Obediência aos pais

12 உன் தகப்பனையும் தாயையும் கனம்பண்ணு. அப்பொழுது உன் இறைவனாகிய யெகோவா உனக்குக் கொடுக்கும் நாட்டிலே நீ நீடித்து வாழ்வாய்.

16 உன் இறைவனாகிய யெகோவா கட்டளையிட்டிருக்கிறபடியே உன் தகப்பனையும், உன் தாயையும் கனம்பண்ணு, அப்பொழுது உன் இறைவனாகிய யெகோவா உனக்குக் கொடுக்கும் நாட்டிலே நீ நீடித்து வாழ்ந்து நலமாயிருப்பாய்.

4 ஏனெனில், ‘உனது தகப்பனையும், தாயையும் கனம்பண்ணுவாயாக’* என்றும், ‘தனது தகப்பனையோ, தாயையோ சபித்தால், அவன் கொல்லப்படவேண்டும்’* என்றும், இறைவன் சொன்னாரே.

1 பிள்ளைகளே, நீங்கள் கர்த்தரைப் பின்பற்றுகிறவர்களாக, உங்கள் பெற்றோருக்குக் கீழ்ப்படியுங்கள். இதுவே சரியானது. 2 "உங்கள் தகப்பனையும், தாயையும் மதித்து நடவுங்கள்." இதுவே வாக்குத்தத்தத்துடன் சேர்த்துக்கொடுக்கப்பட்ட முதலாவது கட்டளை. 3 "மதித்து நடந்தால், உங்களுக்கு நன்மை உண்டாகும். நீங்களும் இந்தப் பூமியில் நீடித்து வாழ்வீர்கள்"* என எழுதப்பட்டிருக்கிறது.

4 தந்தையரே, உங்கள் பிள்ளைகளைக் கோபமூட்டாதீர்கள்; பிள்ளைகளைக் கர்த்தரின் பயிற்சியிலும், அறிவுறுத்தல்களிலும் வளர்த்திடுங்கள்.

20 பிள்ளைகளே, எல்லாவற்றிலும் உங்கள் பெற்றோருக்குக் கீழ்ப்படியுங்கள். ஏனெனில், இது கர்த்தரைப் பிரியப்படுத்துகிறது.

பாவிகளின் அழைப்பிதலைக் குறித்த எச்சரிக்கை

8 என் மகனே, உன் தகப்பனின் அறிவுரைகளைக் கேள்;

உன் தாயின் போதனைகளை விட்டுவிடாதே.

9 அவை உன் தலையைச் சிறப்பிக்கும் மகுடமாகவும்,

உன் கழுத்தை அலங்கரிக்கும் பொன் மாலையாகவும் இருக்கும்.

விபசாரத்தைக் குறித்து எச்சரிக்கை

20 என் மகனே, உன் தகப்பனின் கட்டளைகளைக் கைக்கொள்,

உன் தாயின் போதனையை விட்டுவிடாதே.

21 அவற்றை எப்பொழுதும் உன் இருதயத்தில் வைத்துக்கொள்;

அவற்றை உன் கழுத்தில் கட்டிக்கொள்.

22 நீ நடக்கும்போது அவை உனக்கு வழிகாட்டும்;

நீ தூங்கும்போது, அவை உன்னைக் கண்காணிக்கும்;

நீ விழித்தெழும்பும்போது, அவை உன்னோடு பேசும்.

23 ஏனெனில் இந்த கட்டளைகள் ஒரு விளக்கு,

இந்த போதனை ஒரு வெளிச்சம்,

நற்கட்டுப்பாடும் கண்டித்தலும்

வாழ்வுக்கு வழி.

ஞானமே மேலானது

1 பிள்ளைகளே, தகப்பனின் அறிவுரைகளைக் கேளுங்கள்;

கவனமாயிருந்து புரிந்துகொள்ளுதலைப் பெற்றுக்கொள்ளுங்கள்.

2 நான் உங்களுக்கு நல்ல ஆலோசனையைத் தருகிறேன்,

எனவே நீங்கள் எனது போதனைகளைக் கைவிடாதிருங்கள்.

3 நான் எனது தகப்பனுக்குச் செல்ல மகனாய்,

என் தாய்க்கு அருமையான ஒரே பிள்ளையாய் வளர்ந்து வந்தேன்.

4 அப்பொழுது என் தகப்பன் எனக்குப் போதித்துச் சொன்னதாவது:

"நான் சொல்லும் வார்த்தைகளை உன் இருதயத்தில் வைத்துக்கொள்;

நீ என் கட்டளைகளைக் கைக்கொள், அப்பொழுது நீ வாழ்வாய்.

