Obediência aos pais
A obediência aos pais é mandamento divino com promessa de vida longa. A Bíblia valoriza a honra filial e ensina os filhos a respeitar e obedecer aos pais com amor.
Honrar pai e mãe
O quinto mandamento ordena honrar pai e mãe. É o primeiro mandamento com promessa: para que vá bem e vivas muito na terra.
ଆମ୍ୱେନ୍ ବାପାନ୍ ଡ ନନବେନ୍ଆଡଙ୍ ମାନ୍ନେବା, ସିଲତ୍ତେ ସଦାପ୍ରବୁ ଇସ୍ୱରନ୍ ଆମ୍ୱେନ୍ଆଡଙ୍ ଅଙ୍ଗା ଆଡେସା ତିୟ୍ତବେନ୍, ତି ଆଡେସାଲୋଙ୍ ଅଗୋୟ୍ ବର୍ସେଙ୍ ଅମେଙ୍ତବେନ୍ ।
ଇସ୍ୱରନ୍ ବର୍ରନେ, ‘ଆପେୟ୍ବେନ୍ ଅୟୋଙ୍ବେନ୍ଆଡଙ୍ ମାନ୍ନେବା,’ ଆରି ‘ଆନା ଆପେୟନ୍ କି ଅୟୋଙନ୍ଆଡଙ୍ ସୟ୍ପତେ, ଆନିନ୍ ରନବୁ ପନବ୍ରଡନ୍ ଞାଙ୍ତେ ।’
ଆପେୟନ୍, ଅୟୋଙନ୍ ଡ ପସିଜଞ୍ଜି
ଏ ପସିୟ୍ଜି, ପ୍ରବୁନ୍ ଆସନ୍ ଆପେୟ୍ବେନ୍, ଅୟୋଙ୍ବେନ୍ ଆ ବର୍ନେ ମାନ୍ନେବା । "ଆପେୟନ୍ ଡ ଅୟୋଙନ୍ ଆ ବର୍ନେ ମାନ୍ନେବା" କେନ୍ ଆ ବନାଁୟ୍ବର୍ଲୋଙ୍ ଅବୟ୍ ସନିବ୍ଡେୟ୍ବରନ୍ ଆମାୟ୍ମାୟ୍ ଡକୋ । "ଏତ୍ତେଲ୍ଡେନ୍ ଆମ୍ୱେଞ୍ଜି ସୁକ୍କ ସାମଙ୍ ଏଡକୋତନ୍, ଆରି ଆମ୍ୱେନ୍ ପୁର୍ତିଲୋଙନ୍ ଗୋଗୋୟ୍ ବର୍ସେଙ୍ ଅମେଙ୍ତବେନ୍ ।"
ଏ ଆପେୟ୍ଜି, ଅୟୋଙ୍ଜି, ପସିଜଞ୍ଜିଆଡଙ୍ ଆବ୍ରରାବ୍ତେଞ୍ଜି ଅନ୍ତମ୍ ଆ ବର୍ନେଜି ବର୍ରେ ଏବବ୍ରାବ୍ଡଙ୍ଜି, ଆର୍ପାୟ୍ ପ୍ରବୁନ୍ ଆ ବର୍ନେଜି ଞଙ୍ଞଙ୍ବାଜି ଆରି ତିଆତେଜି ଞଣ୍ଡ୍ରମ୍ନେନ୍ ଆସନ୍ ବର୍ବାଜି ।
Obedecer e respeitar
Filhos, obedecei a vossos pais no Senhor. A obediência filial é expressão de amor e temor a Deus.
