Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Khri Jesu kya a umpaw hynh-e tuanaw hynh nanning kya mah la um sah,
Khri tuh Pachia muinsan
phang a ke pite,
Pachia ryte nginkunaw kha
luade lante tuakuh khyh,
tuhlaeze amaw a thuanaw
balyn kha vua zah,
see muinsan kha lawkute
ccungccaw alo lante yn pui.
Ccungccaw muinsan lante
yn langkuh zah zakawsangsakute
chinaw kyacia—
vaelantung kya chi ciate heize
kaw a ngae.
Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw. Tuh-e tuh Kawbya zakaw um hae paw kha shawkhaw khylan nynh thua; tuhteze nynh aening tuh ccaaw lang tang khylan ccaaw thuanaw kha ah mue cih oh.
Tukeiccuze imua hae tuh chii te saw kha a neethungkuh bua hae paw athua keiccuze, Khri amaw mah tuhawte chii te saw kha a neethungkuh bua; tuhcite Khri a chinaw liate chinaw tungvaw kawhoitu Satan kha rote, chi raw a ri hae keiccuze mih hiin lungkhu balyn seetangnaw kya um hae paw kha luesah khylan nynh thua.
Tukeiccuze ccungccaw hae seinaw hanlan seishawnaw raepya khylan, Pachia te asekuhpaw uccaw hae kya Khri tuh thawccithyapaw te a lungzipaw Ranpibawi Lupi athua nawlan, pawpaw balyn kya a uno hae te a loku lan hae paw nynh thua.
"Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Jesu Khri Puinaw
Jesu Khri a puinaw tuh hynhte nynh thua: a nung Mary kha Josef nynh a haaw, thuasalama a umkheih maw hae ze Mary tuh Thyaa Muisaw liate ccaaw a poi.
Thuasalama tuhcite a tuaku lyakhe a maan kya Bawipaw vaawpaw nynh yn langkuh zah, "David ccapaw Josef, na zu lang Mary hoiku lanpaw kha rih nan. Pawccecize aning nynh a poipaw ccaaw tuh Thyaa Muisaw liate nynh a poi. Aning nynh ccapaw yn saah cih zah Jesu cite min na phu cih, pawccecize a ccungccaw hae kha mih seinaw kyate a khum cih hae," a cipya. Bawipaw nynh profeh kyate a hopaw kha accing nawlan nynh hynh-e balyn hynh acyiku.
"Dotua, liaccady nynh
ccaaw yn poi cih zah
ccapaw yn saah cih, a min tuh
Immanuel yn cikuh cih,"
(asuilan tuh, "Pachia kae kya a um," cipaw nynh thua). Tuinte Josef nynh inaw kyate he yn thaekuh tuh, Bawipaw vaawpaw nynh kaw a pya hawte cyih zah Mary kha a zu lang a hoiku. Thuasalama ccapaw a pui mawlaezung tuh-e nung tuh ikhae khyh; te Josef nynh Jesu cite min a phu.
Vaawpaw nynh, "Mary, rih nan, pawccecize Pachia nynh nang kha maehoynaw ae pya. Ccaaw na poi cih zah Ccapaw na saah cih, a min tuh Jesu cite na phu cih. Aning tuh a lesaepaw athua cih zah Ahang Huaccepaw Pachia Ccapaw cite ko athua cih, Bawipaw Pachia nynh amaw tuh a minpaaw David kya-e bawitungkhung kha a pya cih. Aning nynh Jakob ciihan kha zungzae a uk cih zah a peenaw tuh thang boi lan khyh," a cipya.
Josef mah David ciihan athua keiccuze, Galilee ram Nazareth khua kyate Judea ram Bethlehem a ci hae paw David khua lang a cceih. A zu lang a dykupaw Mary ryte milu riaku lan a cceih hae; Mary tuh ccaawpoi zah, tuin kya a um lya hae khe, neitaw pui lan aninsaw akyh. Mary a ccatawccaw tuh yn pui zah nolung te a lung koute, vaetua looh-aenaw kua kya a isah; pawccecize minmin hanlan mikhia thuanaw inn kya akhaan um vae khyh.
Thuasalama vaawpaw nynh minmin kha, "Rih nan oh, pawccecize ccungccaw balyn hanlan myarya lungtua lan umpaw thongpang hoypaw kha kae thuakhaepya oh: Pawccecize atunin David khua kya nanning hanlan Khumtu Bawi Khri a pui vae. E hynh nanning hanlan syntawnaw athua cih: imua kha nolung te lung hae zah vaetua looh-aenaw kua kya a isah hae paw kha na la muih cih oh," a cipya hae.
Vaaw hae tuh mih kyate vaawlang he a cceih hae te, tuurin hae nynh, "Atu Bethlehem lang cceih oh sih lah Bawipaw nynh oun nysahpaw hynh-e uccaw acyihkuhpaw hynh dotua oh sih," cite lu kheit te lu kheit a hoku hae. Minmin tuh arangte cceih hae zah Mary, Josef te vaetua looh-aenaw kua kya a ihpaw imua kha a muih hae. Tuurin hae nynh imua kha he a muih hae tuh, vaaw hae nynh imua konglang a hopya hae paw kha ccungccaw hae kya a ho pathy hae. Tuurin hae nynh a ho hae paw bya a thae hae paw balyn tuh mih ngaeangthua.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Pilat nynh, "Tuhteze nang tuh siapharan na thua tou?" a cipya. Jesu nynh, "Kae tuh na ho hawte siapharan nynh ka thua. Kae tuh byaccing kha ccaekiakhan khylan kae pui zah hynh-e khylan nynh laephi kalan kae thua. Byaccing te asekuhpaw ccungccaw miakaw nynh ka bya hynh a ngae," cite a khung.
Siapharan bya he a thae kou hae te minmin tuh a pou hae; te nithua lang a muih hae paw awsi tuh mih malang khe cceih zah imua a umnaw luki khe a thadyn. Awsi a thadynpaw kha a muih hae tuh myaryamaw mih lungtua. Te inn lungkhu lang tee hae zah imua te a nung Mary kha a muih hae, te ccukharutungte amaw kha a beik hae; minmin nynh mih sisua bawng hae kha hung hae zah sui, frankinsen te mura kha lasung lang a pya hae. Minmin tuh Herod kalan a ki vae khyh nawlan hae Pachia nynh mih maan kya raeringnaw a pya hae keiccuze laanpi ccanglang te mih ram lang a ki hae.