Obediência
A obediência a Deus é a resposta natural do amor. Jesus disse: 'Se me amais, guardareis os meus mandamentos.' A obediência abre portas de bênção e nos aproxima do coração de Deus.
Obedecer é melhor que sacrificar
Deus deseja obediência acima de rituais. O sacrifício sem submissão ao Senhor é vazio de significado espiritual.
Ana tawa teigwa yoba bitno moglkwa i yegl dugwa ba Pita ya Jisas dedugwa yoba i, ye mudu ere mogl, di ikne ede te, yegl digwa, No God kamo sedidre, yoba kano duglo boramga i, kuno erekrukwa. No God swara kamo duglo boramga pamiwe digwa.
Jisas ye adigl u kor ogwa kamo i, no yoba di tomgo, Mudu Murubuglo ama yoba koglo di te moglkwa. Mudu Murubuglo pre dumga i, ene Israel bitno yoba God kamo sedigwa pre Mudu Murubuglo ikrikwa. Ene ikrikwa ba yoba ye God kamo sedekre, ye dumere erikwa i, God ye Murubuglo tomiwe di, Jisas dedugwa yoba i yegl digwa.
Jisas ye God Wam moglkwa ba ye giugl yubun yumara i, yoba giugl prisre, God kamo duglo beglmere ye ama beke i kodugwa. Ye kuno ere beke yugwa pre God ye nono tawa teigwa bitno yagle morabedi padiglsre, Ene Melkisedek okna tawa togwa moglmere mere moratne dugwa. Yegl pre yoba ta Jisas duglo beglkwa i, ye tawa teigwa bitno yoba moglsre, aimadi kamin wakai kaima moraiglmedi ake ple di norukwa.
Obedecer aos mandamentos de Cristo
Jesus vinculou amor a obediência. Quem ama a Deus guarda seus mandamentos, e seus mandamentos não são pesados.
Ene deno muduno naribi, na kana duglo boraiglkwa.
Yegl dugo, Jisas di ikne ede, yegl dugwa, Yoba kane suo mere yegl meglkwa. Ta dem muduo narabuka i, na ka diga i, ama duglo borabuka. Yegl eran, na Nina yoba i dem muduo tenan, na Nina bogl akie yoba i moglmara udre, ye moglmara suna mogl tenabuglka.
Te, deno muduno God tenamga mabuno i, yegl mere paugwa, God ta erio dumere i, erumun, nono deno muduno God tomga mere yegl panabuka.
Te, God siragl mere erio di norukwa i, nono duglo boramga i, yubude ta paikrabuka.
Na dena muduna teiga meglkwa i, nono ka i mina yage sikrumnedi prumun, nono kudugl goglkre, kamage eramga. Te, God kamo duglo boglsre, mabuno wakai kanumere ta erumun, God siragl mere agle di tenamnere i, ere norabedi pramga.
Yoba yugu keigwa ka ebrie
Jisas ka ta ama yegl dugwa, Ene na pre Yagl Kade yo di moglsre, na kana duglo boglkrikwa i, na kide priwe dugwa.
Ana Jisas ka yegl di kodidre, ye yoba mudu yegl di togwa, Yoba ta na duglo boragledi prabuka i, yoba ede prak kake ede eigo, si geglmere mere yegl, ye ege ege gorabuka i pre gun yedre, te ye yene nomanemo si goglsre, na duglo borabuka paugwa.
Obedecer e praticar a Palavra
Sejam praticantes da Palavra. Quem ouve e pratica é como o homem sábio que construiu sobre a rocha firme — inabalável.
Ana ene God kamo praiglkwa ba dumere ta erekribi, ene enene bakaiglkwa mere yegl panabuka pre ye dumere eraiglkwa paugwa.
Ana ene God kamo praiglkwa ba dumere ta erekribi, ene enene bakaiglkwa mere yegl panabuka pre ye dumere eraiglkwa paugwa.
Yegl pre ene God moglmara mogl atne edidre, yagl kide bakagl noro dinabedi adigl gigledi molo! Ene yegl eribi, yagl kide ene meglmara kide kodo, teke ede enabuka.
Bênçãos da obediência
A obediência abre caminho de bênçãos e prosperidade. Deus promete vida, saúde e vitória aos que andam em seus caminhos.
Yegl pre God lomo swara ta kebra yenabuka i, yoba ta kide kodidre, yoba pere ama lo i duglo boglkraiglmedi beke tenan, God yoba kingno morabuka igne, ye kagie atne kaima yenabuka. Ba yoba ta God lomo duglo boglsre, yoba pere duglo boraiglmedi beke tenan, God yoba kingno morabuka igne, ye kagie kade panabuka.
Na agrama abarama, ene dena muduna suna meglkwa i, nono kaima ogono nagino kor idre, aimadi kamin kor moramga pre ene adigl gigledi moglsre, kinano suo gudukrio. Te, ene Yagl Kade kogonmo erikwa i, ere yoko edumnedi prikrio! Ene ye kogonmo erikwa i, Yagl Kade kan moglsre, topo wakai okuo norabedi pre mogl, ye kogonmo gigledi ere pai molo!