ଏ ପସିୟ୍ଜି, ଅଡ଼୍କୋନ୍ ଆ ବର୍ନେଲୋଙ୍ ଆପେୟ୍ବେଞ୍ଜି ଡ ଅୟୋଙ୍ବେଞ୍ଜିଆଡଙ୍ ମାନ୍ନେଲେ ଡକୋନାବା, ଇନିଆସନ୍ଗାମେଣ୍ଡେନ୍ କେନ୍ ଏନ୍ନେଗନ୍ ଆ ଞଣ୍ଡ୍ରମ୍ନେଜି ପ୍ରବୁନ୍ ମାଡ୍ଡ ଲଡୟ୍ତେ ।
ଏ ଅ ଅନ୍ଞେନ୍, ଆପ୍ପେୟ୍ନମ୍ ଆ ଞନଙ୍ବର୍ ଅମ୍ଡଙା ଆରି ଅୟୁଙ୍ନମ୍ ଆବନାଁୟ୍ ଅମ୍ରେଙ୍ଡଙେ । ଇନିଆସନ୍ଗାମେଣ୍ତେନ୍ ତିଆତେ ଅବବ୍ନମ୍ ଆସନାୟୁମ୍ ରନୁବ୍ବବ୍ ଆରି ସଙ୍କାଲୋଙନ୍ ସୁନ୍ନାନ୍ ଆ ରନୁରୁ ଅନ୍ତମ୍ ଡେତେ ।
ଜୋଣ୍ଡଡ଼ିନ୍ ଆ ବିରୁଦଲୋଙ୍ ଅନବ୍କିଲ୍କିଲ୍ବର୍
ଏ ଡାଙ୍ଗଡ଼ାଅନ୍ଞେନ୍, ଆମନ୍ ଆପ୍ପେୟ୍ନମ୍ ଆବନାଁୟ୍ବର୍ ମାନ୍ନେଆ,ଆରି ଅୟୋଙ୍ନମ୍ ଆ ଞନଙ୍ଞଙ୍ ଅମ୍ରେଙ୍ଡଙ୍ । ତିଆତେ ଆଏଡ଼ର୍ ଉଗ୍ଗର୍ଲୋଙ୍ନମ୍ ୟୁଡ୍ଲେ ଡକ୍କୋଆ,ଆରି ସଙ୍କାଲୋଙ୍ନମ୍ ଜିଆ । ଆମନ୍ ତରଙିଁୟ୍ତନ୍ ଆଡିଡ୍ ତିଆତେ ଆମନ୍ଆଡଙ୍ ତଙରନ୍ ଅବ୍ତୁୟ୍ତମ୍, ଆରି ଆର୍ଲୁଡ୍ତ୍ତେନ୍ ଆଡିଡ୍ ତିଆତେ ଜନଗ୍ଗେମର୍ନମ୍ ଡେତେ, ଆମନ୍ ଆଡରୋତନ୍ ଆଡିଡ୍ ତିଆତେ ଆମନ୍ ସରିନ୍ କଡାଡ଼ିତନ୍ । ଇନିଆସନ୍ଗାମେଣ୍ତେନ୍ ତି ଆବନାଁୟ୍ବର୍ ପିଙ୍କତୋଡ୍; ଆରି ତି ଆବନାଁୟ୍ ସାଆର୍; ଆରି ଞନଙ୍ଞଙ୍ କନେଁୟ୍ ଅନମେଙ୍ ତଙରନ୍ ।
ଗିଆନନ୍ ଆ ଉପ୍କାର
