Nascimento

मसीह का जन्म

18 यीशु मसीह का जन्म इस तरियां होया, कै जिब उसकी माँ मरियम की सगाई यूसुफ कै गैल होग्यी, तो उनका ब्याह होण तै पैहल्याए बेरा पाट्या के वा पवित्र आत्मा की शक्ति तै गर्भवती सै। 19 पर उसका धणी यूसुफ जो एक धर्मी माणस था, उसनै बदनाम न्ही करणा चाहवै था, इस खात्तर उस ताहीं चुपके तै छोड़ण का विचार करया।

20 जिब वो इन बात्तां नै सोच्‍चै ए था तो परमेसवर का सुर्गदूत उसनै सपने म्ह आकै कहण लाग्या, "हे यूसुफ! दाऊद के वंशज, तू अपणी घरआळी मरियम नै अपणे उरै ल्याण तै ना डरै, क्यूँके जो उसकी कोख म्ह सै, वो पवित्र आत्मा की ओड़ तै सै। 21 वो बेट्टा जाम्यैगी अर तू उसका नाम यीशु धरिये, क्यूँके वो अपणे माणसां का उनकै पापां तै उद्धार करैगा।"

22 यो सारा इस खात्तर होया के जो वचन प्रभु नै यशायाह नबी कै जरिये कह्या था, वो पूरा हो 23 देक्खो एक कुँवारी गर्भवती होगी अर एक छोरा जण्येगी, अर उसका नाम इम्मानुएल धरया जावैगा, जिसका मतलब सै "परमेसवर म्हारै गैल सै।"

24 फेर यूसुफ नींद तै जाग कै परमेसवर कै सुर्गदूत के हुकम कै मुताबिक मरियम नै अपणी घरआळी बणाकै अपणे याड़ै ले आया। 25 अर जिब ताहीं उसनै छोरा ना जण्या जिब तक यूसुफ उसकै धोरै न्ही गया अर उसनै बाळक का नाम यीशु धरया।

14 इस कारण यहोवा आप्पे थमनै एक निशान्‍नी देवैगा। सुणो, एक कुँवारी गर्भवती होवैगी अर बेट्टा पैदा करैगी, अर उसका नाम इम्मानुएल* धरैगी।

यीशु के जन्म की घोषणा

26 एलीशिबा कै छठा महिन्‍ना चढ़ रह्या था, परमेसवर की ओड़ तै जिब्राईल सुर्गदूत, गलील परदेस कै नासरत नगर म्ह, 27 एक कुँवारी कै धोरै भेज्या जिसकी सगाई यूसुफ नाम कै दाऊद कै घराने कै एक माणस तै होई थी, उस कुँवारी का नाम मरियम था।

30 सुर्गदूत नै उसतै कह्या, "हे मरियम, डरै ना, क्यूँके परमेसवर का अनुग्रह तेरे पै होया सै। 31 अर देख, तू गर्भवती होगी, अर तेरे एक छोरा पैदा होगा, तू उसका नाम यीशु धरिये। 32 वो महान् होगा अर परमप्रधान का बेट्टा कुह्वावैगा, अर प्रभु परमेसवर उसकै पूर्वज दाऊद का सिंहासन उसनै देवैगा, 33 अर वो इस्राएल कै घराने पै सदा राज करैगा, अर उसकै राज्य का अंत न्ही होगा।"

34 मरियम नै सुर्गदूत तै कह्या, "यो किस तरियां होगा। मै तो कुँवारी सूं।"

35 सुर्गदूत नै उस ताहीं जवाब दिया, "पवित्र आत्मा तेरे पै आवैगा अर परमप्रधान की सामर्थ तेरे पै छाया करैगी, इस खात्तर वो जो बाळक पैदा होण आळा सै, पवित्र अर परमेसवर का बेट्टा कुह्वावैगा।

13 तन्‍नै मेरे अन्दरूनी अंगां ताहीं बणाया सै;

तन्‍नै मेरे ताहीं माँ की कोख म्ह बणाया।

14 मै तेरा धन्यवाद करुँगा, इस करकै के मै खतरनाक अर बेमिसाल तरीके तै बणाया गया सूं।