I siragl pre yagl swara ta God kamo sedumara yoba mere kide ede u tadaglme yoba pi meglkwa ba yagl swara ta God kamo duglo boglsre, kogon erumara i mina yoba mere kide God gumuglo mina yoba du moraiglkwa.
Ana God ere mogl, ye lomo yoba togwa i, yoko ta tekrukwa. Yoba tadaglme erikwa i, podo kide eunedi pre pogl sinaiglkwa pre togwa. Ye lo togwa i yoba prisre, tadaglme siragl mere paugwa i pre kan erikwa ba tadaglme ere ede podo eigwa. Yegl erikwa ba God ye yoba yoko kaima ere yugwa mabunomo i, ama ede u podo kide ogwa. Yoba swara ta tadaglme podo kide eran, God ye ere inabuka ta kuno erekrabedi pramga i ta manugwa.
Submissão e consagração
Apresentar o corpo como sacrifício vivo é o culto racional. A obediência se expressa em submissão, serviço e consagração total a Deus.
Nono ogono nagno God tenamga
Agrama abarama wagle, God mitno podo goglsre, nono ere wakai ere noro kodugwa i pre na ene di tenagledi prika i, ene ogono nagino God tenaiglmedi prika. Yoba sipsip si gogl, mudu gagl tawa teimere mere yegl, ene kor meglmere i, ogono nagino mudu God tenaiglkwa i pre diga. Ene ka kaima God kagie kade tenamnedi pribi, ene yegl eraiglkwa. Yegl eribi, God ama wakai prabuka.
Ene mogl pai eraiglmara i, yoba meda God bogl moglkrikwa i mogl pai erimere yegl erekrio! Ene God nomane norabedi agai tebi, God ene nomane kor kor inaiglmedi tenabuka. Tenan, God ene siragl mere eraiglmedi prukwa i, ene pre pogl sinaiglkwa. God mabuno tau wakai kanugwa i, mabuno wakai ya mabuno du i, ene kaima pre pogl sinaiglkwa pre diga.
Te, ene Yagl Kade kogonmo erikwa i, ene nomano mina ka kaima eramnedi prisre, oglka erekre, kogon podo ere pai molo.
Mudu Murubuglo Owo di teigwa i, ye kaima God gagiglema meglkwa.
Gavman yoba moraiglmara mogl atne edinamga
Ana yoba kade gavman meglkwa i, God prumere u nono bitno meglko, God yene no bitno moraiglmedi i edugwa pre ye meglmara mogl atne edidre, kano pramga paugwa.
Gavman yoba moraiglmara mogl atne edinamga
Ana yoba kade gavman meglkwa i, God prumere u nono bitno meglko, God yene no bitno moraiglmedi i edugwa pre ye meglmara mogl atne edidre, kano pramga paugwa. Yoba ta ye kano sedibi, ye ama God kamo sedigwa. Yoba mabuno yegl ta eribi, ye ka inaiglkwa.
God yegl mere ake ple di narsre, na ene meglmara unatnedi pran, pra na gun yedre, ene meglmara unaglka. Wibo, ene bogl akie mun, na kuri ta mogl, ir si prisre, aglke ede kantri Spen enaglka.
God ye Jisas kagie podo kide togwa i, okuo yoba mudu goglkono bodugl tedre, drano mina Jisas Krais swara Yagl Kade moglmiwe dinaiglkwa pre kagie kade togwa. Yoba heven ibo meglkwa mo makandigle meglkwa mo makan atne meglkwa i, mudu kaima goglkono bodugl tedre, Jisas Krais Yagl Kade moglmiwe dinaiglkwa keme paugwa. Dibi, God Nem ama kagie kade inabuka.
Gak tau neno manoma kano prikwa meglmere yegl, ene moraiglkwa paugwa. Ene okna God moglkwa i pre pogl sikre, taragl kane kane deno muduno mina pogglau boglkwa i, duglo beglkwa ba ene erme yegl ta ere moglkraiglkwa paugwa.
Yegl dugo, yagl i di ikne ede yegl dugwa, God lomo yegl dugwa, Ene den mudun bogl mudu Yaglnen Kade God tedre, ene nomanen ya yobugln bogl mudu te ene mudu motnere God to dumiwa, te ene enene wakai kanere mere yegl, yoba ta magigl akie kipanaiglkwa i, ama yegl mere wakai kano di, God lomo yegl dume dugwa.
Jisas yoba di te, Ene kudano ikne eribi, ere ikne ede tekrio dugwa
Ana Jisas ka yegl di kodidre, ama yegl dugwa, Ene na kana pre meglkwa yoba i, na ene ama yegl di teiga, ene kudano ikne deno muduno teo! Te, yoba ta ene kide kanaiglkwa i, ene ere wakai ere teo. Te, ye ka kide di tenaiglkwa ba ene ka wakai di ikne ede teo. Te, ene ta ere kide ere tebi, kamage ere teo.
Ene na ta kere ikrikwa ba nana ene kere iga. Ene pi mogo keglbi, aimadi panabedi pre ene kere iga. Na ene kere iga i, na kagna mina ene siragl ta inamnedi Nina di praiglkwa i, tenabuka.