5 ஞானத்தையும் புரிந்துகொள்ளுதலையும் பெற்றுக்கொள்;

எனது வார்த்தைகளை மறக்காமலும் அவற்றைவிட்டு விலகாமலும் இரு.

6 நீ ஞானத்தை விட்டுவிடாதே, அது உன்னைப் பாதுகாக்கும்;

அதை நேசி, அது உன்னை காத்துக்கொள்ளும்.

1 ஞானமுள்ள மகன் தன் தகப்பனின் அறிவுரையை ஏற்றுக்கொள்கிறான்;

ஆனால் ஏளனக்காரர்களோ கண்டிப்புக்கு செவிகொடுப்பதில்லை.

6 பிள்ளைகளை அவர்கள் நடக்கவேண்டிய சரியான வழியில் பயிற்றுவி;

அவர்கள் பெரியவர்களாகும்போது, அதைவிட்டு விலகமாட்டார்கள்.

15 பிரம்பும் கண்டனமும் ஞானத்தைக் கொடுக்கும்,

ஆனால் தன் விருப்பப்படி வளரவிடப்படுகிற பிள்ளையோ, தன் தாய்க்கு அவமானத்தைக் கொண்டுவரும்.

26 தங்கள் தகப்பனின் பொருட்களை அபகரித்து,

தங்கள் தாயைத் துரத்திவிடுகிறார்கள் வெட்கமும் அவமானமும் கொண்டுவருகிற பிள்ளைகள்.

17 "தன் தந்தையை ஏளனம் செய்து,

தாய்க்குக் கீழ்ப்படிவதைக் கேலி செய்கிறவனுடைய கண்களை

பள்ளத்தாக்கிலுள்ள அண்டங்காக்கைகள் கொத்திப் பிடுங்கும்,

கழுகுகள் அவற்றைத் தின்னும்.

15 "தன் தகப்பனையோ தாயையோ தாக்குகிறவன் கொலைசெய்யப்பட வேண்டும்.

அடங்காத மகன்

18 தாய் தகப்பனுக்குக் கீழ்ப்படியாதவனும், அவர்கள் கண்டித்து நடத்தும்போது, அவர்களுக்குச் செவிகொடாதவனும், பிடிவாதமும், கலகமும் செய்யும் ஒரு மகன் ஒரு மனிதனுக்கு இருக்கக்கூடும். 19 அவனுடைய தகப்பனும் தாயும் அவனைப் பிடித்து, தங்கள் பட்டணத்து வாசலிலுள்ள சபைத்தலைவர்களிடம் கொண்டுபோக வேண்டும். 20 பெற்றோர் அந்த சபைத்தலைவர்களிடம் எங்களுடைய இந்த மகன், "பிடிவாதக்காரனும், கலகம் பண்ணுகிறவனுமாய் இருக்கிறான்; இவன் எங்களுக்குக் கீழ்ப்படியமாட்டான். இவன் வீண்விரயம் செய்பவனும், குடிகாரனுமாய் இருக்கிறான்" என்று சொல்லவேண்டும். 21 அப்பொழுது அப்பட்டணத்திலுள்ள மனிதர் எல்லோரும் அவன்மீது கல்லெறிந்து கொல்லவேண்டும். இவ்விதமாய் உங்கள் மத்தியிலுள்ள தீமையை நீங்கள் அகற்றவேண்டும். அப்பொழுது இஸ்ரயேலர் யாவரும் இதைக் கேட்டுப் பயப்படுவார்கள்.

20 ஒருவன் தகப்பனையோ தாயையோ அவமதித்தால்,

கடும் இருட்டில் அவன் விளக்கு அணைந்துவிடும்.

7 கஷ்டங்கள் வரும்போது அவை உங்களைத் திருத்துவதற்காகவே வருகின்றன என்று அறிந்து, சகித்துக்கொள்ளுங்கள். ஏனென்றால் இறைவன் உங்களைத் தமது பிள்ளைகளாக நடத்துகிறார். தனது தந்தையினால் தண்டித்துத் திருத்தப்படாத மகன் எங்கே இருக்கிறான்?

4 ஆனால் ஒரு விதவைக்குப் பிள்ளைகளோ, பேரப்பிள்ளைகளோ இருந்தால், முதலாவது அவர்கள் தங்களுடைய சொந்தக் குடும்பத்தைப் பராமரிப்பதின் மூலம், இறை பக்தியை நடைமுறைப்படுத்தக் கற்றுக்கொள்ளட்டும்; இப்படித் தங்கள் பெற்றோருக்கும், பெற்றோரின் பெற்றோருக்கும் செய்யவேண்டிய கடமைகளைச் செய்யட்டும். ஏனெனில், இதுவே இறைவனுக்குப் பிரியமாயிருக்கிறது.