Nascimento

यीशुएरू ज़र्म

18 यीशु मसीहेरू ज़र्म एन्च़रे सेइं भोवं, कि ज़ैखन तैसेरी अम्मा मरियमरी कुड़माइ यूसुफ नंव्वे एक्‍की मैन्हु सेइं भोवरी थी, त तैन केरे ड्लाह भोने करां पेइले मरियम पवित्र आत्मारे शेक्ति सेइं दोज़ींती भोइ। 19 तैसारो मुन्श यूसुफ ज़ै धर्मी मैन्हु थियो, तै तैस बदनाम केरनि न थियो चातो। तैनी च़ुपच़ारे इन सोचू, कि मीं एस सेइं ड्लाह नईं बनानो। 20 हेजू तै एन सोचने लेवरो थियो, त प्रभुएरे एक्‍की स्वर्गदूते तैस सेइं सुपने मां एइतां ज़ोवं, "हे यूसुफ! तू ज़ै दाऊदेरे खानदाने मरां आस, तू मरियम अपनि कुआन्श बनाने करां न डर, किजोकि ज़ैन तैसारे पेटे मां आए तैन पवित्र आत्मारे तरफां आए। 21 तैस मट्ठू भोनूए, ते तू तैसेरू नवं ‘यीशु’ रेखां, किजोकि तैए अपने लोकन तैन केरे पापन करां मुक्ति देलो।"

22 एन सब किछ एल्हेरेलेइ भोवं, कि ज़ैना वचन प्रभुए यशायाह नेबेरे ज़िरिये ज़ोवरे थिये पूरे भोए कि, 23 "हेरा, अक अड्लाई कुई पेटे भारी भोल्ही, ते तैस अक मट्ठू भोल्हु, ते लोक तैस जो इम्‍मानुएल ज़ोले।" ज़ेसेरो मतलब ई आए, परमेशर असन सेइं साथी आए। 24 तैखन यूसुफ निड्लारां बींझ़ो त तैनी परमेशरेरे स्वर्गदूतेरू ज़ोनू मन्नू, ते मरियमी सेइं ड्लाह बनाव ते अपने घरे आनी। 25 पन ज़ांतगर तैस मट्ठू न भोवं तांतगर तै तैस सेइं साथी न झ़ुल्‍लो ते ज़ैखन तैस मट्ठू भोवं त यूसुफे तैस मट्ठेरू नवं यीशु रख्खू।

14 एल्हेरेलेइ यहोवा एप्पु तुसन अक निशान देलो। शुना, अक कुवारी कुई दोज़ींती भोल्ही ते मट्ठू ज़ाली, ते तै तैस मट्ठेरू नवं इम्‍मानुएल रखेली, ज़ेसेरो मतलब परमेशर असन सेइं साथी आहे।✝

यीशुएरे ज़र्मेरू एलान

26 एलीशिबारे दोज़ींती भोनेरे शेइयोवं महीने जिब्राईल स्वर्गदूत परमेशरेरी तरफां गलील इलाकेरे नासरत नगरे मां, 27 एक्‍की अड्लैई कुइये कां भेज़ो। तैसारी कुड़माइ दाऊदेरे खानदाने मरां एक्‍की मड़दे सेइं भोवरी थी ज़ेसेरू नवं यूसुफ थियूं, ते तैस कुइयरू नवं मरियम थियूं।

30 स्वर्गदूते तैस सेइं ज़ोवं "हे मरियम, डर न, किजोकि परमेशरेरो तीं पुड़ बड़ो अनुग्रह भोवरोए। 31 तू दोज़ींती भोल्ही तीं अक मट्ठू भोल्हु, ते तू तैसेरू नवं यीशु रेखां। 32 तैन महान भोल्हु ते तैस जो परमप्रधान परमेशरेरू मट्ठू ज़ोले, ते परमेशर तैस तैसेरे पूर्वज दाऊद राज़ेरू ज़ेरो राज़ो बनालो। 33 ते तै याकूबेरे खानदाने पुड़ हमेशा राज़ केरेलो, ते तैसेरू राज़ कधे खतम न भोल्हु।"

34 मरियमा स्वर्गदूते पुछ़ू, "एन केन्च़रे भोइ सकते? अवं त अड्लाई आईं।" 35 स्वर्गदूते जुवाब दित्तो, "पवित्र आत्मा तीं पुड़ उतरेलो, ते परमप्रधान परमेशरेरी शक्ति तीं पुड़ सैयो केरेली एल्हेरेलेइ तै बच्‍चो ज़ै ज़र्मएलो तै पवित्र भोल्हो तैस जो परमेशरेरू मट्ठू ज़ोले।

13 किजोकि तीं मेरे एंत्रीं अंग बनेवरेन*;

