Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
ಕ್ರಿಸ್ತ ಯೇಸುಮ ಥೋತೆ ದಿಲ್ ತುಮಾರಮಾಬಿ ರ್ಹವಾದೆ.
ಯೋ ದೇವ್ನೊ ರೂಪ್ವಾಳೊ ಹುಯೊ,
ಕತೋಬಿ ದೇವ್ನಿ ಸ್ವರೂಪ್ನ ಬರೋಬರ್ ರ್ಹಯುತೋಬಿ ಮಹಾನ್ ಪದವಿನ ಮ್ಹೇಲುಕೊಯ್ನಿಕರಿ ಬೋಲಿನ್,
ಇನುಯೋಸ್ ಖಾಲಿ ಕರಿಲೀನ್
ದಾಸನು ರೂಪ್ನ ಫೇರಿಲಿನ್ ಅದ್ಮಿನಿಘೋಣಿ ದೆಖೈಲಿದೊ.
ಇನೆ ಇನುಯೋಸ್ ಹೇಟು ಹುಯಿನ್ ಮರಣ್ಣಖ್ಹಾಜೆ ಕತೊ
ಶಿಲ್ಬೇನಿ ಮರಣ್ಣಾಬಿ ಛೀಮಯೆತ್ರೆ ಹೇಟೊ ಹುಯೊ.
ಕತೋಬಿ ಬರಬರ್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್ಲ್ಯೊ.ಯೊ ಏಕ್ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್ಮ ಆಯೊ. ಅನೇಥಿ ಯೊ ಧರ್ಮಶಾಸ್ತ್ರನಿ ಚ಼ಪ್ಪಣ್ಮ ರ್ಹವಾಳನ ಛೋ಼ಡಾವ್ಣುಕರಿ ಆಯೊ. ಅನಖ್ಹಾಜೇಥಿ ಅಪ್ಣೆ ದೇವ್ನ ಲಡ್ಕಾ ಹುಯ.
ಅತ್ರೇಸ್ ಕಾಹೆತೆ ಲಡ್ಕಾವ್ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್ಥೀಸ್ ಮರಣ್ಣಿ ಅಧಿಕಾರ್ ಲೀರಾಖವಾಳ ಶೈತಾನ್ನ ಮಟಾಯೊ. ಅಜು಼ ಮರಣ್ಣ ಡರ್ಥಿ ಇವ್ಣು ಬಚಿರ್ಹವಾನು ಹಗಾಮ್ ಅಖ್ಖು ಗುಲಾಮ್ ರ್ಹವಾಳನ ಛೋ಼ಡಾಯೊ.
ಇನಖ್ಹಾಜೆ ಯೊ ಹರೇಕ್ ವಿಚಾರ್ಮಾಬಿ ಇನ ಭೈಯೇ ಭೇನೆನ ತಕ್ಕೆರ್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್ಬಿ ವಿಶ್ವಾಸ್ಬಿ ಹುಯಿರ್ಹಾವಳೊ ಮಹಾಯಾಜಕ್ ಹುಯೊ.
ದೇವ್ನೆ ಆ ಜಗತ್ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್ಬಿ ಮರ್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್ಗಿ ಮಳ್ಣು ಕರಿ ಇನ ದಿದೊ.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
ಯೇಸು ಕ್ರಿಸ್ತ ಪೈದಹುಯೊತೆ
ಯೇಸು ಕ್ರಿಸ್ತ ಪೈದಹುಯೊತೆ ಕಿಮ್ಕತೊ; ಇನಿ ಆಯ ಮರಿಯನ ಯೋಸೇಫ್ಥಿ ಖ್ಹಗೈ ನಾಖಿರಾಖ್ಯೂಥು, ಕತೋಬಿ ಇವ್ಣೊ ವ್ಯಹಾ ಹುವಾನ ಅಗಾಡಿಸ್, ಯೋ ಪವಿತ್ರಾತ್ಮಾಥಿ ಬೇಜೂನಿ ಹುಯಿರ್ಹೀಥೀತೆ ಇನ ಮಾಲುಮ್ಪಡ್ಯು.
ಯೋ ಇಮ್ ಸೋಚುಕರಾನಿ ವಖ್ಹತ್ಮ, ದೇವ್ನದೂತನೆ ಇನ ಖ್ಹೋಣ್ಯಮ ದೆಖೈನ್, "ದಾವೀದನೊ ಖಾಂದಾನ್ವಾಳ ಯೋಸೇಫ, ಮರಿಯನ ತಾರಿ ಬಾವಣ್ ಕರಿಲ್ಯವಾನ ಡರ್ನಕೊ. ಯೋ ಪವಿತ್ರಾತ್ಮಥೀಸ್ ಬೇಜೂನಿ ಹುಯಿರ್ಹೀಸ್ತೆ. ಯೋ ಏಕ್ ಪರ್ಖ್ಹೊ ಲಡ್ಕಾನ ಜ಼ಣ್ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್ಮಾಥು ಬಚಾ಼ವ್ಶೆ" ಕರಿ ಬೋಲ್ಯೊ.