ଏ ଅଅନ୍ଞେଞ୍ଜି, ଆପ୍ପେୟନ୍ ଆ ଞନଙ୍ଞଙ୍ବର୍ ଅମ୍ଡଙ୍ବା ଆରି ମନଙ୍ ଅନିୟମ୍ ଆ ଗିଆନଲୋଙ୍ ଡାଲୁଡ୍ବା । ଇନିଆସନ୍ଗାମେଣ୍ତେନ୍ ଞେନ୍ ଆମ୍ୱେଞ୍ଜିଆଡଙ୍ ମନଙ୍ ଞଙ୍ଞଙ୍ତବେନ୍, ବନାଁୟ୍ବର୍ଞେନ୍ ଏଅମ୍ରେଙ୍ଡଙେ । ଞେନ୍ ଆପ୍ପେୟ୍ଞେନ୍ ଆ ଡାଙ୍ଗାଡ଼ାଅନ୍ ଡକୋଲିଁୟ୍, ଆରି ଅୟୋଙ୍ଞେନ୍ ଆଗନିୟ୍ଗିୟ୍ଲୋଙ୍ ଲବଡ୍ଡି ଡ ଅବୟ ଡନୁଙ୍ୟମ୍ ଡାଙ୍ଗାଡ଼ାଅନ୍ ଡକୋଲିଁୟ୍ । ଆପ୍ପେୟନ୍ ଞେନ୍ଆଡଙ୍ ଞନଙନ୍ ତିୟ୍ଲେ ବର୍ରନେ । "ମନ୍ନଲୋଙ୍ନମ୍ ବର୍ନେଞେନ୍ ଡକ୍କୋଆ,ଆରି ବନାଁୟ୍ବର୍ଞେନ୍ ଅଡ଼୍କୋନ୍ ମାନ୍ନେଆ ଏତ୍ତେଲ୍ଡେନ୍ ଆମନ୍ ଅମେଙ୍ତମ୍ । ଗିଆନନ୍ ତର୍ତୁମା, ମନଙ୍ ଅନିୟମନ୍ ଞାଙା, ତିଆତେ କରୋଡାଡଙମ୍ ଆରି ତଅଡ୍ଞେନ୍ ଆବର୍ନେ ସିଲଡ୍ ମଡ଼େଙ୍ଡଙେ । ଆନିନ୍ଆଡଙ୍ ଅମ୍ରେଙ୍ଡଙେ; ଏତ୍ତେଲ୍ଡେନ୍ ଆନିନ୍ ଆମନ୍ଆଡଙ୍ ସାକ୍କେତମ୍; ଆନିନ୍ଆଡଙ୍ ଡୁଙ୍ୟମା, ଏତ୍ତେଲ୍ଡେନ୍ ଆନିନ୍ ଆମନ୍ଆଡଙ୍ ଡୋବ୍ତମ୍ ।
ଗିଆନଡମନ୍ ଆଡାଙ୍ଗାଡ଼ାଅନ୍ ଆପ୍ପେୟନ୍ ଆ ଞନଙ୍ଞଙ୍ବର୍ ଅମ୍ଡଙ୍ତେ; ବନ୍ଡ ନିଣ୍ତୟ୍ମରନ୍ ଆ ଞନଙ୍ଞଙ୍ବରନ୍ ଅଃନମ୍ଡଙେ ।
ଆ ସନ୍ନାଇଙନ୍ ମା ଆଡିଡ୍ ପସିଜନ୍ ଆନିନ୍ଆଡଙ୍ ଞଙ୍ଞଙ୍ବା; ତିଡେନ୍ ଆନିନ୍ ବୁଡାଏନ୍ ଜନଙ୍ଡେନ୍ ସେଙ୍ମଡ୍ଲେ ଆଜିର୍ତେନ୍ ଆତଙର୍ ସିଲଡ୍ ଅଃନାଡ଼ଏ ।
Disciplina e consequências
A vara e a repreensão dão sabedoria. A Bíblia adverte sobre as consequências sérias da rebeldia e desonra aos pais.
