus, Ma Jou. Ma didina’o nena-ne mangale ma demo 'i banari: Ngini ḏuanga i’a ni tagi re sanga i’a ngowa kiau matengo 'u sao reo ḇa’a re 'u sigare toma haiwani ma ngo-ngoromo ma ngi’i."
Togumu i’a mala’ekata-mala’ekata gena-ge ya sisoi’i tala re 'aḏi maḏibo toma soroga, kara sowohi-sowohi 'aḏi makanau matengo re matengo, "Ino, ngene wo si’a toma Betlehem, la wo oḏi’i 'oru ga’a 'i dadi ḏua ma tero sa’olo Ma Jou’ongu Madutu 'o siajele ḏua ra ngene."
Dadi ananga jau-jau 'aḏi tagi ḏua re 'aḏi sanga i’a ngo Maria, 'a Yusuf re ngowa kiau gena-ge ya sigare toma haiwani ma ngo-ngoromo ma ngi’i.
Wakutu sowohi-sowohi gena-ge 'aḏi oḏi’i ngowa kiau gena-ge ḏua ya sijarita mangale 'oru ga’a mala’ekata 'o siajele ra ananga pasala ḏua singadolo ngowa’a mo-moini matai heranga ya 'isene sowohi-sowohi manga jarita.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Ḏua Pilatus dadunu sano moju, "Na’o so’o gena, Ngana nena-ne 'olana?"
Yesus 'o sangoro, "Ngana masiretene no aje, Ngoi nena-ne 'Olana, re 'ani demo 'i banari. 'Ari ngina sibuoro Ngoi re ngoi to sapolo toma dungia nena-ne, di’a maksudu rimoi ḇato: di’a To pula’a sakisi mangale 'ori i’a ga’a ba-banari. Ngowa’a mo-moini ga’a 'aḏi disa ba-banari, ananga gena-ge 'aḏi mete’e Ngoi 'ari do-doto’o."
Dadi, ngowa’a Majus gena-ge 'aḏi tagi. Tamanga ḏo-ḏagi toma gamu Betlehem, ananga 'aḏi oḏi’i ḏi’i mumuḏungu ga’a ananga ya oḏi’i toma wangere ma la’o pasala ḏua. Ananga manga 'akala re sinyingara 'i roanga masala, sababu ya oḏi’i mumuḏungu ḏi’i gena-ge! Mumuḏungu gena-ge 'i tagi tamanga biono, singadolo 'i togumu toma wala ma re’u ga’a 'age ngowa 'olo gena-ge 'ai ngi’i. Wakutu ananga 'aḏi osama toma wala ma dara, ananga 'aḏi oḏi’i Unanga gena-ge Rai ngina ngo Maria. Re ananga 'aḏi mapagara manga biono tala re silamo’o re siḏubuso Unanga. Gena ḏua, ananga ya welanga manga harata ma burua, re ya pula’a manga bu-bula’a ra Unanga. Manga bu-bula’a guraci, manyanyi, re mur. Tamanga nanele ma dara, Ma Jou’ongu Madutu 'o sipo-poma ra ananga, la 'aḏi ḏibo ma’u sanga rawara ra 'Olana Herodes. Dadi ngowa’a Majus gena-ge 'aḏi ḏibo malalo’o mete’e ngo’omo lelegu.