तेरे काम तो अचम्भे के सै,

म्ह इननै आच्छी तरियां तै जाणु सूं।

15 जिब मै गुप्त जगहां म्ह बणाया जान्दा,

अर धरती के निचली जगहां म्ह बणाया जाऊँ था,

जद मेरी देह तेरे तै छिपी ना थी।

16 तेरी आँखां नै मेरे बिना आकार के तत्व ताहीं देख्या;

अर मेरे सारे अंग जो दिन बै दिन बणदे जाया करदे वे बणन तै पैहल्या

तेरी किताब म्ह लिखे होये थे।

5 "गर्भ म्ह रचण तै पैहले ए मन्‍नै तेरै पै चित्त लगाया, अर पैदा होण तै पैहले ए मन्‍नै तेरे ताहीं अभिषेक करया; मन्‍नै तेरे ताहीं जात्तां का नबी ठहराया।"

9 पर तन्‍नै ए मै गर्भ तै लिकाड्या;

जिब मै दूध-पीत्ता बाळक था,

जब तै तन्‍नै मेरे ताहीं भरोस्सा राखणा सिखाया।

10 मै जन्म तै ए तेरे पै छोड़ दिया गया,

माँ के कोख तै ए तू मेरा परमेसवर सै।

6 मै गर्भ तै लिकड़दे, तेरे जरिये सम्भाळया गया;

मेरे ताहीं माँ की कोख तैए तन्‍नै लिकाड्या;

इस करकै मै हर बखत तेरी बड़ाई करदा रहूँगा।।

15 "के यो हो सकै सै के कोए माँ अपणे दूध पीन्दे बाळक नै भूल जावै अर अपणे जाम्मे होए लड़के पै दया ना करै? हाँ, वो तो भूल सकै सै, पर मै तन्‍नै न्ही भूल सकदा।

9 यहोवा कहवै सै, के मै उसनै जन्माण के बखत तक पोंहचाकै ना जन्माऊँ? तेरा परमेसवर कहवै सै, मै जो गर्भ देऊँ सूं के मै कोख बन्द करुँ?"

14 यीशु नै कह्या, "बाळकां नै मेरै धोरै आण द्यो, अर उन ताहीं मना मतना करो, क्यूँके सुर्ग का राज्य इसाए का सै।"

4 जो कोए अपणे-आपनै इस बाळक की ढाळ छोट्टा करैगा, वो सुर्ग कै राज्य म्ह बड्ड़ा होवैगा। 5 अर जो कोए मेरै नाम तै एक इसे बाळक ताहीं अपणावै सै वो मन्‍नै अपणावै सै।"

16 अर उसनै उन ताहीं गोद्दी म्ह लिया, अर उनपै हाथ धरकै उन ताहीं आशीर्वाद दिया।

3 देक्खो बच्‍चे यहोवा का दिया होया भाग* सै,

गर्भ का फळ उसकी ओड़ तै ईनाम सै*।

27 यो वोए बाळक सै जिसकै खात्तर मन्‍नै प्रार्थना करी थी; अर यहोवा नै मेरे ताहीं मुँह माँगया वरदान दिया सै।

4 क्यूँके, हे यहोवा, तन्‍नै मेरे ताहीं अपणे काम्मां तै खुश करया सै;

अर मै तेरे हाथ्थां के काम्मां कै कारण तेरी जयजयकार करुँगा।

3 यीशु नै उस ताहीं जवाब दिया, "मै थारे ताहीं सच कहूँ सूं, जै कोए नए सिरे तै ना जन्म ले तो परमेसवर का राज्य देख न्ही सकदा।"

21 जाप्पै कै बखत बिरबान्‍नी नै दुख होवै सै, क्यूँके उसकै दुख का बखत आरया सै, पर जिब वा बाळक नै जन्म दे सै, तो इस खुशी तै, के दुनिया म्ह एक माणस पैदा होया, उस दुख नै फेर याद कोनी कर दी।

9 जो परमेसवर की औलाद सै, वो बार-बार पाप न्ही करदा; क्यूँके मसीह का सुभाव उस म्ह बण्या रहवै सै, अर वो पाप कर ए न्ही सकता, क्यूँके वो परमेसवर की औलाद सै।

9 उसका गीत गाओ, उसका भजन करो,

उसके सारे आश्चर्यकर्मा का ध्यान करो।