ଡାଙ୍ଗୋନ୍ ଡ ସାଞେଙ୍ବରନ୍ ଗିଆନନ୍ ତିୟ୍ତେ; ବନ୍ଡ ପସିଜନ୍ଆଡଙ୍ ଆଇସୁମ୍ଡମନ୍ ବାତ୍ତେ ଅମ୍ରେଙେନ୍ଡେନ୍, ଆନିନ୍ ଆୟୋଙନ୍ଆଡଙ୍ ଗବ୍ରୟ୍ମଡ୍ତେ ।
ଅଙ୍ଗା ଆ ଡାଙ୍ଗାଡ଼ାଅନ୍ ଆପ୍ପେୟବ୍ ଆନର୍ଜେ ଅଃମ୍ମୋସାତେ ଆରି ଆୟୋଙନ୍ଆଡଙ୍ ଗଙ୍ତେ ଆନିନ୍ ଗନ୍ଡ୍ରୟ୍ଜନ୍ ଡ ଗନବ୍ରଜନ୍ ଞାଙ୍ତେ ।
ଅଙ୍ଗା ଆମଡ୍ ଆପେୟନ୍ଆଡଙ୍ ସୟ୍ସୟ୍ମୁତେ ଆରି ଆୟୋଙନ୍ ଆବର୍ନେ ଆଲ୍ଲେତେ, ଗର୍ଡଞ୍ଜି ଆକାକାଜି ତବ୍ଲେ ପାଙ୍ତଜି କି ଅଡ଼ାଙନ୍ ଆ ଅନଞ୍ଜି ଜୋମ୍ତଜି ।
ଆରି ଅନ୍ନିଙ୍ ଆମନ୍ରା ଆପ୍ପେୟନ୍ ଅଡ଼େ ଆୟୋଙନ୍ଆଡଙ୍ ତିଡ୍ତ୍ତେ, ତିଡେନ୍ ଆପରାନ୍ନାନ୍ ଡନଣ୍ତାୟ୍ ଡେତେ ।
ଆନା ଆପ୍ପେୟନ୍ ଅଡ଼େ ଆୟୋଙନ୍ଆଡଙ୍ ସୟ୍ପତେ, ଆ ପିଙ୍କତୋଡନ୍ ଜବ୍ର ଲୋଙଡ୍ରେଙନ୍ ପନବ୍ଞିଡନ୍ ଡେତେ ।
ଡୁକ୍କନ୍ ଡ ଡନଣ୍ଡାୟଞ୍ଜି ଆପେୟନ୍ ଆ ସାସନ ଗାମ୍ଲେ ସଏଲେ ଡକୋନାବା, ଆନିନ୍ ଆମ୍ୱେଞ୍ଜିଆଡଙ୍ ଡାଙ୍ଗଡ଼ାଅନନ୍ ଅନ୍ତମ୍ ଞଣ୍ଡ୍ରମ୍ତବେନ୍, ଇନିଆସନ୍ଗାମେଣ୍ଡେନ୍ ଅଙ୍ଗା ଡାଙ୍ଗଡ଼ାଅନ୍ ଆପେୟନ୍ ଆମଙ୍ ସିଲଡ୍ ପନବ୍ରଡନ୍ ଅଣ୍ଡ୍ରଙ୍ ଞାଙେ, ଏନ୍ନେଗନ୍ ଆନ୍ନିଙ୍ ଡକୋ ପଙ୍ ?
ଅନ୍ନିଙ୍ ଆଜୁଆର୍ବୟ୍ ଆ ଡାଙ୍ଗଡ଼ାଅନନ୍ କି ଆ ଡାଙ୍ଗଡ଼ିଅନ୍ ଆରି ଆ ଉଲ୍ଲେଙଞ୍ଜି ଡକୋଏଞ୍ଜି ଡେନ୍, ଏତ୍ତେଲ୍ଡେନ୍ ଆନିଞ୍ଜି ପର୍ତମ୍ମୁ ଆସିଂମରଞ୍ଜି ଆୟୋଙଞ୍ଜି, ଆପେୟଞ୍ଜି, ଜୋଜୋନ୍ ଡ ୟାୟୋନ୍ଆଡଙ୍ ମାନ୍ନେଏତଜି, ଇନିଆସନ୍ଗାମେଣ୍ଡେନ୍ କେନ୍ ଆ କାବ୍ବାଡ଼ା ମା ଇସ୍ୱରନ୍ ଆଗନିୟ୍ଗିୟ୍ଲୋଙ୍ ମନଙ୍ ଗିୟ୍ତାତେ ।