ಪ್ರಭುನೆ ಪ್ರವಾದಿಯೇನ ಮ್ಹೋಡವಾಟೆ ಬೋಲಾಯೋತೆ ವಾತೆ ಖ್ಹಾರು ಚಾ಼ಲಾನಟೇಕೆ, ಆ ಖ್ಹಾರು ಚಾ಼ಲ್ಯುತೆ. ಯೋ ವಾತೆ ಶಾತ್ಕತೊ, "ಹಂದೇಖೊ, ಏಕ್ ಕವಾರಿ ಬೇಜೂನಿ ಹುಯಿನ್, ಏಕ್ ಛಿಯ್ಯಾನ ಜ಼ಣ್ಶೆ. ಅಜು಼ ಇನ, ‘ಇಮ್ಮಾನುವೇಲ್’ ಕರಿ ನಾಮ್ ಮ್ಹೇಲ್ಶೆ!" ಇಮ್ಮಾನುವೇಲ್ ಕತೊ, "ದೇವ್ ಅಪ್ಣ ಜೋ಼ಡೆ ಛಾ಼" ಕರಿ.
ಯೋಸೇಫ ನಿಂದರ್ಮಾಥು ಹೊಷಾರಿ ಹುಯಿನ್ ಉಠಾನ ಬಾದ್ಮ, ದೇವ್ನದೂತನೆ ಬೋಲ್ಯೋತೆ ಇಮ್ಮಸ್, ಮರಿಯನ ವ್ಯಹಾ ಕರಿಲಿದೊ. ಕತೋಬಿ ಮರಿಯ ಛಿಯ್ಯೊ ಪೈದಾಕರಾತೋಡಿ, ಯೋಸೇಫ ಇನಜೋ಼ಡೆ ಖ್ಹುತೊಕೊಯ್ನಿ. ಯೋಸೇಫ್ನೆ ಯೋ ಲಡ್ಕಾನ ಯೇಸು ಕರಿ ನಾಮ್ ಮ್ಹೇಲ್ಯೊ.
ತದೆ ದೇವ್ನೊ ದೂತನೆ ಇನ, "ಮರಿಯ ಡರ್ನಕೊ, ದೇವ್ನೆ ತಾರಪರ್ ಘಣಿ ಮೋಟಿ ವಾರ್ಖ್ಹೊ ಕರಿರಾಖ್ಯೋಸ್. ಹಂದೇಕ್, ತೂ ಬೇಜೂನಿ ಹುಯಿನ್ ಏಕ್ ಪರ್ಖ್ಹೊ ಲಡ್ಕಾನ ಜ಼ಣಿಶ್, ಯೋ ಲಡ್ಕಾನ ಯೇಸು ಕರಿ ನಾಮ್ ಮ್ಹೇಲ್ನು. ಯೋ ಮೋಟೊ ಅದ್ಮಿಹುಯಿನ್ ಪರಮಂಡಲ್ನೊ ದೇವ್ನೊ ಛಿಯ್ಯೊ ಕರಿ ಬೋಲೈಲಿಶೆ. ದೇವ್ ಹುಯಿರ್ಹೋತೆ ಪ್ರಭು ಇನೊ ಗುರುಗುರಬ್ಲ್ಯೊ ಹುಯಿರೋತೆ ದಾವೀದ್ನಿ ಸಿಂಹಾಸನ್ನ ಇನ ದಿಶೆ. ಅಜು಼ ಯೋ ಯಾಕೋಬ್ನಿ ಪಿಳ್ಗಿಪರ್ ಹರ್ಹಮೇಶಾನಖ್ಹಾಜೆ ರಾಜ಼್ಕರ್ಶೆ. ಇನಿ ರಾಜ್ಯ ಖತಮಸ್ ಕೋ ಉಶೇನಿ" ಕರಿ ಬೋಲ್ಯೊ.
