Nova criatura
Em Cristo somos nova criação. O velho se foi, tudo se fez novo. A transformação não é reforma — é renascimento completo pelo poder do Espírito Santo.
Novas criaturas em Cristo
Se alguém está em Cristo, nova criação é. As coisas velhas passaram e eis que tudo se fez novo. A transformação é radical e total.
No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
Nono nagino bunga mo boglkunga i taragl yoko kaima yogwa ba God nono ere i kor edugwa swara i taragl podo paugwa.
God yene swara ere mogl, ye Kere Yugwa Yagl Jisas kogon erumara swara i mina nono ere i kor edugo, yoba kor munga. Ye nono ere i kor edugwa i, nono kor moglsre, mabuno wakai boramga pre erukwa. Nono mabuno wakai siragl mere boramga i, God yene oknayene ibo nono eraiglmedi di paduglkwa i, nono eramga keme paugwa.
Ana na taragl yegl mere kanigo, yoba ta sia king mina ame di moglkwa i, yegl dugwa, Ene kano! Na taragl mudu ere i kor ediwe dugwa. Yegl didre, ama yegl dugwa, Na ka diga i, kaima didre, ka dimara adigl moraglka pre ene na ka dimere yegl, bogl atne edo dugwa.
Despir o velho e vestir o novo
Somos chamados a despir o velho homem e vestir o novo, criado segundo Deus em justiça e santidade provenientes da verdade.
No Jisas kamo yegl beke tomgo, ene prikwa, ene okna mogl pai erikwa i, deno muduno okna goglo paugwa i, duglo bogl wan meglkwa. Ene deno muduno goglo i, tadaglme eraiglmedi pogglau bogl, u kide kaima pidre, ene bakagl togwa. Yegl mere erukwa ba ene deno muduno goglo okna paugwa i, ene gugl kide kodimiwedi, ene yegl beke tomga. Te, ene ka ta beke tomga i, yegl mere paugwa, God nomane kor ene ege ege beke te moglko, ene ege ege kiano mina nomane kor kor imiwe di, ene okna yegl beke tomga. Te, God deno muduno kor ene padigl togwa pre di tomga i, God yene mabuno du ere, wakai kaima moglmere yegl, ye ene deno muduno kor padigl tomiwe dumga.
ama ene meglmara suna ka kibi dikrio. I siragl pre ene okna siragl mere mogl, mabuno siragl mere ta beglkwa i, kide kodigwa. Kide kodigwa pre God ene ere i kor edugo, God moglmere pre pogl sidre, kuno yegl moramnedi yake ede ido pi pai meglkwa.
God ye nono Jisas bogl i swara edugwa i, nono Jisas goglmara i ye bogl akie goglsre, akie kobuglo mur mina atne pai, ama Jisas bogl akie adigl u kor enaiglmedi erukwa. Krais goglko, God nem ye yobuglomo pai kawa togwa i, i nogugl ede, ye ere i kor edumere yegl, nono ama kiano mina ere i kor edugwa pre nono kor moglsre, mabuno kor eramga kuno erukwa.
Ana nono Jisas bogl u swara omga pre ye goglmere mere yegl nono ama gunga. Nono ye bogl akie gunga pre ye adigl u kor omere yegl nono ama adigl u kor enamga keme paugwa. Ka kaima nono ye bogl akie adigl u kor omga. Nono prumga, Jisas ede prak mina goglkwa igne, God ye nono okna tadaglme yugobunomo mina atne munga i, ede prak mina si dudugwa. Ye yegl erukwa i, tadaglme yobuglomo dudinan, nono tadaglme niglmo kogonmo erekraiglmedi erukwa. I siragl pre nono Jisas bogl akie gunga pre nono okna tadaglme mina atne kane pamga i, God ye nono kane pamnara no i meda edugwa.
Na Krais bogl akie ede prak mina guglka pre nana kor moglkrika ba Krais na moglmara suna moglko, no akie kor muglka. Te, erme na mogl pai erika i, God Wam swara pre medigl mogl pai erika. Jisas dem muduo podo narsre, na ere inagledi goglkwa.
Coração e Espírito novos
Deus promete dar um coração novo e um espírito novo. Pelo novo nascimento somos feitos participantes da natureza divina.
Yegl dugo, Jisas di ikne ede te, yegl dugwa, Na ene ka kaima di teiga, yoba ta u kor pikran, ye God yoba kingno mogl, ye suglno morabara i, suna ta pikrabiwe dugwa.
Edidre, ye ka wakai yene, bubuno erukwa promis di padigl norukwa. Ye promis di padigl norukwa i, ene pre gi dibi, God dem muduo pamere ama ene deno muduno yegl panabuka. Panan, yoba mudu tadaglme mina u kide pi meglkwa i, ama mokono tenamga pre promis i norukwa. Yoba tadaglme gun yei teigwa pre u kide pi kodigwa pre diga.