तीं अवं अम्मरे पेटे मां बनाव।

14 अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,

तेरां कम्मां त हैरान केरनेबालन,

ते अवं एन रोड़ेच़ारे ज़ानताईं।

15 मेरो ढांचो तीं करां छ़पोरो न थियो,*

ज़ैखन अवं खुफिया ठैरी बनेवरो थियो,

तैखन मेरी हेड्डी तीं करां छ़ेपोरी न थी।

16 तेरी एछ़्छ़ेईं अवं तैखने लाहोरो थियो,

ते मेरे सब अंग ज़ैना रोज़ बनते गाते थिये तैना बन्ने करां पेइले

तेरी किताबी मां लिखोरे थिये।

5 "गर्भे मां रच़ने करां पेइले अवं तीं ज़ानताईं, ते पैदा भोने करां पेइले मीं तू च़ुनो; मीं तू कौमां केरो नबी ठहराव।"✝

9 पन तींए अवं गर्भे मरां कढोरोईं;

ज़ैखन अवं दुद्ध पीतो बच्‍चो थियो,

तैखने करां तीं मीं भरोसो रखनो शिखालो।

10 ज़ेरो अवं पैदा भोव; अवं तेरे भरोसे पुड़ छ़ेडी दित्तो;

अम्मरे पेटे करां देंतो तू मेरो परमेशर राहोरोस।

6 ज़र्मते अवं तीं सम्भालो;

तींए अवं अम्मरे पेटे मरां कढो;

एल्हेरेलेइ अवं हमेशा तेरी बडीयाई केरतो रेइलो।

15 "कुन एन भोइ सकते कि कोई अम्मा अपने दुद्ध पीते बच्‍चे बिसरी सकतीए ते अपने ज़र्मोरे मट्ठे पुड़ दया न केरे? हाँ तै त बिसरी सकतीए, पन अवं तीं न बिसरी सेखी।

9 यहोवा ज़ोते, कुन अवं ज़रमानेरे वक्ते तगर पुज़तां न ज़र्मेईं? तेरो परमेशर ज़ोते, अवं ज़ै गर्भ देताईं कुन अवं कोख बन्द केरि?

14 यीशुए ज़ोवं, "बच्‍चे मीं कां एजने देथ, तैन न ठाका, किजोकि सुर्गेरू राज़ एरां केरूए।"

4 ज़ै कोई अपनो आप इस बच्‍चेरो ज़ेरो निकड़ो बनालो, त तै सुर्गेरे राज़्ज़े मां बड्डो भोल्हो। 5 ते ज़ै कोई एरे ज़ेरे निकड़े बच्‍चे मेरे नंव्वे सेइं कबूल केरते, त तै मीं कबूल केरते।"

16 तैखन यीशुए तैना बच्‍चे कुम्मे मां रेखां, तैन पुड़ हथ रेखतां तैन्न आशिर्वाद दित्तो।

3 हेरा, बच्‍चे यहोवारे तरफां दित्तोरो हिस्सोए,

गर्भेरो फल तैसेरे तरफां फले।

27 ऐन तैन्ने मट्ठूए ज़ेसेरे लेई मीं प्राथना कियोरी थी; ते यहोवाए मेरे ज़ोनेरे मुताबिक मेरे लेई कियोरूए।

4 किजोकि, हे यहोवा, तीं अवं अपने कम्मन सेइं खुश कियोरोईं;

ते अवं तेरे हथ्थां केरे कम्मां केरे वजाई सेइं जयजयकार केरेलो।

3 यीशुए जुवाब दित्तो, "अवं तुसन सेइं सच़-सच़ ज़ोताईं कि ज़ांतगर कोई मैन्हु दुबारो ज़र्म न घिन्ने, त तै परमेशरेरू राज़ न लेही सके।"

21 ज़ैखन कुआन्श बच्‍चो ज़ातीए त तैस बड़ी तकलीफ भोतीए, किजोकि तैसेरे दुखेरी घड़ी नेड़े पुज़ोरीए, पन ज़ैखन बच्‍चो ज़र्मते त एस खुशी मां कि दुनियाई मां अक मैन्हु पैदा भोवरोए अपनि तकलीफ बिस्सरी गाचे।

9 ज़ैना परमेशरेरे बच्‍चेन तैना लगातार पाप न केरन, किजोकि परमेशरेरो सुभाव तैन मां बनोरू रहते, ते तैना पाप केरि न सकन, किजोकि तैना परमेशरेरे बच्‍चेन।

9 तैसेरां गीतां ज़ोथ, तैसेरी तारीफ़ केरा,

तैसेरे सारे चमत्कारेरे कम्मन पुड़ ध्यान केरा।