ಇನಖ್ಹಾಜೇಸ್ ಯೋಸೇಫ್ಬಿ ಗಲಿಲಾಯನು ನಜ಼ರೇತ್ ಕರಿ ಗಾಮ್ಥು ನಿಕ್ಳಿನ್ ಯೂದಾಯ ತಬರ್ಖಾನು ಬೇತ್ಲೆಹೇಮ್ ಕರಿ ಗಾಮ್ನ ಗಯೊ. ಯೋಸೇಫ ದಾವೀದ್ನೊ ಖಾಂದಾನ್ವಾಳೊ ಹುಯಿರ್ಹೊಥೋತೆ ಇನಖ್ಹಾಜೆ, ದಾವೀದ್ನು ಗಾಮ್ ಹುಯಿರ್ಹೂತೆ ಬೇತ್ಲೆಹೇಮ್ನ ಗಯೊ. ಯೋಸೇಫ್ನಿ ಜೋ಼ಡ್ಮ ಖ್ಹಗೈ ಪಡಿರ್ಹಿಥೀತೆ ಮರಿಯನಾಬಿ ಕೇಡೆ ಬಲೈಲಿನ್ ಇನು ನಾಮ್ ಲಿಖಾಡೈಲ್ಯವಾನಖ್ಹಾಜೆ ಗಯೊ. ತದೆ ಯೋ ಪೂರ ದನ್ನಿ ಬೇಜೂನಿ ಥಿ. ಇವ್ಣೆ ಬೇತ್ಲೆಹೇಮ್ಮ ಥೂತೆ ತದೆ, ಮರಿಯನ ಲಡ್ಕು ಪೈದಾ ಹುವಾನಿ ವಖ್ಹತ್ ಆಯಿ. ತದೆ ಇನೆ ಇನು ಪಹಿಲೋಟು ಪರ್ಖ್ಹೊ ಲಡ್ಕಾನ ಜ಼ಣಿನ್ ಲುಂಗ್ಡಾಮ ಲಪೇಟಿನ್, ಛ಼ತ್ತರ್ಮ ರ್ಹವಾನ ಝ಼ಗೊಕೊಂತೆ ದೇಖಿನ್, ಇನ ಗೋದ್ಡಿಮ ಖ್ಹುಡೈ.
ಕತೋಬಿ ದೇವ್ನೊ ದೂತನೆ ಇವ್ಣುನ, "ಡರೊ ನಕೊ! ಮೇ ತುಮಾರಖ್ಹಾಜೆ ಅಛ್ಛಿಸಮಾಚಾರ್ನ ಲೈರಾಖ್ಯೊಸ್, ಅನೇಥಿ ತಮಾಮ್ ಅದ್ಮಿನ ಘಣು ಖ್ಹುಶಿ ಉಶೆ. ಯೋ ಶಾತ್ಕತೊ, ಆಜ಼್ ದಾವೀದ್ನ ನಂಗರ್ಮ ತುಮಾರಖ್ಹಾಜೆ ಏಕ್ ರಕ್ಷಕ್ ಪೈದಾ ಹುಯಿರ್ಹೋಸ್, ಯೋ ಕೋಣ್ಕತೊ ಪ್ರಭು ಹುಯಿರ್ಹೋತೆ ಕ್ರಿಸ್ತ. ಯೋ ತುಮೂನ ಮಾಲುಮ್ ಪಡಾನ ಖ್ಹಣೇದ್ ಶಾತ್ಕತೊ, ಲುಂಗ್ಡಾಥಿ ಲಪೇಟಿಹುಯು ಏಕ್ ಲಡ್ಕು, ಗೋದ್ಡಿಮ ಖ್ಹುತುರ್ಹಿಶೇತೆ ತುಮೆ ದೇಕ್ಶು" ಕರಿ ಬೋಲ್ಯೊ.
ದೇವ್ದೂತರ್ ಇವ್ಣಕಂಥು ಪಾಛು಼ ಪರ್ಲೋಕ್ ಚ಼ಲ್ಯುಜಾ಼ವಾನ ಬಾದ್ಮ, ಮೇಂಢ ಚ಼ರಾವವಾಳು ಏಕ್ಥಿ ಏಕ್, "ಅಪ್ಣೆ ಹಮ್ಕೇಸ್ ಬೇತ್ಲೆಹೇಮ್ನ ಜೈ಼ನ್, ಪ್ರಭುನೆ, ಅಪ್ಣುನ ಮಾಲುಮ್ ಕರಾಯೋತೆ ಆ ಬಾರೇಮ, ಚಾ಼ಲ್ಯುತೆ ಇನ ದೇಖೆ" ಕರಿ ವಾತೆ ಬೋಲಿಲಿದು.
