A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
Na mbona ghumji ghwenzeluke, Yerusalemu ya sambi, ghohulumka kulawa kulanga kwe Imulungu, ghukala ghoya ka pinga yapfalile pfinoghile kwa kukwelighwa ne mmale. Kuya nihulika litsi kulu kulawa hane chighoda che undewa, "Lola! Kaye ya Imulungu sambi ya mghati mwe iwanu, naye katsokala nawo. Nawo watsakuwa iwanu wake, naye Imulungu mwenyegho katsokala nawo, naye katsakuwa Imulungu wawo. Naye katsobaghusa chila sotsi. Kutsakuwa kuduhu keli ukufa, au kunyanyana, au kulila au usungu, kwaapfila aghala gha ghumwande ghahupa."
Ghumuhe we Imulungu kanikinda, naye malaika kanisola kangala kuchidando mwa dunda kulu na tali. Kanangusa ghumji ghwenzeluke, ghwa Yerusalemu, ghohulumka kulawa kulanga kwe Imulungu. Na ling’ala kwa utunitso we Imulungu, na ukung’ala kwake tsakwighala na ghamadini ighanoghile, ilighalile yasipi, ilipulika ka chiyoo. Ghumji agho tsaghukala na ubanda mkulu na mtali, na une mibani kumi na mili, na wamalaika kumi na weli tsawema hane mibani ayo. Mna mibani ayo ghandikighwa mataghwa gha makabila kumi na meli gha iwanu wa Isiraeli. Chila ubali tsakukala na mibani midatu, ubali wa kwalilawila litsua mibani midatu, ubali wa kuchang’a mibani midatu, ubali wa kuhisi mibani midatu na ubali kwaliswela litsua mibani midatu. Na ubanda we ghumji aghwo tsaghutsengighwa kwa ghamabwe gha ghumsingi kumi na meli, na mna chila libwe alyo ghandikighwa mataghwa gha watumighwa kumi na weli wa Mwanang’olo.
Sonile bae ng’anda ye Imulungu mne ghumji agho, kwaapfila Imtwatsa Imulungu Iyane Ngupfu na Mwanang’olo wa mmo hanu hake. Ghumji agho ng’aghubama bae litsua wala lwetsi kulilangatsila, kwaapfila utunitso we Imulungu wolilangatsila, na Mwanang’olo iyo chitasa chake.
Kuya malaika kanangusa ghumto ghwa ghamatsi gha ughima ighang’alile ka chiyoo, gholawa hane chighoda che undewa che Imulungu na che Mwanang’olo na ghahulumka kubitila haghatighati ha nzila ng’ulu ye ghumji. Chila ubali wa ghumto tsakukala mbiki wa ughima ighukweleka ghamatunda mala kumi na mbili kwa mwaka, ghwakweleka chila mwetsi, na mitsani yake yowahonetsa iwanu wa isi tsose. Kuduhu chinu chochose ichilighitighwe ichitsakuwa mne ghumji agho.
Chighoda che undewa che Imulungu na che Mwanang’olo chitsokala mne ghumji agho, na watumwa wake watsomtumikila yeye. Watsochona chihanga chake, na taghwa lyake litsakwandikighwa mpfihanga mwawo. Ng’akutsakuwa na chilo keli, ng’awatsobama bae chitsasa wala litsua, kwaapfila Imtwatsa Imulungu katsowamwemwesela, nawo watsotawala ghamatsuwa ghose.
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
Lekeni sambi woibama isi inoghile ghendo, isi ya kulanga. Apfo Imulungu ng’akona chinyala bae kukemighwa Imulungu wawo, kwaapfila kawatendela ghumji.
Lekeni mwemwe mchipfikila chidunda Sayuni, hane ghumji ghwe Imulungu iyali mghima, Yerusalemu ya kulanga, hamwe ne wamalaika wengi yang’awopeteka. Mwemwe mtsa mne mtingano we chihungo che iwanu we Imulungu, iwokemighwa welekighwa wa mwanduso we Imulungu, iwandikighwe mataghwa ghawo kulanga. Mtsa kwe Imulungu, yowahigha iwanu wose na muhe tse iwanu iwomnoghelesa Imulungu iwakamilike. Mwemwe mtsa kwa Yesu, mlamlitsi wa laghano lya sambi na idamu yake ighumitsighwe yolonga ghanoghile kubita idamu ya Abeli.
Lekeni Yerusalemu ya kulanga si isi ya chitumwa bae, nayo iyo mai wetu.
"Mleke kughanzika mna imimoyo yenu, mwomtoghola Imlungu, pfipfila mnitoghole na nene. Mng’anda mwa Aba wangu mna pfiheleto pfingi, ing’awile si pfipfo baye ning’awalongele, mana noghenda kuwaandalila hanu henu. Na ning’aghenda, na kuwaandalila hanu henu, nitsowoyila nimsoleni, ili ahala hanikala nene, na mwemwe mkale baho.
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
Hana mto, ipfikolongo pfake pfoghutenda ghumji ghwa Imulungu ghudeng’elele,
ghumji agho ghwa hanu helile hayokala yeye Iyali Kuchanya Ng’ani.
Nakutsa sambi, sikawa bae! Ukinde ghendo achila chawinacho, ili imunu aleke kukuboka ghweko lyako. Ayula iyohuma, nitsomtenda yawe ngutso mne ing’anda ye Imulungu wangu, ng’atsolawa hamwo bae. Pfipfila mna yeye nitsokwandika taghwa lye Imulungu wangu na taghwa lya ghumji ghwe Imulungu wangu, iyo Yerusalemu ya sambi, ghutsohulumka kulawa kulanga kwa Imulungu wangu. Pfipfila mchanya mwake nitsokwandika taghwa lyangu lya sambi.
na munu wowose ang’ahungutsa mbuli tsa chitabu chino cha unabii, Imulungu naye katsomboka fungu lyake kulawa hane mbiki we ughima na mne ghumji ghwenzeluke ka mbuli tsake pfatsandikighwe mchitabu chino.