Nascimento
O nascimento é obra das mãos de Deus. Cada criança é formada por Ele no ventre materno com propósito e amor. A Bíblia celebra a vida desde a concepção até a eternidade.
O nascimento de Jesus
O maior nascimento da história mudou o curso da humanidade. Jesus nasceu de uma virgem pelo poder do Espírito Santo, conforme as profecias.
Maria Jisas kuglkwa
Ana ka magigl paugwa i, Jisas Krais mam siragl mere ye kuglkwa i pre paugwa. Jisas mam Maria ya Josep bogl inabredi di padigl kodigwa. Di padigl kodigwa ba ye i swara edekrikwa igne, Mudu Murubuglo Maria yene dane panabedi eruko, dane paugo, yoba kanigwa. Josep ebie Maria dane pamedi kandre, ye mabuno wakai boglsre, yagl du moglkwa pre ye sedinagledi prukwa. Yegl prukwa ba ta prukwa i, Na yoba gumuglno wagle sedinaglka i, Maria agai gogl, kagie kide i dinabedi ugl mage ere, sedinagledi, yegl di prukwa. Ye yegl eragledi kina gudu pre moglsre, ugl pai, ugl kubu ta kanugwa. Ye ugl kubu kanumara Yagl Kade angelomo ye moglmara udre, ye yegl di togwa, Josep yo, ene Devit gawamo ta motnga i, Maria ene ebin morabuka i, kudugl goglkro! Gak erme ye dane wagle moglkwa i, Mudu Murubuglo ye dane panabedi eruko, dane paugwa. Ye gak ta kurabuka i, yagl gak ta kurabuka. Ye kuran, ene ye kagie Jisas we dinatniwa. I siragl pre ye yobama tadaglmeno kubun ere tedre, ye ere inabiwe di, yegl dugwa.
Ana taragl mudu yegl mere plau digwa i, okna ibo ka kep yagl ta Yagl Kade dra idre, dugwa i, mogo korabedi plau digwa. Ye kamo yegl paugwa, Ene prio! Abai ta ege swara ta kumugl yagl bogl paikraiglkwa i, dane panan, yagl gak ta kurabuka. Ye kuran, yoba yagl gak i kagie Emanuel we dinaiglmiwe di, yegl dugwa. Ana kagie Emanuel i, mabuno ta paugwa, God nono munara moglkwa.
Ana Josep we, ye ugl pai, aduglkwa igne, ye Yagl Kade angelomo ye di tomere ere, Maria ye ebie morabedi yugwa. Yugwa ba igne i ede pi Maria yagl gak ikra kuglkwa igne i, ye bogl swara paikribrika. Bogl swara paikribriko, Maria yagl gak kuglko, Josep ye kagie Jisas yei togwa.
Aisaia yegl dugwa, Yawe yene kimagl diu ta eran, ene kanaiglmedi yegl erabuka, abai ta ege swara ta kumugl yagl bogl paikraiglkwa dane panan, yagl gak ta kurabuka. Kuglsre, ye kagie Emanuel we dinabiwe dugwa.
Angelo ta Maria di te, Ene Yagl Gak ta kuratne dugwa
Ana Elisabet dane paugo, ba 6-pela mere ede ogo, God ere mogl, ye angelomo ta kagie Gebriel we digwa ikra dedugo, angelo i ye distrik Galili suna dumo kebra ta Nasaret we dimara udre, abai mor ta kagie Maria we digwa i, moglmara ugwa. Maria ege swara ta kumugl yagl bogl paikriko, ye yagl ta kagie Josep we digwa i moglmara enabedi yoba di padigl kodigwa. Yagl Josep i, ye king Devit gawamo ta moglkwa.
Yegl kina gudu pruko, angelo ye aglke kor di te, yegl dugwa, Ene kudugl goglkro! God ene wakai kanumiwa. Te, ene pro! Ene dan panan, yagl gak ta kuglsre, kagie Jisas yenatniwa. Ye Yagl Kade ta moran, yoba ye God Mogl Mitna Kaima Edugwa Wam moglmiwe di, yegl dinaiglmiwe dugwa. Te, Yagl Kade God ere mogl, ye kowamo Devit agaimo ye tenan, king morabuka. Ye king moglsre, Jekop gawama, Israel yoba meglkwa i, aimadi kamin sugl morabuka. Ye king morabuka i ta dudukrabiwe di, angelo i yegl dugwa.
Ana angelo i yegl di kodugo, Maria di ikne ede, yegl dugwa, Na ege swara ta kumugl yagl bogl pai kankrika pre na siragl mere gak ta kuragle? di, yegl dugwa. Yegl dugo, angelo aglke kor dugwa, God Murubuglomo ene motnara unan, God Mogl Mitna Kaima Edugwa yobuglomo bi dinan, ene dan panabiwe dugwa. Yegl pre ene yagl gak ta kuratnga i, dem muduo pe si yenan, yoba ere mogl, Ye God Wam moglmiwe dinaiglkwa.
Formados desde o ventre
Deus nos teceu no ventre de nossa mãe. Antes de nascermos, Ele já nos conhecia e nos separou para um propósito sagrado.
Crianças — bênção e promessa
Jesus acolheu as crianças e disse: delas é o Reino dos céus. Os filhos são herança do Senhor e motivo de alegria para os pais.
Mane digwa ba Jisas ye yegl di togwa, Gak kebra na moglmara unaiglkwa i, ene mane dikre, kanige erio. I siragl pre yoba ta gak meglmere yegl ta moraiglkwa i, God ye yoba kingno mogl, suglno morabara yoba i pre yenabiwe dugwa.
Te, yoba ta ye yene ake atne edidre, gak kebra magigl moglmere yegl moran, God yoba kingno morabuka ege i, yoba i mogl mitna edenabiwe dugwa.
Jisas yegl didre, ama yegl dugwa, Yoba ta na we di prisre, gak kebra yegl mere ta di inan, ye na di yumiwe dugwa.
Yegl didre, ye gak kebra swarade kugro bikie bolamugl edidre, ye ake, di wakai yei togwa.
Nascer de novo
Jesus ensinou que é preciso nascer de novo para ver o Reino de Deus. O novo nascimento é espiritual — pelo Espírito e pela Palavra.
Yegl dugo, Jisas di ikne ede te, yegl dugwa, Na ene ka kaima di teiga, yoba ta u kor pikran, ye God yoba kingno mogl, ye suglno morabara i, suna ta pikrabiwe dugwa.
Abu ta gak kuragledi erukwa igne, ye egemo umedi prisre, giugl pre dinagledi prukwa pre ye dem muduo yubun dogwa. Ba ye gak kugl kodugwa igne, ye gun yedre, giugl siragl mere prukwa i, kiurukwa. I siragl pre yoba kor ta makandigle umedi prisre, gun yogwa.
God yoba ere i kor edugo, kiano kor igwa i, ye tadaglme eraiglkwa kuno paikrukwa. God yoba ere i kor edugwa i, yene moglmere i, i pi yoba i mina suna edugwa pre ye tadaglme ta erekraiglkwa.