ತದೆ ಇವ್ಣೆ ಒಗ್ಗಿಸ್ಮ ಜೈ಼ನ್, ಮರಿಯನಾಬಿ ಯೋಸೇಫ್ನಾಬಿ ಅಜು಼ ಗೋದ್ಡಿಮ ಖ್ಹುತೂಥೂತೆ ಲಡ್ಕಾನಾಬಿ ದೇಖ್ಯು. ಮೇಂಢ ಚ಼ರಾವವಾಳನೆ ಲಡ್ಕಾನ ದೇಖಿನ್, ಇನಿ ಬಾರೇಮ ದೇವ್ನೊ ದೂತನೆ ಇವ್ಣುನ ಬೋಲ್ಯೋತೆ ವಾತೇನ ಇವ್ಣ ಖ್ಹಾಮ್ಣೆ ಬೋಲ್ಯು. ಇನ ಖ್ಹಮ್ಜ್ಯೂತೆ ಖ್ಹಾರಾಸ್ನೆ, ಮೇಂಢ ಚ಼ರಾವವಾಳು ಇವ್ಣುನ ಬೋಲ್ಯೂತೆ ವಾತೇನಖ್ಹಾಜೆ ಆಶ್ಚರ್ಯಖಾದು.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
ತದೆ ಪಿಲಾತನೆ ಇನ ಬೋಲ್ಯೊ, "ಇಮ್ಕತೊ, ತೂ ರಾಜಾ಼ ಕಿಶು?" ಕರಿ ಪುಛಾ಼ಯೊ. ಯೇಸುನೆ, "ಮೇ ರಾಜ಼ ಕರಿ ತೂಸ್ ಬೋಲುಕರಾಸ್. ಮೇ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲಾನಖ್ಹಾಜೆ ಪೈದಾಹುಯಿನ್, ಆ ಜಗತ್ಮ ಐರ್ಹೋಸ್. ಖ್ಹಾಚಿ ಭಣಿವಾಳು ಮಾರಿ ವಾತೇನ ಖ್ಹಮ್ಜಾ಼ಸ್" ಕರಿ ಜವಾಬ್ ದಿದೊ.
ಇವ್ಣೆ ರಾಜಾ಼ನಿ ವಾತೆ ಖ್ಹಮ್ಜಿನ್, ವಳ್ಯುಜಾ಼ತುಥೂತೆ ತದೆ ಪೂರಬ್ ದೇಖ್ಹ್ಮ ಇವ್ಣುನ ದೆಖಾಯುಥೂತೆ ಯೋ ಶುಕ್ಕರ್ ಇವ್ಣುನ ಪಾಛು಼ ದೆಖಾಯು. ಇವ್ಣೆ ಯೋ ಶುಕ್ಕರ್ನ ದೇಖಿನ್, ಘಣು ಖ್ಹುಶಿಖಾದು! ಯೋ ಶುಕ್ಕರ್ ಇವ್ಣ ಖ್ಹಾಮ್ಣೆ-ಖ್ಹಾಮ್ಣೆ ಚಾ಼ಲ್ತುಹುಯಿನ್, ಲಡ್ಕು ಥೂತೆ ಝ಼ಗೋಕನ ಆಯಿನ್ ಭೀರಿಗಯು. ತದೆ ಇವ್ಣೆ ಯೋ ಘರ್ಮ ಜೈ಼ನ್, ಯೋ ಲಡ್ಕಾನ ಇನಿ ಆಯ ಮರಿಯನ ದೇಖಿನ್, ಇನ ಆಡ್ಪಡಿನ್ ಆರಾದನೆ ಕರ್ಯು. ಅಜು಼ ಇವ್ಣೆ ಲೈರಾಖ್ಯುಥೂತೆ ಇನಾಮ್ನ ಬುತ್ತಾವ್ನ ಛೋ಼ಡಿನ್ ಇನಾಮಾಥು ಖ್ಹೊನ್ನು, ಖ್ಹಾಲರ್ಯೊ ಅಜು಼ ರಕ್ತಬೋಳನ ಕಾಡಿನ್ ಇನ ಕಾಣ್ಕೆ ದಿದು.
ಅನಬಾದ್ಮ ದೇವ್ ಇವ್ಣ ಖ್ಹೋಣ್ಯಮ ದೆಖೈನ್, "ತುಮೆ ಹೆರೋದಕನ ಪಾಛು಼ ಫರಿ ನಾ ಜಾ಼ವ್ಣು" ಕರಿ ಝೇತಾವಖ್ಹತರ್, ಇವ್ಣೆ ಬಿಜೇಕ್ ವಾಟೆಕರಿ ಇವ್ಣ ದೇಖ್ಹ್ನ ಪಾಛು಼ಫರಿ ಚ಼ಲ್ಯುಗಯು.